Ankofish 98 (Closed)

下班後跟朋友到了旺角找吃，因為想吃日本菜，所以找了這間魚魂98。看過餐牌，知道主要是吃定食為主。一Set定食包括了沙律，小食，麵豉湯及主食，份量很足。小食是炸雞粒，味道很普通，有點冷。麵豉湯比想像中足料及夠味，不會過淡或過鹹，算是不錯。正常味道的麻醬蔬菜沙律，可是沙律的份量有點少，如果多一點就好。主食我點了鰻魚飯，鰻魚的份量比想像中多及大塊，觀感上不錯。照燒醬夠香甜，但可能醬汁較多及重味，所以都有點鹹，也搶了鰻魚的味。鰻魚雖然不是厚身，肉質也不特別鮮美，但以旺角吃到的質量以及這個價錢來說也可接受，我沒有吃到細骨，而且鰻魚都烤得算香脆。其實整體上都似有點港式日本餐廳，不算令人驚艷，食物味道中規中舉，沒什麼特別。…查看更多

下班後匆匆的吃個飯，行下行下，唔知食乜好，見到有honey 最like 的朱扒蛋飯，OK, 又試下依間小店。地方頗闊落，侍應很有禮的招呼我倆入座。點了一個朱扒蛋飯定食（$85），一個芝茄朱軟骨烏冬定食（$68）。我的烏冬是真的有溶溶芝士丶軟軟朱軟骨丶濃茄湯。個烏冬仲要係讚歧烏冬，所有野加埋，$68黎講，是真心超值。個沙律同海苔炸雞小食，也不錯。Honey 的朱扒蛋飯是標準水平，希望大力一讃的，反而是定食的味噌湯。個湯有朱肉粒丶紅蘿白、洋蔥等等，足料之餘，味噌味道頗濃而不過咸，是高水準的。總括而言，推介這個小店性價比高…查看更多

到附近銀行處理事務後，隨街搵一間餐廳坐下食個下午茶。咁岩經過見到無乜人，又貌似寧靜舒服，又咁岩抽起條筋想食拉麵，咁就入去喇。入到去原來發現仲做緊優惠，有折頭。相當優惠。我地叫左兩個，原價要78蚊左右，仲加8蚊轉特飲，埋單先$121。味道方便，我嘅燒和牛飯有驚喜，唔乾，唔鞋，雖然稱不上和平嘅味道，但整體上非常不錯。牛舌烏冬，牛舌非常厚，本來我以爲70蚊一碗烏冬，牛舌應該係薄身而且又好細片個種。有驚喜！配上黑蒜湯底唔錯！比我預期意外嘅發現…查看更多

星期六同爸爸媽媽一齊去油麻地，本身諗住係女人街附近揾食，唔知做乜一轉就去左另外一邊，不過無所謂，反正呢邊都多嘢食。。。😂😂😂行左幾間都唔係咁啱心水，好在行多2間就到魚魂98，係門口睇下Menu，有丼飯，又有烏冬，而且又係日本嘢，都幾啱食，所以就入去試下。。👍🏻👍🏻👍🏻3個人等左1min 即時有位。Lucky~~✌🏻✌🏻✌🏻 爸爸本身俾個燒龍蝦同燒蠔吸引，但呀媽發揮了師奶精神話好細嘅咋，唔抵食呀就K.O.左我爸爸。😂😂😂 最後爸爸揀左個燒和牛粒丼，我就食鮮茄湯豬軟骨烏冬，而媽媽就食燒雞冷烏冬。。話説其實我睇menu 時無為意個湯底係蕃茄湯，所以來到時都有驚喜。而且個湯底仲有加芝士同一隻好靚既溏心蛋，個個餐都仲有炸雞粒小食同沙律，都幾抵食。👍🏻👍🏻👍🏻 個蕃茄湯好濃，而且烏冬好彈牙，我覺得超好食。豬軟骨都好食，不過普通左啲比起個烏冬，攪到我食晒個烏冬先記得仲有豬軟骨係度。😂😂😂 個炸雞凍左啲，不過都okay，沙律都好好食。👍🏻👍🏻👍🏻至於媽媽個冷烏冬，我都覺得好好食，個烏冬超彈牙（比湯烏冬更好），燒雞都算多，又唔乾。。係幾好食。唯一係個烏冬因爲淥熟再加胡麻醬，令到個冷烏冬變左暖烏冬，而且未吸亁水，個醬加完之後稀左好多。不過都係好食嘅。👍🏻👍🏻👍🏻…查看更多

雖然話宜家少左人外出食飯，不過旺角餐廳依然好多人，周圍都要等位，經過呢間日本野，聽見d人話好好食，所以我地決定試下叫左照燒生薑豚肉飯定食and 蕃茄豬軟骨烏冬豚肉好入味，甜味適中，而且不怕老，不過雞軟骨略為林左d蕃茄湯底好入味，豬軟骨又夠大舊成個set 好大份，including 10% service charge 都around 8x hkd, 以晚餐來講，性價比好高…查看更多

經過好幾次，一直想試佢個火鍋好耐，點知今次食嘅時候已經冇做火鍋了...本身睇menu嘅時候都幾大expectation，見好似都整得幾有心機，冇乜都有啲咁一定好開心，因此簡左呢個最貴嘅$108餐，點知食落就失望了。個湯味道太淡，沉澱物好多，個炸雞最出事 ，得炸粉冇雞肉，凍晒，個丼就啲魚子ok, 三文魚普通，出事在啲飯，又熱又淋，口感唔太好。男朋友點的巨峰乳酸，味道不錯。雜錦海鮮烏冬，不過不失。最後埋單$230。雖則明白餐廳本身定價係$68-88左右為主，作為平價日本餐所以都預太高質素，但旺角咁多選擇之中，都唔會再翻炒了。…查看更多

下午搵個地方食下野，路經此店，入去一試。叫了一個牛肉烏冬set, 湯㡳係魚湯製，非常清甜；牛肉滑嫩，仲有沙律、炸雞，炸雞脆卜卜，非常好味！值得推介。👍🏻👍🏻仲要下午茶時段有85折，抵！…查看更多

燒鯖魚真係唔錯~去試日式餐廳食鯖魚真係實冇死(除左有D骨),又平又唔伏得去邊追加左2粒芝士年糕~如果食完成個飯食會好膩...所以我呢D小鳥胃就寧願唔食咁多飯湯係麵豉湯,雖然冇肉係裡面但我飲得出肉味~幾唔錯的一個lunch set…查看更多

週末到旺角行街， 被他們的宣傳單張吸引， 像一個小型搶包山 般的黑豚肉堆 火鍋， 想試一試。挑了一個壽喜燒湯底， 不一會兒 侍應便 奉上 一個跟照片一樣的 黑豚肉 壽喜燒。 感覺沒有 欺客。問題來了 當火鍋滾燙起來的時候， 塔底的黑豚肉會先熟起來， 所以Ben爺聰明地 先把黑豚肉放到另外一隻碟上， 當要吃的時候才一片一片的 把生肉灼熟。黑豚肉是厚切的， 能感覺到 新鮮的豬肉味， 口感非常不錯 有肉汁， 而且份量足夠 絕對能飽肚。98元來說 算是值這個價錢了。 想像一下 旺角的舖租有多貴， 能有這個份量有這個出品 還有什麼好說的。…查看更多

朋友介紹，一上菜已經有驚喜，無諗過98蚊都會有咁大堆頭！圖文相乎，仲要有好多好新鮮既菜！對於長期減肥既or 想食得健康既人，真係真心推介真心like！我叫左個壽喜燒湯底，係正既！一個女仔係會食5曬，男性朋友都話好飽食到要除裇衫鈕扣😂😂😂仲叫左個炸雞小食，不過就無個主菜咁嘩一聲😂😂😂依間絕對要encore!!! 真心推薦俾大家！😋😋😋😋😋😋😋😋😋😋😋😋😋😋😋😋…查看更多

香港人生活就係無限OT收工就已經係宵夜時段，拉埋同事醫埋個肚仔先啦路過見到呢間餐廳個二人set有火鍋又有串燒，人頭一人一舊水，所以就揀呢度晚餐串燒 & 燒鯖魚 燒物唔錯，整體所有時間控握得好好👍🏻👍🏻，尤其旁邊嘅柚子鹽更加將雞翼同雞軟骨提昇左而個鯖魚都好大條到火鍋部分肉分別有一盤牛肉同一豚肉，牛幾嫩但唔好要求太高，呢個價位絕對合格有餘。而豚肉雖然睇落去肥肥地，但入口冇肥膩感反而係幾爽口之後就係菜+海鮮嘅拼盤，有3款海鮮，菜同魚蛋，豆腐等等 ，好大一盤最後就係烏冬喇湯底方面我嘅就係魚湯，而同事嘅就係壽喜燒魚湯係真係熬左好長時間嘅感覺，唔係靠味精熬出黎。就咁飲都覺得唔錯，用黎食烏東點少得甜品 - 紅豆卷蛋 $28/3件卷蛋少少甜唔會膩，淡淡紅豆味，鍾意食甜品又唔得多就岩哂喇個set唔包飲品要另點但一杯都係$18，尚算合理整體黎講都真係非常抵食，而且質素唔hea，交到功課份量大到兩個人完全食唔哂，分分鐘仲夠三人食添…查看更多

有日收左工去左新寶睇戲，睇完梗係食宵夜啦！我地發現呢間日式餐廳有二人宵夜套餐，可以一次過滿足哂打邊爐同串燒，價錢都好合理，當然要試下。邊爐湯底有4款，我地揀左芝士蕃茄同海鹽牛油海鮮湯。蕃茄湯夠濃但唔會太酸，適合配肉類同蔬菜。而海鹽牛油海鮮湯就顧名思義好適合配海鮮。講起海鮮，呢個餐既海鮮相當有誠意，有大蝦，帆立貝，生蠔，全部都好新鮮。除左海鮮之外仲有唔同既蔬菜，仲有我好中意食既韓式魚糕，同埋彈牙日本烏冬。當然仲唔少得肉類啦，有美國牛肉同福岡豚肉，兩款肉都有肉味，肥瘦均勻。喺等緊火鍋入面既食物熟時，可以食住串燒！有車厘茄，雞軟骨，蕃薯仔同燒雞翼。真心覺得燒雞翼非常出色！雞皮燒到冇哂脂肪卜卜脆，雞肉亦好juicy，入哂味。仲有大大個燒三文魚頭，一d都唔腥，而且魚皮都係好香脆，仲非常多魚肉。另外要左2杯飲品，分別要左熱柚子蜜同菠蘿波子汽水。最後追加左個抹茶蛋捲做甜品，蛋糕既抹茶忌廉夠濃夠滑。十分滿意呢個宵夜。…查看更多

和C一起見完客，有點累亦有點餓，雖然已過了dinner time, C提議一起吃點東西才回家，我當然非常樂意la走進魚魂98, 坐低第一時間睇下有乜食，我地都同時睇中二人前鍋物加燒物宵夜套餐( 激安價$198)鍋物配自選湯底兩款，配料有福岡豚肉， 美國牛肉, 赤蝦,生蠔,帆立貝,豆腐，烏冬，冬菇和大葱等。燒物有雞翼，雞軟骨，鯖魚，車厘茄，迷你蕃薯。食物種類豐富，價錢亦平到你唔信，真係要食過先知D食物質素得唔得自選湯底揀左鮟康魚湯和壽喜燒湯。鮟康魚湯味道鮮甜，有濃郁魚味; 而壽喜燒湯底偏甜，但恰到好處，不會太濃味！美國牛肉~脂肪分佈平均，肉質腍滑，牛味濃郁福岡豚肉~肉質鮮嫩，味道鮮甜，好好味呀！豆腐~非常嫩滑，豆味濃郁！帆立貝~大大隻，啖啖肉！蝦~頗大隻，肉質爽口彈牙，鮮甜！蠔~肉質飽滿，鮮甜爽口！烏冬~ 分量多！ 煙韌有口感， 配合湯底好美味！燒鯖魚：鮮味多汁，非常新鮮，魚味濃郁，配檸檬汁非常美味串燒~雞翼酥脆香口，雞軟骨爽口，即烤而且有炭烤香味,正呀！甜品$28~抹茶忌廉蛋卷層次分明，清甜不油膩，好味…查看更多

今日喺旺角睇完戲，就去左豉油街嗰邊搵嘢食啦。見到呢間火鍋店夜晚9:30之後有夜割開催嘅餐，$198蚊又好豐富咁喎，我哋就入去試吓啦。首先呢經理好快就帶我地去咗坐一個四人位，坐得鬆動啲就食得舒服啲啦。跟住我哋係湯底度一個揀咗芝士蕃茄湯，一個揀咗海鹽牛油海鮮湯，兩個都好濃好香口。咁好快啦烏冬同埋嗰個海鮮拼盤就上枱啦，個海鮮盤好大份下，有大蝦啦帆立貝啦蠔啦同其他配菜嘅。跟住等個煲湯滾嗰陣時呢，串燒同埋燒鯖魚就上枱啦，兩樣都好新鮮咁燒出嚟，同埋冇煮得過火，食落都真係幾好食架。之後呢我哋仲有一碟牛肉同一碟豬肉，食落啲食材都好新鮮，同埋份量都絕對唔少，最尾食埋個烏冬就真係飽到上心口啦。我哋另外仲叫咗兩杯嘢飲，一個係菠蘿波子汽水同一個柚子梳打。波子汽水係會即刻開俾你嘅，而個梳打呢都好大杯下架。最後我哋見到佢有個叫roll cake嘅甜品，好似好得意咁就試吓佢啦，我哋揀芒果味，有三件細細地嘅，都好適合兩個人食架。開頭呢以為會好"流"，但係食落都係啱啱好，亦都唔會過分地甜，亦都食到有芒果嘅香味。咁樣買單夾埋都唔使$300㗎，有機會夜晚睇完戲可以去試吓㗎！…查看更多

去波鞋街買運動用品，行下行下都成九點幾，朋友話不如搵宵野食下，好吖，順路睇下邊間啱食先😋行到豉油街呢邊，見到呢間餐廳， 9:30後宵夜二人前都係＄198，心諗唔係啩，究竟係兩個人$198 ，定係每人$198？答案係，＄198係兩個人嘅價錢，有無咁抵呀？一於坐低試一次佢😋首先店員奉上一個海鮮什錦窩，上面有大蝦、生蠔、元貝各種食材，新鮮足料另外有烏冬。亦有豚肉和牛肉，而且質素極佳，唔係將貨就價，心諗咁嘅價錢點會做得到，可能真係競爭太大，Anyway食咗先講😬海鮮盤上面嘅生蠔鮮甜肥美，絕對唔係平價貨，食得出的新鮮，正！除此之外，仲有三文魚頭和串燒，食開日本嘢嘅朋友都知道，淨係呢碟串燒價值都差不多一百元，雞翼同埋日本甜薯好好味，車厘茄都好香甜😋另外加$18就有特色飲品，呢間餐廳已經響應環保提供紙飲管👍🏻一餐完美嘅宵夜又點可以無甜品呢？加$28元就有三件Roll Cake ，我地㨂左北海度紅荳味，好香好滑，唔會太甜，Perfect 👍🏻埋單都係$250元左右，每人$120-$130元，係咪講都唔信呢？絕對係近期食過，最正嘅「宵夜」🍲🍢…查看更多