Video
7-min walk from Exit A1, Tai Po Market MTR Station
continue reading
Payment Methods
Above information is for reference only. Please check details with the restaurant.
在一個晴朗的日子，與友人傻呼呼的遊蕩到大埔，天氣酷熱似火，二人都沒甚麼胃口，索性吃碗粥，順便清一清腸胃。我們去了一間叫做雞皇一的茶餐廳，既然叫雞皇，很自然的叫了雞粥；不過雞粥不是普通的雞件，而是刁鑽地用上了雞脾。粥底很綿很滑，飯的比例很多，並非只有粥水，每啖都吃到雞味。雞脾很大隻，肉厚肥美兼且嫩滑，煲完粥仍有甚濃郁的雞的原味，比起用一般雞件煲的更勝一籌。更神奇的是整碗粥很清，沒有過多的油份，一點也不油膩，很清。吃完雞粥，我們滿足萬分地離開。
continue reading
嘩 ~~ 話甘快又一年，話甘快又生日。 我究竟係唔係發緊夢呢？係唔可以搵個人「搣」一「搣」我塊大肥面，等我知道我究竟係唔係發緊夢。古時有條友叫「莊子」，佢有日得閑得滯訓著左，然後發夢自己變左隻蝴蝶，由於個夢太真實，佢醒返之後，居然俾佢稔出一個到而家都無人可以解答的問題。呢個問題就係，究竟阿莊生係一個人發左個變左蝴蝶的夢，定係其實莊生本身就係一隻蝴蝶佢而家仲發緊一個做緊人的夢，呢個故事就叫做「周莊夢蝶」。好喇 ~~~ 人生o既野，容咩易就五年、十年，三十年都黎緊喇 ~~ 甘今晚我地就有今晚有酒今晚醉 一直以為佢叫「一皇雞」，原來搞錯左，佢係叫「雞皇一」。餐廳室內面前比較細，選擇坐外面(接連鋪面旁)，頂有帳幕，近街一邊有透明膠布，幾有大排檔風味。呢度主要以雞及滷味為主，雖主打兩類，但選擇也不少：「雞飯」(可拼)同「滷水飯」(可拼)可以選碟或碗，亦可以轉米粉、丁麵;亦有以雞、雞組，雞雜為主的粥品;風味小食當然唔少得主角「雞」，仲有「滷味」，同埋小炒。「一皇雞飯 (碟)」$48：大大碟碟頭飯，飯份量及雞件數量亦不少，附沙薑醬及薑蔥蓉各一碟。雞皮富脂肪，還算滑，肉軟，有雞味。沙薑醬香濃，最喜歡薑蔥蓉甚富香蔥鮮味，想起媽媽小時候在家整白切雞時準備的薑蔥蓉自家製口味，而唔係機械流水作業的工業化味道。「煎醲三寶」$34：有6件，2件青椒、2件茄子，2件紅腸。上枱時見到好似乾乾地、凍凍地同燶燶地甘，心稔，難道我中了伏？今次死火，仲要件件都甘大年添。好喇 ~ 醜婦都終需要見家翁，自己叫的餸點都一定要自己食。攞起雙筷，準備食啦 ~~啊~ D煎釀三寶個樣雖然睇落有D衰衰甘甘成個樣衰阿寬甘款，不過，又幾好味喎衰野 所以話，外表o既野，幾時都係呃人架啦！煎釀三寶外面少少焦，微脆，魚肉唔腥非常好。魚肉比例亦岩岩好，唔會得少少，厚得黎又唔會太多。最好食係茄子，魚肉口感係實，而茄子好軟，食落真係雙得益彰。「雞雜拼油菜(大)」$80：油菜要了菜心。菜份量都多，菜幾入味，仲俾埋蠔油。如果食得比較淡，可以唔要蠔油都得，好在佢d蠔油「淋」埋一邊。雞雜原來係滷水整，份量就唔算好多，少少咸(滷水野嘛)，最岩送酒，巧醒呀我，已經一早叫定左枝啤酒。雞雜有腎、肝、腸 ，不過腎就硬更少少。我呢都係鍾意食炒雞雜多d (我知我好重口味)。2個人，1碟飯，1小菜，1小食，1啤酒，埋單188，好意頭!服務方面，其實呢度都係小店，招呼黎講其實都算唔錯，快手，唔黑面，有禮 (當然唔好要期望係酒店式服務啦)，靚姐俾酒杯我時見到隻杯污糟，自己已經即刻去換左佢。唔拘緊，有大排檔風味，自在舒服甘食飯、吹水，呢餐食得幾開心、幾值。
continue reading
大埔 好多美食天堂 今晚 黎到 雞皇一 食 佢地既皇牌『雞』 呢度唔係食 裝修 而係食 味道 店子小小 食物 極有水準雞 果然 係皇牌 雞肉嫩滑 異常入味 加上 沙薑粉 係絕配 第二度好難食到了 好味道 其他推介：例湯 自家制無味精 雞雜 及 七味豆腐
continue reading
琴日去余曉記買外賣見到雞皇一，回想年青時雞皇一前世既雞粥、雞飯、雞油炒時蔬超級好食，食過既都念念不忘，今日專程搭的士親身試試。點解係要寫錯字，我都強調左好多次，係雞髀屬骨字部，唔係內臟雞脾屬月字部呀！唔好比大陸睇衰，話香港人中文水平低！寫肶都還好，古文共通。雞粥定雞飯好呢？本來想食粥，但前世既雞飯超好味架喎，懷念嫩滑多汁雞肉雞油撈飯，就試下今世變成如何。雞髀雞雜飯，高昂價錢要 $74 蚊，足夠食碟雙髀飯喇。雞髀肉嫩滑，非常結實，咸雞味濃不像白切雞，都有少許鮮雞甜味。不幸地微微散發隔夜氣味，新鮮度強差人意欠鮮味沒有靈魂。未必一定係隔夜，天氣炎熱、舖面廚房溫度又高，儲存得唔好都會有此異味。雞心、雞腎唔錯，爽彈香甜，但雞腸、雞潤同樣有異味。雞湯灼白菜仔還可以，食到雞湯味及菜甜味。雞飯價錢太貴味道麻麻，唔值。煎釀三寶，得兩寶囉，得青椒無尖椒，唯有淨係食紅腸茄子啦。依個唔係煎釀三寶，係炸三寶先正確。紅腸炸得外脆內嫩，魚蓉炸得香口，紅腸咸香又帶甜，好好味！突然想起如果有茄汁就好喇，酸酸甜甜味道一定好夾。茄子似乎太大舊喇麻，好難炸到熟透軟棉，不出我所料，外棉內硬，好采夠熟。索油超強，一咬噴油呢，夠晒油潤。孖寶魚蒜份量都不少，食晒六件都好飽肚。雞腳，淋上麻油好香口，外皮爽滑，滿意。原來獨力啜 8 隻腳係好睏架，堅持到底終於完成。腳甲修啲唔修啲，想點呀？點出黎見人呀。捐既時間刮到我個嘴呢，好采無流血。雞髀粥，雞髀粥既髀較雞髀飯既髀滑好多呢，今次無隔夜味，仲帶有鮮雞甜味喎。天氣咁熱，我坐係度都出汗，雞既儲存要花點心思，溫度咁高好易會有異味。不停聽到侍應阿姐叫雞底雞底，原來白粥底滾雞呢，唔怪得粥底無味啦，淡荗荗，搞到要加胡椒粉及豉油添味啊！粥底都夠棉滑，合格但不甜美。跟前世華香雞相比真係天與地，此情不再，期望越大失望越大！
continue reading
成日聽阿媽講依間店係大埔出名雞粥.....所以去一試....個日係星期六都坐滿曬人.... MENU 內款式不多...... 主要買雞 同 滷水食品 同 小食....我地 2 個人叫左3 樣野...... 例牌雞一碟 ( 忘記影相 ) , 泰式鳳爪 , 蒜泥白肉依間食館有白飯同粥同白線同出前一丁 ( 每款 $9.00 )去配雞食.....隻雞既都好嫩口,,,,,不是太重味精......可以再試....
continue reading