鴻運餐廳小廚 (Closed)

已有一段時間沒有來此, 叫返個豬扒包 +可樂 。等左8分鐘, 全部送到。 豬扒包:豬扒是煎的, 實, 油少但味道唔錯, 感覺是簡單 。個包幾香軟, 裡面青瓜、蕃茄為多, 唔錯。可樂: 一支原裝上, 夠凍。…Read More

上午11:30, 趁客人不多快d食左個午餐再活動 。一坐下, 立即叫了快餐乾炒牛河、茄汁豬扒飯、兩個常餐 。乾炒牛河:夠熱,牛肉同河粉份量合比例, 不會失望 ! 牛河炒得均勻, 牛肉不太堅韌, 已值不少分數, 至於咸淡味我會以適中來作俾分 。至於杯凍奶茶:茶味夠, 滑, 唔錯 !我朋友點的茄汁豬扒飯, 飯多到食唔晒, 啱大食一族, 茄汁夠多, 是這餐廳一向作風, 見仁見智 。兩個常餐, 小朋友點, 無投訴, 好快食完, 沒有問題 整體已去返有水準階段 。…Read More

食物質素愈黎愈差食果個味菜唔知咩炒面,三十幾蚊...黎到,細碟到好似小朋友食剩曬咁,碟野仲要凍冰冰同d伙計講,d伙計既回應係係咁嫁,唔緊要啦嘩...火都黎埋...有冇搞錯啊沖d咖啡奶茶又難飲以後都唔會行入去…Read More

自從餐廳轉左名後, 食過一次, 有點怕怕; 到近來午飯跟小朋友去吃, 份量比之前多了, 味道都比最初進步了, 再試試晚餐如何 ? 2大1小選擇了一個什扒晚餐配意粉, 價值36元, 小朋友叫了一個鐵板牛扒, 配白飯,雪糕加涷飲52元, 全部配黑椒汁, 不太辣, 對我們來說很好味, 送上來色水好吸引, 話牛扒, 但好soft, 似牛柳, 我囝囝讚不絶口, 飯、意粉份量的確比開業時多返, 似以前金運, 味道返返來, 有進步, 唔怪得人客比以前多 。 至於兩碗中湯, 一碗淨湯加一片瓜, 另一碗淨湯加豬骨, 分別頗大 。…Read More

近排出咗個什錦麵餐,基本上係車仔麵但配料fix咗係咖哩魚蛋,咖哩豬皮,蘿蔔同豬紅，$23連飲品,凍飲加$2。雖然係普通菜式但係個人覺得好抵同好味，魚蛋彈牙，豬皮入味，豬紅唔散，最好味係蘿蔔清甜無渣。抵過我屋企樓下車仔麵檔，剩係一個3餸麵唔連嘢飲都$24！:(…Read More

放假日，一條友食飯，經過呢間茶餐廳，其實都食過好幾次，一般小炒，中規中矩啦，求其一餐就走咗入去。因為是平日關係，六點幾冇乜人，原本想食碗粉就算，但見到 d 扒餐幾平，都未試一個人鋸扒，一於試下！什扒餐都係 $58，比其他扒貴$10，於是就叫咗什扒餐。羅宋湯 ~ 好稀，但勝在蕃茄味撘夠什扒 ~ 其實佢個豬扒、牛扒、雞翼各方面都 ok，叫做係茶餐廳既基本啦，但個汁........ 我揀咗茄汁，好難食，似係個汁整得太咸所以再加咗好多糖去再煮，真係超超超難食，平時我去食嘢即使難食都好少退，奈何個扒一早淋晒 d 汁落去，所以非退不可....... 幸好 d 伙記態度都唔係好差...... 再一次端出個扒同茄汁，今次個侍應沒有將汁淋落去，我一試，我覺得似係剛才果碗，倒咗一 d 再加糖煮.......結果都係好難食.......我無再換，因為都已經無乜 mood，唯有沒有加汁，只倒咗 d 地們茄汁嚟食......好失望，第一次單人匹馬鋸扒攪到咁......唔會再嚟呢度食扒 lu :(…Read More

細個讀econ,有學過橫向合併鴻運嘅營運手法,就有點橫向發展嘅味道前身係金運茶餐廳,老闆兼營商場一樓嘅金運酒家而家改咗名做鴻運但係下午兩點零鐘鴻運一樣會有金運酒家啲下午茶點心賣係咪好頂癮呢嘢食方面,小炒調味偏甜偏濃扒餐無里頭收貴幾蚊送隻乾憎憎燒乳鴿俾你睇得出佢哋努力求變,但尚未成功,繼續努力…Read More

喺青衣做完嘢又成夜晚八點幾嘞，已經好肚餓，頂唔到返荃灣先食飯，就喺附近揀咗呢間外表最企理嘅茶記食晚飯嘞！一入去都係一般茶記格局：兩邊係卡位，中間就放咗好多張方枱，地方用到盡。原本想食小菜套餐，突然見到有鐵板餐食就決定改變初衷轉食鐵板餐嘞！要咗一個美國什扒餐，成個餐包括有： 羅宋湯 ：冇乜菜味，但係個湯就好紅又好甜，飲落有大量蕃茄味，還可以！ 鐵板什扒 ：有牛扒一塊、豬扒一塊、雞翼一隻、腸仔一條、火腿一塊、椰菜，蕃茄同薯條做配菜。牛扒同豬扒都剁過龍，冇乜肉味，仲有小小硬添，好彩個黑椒汁都好幾味，補番啲分！最好味估唔到係隻雞翼，醃到入晒味，仲整到個邊脆脆地，唔錯！薯條都炸得幾脆身，冇比啲汁浸到稔晒，唔點茄汁點黑椒汁都好好味！要彈嘅係塊鐵板一出嚟已經唔夠熱，淋汁落去一啲聲氣都冇，有啲流！ 意粉 ：因為鐵板唔夠熱，未食完個什扒我就放晒啲意粉落塊鐵板度先至可以仲有暖嘅意粉食吓，都唔係太稔，但又唔可以叫彈牙，不過不失啦！ 凍檸茶 ：普通屋邨茶記算係咁啦！不過真係唔夠侍應，叫親都答等等，成五分鐘先番轉頭，要生意長做長有真係要落本請多幾個人先得！…Read More

先講返比網主聽呢間野開返,聽街坊講係同以前金運同一個老細,不過重新裝修改左名地址變左地下4號.自己家住青衣食過哂青衣所有食店,食來食去的感覺就係又貴又難搵位又唔好食.去青衣城食,成日都人山人海.唔知以為好好食.但係比我的感覺除左潮流同稻香係可食用外,其他都比我blacklist左.正宗又貴又唔好食Service又差.青衣都有好多其他地方有野食價錢都係差唔多.不過食物的質素就好參差.呢間野岩岩開果時我就即時去試,因為佢位處的地方都已經有幾間茶餐廳係到.夠膽重開即係有料到...點知都係失望而回又慢又唔好食價錢就普通一個晚餐35-40蚊有湯有一杯野飲.前日星期六同honey兩個人又懶又但係又好肚餓之下又去試下呢間野睇下有無進步.一個A餐一個B餐.真係有驚喜 36蚊一個餐有小食(三個咖喱角),湯+野飲+飯.我honey要左個焗豬頸肉飯.我就要左個豬扒意粉.咁既價錢...竟然有咁既質素...好誇張好食.咖喱角整得脆又好食.湯就普通野羅宋湯好普通,飯就真係有驚喜.焗飯出奇好食.唔似普通快餐店死命加茄汁...食得出有蜜桃,少少番茄.肯定無茄汁不過唔知係咩汁.我自己果個意粉唔係整定哂.好彈牙唔會軟都無力.豬扒就普通.兩杯iced lemon tea!好有茶味唔知佢個茶膽點配好少飲到呢隻味的茶.我地兩個食唔哂d野...我都要包返d飯拿走返屋企夜d食左^_^…Read More

其實呢間即係以前ge 金運餐廳，以前好好食，不過而家裝修完改埋名之後就無咁好味位雖然係好坐左，闊落過以前，但係野食ｄ味唔同哂，仲貴左好多>_<!一個快餐要$30，凍飲加兩蚊，以前都係$26 + 2 = 28 之ma! 而家仲要無咁好食=(…Read More