Video
Opening Hours
Today
11:30 - 21:00
Mon - Sat
11:30 - 21:00
Sun
Closed
Above information is for reference only. Please check details with the restaurant.
雞駅回訪多次今次去業運工業大廈個間有得Shabu Shabu，當然要試吓啦！**********雞駅一人火鍋餐🐮🌟推介🌟揀咗牛小排（$108），牛小排比其他牛肩胛等較肥，但肉質較嫩，套餐仲有豚肉同其他牛肉可以揀另外包一個菜籃，有蟹棒、福袋、芝士腸、金菇等等…湯底揀咗花膠濃湯🍲，湯底濃稠，有2-3塊花膠，花膠彈牙，而且索哂湯底精華。**********藥膳黃酒花膠雞米線🐔（$68）🌟推介🌟藥膳黃酒花膠雞米線湯頭濃郁，藥材的香氣慢慢滲出嚟，加上黃酒淡淡嘅酒香，飲落好順滑。雞肉鮮嫩，與湯底搭配得恰到好處。整體味道鮮美，滿足味蕾又能滋補身體，必定會再食！而且呢間雞駅有得煲住個米線食，完全唔驚啲湯會凍哂！**********金磚豆腐（$42）🌟推介🌟每次都係必嗌！豆腐炸到外脆內嫩自己真係整唔到😅-宜家食滿$200就有代幣一個玩夾公仔機一次，夾到就有小食/9折，我今次就夾唔到啦⋯⋯你地去食就試吓玩啦！
continue reading
餐廳：雞駅花膠雞米線專門店 (觀塘)地址：觀塘駿業里10號業運工業大廈1樓A室觀塘駿業里有間幾出名嘅寶藏餐廳——雞駅花膠雞米線專門店，原來佢哋喺觀塘已經有3間分店，表面睇好似普通工廠餐廳，點知推門入去，一秒就穿越咗火鍋版米線嘅大門，食米線唔再咁單調🍜，喺呢度，米線同火鍋結合咗一齊，火花四濺🔥另一樣令人期待嘅喺每日三點後嘅扭蛋活動福利，扭蛋唔再喺小朋友嘅專利，大人都一樣玩得投入😜，只要消費每滿$200就可以扭蛋一次，有機會贏取九折優惠券或者免費小食🎊晚市七成客人都沉醉喺火鍋世界，個個坐低就開始打邊爐，皆因最平$88就食到。我叫咗雞駅牛肩胛一人火鍋餐($98)，牛肩胛浸喺胡椒豬肚湯入面，好似去咗水療中心咁，啖啖牛肉羶香之中散發出豬肚嘅自信味道，配埋彈牙嘅上海麵(+$5)就更有飽肚感，加上長腳蟹棒、芝士竹輪、芝士腸、福袋、娃娃菜、粟米🌽、雲耳、金菇、蟲草花等配料，都咪話唔豐富👍另外叫咗個燒豬頸肉米線($56)，米線轉咗做淮山麵(+$5)，蕃茄湯令整體滋味大大提升，食落更加開胃🤤，豬頸肉即叫即燒，微脆帶嫩，不過如果另外碟上應該會再焦香好多，依家會有少少浸淋🤏雞駅呢間分店唔止喺一間食肆，更加喺一個火鍋米線混合實驗室🧪，食完之後既滿足腸胃，更加拯救埋飢餓嘅靈魂😋
continue reading
#MC帶你去觀塘.依間「雞駅」喺區內頗有名氣，放工或者週末去基本上都要排隊；難得佢再開分店，依間近牛頭角多啲，唔洗排咁耐隊！➖✨ 雞駅花膠雞米線專門店.餐廳主打雞湯米線，以三黃雞、豬筒骨、鯊魚軟骨及西施骨熬成雞湯底；店內採用木系裝潢設計，走日系簡約素色風格，座位寬敞舒適。➖🍽 ［Shabu Shabu］雞駅一人火鍋餐｜$88ᵤₚ．┌──────────────┐🔹🔸 湯底＋主食＋肉類＋蔬菜盤🔸🔹└──────────────┘.晚市除咗一碗碗米線之外，仲有火鍋米線套餐！➖🥢 牛肩胛 配 招牌花膠濃湯｜$98 ✨招牌菜式✨.牛肩胛油花細緻均勻，口感扎實肉味濃厚，搭配招牌花膠濃湯底，大花膠有２至３塊，口感爽滑彈牙，養生之選！➖🥢 花甲雞 配 胡椒豬肚湯｜$98 ✨人氣之選✨.花甲有8大隻，鮮甜無沙；而黃油雞件已經預先汆燙，所以碌一碌熱返就食得，雞味濃郁，搭配胡椒豬肚湯底，充滿濃郁胡椒香，微微辛辣感，可以驅寒暖胃！➖🥢 蔬菜盤｜🆓.每份火鍋奉送固定配料，包括長腳蟹棒、芝士竹輪、芝士腸、福袋、娃娃菜、粟米仔、雲耳、金菇、蟲草花，所以好滿足！➖⚠️ 服務費｜Service Charge.全店沒有加一服務費。➖➖➖➖➖➖➖➖➖➖➖➖➖➖
continue reading
今日專登去試咗呢間小店嘅兩款人氣美食，果然無令人失望！招牌花膠雞米線一上枱已經聞到好香嘅雞湯味，飲一啖湯，濃郁得嚟好順喉，完全無味精嘅死鹹感。湯底明顯係熬咗好耐，飲完成個身暖笠笠，好舒服！雞肉係用新鮮雞髀肉，嫩滑得嚟唔會「嚡口」，花膠厚身又彈牙，咬落去仲有少少黏口嘅膠質感，真係足料！米線煮得剛好，掛湯之餘又唔會太軟，每一啖都食到湯嘅精華。蜜糖雞翼一碟有四隻，望落油亮亮好吸引！咬落去外皮微脆，蜜糖嘅甜香即刻湧出嚟，唔會死甜或者得個「燶」字。兩樣嘢都係高質之作，特別係咁嘅價錢有咁足料嘅花膠同雞湯，性價比超高。雞駅花膠雞米線專門店 (觀塘)觀塘駿業里10號業運工業大廈1樓A室
continue reading
今日去觀塘接老公收工，特地試吓朋友介紹嘅雞駅花膠雞。原來我哋今日去既係駿業里分店，職員同我講返，我先知原來佢地喺觀塘有三間，只有呢一間有打邊爐服務，職員好熱情話俾我哋聽呢度嘅特色湯底。老公選咗藥膳黃酒花膠湯，我選咗姬松茸花膠湯，兩款湯底一上枱聞到好香，飲落去感覺好滋補，個湯底仲睇到好足料㖭。主食方面我哋揀選花膠雞，因為老公大食所以加多咗份牛肉，搭配上米線同上海麵煮，吸左湯真係好好食。食材新鮮，雞肉嫩滑，牛肉亦係切得厚薄適中。職員推介嘅黃金豆腐，外皮酥脆，內裡綿軟，食落真係好有層次，絕對值得一試！再加埋個麻藥蛋，同樣好味道，肉粒細膩，咸香適中。整體感覺好滿足，服務貼心，湯底、食材、環境都好優質，真係一次愉快嘅用餐體驗，肯定會再返嚟！#觀塘美食 #花膠雞 #花膠雞湯 #駿業里 #業運工業大廈 #雞駅花膠雞米線專門店雞駅花膠雞米線專門店 (觀塘)觀塘駿業里10號業運工業大廈1樓A室
continue reading