Lai Heung Yuen Cafe (Wah Ming Shopping Centre) (Closed)

麗香園冰室環境唔錯，光線充足，用QR CODE 點菜,今日點了豉汁蒸三色䱽魚, 再加十蚊有飯及例湯。魚身介開幾刀，魚肉之間夾有一片 火腿同豆腐,豆腐很滑, 魚肉鮮嫩，一點魚腥味也沒有， yummy，十分滿意呀！…Read More

今次午餐來到粉嶺華明邨的麗香園冰室，午餐種類選擇繁多，我點了一碟清蒸黃花魚，78蚊包飲品一杯，再加十蚊有飯及例湯。黃花魚肉質鮮嫩，尤於與很多薑片一起蒸所以一點魚腥味也沒有， 一口魚肉一口凍檸茶其樂無窮。…Read More

平民冰室 好平！！·菠蘿油加紅豆冰 ＄25推介～·叉燒炒蛋飯，份量比以前小左好多🥲 要成4十幾蚊 唔抵食。女仔都唔夠飽！所以我地2個人嗌左3個餐😬·炸雞髀加薯條，好重美極味！個皮都幾香，雖然隻髀唔係即炸，但都幾好味:)·同樣地QR落單， 不過如果侍應見你耐未落單，都會主動問下你有無需要幫忙。因為都幾多公公婆婆去食飯！相反出面d餐廳，收加一都唔會主動幫忙！·另有自助熱水，而且食物都出得好快，侍應們都幾好服務。…Read More

上次叫外賣, 海南雞飯, 1件雞胸切開做2件, 然後個底全部雞皮墊住. 收我90蚊今次叫外賣, 咖哩魚柳飯, 魚柳得半塊俾人斬開咗, 咖哩汁3份1碗, 收57蚊野菌雲耳魚柳泡飯, 半碗, d汁倒埋落d飯都浸唔過d飯, 入面得4塊魚片, 加埋都係半塊魚柳, 收68蚊我唔介意你收費貴, 但可唔可以d食物唔好咁離譜, 人地法國餐至少擺盤都靚, 俾呢個份糧真係堅離地\打電話去問咩事, 仲要態度極惡劣, 語氣勁差勁串…Read More

今天體驗 用心去造 的早餐以往都幫親過，早已知道 廚房服務一般 今天特別激氣。點餐後 一杯咖啡可以在25分鐘後才上，也嘗試過追， 回應是 咖啡係要磨的更離譜的是 有一杯咖啡，別家台退貨，無主孤雲後，竟可以將之派來我處。這就是 用心去造…Read More

成日經過樓下，見到呢間餐廳都排長龍，今日見唔洗排，就入去食個早餐！2個人安排左卡位，係坐得舒服！👍🏻👍🏻仿鮑魚絲公仔面公仔面都可以，可以搵淋d定爽d!!!但仿鮑魚絲其實好少，火腿絲比較多！正正常常早餐！炒蛋多士炒蛋都嫩滑，唔會太老👍🏻👍🏻多士就不過不失！熱左再後加牛油！菠蘿包🌞🌞🌞🌞誠意推介菠蘿包，仲要熱辣辣，外脆內軟，好好食！熱杏霜味道夠，唔會太淡，都唔錯👍🏻👍🏻…Read More

星期六朝，約咗班朋友踢波做運動。臨去踢波之前，梗係要食返個早餐，咁先至有力踢啦。餐廳座位闊落，坐得舒服嘅。餐廳用QR code自助手機落單，叫咗一份早餐$38，有沙嗲牛肉通粉、炒滑蛋、多士，同埋一杯熱飲。沙嗲牛肉通粉一上枱就有陣好香嘅沙嗲味，沙嗲湯底味道OK，有少少花生香，唔會好鹹。牛肉就韌咗少少，通粉彈口。多士烘底烘得夠，食落軟熟。炒滑蛋就略嫌炒過龍，唔夠滑，味道OK。熱飲叫咗荷蘭谷古，唔係間間餐廳有得叫，叫咗嚟試下。入口有陣陣可可香味，但又唔會話好苦，啱飲。…Read More

華明邨細細個成日去朋友屋企玩😆人大左反而少去啦！今日嚟哩度再次探望老朋友👯🏻‍♀️樓下商場已經同以前好唔同啦！朋友約左喺麗香園Dinner😋細細詳談舊日的足跡！門口都幾大容易搵到🕵🏻‍♂️🕵🏻‍♀️側邊有新鮮出爐麵包同蛋撻！可惜我哋太夜已經收咗檔啦😔如果有得賣都想買個麵包返去做聽日早餐🤪卡位坐低都幾闊落舒適👍🏻有位置放野之餘張枱都幾大🤣鐵板西冷牛扒 配薯菜 $100 附送嘅羅宋湯都好大碗又多料！西芹、洋蔥、椰菜份量好多！係一個豐富嘅羅宋湯😋西冷牛扒好大塊👍🏻淋上黑椒汁之後 鐵板發出嘅“嗞嗞”充滿童年回憶嘅味道😌牛扒厚身幾有肉地！係茶記特色嘅牛扒！容易鋸開而且冇筋～茶記貨色嚟講都算大件夾抵食👍🏻冰鎮芥蘭配日式芥辣 跟餐加配 $16哩個菜我第一次食😋估唔到芥蘭同wasabi個combo都唔錯👍🏻幾match嘅味道有化學反應！連平時唔鐘意食芥蘭嘅朋友 反而接受到點咗washabi之後嘅味道🤣特別得嚟兩者又幾夾！芥蘭有冰墊底🧊冰鎮保持芥蘭爽脆😂不過打卡影相睇落又幾靚🌟欖菜肉鬆四季豆 $65原本叫哩個係想熱辣辣撈飯食😋但係嚟到唔夠熱有啲啲失望😔味道方面係唔錯嘅！四季豆冇渣而且欖菜都夠多👍🏻如果熱辣辣上嘅話可以更惹味！味道嚟講唔錯 可以下次再比多次機會佢！新鮮菠蘿咕嚕肉 $65 平時食茶記嘅菠蘿咕嚕肉都會用罐頭菠蘿🍍今次哩個咕嚕肉特別在真係用新鮮菠蘿😍大大舊去釘乾淨啖啖香甜菠蘿肉！作為菠蘿控嘅我好滿意👍🏻朋友們就鐘意咕嚕肉😋炸得香脆冇骨！咕嚕醬味配菠蘿 酸酸甜甜好開胃🤤例湯、白飯、飲品 跟餐加配$15特別講一下個例湯！好料而且冇乜味精😋飲完唔口乾而且湯料十足！雪耳、蘿蔔、木瓜飲到尾都仲有得食😋而且份量都幾大碗！麗香園CP值高👍🏻都算幾抵食！份量都幾大大碟😆難怪朋友話哩度係佢既日常飯堂啦🤣…Read More

麗香園冰室呢間餐廳位於粉嶺華明邨，因為要轉車既關係去到華明邨巴士總站，去到已經天都黑晒，又熱又渴又餓咁，不如坐底食左飯先，順便休息下。我一開始以為係普通茶餐廳，諗住快快手所以先揀呢間，坐底之後發覺原來唔簡單，裝修幾有舊式茶餐廳既氣氛，但同時亦冇左舊式餐廳果種老氣同油膩感覺，全部卡位坐得舒服，亦非常乾淨，淨係咁我已經好滿意。之後原來係用QR Code落單，入面有好多選擇，非常方便，唔洗人等你講又要寫咁麻煩。咁我就揀左煎封黄花魚，地道霸王雞，一個家常小菜二人餐，有湯，有白飯，揀多兩個餸有椒鹽豬扒同欖菜肉崧四季豆，最後緊係唔少得兩杯凍檸茶啦。呢頭落完單，已經上左白飯同湯，好快手。湯飲左兩啖就上左煎封黄花魚同地道霸王雞，估唔到咁快。煎封黄花魚，皮脆肉軟，估唔到有呢個水準，加埋個豉油真係好出色，食到魚既鮮味。而霸王雞亦唔差，做到皮爽肉嫩，唔會鞋，個蔥油先最香，淋左喺面頭香噴噴，真係追住食。之後上埋椒鹽豬扒同欖菜肉崧四季豆，椒鹽豬扒夠鑊氣，夠晒香口，炸到外脆內軟，唔乾身，送飯就一流。而欖菜肉崧四季豆亦炒得好香，四季豆同肉崧味道好夾，唔會太油，非常美味。呢問餐廳算有驚喜，幾個簡單小菜有住家飯味道，有機會可以再食過。…Read More

一、魚香茄子煲子上，一啲都唔熱，連白飯都唔熱……！二、鹹蛋蓮藕蒸肉餅都係唔熱，之後叫侍應加熱好小小！三、侍應問飲咩？我話飲湯，佢話湯同飯要加十五元，我話要湯………佢仲問我飲咩？？佢究竟想點？？四、衛生環境很差，有蚊螆飛來飛去，枱同櫈都唔乾淨！！😓😓😓…Read More

走進粉嶺華明邨，這裡有幾間食肆，被這裡的裝修吸引，入去試吓先。裝修如名字一樣，有點點懷舊的感覺，有如走進一輛懷舊火車一般；雖然懷舊，但光線夠充足。點了兩客下午茶，分別係星洲炒米、沙爹牛米配炒蛋多士。星洲炒米係迷你版，比較細碟，味略淡，唔夠辣，蝦亦好細粒。至於另一茶餐沙爹牛米，可選公仔麵、通粉。點餐時可選麵的爽硬度，米粉幾爽口，牛肉ok，唔鞋口，但沙爹味唔夠濃郁。炒蛋也可選煎蛋，同時可選生熟程度。炒蛋都幾滑，但有一點點過熟。多士係厚多士，亦可選牛油份量，選了多油，味幾香。但下午茶嚟講，價錢唔算好實惠。…Read More

今日遲左收工，返黎煮唔切飯，所以今日同屋企人去麗香園冰室食晚飯。餐廳環境光潔明亮，以卡位為主，每張枱都會有自助熱水供應，好方便，而且餐廳用QR落單，環保又方便。家常小菜二人餐，有2碗白飯、2碗老火湯、2杯熱飲品（凍飲加3蚊），再加一款小菜今日老火湯係節瓜蓮子紅蘿蔔，好多湯料，好足料，喝罷不口渴XO細蝦球炒西蘭花有6大隻蝦球，蝦球爽口彈牙，冇雪味，而且西蘭花煮得剛好，不會太淋和太硬。欖菜肉鬆四季豆份量十足，四季豆依然保持爽脆，送飯一流新鮮菠蘿咕嚕肉餐廳用上新鮮菠蘿，以家好小地方會用上新鮮菠蘿，新鮮菠蘿鮮甜多汁，咕嚕肉色澤明艷，酸酸甜甜，豬肉入口香嫩一點不油膩，每啖都係肉，仲要大大舊。彷鮑魚絲火腿通粉配炒蛋和多士多牛油彷鮑魚絲火腿通粉夠大碗，另外多士是厚切的。熱檸檬水、凍杏霜、凍荷蘭唂咕好欣賞落單時，可以選擇濃D和淡D 我地點了濃D，味道剛剛好，非常適合我飲。…Read More

第一次寫寫評，記錄一下不愉快體驗。上次經過門口見好多人等位，屋企人一心想試試尼間既中菜。就係一個星期六晚，我地諗住一試，大約7:30到門口唔見人龍，心諗唔洗等位正，不過亦冇侍應招呼，入面冷冷清清，於是就是但搵張枱坐低。本來想叫四人餐，不過款式有限揀唔岩，咁唯有散叫啦～ order左煎蛋肉醬意粉，京都排骨套餐，菜遠牛肉飯。見佢poster推介套餐加錢有碟菜心，就諗住加一碟送下其他餸咁啦，不過侍應話冇菜心，咁問有冇其他菜，佢都係話冇菜心，售罄咁話，咁就由佢啦。而之後上菜就奇怪啦，唔知係誤會定點，見到菜遠牛肉飯上面，有幾棵菜心係度，如是者我地再問另一人，佢都係咁講，再追問之下，佢解釋指「廚房同水吧淥菜係分開既，廚房有菜，水吧冇」下。。。有食材，但煮唔到，我少見世面，第一次聽尼個原因😀食物黎講，份量似下午茶，有啲懷疑雙眼，個意粉就係得咁多，醬就多啦，意粉？小朋友都唔夠食。再講10蚊一碗飯，外表已經唔平均，入面鬆軟，俾啲誠意好嘛？半碗就差唔多😀 第一次用家體驗令我明白冷清係有佢原因既，可能係我肚餓啦，下次食番樓下茶記算數，價錢合理又大碟，食得暢快。見到啲好評話做街坊生意，可能今時唔同往日啦，我只係覺得欺騙街坊感情，難怪唔洗等位啦。🌝🌝🌝…Read More

今天來到粉嶺的一間冰室試試，室內環境很有七80年代的香港情懷「炸雞比」$28就有大大隻炸雞比， 雞皮炸得超級脆，超級熱，應該係即叫即炸，隻雞髀又成隻手掌咁大，啖啖肉，好抵食！食完之後忍唔住叫咗一碟炸全翼，同樣出色！「荷蘭谷咕」起初唔知呢個係乜，原來係超濃郁嘅朱古力！有得揀煉奶或者普通花奶，我轉左煉奶，好好飲好香濃！二人餐「菜心炒牛肉」二人餐只需$148 ，就有11款菜式任揀，我想健康啲所以揀咗菜心炒牛肉，菜心份量都好多，牛肉都好入味同埋好淋，好有屋企嘅味道「炸魚柳配沙律」「沙姜雞」係二人餐嘅自選餸菜之一 總結：菜式好多，性價比高…Read More

今日過左華明邨做野，搞掂晒剛好都六點，差唔多都到晚飯時間，今晚休息唔煮飯了，叫老公過黎食埋晚餐先走😆華明呢度有個市場都幾多野食，但就唔岩我地生酮飲食嘅兩口子，唯有再睇下，好彩有間有得食鐵板扒餐嘅冰室。呢間麗香園冰室裝修明亮，空間好大，座位寬闊，冷氣溫度剛好，非常舒適。門口有新鮮出爐嘅麵包蛋撻賣，係小時候茶餐廳嘅格局，除左有份懷舊感外，配合時尚嘅裝修，俾人一種乾淨衛生嘅感覺。餐廳係採用手機掃QR code落單，好方便。店員好好，叫我地自己落單，唔得嘅話亦可以叫佢落單，服務唔錯。喜歡呢個自助食水設備，方便又衛生。我地叫左個鐵板美式雜扒餐，鐵板西冷牛扒跟薯菜，仲有麗香園炸雞全翼同客家沙薑雞。冰室仲有小菜、咖喱、焗飯、泡飯等等，選擇都幾多，比一般茶餐廳更優勝。熱辣辣鐵板餐到，份量都ok，我地比較大食，仲擔心唔夠食添，好彩西冷牛扒都好大塊。咬落juicy又有濃厚肉味，肉質夠腍無筋，入口口感唔錯，做得幾好。美式雜扒有豬扒，牛扒，雞扒，腸仔及煙肉，非常抵食，係老公嘅最愛。雜扒都幾大份，鐵板都就黎裝唔晒，哈哈。肉類火喉控制唔錯，煮得岩岩好。 雞扒幾厚實，雞皮酥酥脆脆；而豬扒夠入味，肉質軟嫩，都係唔錯。即叫即炸嘅雞全翼，雞皮金黃香脆而唔油膩，香脆可口。仲有雞肉嫩滑，鮮嫩多汁，最重要係大大隻，22蚊2隻都相當抵食，因為自己一定炸唔到。沙薑雞，味道好香，雞肉幾滑嫩同入味，但味道偏鹹，不過我ok的，因為客家菜本來就係濃味，所以相對黎講係做得唔錯，還原客家菜嘅味道。配上檸檬茶作結尾，今晚又食到個令人滿意嘅一餐，真好👍隨餐附送例湯，好飲喔，唔係只有鹹味的味精湯，而且賣相幾靚，係一個有耳仔嘅杯黎，可以拎起當飲品咁飲，幾方便，有外貌又有內涵:)…Read More