香港手打魚蛋牛丸專門店

Open Now

Now Closed

今日星期日，係旺角返工，度度都多人，見呢間仲有位就入去食。叫左牛什河，叫左走蔥佢又無走蔥，仲要D蔥浸晒D湯都算，叫通菜落單時個店員又無講無，上菜時我話我叫通菜，佢話「無通菜」，就強迫我食生菜！！對面果個姐姐叫米粉，廚房整左河粉，姐姐話佢叫米粉，然後店員同姐姐講「試下河粉，河粉都好食架」

本身都唔諗住食 見有枱唔洗等 就入去食 加埋個fd唔餓又病 應該唔洗叫野都得掛落單呀姐原先都叫fd不如要杯野飲 但真係飲唔落 又唔想嘥左杯野飲 解釋左都冇在迫佢要 跟手我個雲吞麵到左 另外一位呀姐又叫fd叫野食/野飲 都已經講左 如果真係要叫都唔會食呢間 然後仲繼續講 話其他人有消費 先有資坐係到 你冇叫野食仲要坐係到 果下我已經嬲 但唔想嘈就快快手食個麵就走 點知又走左去後面大大聲講多次 其實落單你地真係要最低消費咪講 仲要咁多張枱都冇人坐 又冇阻住你地做生意 想講服務差之外 個雲吞麵其實都麻麻地 d都苦 雲吞都一般般夜晚臨瞓前 個肚一直都搞搞地咁痛 呢間都真係唔好啦

魚蛋米粉超級難食，史上難食，米粉質地非常粗糙，垃圾之中嘅垃圾。個湯底成口味精不明白為什麼普通的魚蛋米粉出品都可以咁差請改一改米粉的入貨吧一定是低質低劣的入貨連米粉都可以難食，我真係佩服！食到一肚火。

夜闌人靜嘅時候收工經過旺角，發覺有D肚餓，就係坐車附近搵到呢間麵鋪，當時已經係深夜2點半，裡面只有一個食客😑，由於趕車，我都唔諗咁多，一坐低就叫咗一碗✔️金錢肚河粉同一杯✔️凍奶茶少甜，打算快速食完就閃人。質素方面，我又唔可以話特別好食，但起碼金錢肚係爽口，河粉無過軟，奶茶無過甜過淡，係半夜三更無咩選擇嚟講算係唔錯。埋單總數43蚊，食物份量足夠，收呢個價錢都算係公道，下次經過呢度，都可能會再幫襯嘅。

别来，坑钱的。他们收错钱了，还故意不肯退钱。我们大陆游客微信支付，一个女服务员玩心机，港币42元，她一比一收款，付完钱才知道没有按照汇率，直接收了人民币42块。我们要求退款她死活不退，趾高气扬地说退不了。算啦多收的钱留给你后人啦，还说什么别人都这么收的，那你留给后人的钱也太多了吧？用不过来了吧？坑钱的店家，一家小门店还有每人20的最低消费😅😅真是笑死了。

想食個麵先返屋企，經過門口都叫有冷氣，點知行到入去，坐低先發現裡面無開冷氣。。。算，打算食完快d走，結果越食越大陣臭汗味。。d味由身後既食客背隻發出黎。。間野無話特別好食，大佬又未到夜深，風扇都無個，總知唔會再有下次

我個人生裏面從來都冇俾個劣評！都想講呢間店服務態度差都唔會緊要！野食都甘難個阿姐好臭串、記住我係有比到錢幫襯！坐咗落去8分鐘都冇就叫我嗌嘢食，我話俾啲時間我諗吓都唔得！一啲人權都冇咩？服務態度仲話我食唔起，話我喺度9坐，我真係會認住呢間咁樣嘅餐廳以後都唔會食!服務態度差都唔緊要，仲要串個客！雖然我唔知佢係老闆定係打工啦！但係呢啲服務態度喺香港真係唔可以接受我都望過呢間食評啲搞到我都好驚，服務態度差唔緊要啦，我買左豌粥一啖都食 我俾咗錢就走啦咁樣嘅食飯體驗真係唔好再有下次！🤣🤣因為佢哋對人嘅態度太差，仲要串啲客嗰吓真係冇得救！就算冇生意都係自己造成！最好笑個阿姐仲覺得自己啱晒！原來串個客就係基本嘅服務態度！我真係要拍手掌

要牛肚魚角河，雙併加10蚊，ok，因為想食魚角。嚟咗碗牛肚魚蛋，我話：「唔好意思，我要魚角，呢個係。。。」阿姐話：落錯單囉，咁宜家要唔要丫!味道唔好，好咸，無下次。

2023年5月16號晚上約7:15，路過此店入內叫咗碗牛腩麵、魚皮、凍啡少冰。覺得啲牛腩好鹹，以為只係師傅重手落多咗鹽。同日晚上9點開始肚痛，仲覺得谷住谷住想嘔。到晚上11點開始肚瀉，成晚又疴又嘔。第二日睇醫生，醫生話食咗啲唔乾淨嘅食物。突然明白點解啲牛腩咁鹹，應該係特登用鹹味掩蓋食物變壞。奉勸各位唔好去。

夜晚運動後諗住同朋友食碗湯粉，經過呢間鋪頭，店員熱情攬客就入去了。因同朋友出街跑步，得帶左手機同證件，未有帶現金。門口貼住可以使用八達通同支付寶付款，就入左去。買單時，個紅衣姐姐先至話得收現金，而且態度好差，仲用左非常無禮同不恰當的比喻。（咁門口又貼住收八達通同支付寶？唔系詭人咩？！）仲補充一句話:比旅客睇既。（咁系詭旅客？）之後不會再光顧這間餐廳，食物質素差就算，口味都差，同埋態度更加差！非常失望。希望唔會再有食客受騙上當！！！

📍 餐廳：香港手打魚蛋牛丸專門店 (旺角)地址：旺角西洋菜南街148號地舖1️⃣醒神早餐A $28沙嗲牛肉麵+腸仔煎蛋配多士+熱咖啡響沙嗲牛肉關注組見到有人講起，就響屋企附近，結果就走咗去試吓。雖然好抵食，但味道真係比較普通，唔知點解食麵，有少少燶味，唔知係唔係個湯底有啲問題。其他就正正常常，無乜特別。#hongkong#食好西#香港#尖沙咀#香港美食#美食#美食推薦 #美食日記 #旺角美食 #快餐#下午茶 #晚餐 #午餐#hkig #hkigfood #hkfood #hkfoods #hkfoodpic #hkfoodstagram #hkfoodshare #hkfoodie #hkfoodieblogger #hkfoodies

今日初四，本想食返懷舊車仔麵，可惜無開，之後轉食南記，點知9成姐姐全晒，又唔多似會走，後尾行到攰去左隔離依間粉面鋪，因太多食粉麵，點知入到去女職員有禮貌，睇完舉手叫野食啦，個女職員同收銀男幫緊一個客處理（響門口位）咁唔緊要，個男收銀望到我，第一眼，我自己舉得好少，唔應得合理，第二三次，男有望我，點知繼續無反應，女職員背向我望唔到合理、跟住小火，咁諗住開聲叫，點知聽唔到，我把聲就唔細，依間鋪無開冷氣，已熱死，而且當時人唔多，得我地係剛黎未叫野食。。。我之前用再大聲，今次全場望晒我，個女職員聽到，而個男既，都一樣目無表情，想問下個男收銀咁既態度，我無講任何野算好好了，至於味道，佢既料係多既（雲吞就正常粒數），我地叫左雲吞同牛筋，雲吞就普普通通、牛筋多，都夠淋身，味道都係普普通通，同價錢正比，但四眼男收銀員就不了，唔會再返轉頭，之後呀哥哥仔直頭唔響樓面，可能知道自己咩事，我無話佢架🙂女職員黎落單我都唔該前唔該後，倒米收銀，不過見間鋪都多上左年紀既食既

竟然係開飯搵唔到呢間粉麵鋪，其實係6，7年前已經成日經過呢間鋪，一直以為佢係同隔離間鋪係新舊鋪既分別，所以就次次都走左入左手面果間，但係直到前幾日先發現原來唔係，終於去試試佢呢間鋪頭粉麵都係走平價路線，最平廿蚊就有碗魚蛋粉，平均都係30蚊左右，原來仲有生滾粥同少少燒味飯食，我地要左牛雜米同牛丸河，湯底夠濃，味道唔錯，牛丸一碗有4粒，爽口彈牙好濃牛味，好食，另外牛雜份量算多，樣樣有齊，對得住個價錢27蚊咋仲想點，不過米粉就偏淋，唔夠爽口，河粉就夠滑，相比起河粉好食d， 以後出旺角又多個平價既選擇