Video
Opening Hours
Today
11:30 - 21:00
Mon - Sat
11:30 - 21:00
Sun
Closed
Above information is for reference only. Please check details with the restaurant.
雞駅回訪多次今次去業運工業大廈個間有得Shabu Shabu，當然要試吓啦！**********雞駅一人火鍋餐🐮🌟推介🌟揀咗牛小排（$108），牛小排比其他牛肩胛等較肥，但肉質較嫩，套餐仲有豚肉同其他牛肉可以揀另外包一個菜籃，有蟹棒、福袋、芝士腸、金菇等等…湯底揀咗花膠濃湯🍲，湯底濃稠，有2-3塊花膠，花膠彈牙，而且索哂湯底精華。**********藥膳黃酒花膠雞米線🐔（$68）🌟推介🌟藥膳黃酒花膠雞米線湯頭濃郁，藥材的香氣慢慢滲出嚟，加上黃酒淡淡嘅酒香，飲落好順滑。雞肉鮮嫩，與湯底搭配得恰到好處。整體味道鮮美，滿足味蕾又能滋補身體，必定會再食！而且呢間雞駅有得煲住個米線食，完全唔驚啲湯會凍哂！**********金磚豆腐（$42）🌟推介🌟每次都係必嗌！豆腐炸到外脆內嫩自己真係整唔到😅-宜家食滿$200就有代幣一個玩夾公仔機一次，夾到就有小食/9折，我今次就夾唔到啦⋯⋯你地去食就試吓玩啦！
continue reading
餐廳：雞駅花膠雞米線專門店 (觀塘)地址：觀塘駿業里10號業運工業大廈1樓A室觀塘駿業里有間幾出名嘅寶藏餐廳——雞駅花膠雞米線專門店，原來佢哋喺觀塘已經有3間分店，表面睇好似普通工廠餐廳，點知推門入去，一秒就穿越咗火鍋版米線嘅大門，食米線唔再咁單調🍜，喺呢度，米線同火鍋結合咗一齊，火花四濺🔥另一樣令人期待嘅喺每日三點後嘅扭蛋活動福利，扭蛋唔再喺小朋友嘅專利，大人都一樣玩得投入😜，只要消費每滿$200就可以扭蛋一次，有機會贏取九折優惠券或者免費小食🎊晚市七成客人都沉醉喺火鍋世界，個個坐低就開始打邊爐，皆因最平$88就食到。我叫咗雞駅牛肩胛一人火鍋餐($98)，牛肩胛浸喺胡椒豬肚湯入面，好似去咗水療中心咁，啖啖牛肉羶香之中散發出豬肚嘅自信味道，配埋彈牙嘅上海麵(+$5)就更有飽肚感，加上長腳蟹棒、芝士竹輪、芝士腸、福袋、娃娃菜、粟米🌽、雲耳、金菇、蟲草花等配料，都咪話唔豐富👍另外叫咗個燒豬頸肉米線($56)，米線轉咗做淮山麵(+$5)，蕃茄湯令整體滋味大大提升，食落更加開胃🤤，豬頸肉即叫即燒，微脆帶嫩，不過如果另外碟上應該會再焦香好多，依家會有少少浸淋🤏雞駅呢間分店唔止喺一間食肆，更加喺一個火鍋米線混合實驗室🧪，食完之後既滿足腸胃，更加拯救埋飢餓嘅靈魂😋
continue reading
#MC帶你去觀塘.依間「雞駅」喺區內頗有名氣，放工或者週末去基本上都要排隊；難得佢再開分店，依間近牛頭角多啲，唔洗排咁耐隊！➖✨ 雞駅花膠雞米線專門店.餐廳主打雞湯米線，以三黃雞、豬筒骨、鯊魚軟骨及西施骨熬成雞湯底；店內採用木系裝潢設計，走日系簡約素色風格，座位寬敞舒適。➖🍽 ［Shabu Shabu］雞駅一人火鍋餐｜$88ᵤₚ．┌──────────────┐🔹🔸 湯底＋主食＋肉類＋蔬菜盤🔸🔹└──────────────┘.晚市除咗一碗碗米線之外，仲有火鍋米線套餐！➖🥢 牛肩胛 配 招牌花膠濃湯｜$98 ✨招牌菜式✨.牛肩胛油花細緻均勻，口感扎實肉味濃厚，搭配招牌花膠濃湯底，大花膠有２至３塊，口感爽滑彈牙，養生之選！➖🥢 花甲雞 配 胡椒豬肚湯｜$98 ✨人氣之選✨.花甲有8大隻，鮮甜無沙；而黃油雞件已經預先汆燙，所以碌一碌熱返就食得，雞味濃郁，搭配胡椒豬肚湯底，充滿濃郁胡椒香，微微辛辣感，可以驅寒暖胃！➖🥢 蔬菜盤｜🆓.每份火鍋奉送固定配料，包括長腳蟹棒、芝士竹輪、芝士腸、福袋、娃娃菜、粟米仔、雲耳、金菇、蟲草花，所以好滿足！➖⚠️ 服務費｜Service Charge.全店沒有加一服務費。➖➖➖➖➖➖➖➖➖➖➖➖➖➖
continue reading
【🐓雞駅(觀塘駿業里) ｜養顏花膠雞淮山麵】.觀塘駿業里旁邊直上，有間隱世花膠米線專門店，上到去別有洞天，光猛清新。.⛩️藥膳黃酒花膠雞淮山麵枱面特製小電鍋，晚市會變身成小火鍋格局，下午就讓麵杯有一個固定位置，格面佈局整齊有秩序。黃酒香濃，滋補養生感覺，花膠滑捋捋口感都幾漿口，膠質滿滿！雞新鮮嫩滑，份量都多，我揀多淮山麵，爽口滑身，同藥膳湯好夾。湯底仲有蟲草花、紅棗、木耳、杞子、蔥花，足料好味，湯我飲晒！.⛩️椒鹽粟米做得好惹味，粟米粒粒金黃，有粟米清香，有咬口。.⛩️悍匪雞翼（胡椒孜然）雞翼皮脆香口，味較甜，面頭胡椒孜然調味，他是一個溫柔嘅悍匪，完全唔辣，極易入口。.⛩️凍檸茶，凍咖啡大大杯金屬杯夠凍，味道適中！.🐓雞駅(業運工業大廈) 📍觀塘駿業里10號業運工業大廈1樓A室🚇觀塘站
continue reading
有個係觀塘翻工嘅朋友成日都話佢公司附近有間叫雞駅花膠雞米線嘅好好食😗趁住今日我同佢都難得收早就去左業運工業大廈1樓嗰間試下！呢間餐廳係以花膠雞湯米線為主打湯底濃郁又充滿膠質🤣 姫松茸竹笙花膠雞米線 這款米線嘅食材相當豐富更係養生之選！🤩有姫松茸、竹笙和花膠配料，湯頭帶有香濃雞味飲落去口感厚滑，最重要係啲竹笙吸收湯汁後更加正啊！😌花膠煮至夠腍又不失彈性，感覺滋補養生。而且另一主角雞肉份量十足，加上又夠嫩滑，終於明白點解咁多人推介！ 招牌花膠雞米線 招牌米線選用足料花膠米線煙韌細滑！配上嫩滑雞肉和花膠，整體味道層次分明，既可暖胃飽肚，又有養顏效果🤣如果想轉雞脾都只係加5元！抵啊！ 小食我地就叫左 金磚豆腐 炸金磚豆腐外皮金黃酥脆，加坤小小椒鹽，好惹味咬開內裡仍保留豆腐原有嫩滑質感，加上新鮮炸起，食落差啲辣親脷添😆 麻藥蛋 麻藥蛋蛋味香濃、蛋黃流心輕輕醃過後鹹香味突出，和花膠雞米線一起品嚐更為提味，為整體味覺帶來多層次享受。 宜家食滿200元仲有得夾一次公仔，夾中嘅話會有唔同coupon係入面，例如九折，下次黎食又抵左啦！
continue reading