Feng Ming (Block A, Hong Kong Industrial Centre) (Closed)

☕️ 食物：👍🏻👍🏻👍🏻 👍🏻 /5  💰CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻/5🛋 環境： 👍🏻👍🏻👍🏻 /5經常經過鳳鳴，想試都冇機會試，通常都係佢收左鋪或者星期日唔開門，今日撞正可以食鳳鳴，真係好難得！粟米腸套餐 腸粉岩岩蒸出黎又嫩又易入口，最吸引人既一定係佢個麻辣醬再配埋芫茜，一流啊，配埋D蒜粒，有D似口水雞果隻口味，不過就鼓油味再重啲啲，燒賣再跟埋個醬，令到成件事生色唔少！跟餐叫左個紅棗桂圓茶，清清地岩岩好可以解平衡返重口味腸粉，一流 ！…查看更多

今朝晏左食早餐，所以午餐去到2點岩岩好肚餓想搵野食，經過荔枝角地鐵站附近，睇吓有啲咩啱食，行行吓見到呢間寫石磨腸粉，唔諗即刻去試先。細個係腸粉迷，可以日日都食，不過而家少咗好多好好味嘅石磨腸粉，真係好懷念以前好食又平嘅腸粉。今次嗌咗個套餐，因為單嗌唔夠飽，套餐包腸粉一碟、魚蛋/燒賣+一杯嘢飲。等候嘅時間5分鐘左右燒賣同芫荽排位有心機，好多外賣都係求其放，呢個位值得一讚！不過腸粉個份量就少咗啲，如果做午餐嘅話未必夠飽，下午茶嘅就可以。終於食完喇！杯豆漿好飲！而腸粉整體個汁係好食，我叫走辣，佢個汁有麻油，芝麻粒，唔錯！美中不足係個份量可以最多少少就好啦！…查看更多

唔知大家知唔知道, 大食妹係個腸粉控由細到大都超鍾意食, 可惜近年好食嘅腸粉已經買少見少但大食妹依然勇於嘗試, 唔試又點知好唔好食呢今日大食妹去左荔枝角做野, 見附近有呢間鳳鳴石磨腸粉, OpenRice可以schedule外賣自取, 咁方便, 就去試吓<石磨雞蛋豬肉腸粉>石磨雞蛋豬肉腸粉望落好似似模似樣, 腸粉唔算太薄但可以接受:)雞蛋量都算可以, 但豬肉有得面頭幾粒, 誠意一般跟餐仲有燒賣同野飲, 係幾抵食, 但靈魂嘅豉油好淡, 大打折扣…查看更多

之前一直都好想試鳳鳴腸粉，可惜每次經過都係已經閂咗門（下午4:30就閂門），加上無得堂食，疫情下企係街到食有啲麻煩但最近係荔枝角附近做嘢，終於有機會試到 ！由於佢地舖係即叫即整嘅腸粉黎，所以要啲時間等，一般要等10分鐘左右。而家天氣咁熱，大家可以先打電話或者whatsapp落定單，咁去到就即刻拎唔洗企係街到等！呢幾次食，我都揀石磨雞蛋豬肉腸粉(單點$24) ，佢地嘅料俾得算足夠，我係會食到啖啖豬肉粒同雞蛋香味腸粉有分白米（原味），紅米同黑米。我三款都試過，感覺白米同白米差唔多口感，但黑米就會相對地鞋身啲，無咁滑！佢地嘅醬汁都好好食，尤其係秘制麻香汁，大家一定要試下！石磨雞蛋豬肉腸 （原味）石磨雞蛋豬肉腸 （黑米）…查看更多

之前試過觀塘同小西灣分店，今次來開荔枝角做嘢，又試吓呢間掂唔掂先🙂本來想叫黑米腸嘅，不過話黑米腸賣晒😑，於是今次單點外賣叫咗個石磨牛肉腸🐂，盛惠$27💰番公司打開時，見到d牛肉咁大塊🐃，個心驚一驚😂，怕會又老又韌，估唔到又幾好食喎😋，d牛肉幾淋幾有牛味🐂⋯⋯不過平時慣咗食牛肉腸係包埋係腸粉裡面食🫔，今次就覺得係腸粉同牛肉分開食🤨，有少少似食餸咁，有啲奇怪，好似唔係好夾咁😔⋯⋯…查看更多

由於最近轉左係呢頭返工,見到同事有幫襯過呢間腸粉好似好吸引!更重要的係!佢係良心小店!!更加要支持!同事話平時早午餐時段都要等好零,醒目的我就拎左佢張外賣紙,打左個電話叫定再落去拎,完美!今次叫左手撕雞腸+胡麻醬,走青之前已經食過佢有麻辣味,係超邪惡又帶麻香,配手撕雞係令人回味!而呢個胡麻醬係日式個隻胡麻沙律醬,感覺飽肚因為creamy d,而佢有得免費轉黑米/紅米腸,都係一大特色,個人覺得黑米米味重小小,值得一試!…查看更多

午餐去搵食，突然好想食腸粉，就想起這間人氣腸粉店。去到門口已經好多人。要等一陣先石以取餐。我選左招牌石磨雞蛋豬肉腸粉套餐配竹蓆茅根同燒賣魚蛋。腸粉小辣好滑。味道亦唔錯。真係唔怪得咁多人排隊。竹蓆茅根凍凍地好清涼。裡面仲有條竹庶。食完份量剛剛好。…查看更多

突然好想食蒸腸粉！琴日同事請我食過一條好好味，再加埋一早收到朋友早餐腸粉相，就超級想食😂即拉豬膶腸+秘制麻辣油👍🏻豬膶略嫌有點overcook ，但腸粉配汁係堅好食😋腸粉幼滑唔會好粉狀！如果芫荽香蔥可以在多一倍咁就最好啦🤟🏻🤟🏻本身我唔係好鍾意食辣，但同事極力推薦佢嗰個秘製麻辣油，一食係會愛上，豉油同腸粉係夾到天衣無縫！每日都大排長龍，建議先whatsapp下單，唔駛企住等曬太陽咁耐！…查看更多

於荔枝角上班，唔想同人迫食晏晝，又唔想太heavy, 鳳鳴石磨腸粉係一個唔錯嘅選擇。石磨腸粉好有質感，當中不同配料的選擇，與酒樓食到嘅腸粉大大不同。今次我選擇咗豬肉石磨腸粉，當中有不同的味料，仲有特賣嘅芫荽，可以選擇不同辣度，可以單買，又可以配上燒賣同飲品作套餐，男士可以當小食或早餐，女士可以當午餐。店舖裝修簡單，店員年輕又殷勤，有禮貌，雖然只有外賣，等待嘅時間也不算長，快捷又方便。特別一提，石磨腸粉雖然不及酒樓腸粉嫩滑，但係各種配料放在一起，好有口感，唔油膩，感覺比較健康，下次會選另一款再試！…查看更多

石磨腸粉好似呢幾年開始係香港興起，多左好多間鋪都有賣，但我食左好多間都未有好出色既鋪想推介。直至之前黃埔開左間鳳嗚，我經常幫襯，真係好好味。今次呢間係分店，都keep到水準！我最鍾意既係豬肉雞蛋腸粉，肉碎細細粒咬落肉味香濃同腸粉既皮好薄好滑，口感一流。鳳嗚既醬汁都好惹味，自加製既醬配上乾蒜、芝麻等等好香好好味。而且店員每次都會好細心甘問洗洗唔多啲汁，定要少啲汁，配合唔同人既口味。20幾蚊份量唔大，閒時用黎當下午茶都幾開心！…查看更多

話說想試鳳鳴石磨腸粉想左好耐。每次都有吾同既原因試吾到。😂今次就試左個石磨雞蛋豬肉腸粉套餐($38)。但店員就話得番黑米，所以就變左做黑米雞蛋豬肉腸套餐($38)，兩者價錢係一樣既。腸粉係即叫即整。不過我自己就食吾出黑米腸粉有咩特別。😹可能黑米健康D呱。但就食吾出個雞蛋味。腸粉幾嫩易入口，皺皮腸就好難話會滑身。個米漿味吾算出。個重點係佢個芫荽同辣醬味。好味！最鍾意佢地個辣醬。👍🏻辣醬香得黎會有少少麻味，但就吾會太辣，應該連譚仔麻辣十小都無。🙈叫我食兩兜都仲得。而個燒賣係跟餐既，正常普通既燒賣，但撈辣醬食一流。想飲佢地豆漿，但佢地無曬。😭所以叫左個紅棗桂圓茶。個茶吾會太甜，不過都會有紅棗同桂圓味，會比較清新同清淡D。食重口味既野最岩飲番呢D清淡茶。店員姐姐都十分有禮貌，講野把聲仲好好聽。整體黎講，係一定會再幫襯既食店。🤪…查看更多

一直想試吓呢間啲腸粉，不過平日lunch 時間，呢條街啲食店都好多人排隊，所以無專登排隊買。今日咁啱 Tea Time 經過，見到唔多人，即刻想買返公司食，終於有機會試到了～單點咗一個石磨豬潤腸，即叫即造。見到可以另加芫荽(一碗！)，不過當日已經賣晒了😣，下次一定要加，芫荽控要試😆。雖然無另加芫荽，但本身都有少少，落咗芫荽嘅腸粉真係超好味😋😋 。除咗芫荽，仲有佢嘅麻辣特色醬汁&配料，都好香好惹味。腸粉餡料仲有好多選擇，真係要輪住試🤗！…查看更多

之前經過見到已經好想試，今日第一次幫襯，叫咗份牛肉腸set，跟餐有埋6粒燒賣同一支嘢飲，都只係$41（如叫其他腸粉有啲$30幾就有份set）。作為芫茜愛好者就梗係冇走茜喇B-）佢啲醬真心好好味，有啲辣（佢會問你有冇醬嘅配料唔食，就可以走嗰樣），好開胃，最後係食到乾乾淨淨咁！因為真係正！啱晒口味。準備聽日再食^^PS  飲品我見佢今日有個新嘅特飲，芫茜檸檬蜜，試咗，果然兩樣嘢溝埋就真係麻麻～（但都有成支飲晒xd）下次試吓佢個桂圓先！…查看更多

鳳鳴腸粉想試好耐💛開咗係荔枝角黃店一條街！「黑米雞蛋豬肉腸」黑米腸粉高纖維，健脾胃👍🏻腸粉即叫即整，食落滑嘟嘟，豬肉碎增加口感，甜豉油味道啱啱好，面頭有炸蒜、辣椒粒，少少辣好惹味。…查看更多

可以打電話去落定ORDER, 唔使係現場等咁耐, 佢係呢區好受歡迎, 尤其食晏時間, 目測係嗰條街最多人幫襯既食店, 我地都叫左牛肉雞蛋腸, 其中一個走芫茜, 對牛肉同雞蛋印象唔深刻, 但腸粉就整得又薄又滑，冇生粉味，感覺唔油膩，麻香汁對唔太食得辣既我黎講偏辣, 但味道真係調較得好好又特別, 我覺得個汁係佢地既一大賣點，燒賣無腥味夠腍, 皮唔硬, 豆漿新鮮好味偏甜, 性價比極高之選, 如果營業時間可以長D就好喇, 放工可以買返屋企做晚飯。…查看更多