Mensho Furyu

餐廳：麵匠風龍地點：灣仔軒尼詩道菜式：拉麵餐牌：3款拉麵、兩款小食、飲品，都有套餐蝦味噌拉麵套餐 $120蝦味噌拉麵湯底呈橙色，飲啖湯先，質感厚身，而味道真係好濃蝦味，但係完全唔油，好正！面頭仲加有櫻花蝦仔，配料有一隻半熟玉子，蔥花，一片紫菜同粟米粒，口感豐富。麵條係超級幼身，味道唔錯。半熟玉子真係流心，味道唔會太濃。兩片叉燒另上，面頭加上蔥花，肉質半肥瘦，燒得好香，豬味濃，唔會太硬。個汁唔錯。枱面特別提示要快食。濃厚胡椒雞白湯拉麵套餐 $125濃厚胡椒雞白湯拉麵個湯底絕對係奶白色，飲落雞味濃，口感厚身，完全唔油膩。雞胸有四片，嫩到入口即化咁滯，完全唔肥，健康又好味。其他配料半熟玉子一隻，好多爽脆黑木耳，蔥花同藏紅花，面頭加上適量胡椒調味，令味道更出色。小龍蝦蟹籽沙律小龍蝦蟹籽沙律有6片正方形紫菜圍邊，中間一球小龍蝦蟹籽沙律球，面頭加有櫻花蝦仔。沙律球冰涼而口感脆脆地，味道鹹香，配脆身紫菜口感好正。餃子餃子一客四隻，呢度餃子皮超級報而帶少少煙韌，入面有韭菜同肉，味道唔錯，口感一級棒。配醋食更好味。枱面有辣芽菜，白芝麻，蒜蓉等調味料。飲品除左冰水仲有冰麥茶，好解渴。今餐拉麵湯底真係非常出色，而餃子都係令人驚艷。入面座位都好闊落，坐得舒服，比一般拉麵店好好多。…Read More

灣仔麵匠風龍拉麵，整體感覺十分滿意。櫻花蝦拉麵賣相吸引，湯底呈金黃色，濃郁但不會過鹹，入口帶有淡淡甘香。配料方面，有甜脆粟米、櫻花蝦、蔥花及一隻溏心蛋，色彩鮮明，層次感十足。櫻花蝦帶來鮮味，與湯底非常匹配。粟米配撘十分好，粒粒飽滿，為拉麵增加了清甜口感。叉燒肉則另上，表面微微焦香，肉質軟腍，油脂分佈平均，每一口都滲出肉香。拉麵本身彈牙，不會過腍，能夠吸附湯汁。店內還有自家醃製辣芽菜可隨意添加，提升整體風味。坐位舒適，環境乾淨，店員服務親切。整體來說，麵匠風龍的拉麵用心製作，是灣仔區值得一試的日式拉麵店，下次會再來試試其他口味。…Read More

#胡椒雞白湯拉麵湯底以雞骨、豚骨同胡椒熬製，濃郁得嚟帶微微辛香🌶️，飲落順喉唔膩，每啖都係層次豐富嘅溫暖感～ 雞肉嫩滑得嚟唔鞋口，麵條掛湯能力一流，吸盡湯底精華！最出色絕對係 #半熟玉子🥚用筷子輕輕一夾，橙黃色蛋漿即刻湧出，蛋香同湯底完美融合，為成碗拉麵畫龍點睛～ #小龍蝦蟹籽沙律用料十足🦞，滿滿蟹籽卜卜脆，小龍蝦肉鮮甜彈牙，用紫菜包住食更加提升口感同風味！配埋經典 #波子汽水🍾，清爽氣泡正好平衡拉麵嘅濃厚感～ 整體性價比高，環境充滿日式風情，絕對係拉麵愛好者必試之選！…Read More

今日經過呢間拉麵店，朋友話佢嘅龍蝦湯底好出色，所以過嚟試吓😋🍜 鷄白湯拉麵套+ 餃子先點呢個大家至愛嘅雞白湯拉麵，就試到佢嘅功力有幾深😌濃郁的鷄白湯一入口就感受到膠質的厚重，湯底香滑不膩，拉麵吸晒d湯味，爭啲想飲晒佢所有嘅湯。肚餓啲的話就要upgrade 做套餐餃子外皮煎到少少脆，內餡多汁，推薦加埋食👍🏻🦐 蝦味噌拉麵 + 小龍蝦蟹籽沙律重頭戲泥啦，蝦味噌湯真係冇得輸！蝦味噌湯底鹹香鮮甜，蝦味非常之濃郁，相信應該用咗好多蝦頭同蝦殼先熬到出嚟嘅湯底。加上溏心玉子，蛋香滲入湯中更添層次。食蝦拉麵，當然再加埋呢個龍蝦沙律啦。小龍蝦肉質鮮嫩，蟹籽爆口，配上清爽沙律醬，口感層次非常豐富。呢間拉麵店食得出係用心之作，小店裝修就好似喺日本嘅拉麵咁細細一間店，但可以煮到咁好味嘅日式拉麵，值得一試！…Read More

同男朋友黎到灣仔，好想食拉麵，就係open rice搵到呢間，所以就過黎試下，呢間拉麵店嘅舖位好細，所以一黎到都係keep住排隊同埋長期處於滿座嘅狀態，由我地等位到坐低食野都有條隊係度🙈🍽️用餐人數：2▪️豚骨拉麵套餐$110佢哋嘅湯底非常之濃郁，同埋個糖心蛋都好入味😋叉燒都幾香口嘅，但係就比較難咬餃子都OK 冇咩太特別▪️蝦味增拉麵加玉子$100呢一個食落非常之驚喜滿滿嘅蝦味，令到個湯升咗一個層次同埋比起豚骨湯都再濃郁一啲…Read More

一直都有bookmark風龍，今日2點多剛巧去灣仔跟朋友吃午餐，打電話查詢有沒有座位，剛巧沒有人排隊，立即跟朋友去餐廳。餐廳地方較細只有吧枱座位，所以經常用膳時間餐廳外都大排長龍。餐廳裝修風格是日式拉麵店，牆壁上有掛鉤掛袋。店內提供冰水和冰麥茶，較少拉麵店提供冰麥茶，我個人蠻喜歡喝麥茶，炎炎夏日喝一杯冰麥茶很清爽。蝦味噌麵套餐味噌蝦湯底濃郁配上細麵，當中有一隻溏心蛋、櫻花蝦乾、蔥花和一片紫菜。叉燒另上（忘記拍照），軟熟半肥瘦的叉燒經過炙燒後帶出的油脂香，很好吃。海膽魷魚（配套餐）甘甜鮮味的海膽配上煙靭的魷魚，很好吃😋湯白雞拉麵套餐奶白色的雞白湯底配上細麵，慢煮雞胸肉，口感嫩滑，湯底經打泡處理，入口特別綿滑濃醇，香氣濃郁。細麵掛湯再配上爽口的木耳絲、蔥花，口感豐富。餃子（配套餐）是韮菜餃，受過煎煮薄薄的餃子皮變的脆脆的。發現自助吧有2罐用玻璃樽裝的東西，分別是芽菜和蒜泥。拉麵配爽脆的芽菜又是另一種口感，拉麵吃到一半加點蒜泥，感覺又變成另一種風味的拉麵，很喜歡。…Read More

每次我都只會食豚骨湯拉麵。佢係幼麵嚟，個湯底唔係嗰種creamy, 所以唔會好膩。紫菜脆身就基本啦。佢叉燒係另上，因為係見住佢燒，所以上到枱會有少少黃金，無浸湯食落會脆脆地。又係我鐘情嘅辣芽菜任食。餃子不過不失。哩個價錢無投訴，廚房位師父都好有禮，會叫我地小心熱。經過都會食下希望香港多啲哩種小店。…Read More

以前有聽講過話呢間拉麵好hit? 成日路經都冇特登試，更多時候係半夜，只會對招牌望多幾眼。差不多一年前開始晚飯時間會去到佢門口，日日都會裝下裝下。見佢有時好FULL有時好靜。個bar枱格局幾吸引。不過都冇的起心肝入去試。終於有次俾一位親切女仔搲咗入去，又好親切咁介紹幾個set，一試個叉燒，驚為天人。雖然未去到世一，但嗰種半肥瘦、厚切、淋軟、juicy、油脂潤感、煎香至剛好，配搭濃豬骨湯底同彈牙拉麵，蒜蓉同辣芽菜任夾，仲有有啲太高嘅高腳櫈，適合獨食嘅吧枱位，背後牆上嘅掛鈎，台上自己斟嘅多冰冰水同冰茶，唔會太嘈嘅音樂適度隔開其他人嘅談話聲音，單丁客人瀟灑來去嘅身影…… 全部都太啱feel。替玉大大份都只係加$10！！！！！！！！小龍蝦沙律、芥末蜆肉、螺肉小食都好食（夠凍）又飽肚，但日式醬偏重咸重甜，反而煎餃感覺更清新。雖然嗰次之後偶爾幫襯啲叉燒同某些態度都失咗色，（間中有回復少少），但拉麵同湯底一直保持高水準。曾以為驚艷叉燒可一不可再，點知近日叉燒狀態回勇，終於又好似有返第一次食個「Oiishi」特效出返嚟。然而「人情味」永遠都係獨一無二嘅。眼神同細處往往顯現大分別。只能懷念。記得袋定現金响身。慎防路過想食:)#只收現金 #strictlycashonly…Read More

難得me time出嚟，叫左個蝦味噌拉麵套餐，湯底濃郁好味👍🏻，叉燒又唔肥唔鞋👍🏻，餃子就不過不失成晚最影響心情既就係個個女收銀，又無禮貌又厭世，講嘢又無尾音，好似欠左佢甘😥…Read More

相隔一陣子沒吃日式拉麵，某日突然興之所至，前赴一間人氣拉麵店。我們兩人同樣選擇蝦味噌拉麵餐，配的是沙律。碗裡浮著不少櫻花蝦、粟米粒、青蔥，一塊紫菜，以及一顆蛋，叉燒是另上的。味噌湯滲著淡淡的蝦香，毫不油膩，可以放心喝。煎叉燒夠香口，雖然少肥，肉質卻不柴。拉麵屬幼麵，爽爽的沒有煮到過腍。最美妙的正是那顆溏心蛋，蛋白涵得入味，中間的蛋黃是流瀉出來的，美味程度，不言而喻！兩款沙律分別為小龍蝦蟹籽和芥末蝦：小龍蝦蟹籽屬於啖啖肉，以紫菜包裹送入口中，食到龍蝦肉及粒粒蟹籽的卜卜脆，挺有趣。至於芥末蝦是切得細細粒的蝦肉混著芥末醬，下面墊底椰菜絲，十分清新，又是另一番境界。單點的煎餃子即煎即上，餃皮薄肉餡足，蘸點汁，被我們瞬間掃個清光！店子提供的食物品項簡單，除了豚骨湯拉麵之外，我們經已叫盡店內所有食物，認真專注！:)…Read More

灣仔人氣拉麵！每逢平日午市時間大排長龍，餐廳主打日式拉麵。豚骨湯拉麵湯底不算濃厚，屬於偏清淡的類型，麵質軟硬適中，木耳絲口感不錯，叉燒厚薄適中，整體來說不過不失，不會失望但也說不上驚艷。-🔘 豚骨湯拉麵 | hkd$80-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.…Read More

就算環境係有啲細同埋只有一行高抬高凳但係都會keep住又快又好味 嘢食都好cheap 嘅狀態人都會對你好Do you know that this restaurant it’s small but it’s still keeps the fast time they serve and the food taste good and workers are also really nice to people and it’s also really cheap for a rich man…Read More

灣仔近年開咗唔少小店，呢間小店位於大馬路旁🚦門面裝修好有日本特色，長吧枱搭配圓櫈🇯🇵去唔到日本都可以嚟食碗拉麵止下癮🤤有單叫或套餐｛一款麵 + 一款小菜 + 溏心蛋｝湯底：豚骨或蝦味噌🍜小菜：小龍蝦蟹籽沙律、海膽魷魚同煎餃子📍味噌蝦湯拉麵｜單叫$90 套餐$120湯底好濃郁，有濃濃既蝦湯味🦐麵條軟硬度適中，非常掛湯！拉麵既配菜有叉燒、溏心蛋、櫻花蝦乾青蔥、粟米、芽菜、紫菜😛叉燒分開上，厚厚的，但略嫌偏乾🙈溏心蛋生熟程度啱啱好，一咬落去橙黃色既蛋黃就完美地流出嚟哦🧡📍海膽魷魚好重海膽味，魷魚口感滑🦑但略鹹，建議搭配沙律菜一齊食，能夠平衡📍煎餃子（4隻）正常韭菜餃，皮薄，略嫌煎得唔夠香口🥟店舖員工好nice👨🏻‍🍳用餐後會問食客用後感，完全感受到間舖嘅用心製作…Read More

今日去食午餐時經過，看到這間小店不用等位，於是又再來這裡吃日本麵。我每次都點蝦味噌拉麵，因為真的超級好吃！平時我會點套餐，但今天只想吃麵。麵的水準依然保持得很好。最後結帳90元，吃得非常滿足。…Read More

之前看到 KOL 介紹這家店，已經很想試試。剛好經過這家店，就決定進去看看。鋪面的座位不多，但坐起來還是挺舒服的，環境乾淨整潔。店裡面只有兩款湯拉麵，蝦味噌和豚骨湯。我們點了蝦味噌拉麵套餐（包括溫泉蛋和一個小食，我們選了煎餃）和豚骨湯拉麵。至於味道方面，蝦味噌拉麵上鋪滿了櫻花蝦，味道濃郁，每一口都有櫻花蝦的香氣。豚骨湯相對比較清淡，但味道依然鮮美，拉麵的硬度適中，叉燒香而厚，非常美味。煎餃和溫泉蛋的味道正常發揮。…Read More