黃埔小廚

Open Now

Now Closed

想食大排檔小炒唔一定要去深水埗、佐敦，果啲純粹食風味，味道方面麻麻‼️今日無意中發現呢間街坊隱世私房小廚街坊嘅價錢，私房菜嘅質素❤️「懷舊芝麻雞」呢道菜係手工菜，平時都係酒樓先會食到，仲要唔係間間酒樓都有，重點係街坊小店都有擺盤呢方面都好加分芝麻佈滿喺每塊雞皮上面，雞皮脆卜卜好香口，雞肉應該係新鮮雞，雞味濃又夠嫩滑「黃金鮮魷」第一次食到咁大塊、咁厚肉嘅黃金鮮魷❤️真係好真材實料，係用新鮮魷魚‼️起沙嘅鹹蛋黃包住軟彈嘅魷魚，一啲韌嘅口感都無「脆皮咕嚕肉」冰糖嘅脆感包裹住每舊肉，最鍾意係無咩肥豬肉，一啲都唔肥膩，應該係豬梅肉，肉質特別軟彈「魚香茄子煲」魚香茄子煲夠晒鑊氣好好食，啲茄子先走油，入口唔會淋哂，好有口感‼️

避風塘炒蟹以其獨特的風味和鮮美的食材而聞名。這道菜的蟹肉鮮嫩，配上蒜蓉、辣椒和香料，炒至金黃酥脆，香氣四溢。尤其是那種辣味與蒜香的完美結合，讓人一試成主顧。黃金鮮魷是一道色香味俱全的美食。它的外皮金黃酥脆，咬下去時能感受到鮮嫩的魷魚肉質，彈牙又多汁。搭配特製的醬料，讓每一口都充滿了香氣與風味，令人垂涎欲滴。無論是單吃還是搭配啤酒，都是絕佳的選擇，讓人難以忘懷。炸乳鴿是一道令人垂涎的美食。外皮金黃酥脆，散發著誘人的香氣，讓人忍不住想要品嚐。當咬下去時，外層的酥脆感與內裡的嫩滑肉質形成鮮明對比，肉質鮮美、汁液豐盈，讓人感受到滿滿的幸福感。讓每一口都令人陶醉。無論是作為下酒菜還是宴客佳品，炸乳鴿都是一道令人難以抗拒的美味。

最近都積極發掘下啲人情味小店見到間黃埔新開張嘅小炒平時都鍾意食粵菜多啲依家天氣凍凍地仲有羊腩煲選擇幾正！-古法雙冬支竹新鮮羊腩煲 $480份量超大一打開已經成間店舖都好香我覺得精粹在於佢啲新鮮支竹好高質羊肉炆得好腍夠香唔會比蘇味蓋過咗-豉油王鵝腸$128我食過最好嘅外牆係喺潮州第2好食就已經係呢度！鵝腸入面嗰層肥膏入口即溶加埋煙靭嘅口感一啖配埋下面墊住嘅芽菜口感一流-足料蠔仔粥$128個名叫足料蠔仔粥因為真係好足料大大話話有超過60隻蠔入口爆漿嘅感覺最鍾意係佢嘅米粒仲係好完整唔會變咗漿糊嘅感覺

又係食羊腩煲的好日子!黃埔小廚位於紅磡廣場附近成功解鎖咗我嘅新地圖🙈✨古法雙冬支竹新鮮羊腩煲份量十足，熱辣辣嘅羊腩煲每件羊肉都食到皮肉層層分明加埋鹹香腐乳醬，味道更豐富湯汁係偏向藥材味，唔甜，但濃厚!✨玻璃皮炸乳鴿一咬落去層皮好似食薯片咁透薄又香脆，淡淡油香肉質不算滑，主要係原汁原味再加少少准鹽點綴✨黃金鮮魷推薦!! 出奇地濃而不膩!!鮮魷爽脆彈牙，吸收晒鹹蛋黃精華令人一口接一口停不了🤤🤤🤤🤤

經朋友介紹到紅磡區吃羊腩煲，這家特色食店是位於何文田站附近，食店的內部環境衛生，服務員有笑容。古法雙冬支竹新鮮羊腩煲熱辣辣，大大煲，材料豐富，羊腩鮮味十足，有肥有瘦，脂肪甘香，瘦肉有嚼勁，支竹美味，蘿蔔清甜，馬蹄爽口，冬菇厚身，芹菜新鮮，醬汁濃味。送生菜一碟，生菜新鮮爽脆，味道鮮甜。鮮菠蘿脆皮咕嚕肉，菠蘿新鮮香甜，咕嚕肉外層脆卜卜，內層肉嫩多汁，醬汁酸酸甜甜。潮汕蠔仔粥，蠔仔漲卜卜，味道鮮甜，方魚香口，土魷惹味，豬肉碎味道正常，粥底咸味適中。炸乳鴿外脆內軟，鴿肉多汁味濃。

朋友介紹我去紅磡嘅黃埔小廚， 位置在青州街紅磡廣場附近，店鋪不是很大，大概有八九張枱，整體清潔乾淨！但食物製作超級認真及有驚喜，店內多款菜式，由於我們只有三個人，所以只點了六度菜！椒鹽鮮魷，羊腩煲，炒蟶子，乳鴿等等！羊腩煲嘅羊肉炆得適中，很野味！其他配菜如枝竹，冬菇，蘿蔔味道都一流，食個包你返尋味。咕嚕肉皮脆肉嫩，唔係度度食到！脆皮乳鴿，超級香脆！還有一定要試的甜品一口芋沙應該很難找到地方可以品嚐 ！值得推介！