Menya Tontonbyoushi (Closed)

雞軟骨同雞翼無味，辛拉麵重味精，湯底咸，食完狂飲水，連個度提供既茶都似茶餐廳啲茶水，淡味又難飲。一定不會再去叫左二人餐，中伏，應該不可一不可再。食左$245，講真就算免費都唔食。明明見到有好多like, 得5個unlike, 冇睇詳細食評，中哂伏。好慘，總之好難食，就係咁簡單。食剩好多，所以食完去左第二間食。差差差差差…Read More

同朋友兩個人又去尖沙咀揾食，本身想去嘉蘭圍食韓國野，去刊先發現原來己經執左 so sad...於是就求其揾間舖入去啦。 見到呢間豚豚拍子，個名咁得意，裝修又咁日式。坐低就叫左個二人餐，都唔算貴2百幾 可以一人一個主菜，3個小食， 咁梗係試食人氣野啦 叫左兩碗白豚拉麵 1人1個蟹籽沙律，再加一份餃子。蟹籽沙律正常，除左沙律醬多d之外都冇咩問題。到拉麵上檯喇！一上黎己經見到同平時白豚湯顏色比較深。咁可能唔同煮法啦，試啖湯先，一試就知中伏，湯好鹹，好味精 ，好似食即食麵既湯 再試啖面，喂！日式拉麵？點解我食緊上海拉麵？ Why? 馬上放棄呢碗不知所謂既垃圾！再試下佢個餃子，首先佢上菜既時候已經係暖，咁都知呢種餃子係交貨既，但皮硬內乾。總結係，我覺得自已完全浪費左2百蚊。乍地亦都浪費左舖頭既裝修同名，建議改名做豚豚拍檯！…Read More

位於尖沙嘴嘅小巷裡面，我地坐左係吧檯，後面有一家四口坐係卡位，熱熱鬧鬧。係Openrice度見到二人餐menu好似唔錯，叫完之後簡直係超值！睇下幅相，連影都影唔晒所有嘢食就知道二人餐幾豐富首先有兩個主食，我地叫左一個拉麵，一個豬扒滑蛋丼。滑蛋丼熱辣辣，好大份！小食方面可以揀三個，記得差唔多有十個選擇，而我地就揀左炸雞、燒雞翼、餃子。本來以為套餐嘅小食一定得幾粒，點知我估錯啦，炸雞有4大塊！燒雞翼有4串！餃子有6隻！真係隱藏小店呀…Read More

鰻魚飯～:)鰻魚ok, 飯似日式飯，但鰻魚汁少得可憐，已經叫佢再加少少汁，都好似食白飯甘燒魷魚～食唔到燒既口感，上台係凍既，好失望豚肉餃子～皮唔脆，上台暖既，皮厚南瓜薯餅～上台熱辣辣，呢個唔錯可以一試另外試左拉麵，無乜驚喜，湯比較味精，拉麵本身口感偏淋，當快餐食可以接受…Read More

見到openrice有咁多正評，心諗應該都唔差，加上門口貼住新X期必食，就諗住試吓。我嗌左個灸燒三文魚丼($88)。個餐跟一碗湯同一個小沙律（薯仔沙津）。湯同沙律都正常。唔正常嘅係個主菜首先佢個飯係暖，牛油果同三文魚係凍嘅，夾埋一齊食就好奇怪。飯同三文魚比例都好差，多飯少三文魚。三文魚不是太新鮮。加埋沙津醬，仲奇怪，唔加會好啲。友人嗌左個拉麵（$78），我無試過。但佢嘅感想係湯底似出前一丁，超多味精。埋單兩人加埋$183結論：不值 …Read More

如標題一樣，外表，裝修雖然係日本feel, 但係入面所有員工講國語同唔知咩鄉下話，感覺怪怪，大煞風景。講返D拉麵🍜，真心，好過某連鎖拉麵店，湯比其濃，但由於有咁日本風格裝修襯托下，就會自然期望食碗有水準既拉麵，呢家未做到，仍有好多進步空間！努力💪兩碗拉麵賣相都係一般餐飲係奶茶，加上店員全講國語，態度亦做不到日本人那種親切友善，在此用餐，感覺怪怪的。…Read More

大年初2🎋 商場靜靜的 好多食肆都沒開。。看過戲後時間都不早 得找間餐廳吃個飯。很久沒逛過這裡了，原來已是面目全非 很多餐廳都轉手，熟悉面孔都不見了。逛著逛著 看到這家日式餐廳好像不錯 也沒吃過，就決意試試。點選了2人餐，2款主食配3款小食，很快到餐 很豐富呢。[鰻魚飯🐟🍚]`[豬豚骨拉麵🐽🍜] + [餃子🥟]`[燒八瓜魚🐙]`[天婦羅南瓜餅🍘] 鰻魚一貫很好下飯 也算肥美漂亮；豬豚骨也多軟骨 軟滑入味好吃；餃子也是日式口味；八爪魚略嫌燒得不夠好；天婦羅南瓜餅就夠乾身 內裡軟綿 這個好好食呢，伴碟有椰菜絲 沙律醬可點 吃點菜中和飽滯感呢。..一間帶和風味既餐廳，挺喜歡這個新鮮格局。下次有機會再試試其他款式吧。新年快樂🎋..…Read More

同朋友係尖沙咀行街，見好耐冇食過拉麵，所以就入咗呢間喺橫街入邊嘅拉麵店先唔講嘢食嘅質素，本身以為我哋去嘅時候係下午茶時間，所以人流唔多，但我哋食咗兩個鐘，成間鋪頭都剩係得我哋呢一台客人我哋食到一半嘅時候店員仲無啦啦熄咗全間鋪頭嘅燈，好彩我哋坐得近門口，如果唔係黑媽媽真係俾佢嚇死:(我叫咗最普通嘅拉麵，但係估唔到啲豬軟骨肥到剩係得肥膏而且樂餐嘅時候侍應亦都冇問我個拉麵需唔需要硬身或者淋身，係我自己主動話要硬啲，但其實最後係冇分別都係軟林林極差嘅拉麵…Read More

好耐無係香港食到放唔入口既野。呢間野介咁多正評真係神奇。如果你係土生土長既香港人，或者食過正常日式食物，你未必想食呢一間野😊-話說經過TST見到呢間野，鋪頭位置唔明顯似隱世小店，加上日式餐廳，就好奇入去食晚餐🍴入到去已經聽到「譚仔話」，廚房師傅同樓面都好大口音，唔似香港人👍🏻-坐底叫野食，叫左個二人餐諗住星期六食開心d。等左好耐終於上菜，一放入口，一陣港式街頭小食味出晒黎。非常之重胡椒味，媽咪麵嗰浸味精味，有一下以為自己食緊深圳東門街頭小食外賣。佢主菜個拉麵基本上係出前一丁嗰種湯底，個吉列豬扒滑蛋飯濕到好似食緊粥咁🍱-最後頂唔順太難食到無食晒就比錢走。走個陣我已經同收銀個阿姐投訴啲嘢食太難食。我問埋個收銀廚房個師傅係日本人定中國人？佢好誠實答我中國人。我再望廚房個阿叔，忽然明白呢間係間中國人經營的日式餐廳。唔怪得啲所謂「日式食物」咁中國風。-如果你只係一個想食餐正常既，去隔離譚仔／南記你會開心d，起碼叫一分錢一分貨。呢度消費大約$100一位，呢個價錢喺香港其實真係可以食返啲正常少少嘅日本野。…Read More

好難得印尼餐廳好多人，要排隊...所以即時轉軚，去食拉麵! $60-$70 一碗拉麵仲有飲品，好抵!最開心係好食，多料 😋 雖然唔係特別出色，但係絕對食得過! 赤豚拉麵 ~ 無乜辣味，一 d 都唔辣! 加少少錢有小食，煎餃子係首選! 皮薄，係煎嘅，我唔喜愛明明寫煎餃，但係出到嚟變成炸餃! 所以呢個好喜歡，每人限叫一客小食，我哋一行3人叫左2客餃子!炸蠔都唔錯，一客有3隻，外皮香脆，咬落一口蠔汁! 我哋仲加左隻糖心蛋，呢隻蛋就有少少失色喇，熟左少少! …Read More

比起其他拉麵店，呢間位於尖沙咀嘅拉麵店比較平，而且都幾近地鐵站，所以就同朋友一齊去試下，六點半左右成間鋪頭已經幾乎爆滿，雖然都多人試，但係拉麵嘅味道就普普通通，不過呢個價錢來講，就真係幾抵食嘅！但叫只係大約70至80$，叫套餐即係拉麵再加一款小食，都只係$100樓下！座位都尚算舒服唔錯㗎！佢份餃子都算係above average!!! 拉麵嘅湯底就比較普通，但係勝在麵質唔錯，再加埋佢嘅叉燒唔會太肥，食落就唔會覺得太油膩！…Read More

$68茶香蒜豚骨拉麵-湯好油完係感覺唔到用心煲，配料好咸,食完勁口乾 唔知點解杯奶茶勁奇怪用MINNIE杯, 一上檯我搵糖包, 搵黎搵去都搵唔到, 咁飲一啖先啦...先決定係咪真係需耍。哇, 我終於明點解唔洗糖包啦~超超超超超超糖...+ $18餃子-好容易散開,味道過得去，但唔係好食。『一夾就皮破餡流』我發現唔係得我一個食客係食評有呢個評語。大讚香辣蒜油,無佢我絕對食唔晒D拉麵, 頂唔順D油湯,拎左D麵出黎加辣蒜油，刺激味蕾，味道野味!$79照燒雞扒定食,正常。雞扒唔會燒到太乾,剛剛好, 又多汁,一個餐又有沙律又有湯算係唔錯。總括,食物質素唔吸引我, 而且店員真係好嘈,成班係到講鄉下話,大聲到全店聽佢地講野~~…Read More

餐廳位於橫行，都幾僻。餐廳環境都ok，幾乾淨，卡位坐得幾舒服。二人套餐(2款拉麵+3款小食)$208白豚拉麵兩塊薄切偏瘦叉燒，雖然唔係半肥瘦，但都煮得幾腍，唔會難食(不過重口味既我都係更偏好肥叉)。拉麵屬於幼身，軟硬程度剛剛好。湯底非常滾，相信天氣凍既時候食會仲正。我鐘意尼個湯底既味道，配埋拉麵一齊食好味。(個人口味: 4/5)豚軟骨拉麵(+$10紫菜)豬軟骨有3件，紫菜有4片，普通既豬骨湯底。"友人"鐘意叉燒多過豬軟骨。豬軟骨拉麵要額外+$10，但亦多左隻流心蛋，"友人"對於流心蛋表示非常滿意，好食。試左"友人"既豬軟骨，炆到好腍，好味，但我覺得豬軟骨既醬汁掩蓋左豬骨湯既味道，下次可以問下豬軟骨可唔可以另上。(個人口味: 3.5/5)炒魷魚鬚以套餐既小食而言，份量算多。魷魚鬚幾嫩，有趙口，唔會整到好硬咬唔到。醬汁好甜，惹味，好食，絕對對得住尼個價錢。(個人口味: 3.5+3.9/10)燒魚餅兩塊薄薄既魚餅。"友人"覺得點埋薑蓉，辣辣地，幾惹味；但我就唔鐘意點薑。(個人口味: 3.2+3.7/10)燒雞翼2串及燒雞軟骨2串上菜時傳來淡淡既鹽味/串燒味，但唔似係即叫即燒，似係返熱，雞翼太乾身，無乜肉汁，麻麻地。雞軟骨比雞翼好食。(個人口味: 3+3.1/10)$208既二人套餐真係抵食，價錢唔貴，又可以食到咁多款小食(平時既拉麵店應該叫2碗拉麵加多一個小食已經超過尼個價錢)。不過都視乎你想唔想食多d小食啦，如果叫2個一人餐就平$18但少一個小食。埋單時又有2張$10 coupon送。…Read More

呢日約左朋友喺尖咀唱K食飯直落，OR見呢間日本野價錢幾平，個名又幾得意就決定試下。六點唱完行左陣街，到餐廳時間大約七點，可能平日既關係無咩客，有卡位坐除散嗌之外，有不同套餐選擇，二人套餐都係$208，包兩個飯/拉麵＋三個小食，認真抵食。豬軟骨份量幾足，有五六舊，而且炆煮得幾稔身，軟骨位一咬即化，係外圍略嫌肥左少少。本來以為個飯無配汁會好乾，但豬軟骨舖面，油汁充份滲透飯粒中，令口感濕潤得黎夠油香惹味。反而係隻蛋無咩味，亦唔係餐牌圖中既溫泉蛋朋友點既拉麵，話辣辣地夠香口，唔會太鹹，麵條硬度適中，幾好食，配料同樣豐富，有三大塊叉燒。炸豆腐炸粉薄身，外皮略脆，內裡嫩滑，食起黎有口感又唔覺油膩，配埋鹹香既醬汁幾惹味。跟餐既餃子屬於大份，有六隻，但味道麻麻，餃子皮太濕，口感偏糊，個底煎得唔夠脆。呢度既炸野都炸得唔錯，脆口之餘乾爽唔油，炸粉裹得好薄。炸雞雖然大大件，但雞肉食落好乾，同埋肉質有啲霉，顏色亦唔討好，似雪左好耐。以尖沙咀黎講呢個套餐真心幾抵食，連男性朋友都食到肚仔凸凸賣單仲俾左兩張優惠券，下次黎可以減$10～…Read More

去過無數次日本食拉麵，亦在港食過不同質素的！小弟都可以説是吃貨之一，亦算是質素差亦可接受之人！今午小弟終於吃到全港最難食的拉麵，基本上不能說是日本拉麵，只可以說是比最差杯麵更難食的東西！今午真是萬分好彩品味到！今午真是一試難忙！亦未聽聞日式拉麵店會只給客人！…Read More