馳名燒鵝

Open Now

Now Closed

最近太古城中心 food court 開咗間新餐廳「馳名燒鵝」，網上寫話係師承「鏞記」同「甘饕」派系，主打傳統燒味工藝同自家調製燒汁，聽落都幾有來頭，所以就試咗佢哋招牌 燒鵝下庄（$170）。鵝皮燒得好靚，色澤油亮，夠香夠脆，油脂分佈唔錯。鵝腿肉份量算ok，咬落唔鞋，又有咬口感。但我覺得初頭食時味道偏淡咗啲，幸好淋埋佢自家燒汁之後，整體層次提升咗，鵝肉香中帶微咸，撈埋飯一齊食非常夾，食到後段會覺得愈食愈惹味，可能餐廳本身就想用清淡鵝肉去突出燒汁嘅層次感，如果係，呢個做法都算幾成功。總括黎講，價錢唔算平，但整體質素唔錯，值得一試。同場見到唔少人揀叉燒，睇落都幾吸引，下次可以試埋。