Aberdeen Fishball Restaurant (Closed)

話時話，呢間野自從搬左後都未食過，朋友話呢間D野都保持到。今日lunch見去開果頭又即管試一試，2個人食左炸醬撈麵同沙爹牛筋腩飯，再黎一碟腐孔通菜。一齊share左麵同飯，務求每道菜都嘗試一下。整體感覺都不錯，中上啦！好味不在於食物方面，當然都唔差，但我覺得最重要的係醬料方面，炸醬呀、沙爹醬呀、腐孔等都調較得好，先令到食物出到理想的味道。炸醬撈麵的味道跟我平時自己製的印尼撈麵，或者便利店的撈麵差不多，但這份麵的醬料食得出係自己淆製，味道好濃厚，令到一份普通的麵條都變得好不太簡單，又配合火侯，要自己炒，就肯定炒唔到咁樣。至於牛筋腩飯，牛筋腩的肉質可口。我個人就很啱胃口，唔錯唔錯，有85分…Read More

突然懷念起香港仔的蠔仔粥，於是去幫襯旺角的香港仔魚蛋。我幾年前也試過在晚飯時段到訪，記得以前是同舊同事來這店，當時我也最愛這店的蠔仔粥。正值晚飯時段，我叫了個正宗潮洲蠔仔粥。同以前一樣，蠔仔粥是相當大碗，而且蠔仔的份量也相當多，絕無偷工減料，湯底鮮甜，蠔仔也很肥美，蠔仔都新鮮，無任何腥味，粥方面都相當好味。唯獨是這店地方只是一般，而且比較嘈，但本人對這店的蠔仔粥是念念不忘，每過一段時間都要來吃一碗。…Read More

離場之後，我們一行5人轉移陣地到粥舖食粥，正常情況底下理應揀粥店，但耐何最近我們的粥店都差不多關門了。巧合地途經這裡，營業時間至到凌晨時段，最適合一些夜貓分子或放工人士。 巳經十一、二點，人客都有好多，侍應做到無停手，我們被安置一邊卡位，再加多個主席位，因為卡位位置只可容納4位，已經膝頭碰膝頭，要坐多一個實屬難事。小妹並不餓，反而想喝上一杯濃香絲襪奶茶，好好安撫一下奶茶癮。大家各有各點，好處是這裡甚麼種類都有，中式西式日式，迎合大眾要求。皮蛋瘦肉粥，剛才晚餐全都是煎炸類食物，不是個個像小妹喜歡的，所以Helen叫上這粥品比較清淡，頓時成了豐富晚餐。Tinetine就叫了招牌仔粥，見到牆面上餐牌放大了的照片，證明這個是大熱之選，碗內一粒粒的蠔仔，再配上一粒粒飽滿的飯粒，甚有湯飯feel;阿恩反而叫上魚蛋片頭河，熱檸檬水。而小妹見到桌面上招牌奶油豬仔包挺吸引，可惜卻售罄了，唯有退求其次要了厚多士，與vivi同食，多土有3種味道選擇，分別有果醬、奶油同花生醬。可是侍應哥哥問都唔問，應左就走左去，其實點單其間，應該一次過落晒先行開，最終好似趕鴨仔聽左一半就走左，飲品都未落完，分左2次。花生醬厚多士($12)，感覺失望透了，沒有香脆的外表，薄薄的粗粒花生醬未能夠均勻地塗抹到其他地方，早知不叫了。除了多士外，凡點上任何粥粉飯，加錢可配上飲品，tinetine要了凍檸檬茶，而小妹要了熱奶茶。熱奶茶不過不失，用熱保温杯保暖，喝到最尾也能保持其温度，另外vivi單點一杯凍柚子蜜。 雖然環境有點迫狹又帶嘈雜，但深夜時分要找個地方不是容易事，終竟我們都坐上了個多小時才離開，連巴士都沒有了，要坐上深宵小巴呢~…Read More

今晚係旺角道的M記做完野,諗住過去對面的香港仔食米粉。呢碗牛什米尚算可以,湯的味道都算係度,不過D牛什真係比其他面舖少一半,真係搵笨。這碗牛腩河真係超搵笨,雖然係旺區,要賺旅客錢姐,都唔使咁省,數埋都唔夠5片牛腩片,這碗湯的味道一D也沒有,勁淡,係咁意俾D牛腩汁都得掛。下次都係行多兩步去食第2間:(:(…Read More

突然懷念起香港仔，於是去幫襯旺角的香港仔魚蛋。正值下午茶時段，有特價粉麵，我叫了招牌的魚蛋粉。我以前也試過在這時段到訪，記得以前一碗粉至少有兩粒魚蛋兩件魚片的。但眼前這一碗的兩件魚蛋，只是一粒切開兩件，有點搵笨感覺。 雖也知經營困難，但我一心是想吃魚蛋粉，而非來飲魚湯的，我寧願用正價來換取多兩粒魚蛋呢。也評一評這碗魚蛋粉，這兩片魚蛋欠彈牙，很失望，而魚湯就尚算鮮味，整體來說，質素明顯向下。…Read More

叫左個雞飯，D飯又硬又未熟！成$44個雞飯全部雞胸，我冇話要脾，但出面一般都幾舊好幾舊差，唔會全部都係干爭爭胸law,睇住你開舖都依家，越做越差，真係要做番良心食企。…Read More

:)香港仔魚蛋粉的豬軟骨米線是我最鐘意的，因為豬軟骨好林, 容易咬!而且價錢又便宜, 是一班打工仔的專用餐廳。我覺得米線像拉麪, 所以它又叫豬軟骨拉麪。可是這餐廳常沒位(在下午)...…Read More

香港仔魚旦粉當然係食魚旦粉啦！不過從沒想過公仔麵常餐都可以咁出色，值十個抵讚！看看餐牌叫一個吉列豬扒出前一丁常餐都要 $37, 諗住物價高企什麼東西都貴，於是就叫啦，相信豬扒都應該不會很細件吧。點知個餐一上檯，真係叫我目瞪口呆，有沒有咁正斗呀？首先豬扒很大塊，而且很熱、很脆身，有煙出的，入口又不肥膩。那份炒蛋是煎雙蛋，兩隻蛋的蛋白是連在一起，但蛋黃是分開的，一撕開蛋黃漿就流了出來，用來撈出前一丁真係超好味！而取代一般常餐使用的牛油方包，是一個夾了很多碎蛋沙律的三文治，仲要係幾好味的，真係好感動，點解茶餐廳的常餐可以咁有誠意！…Read More

行過好幾次,,,門面光鮮,,太夜的關係首試這一家,,,2人點了豬軟骨撈公仔麵,,牛肉粥,,油菜落單阿姐趕客咁點單又落錯唔想做咁個撈公仔麵,,,極求其......32仲唔包野飲,,,見人見至個粥,,,似咪精粥,,,,,D牛肉都用左唔少粉整鬆左個菜算OK,,,,今次中哂伏咁下次應該都唔會再來啦…Read More

7月2日, 夜晚喺旺角, 走入呢間有四正裝修嘅粉麵店, 我地都有好一段時間冇食, 睇下佢水準有冇keep到先~::: 豬手麵 ::: $252隻豬手超級大隻! 好有南乳味, 肉都非常多, 骨與骨之間好易咬得開, 可以吮晒骨頭~ 湯底亦都係南見湯底, 唔會好鹹, 又唔會係味精湯, 所以河粉索咗湯好美味, 粉亦都唔係一pat pat一舊舊, 好爽~::: 咖哩牛腩撈公仔麵 ::: $30牛腩份量好多~ 煮得入味又夠淋~ 仲有舊炆得軟淋嘅薯仔, 咬落又粉又索汁! 咖哩香濃而不辣, 濃杰適中撈麵絕佳~ 要讚下d公仔麵條條分明, 唔會糊成一patpat, 撈埋咖哩好好味!::: 油菜 ::: $12油菜order走油真係做到, 雖然好清淡, 但係菜好翠綠, 尚算新鮮~::: 凍檸茶 ::: $8凍檸茶冰過多, 糖水都重手咗, 好在d檸味都夠去中和甜味嘅.唔怪之得香港仔魚蛋粉都keep得到有咁多分店, 雖然唔算平, 不過食物都有水準, 又夠多選擇~ 喺咁多粉麵店之中, 做到佢地咁連鎖式嘅真係非同少可, 亦難怪佢地咁搶眼~…Read More

連鎖店，已經對佢期望不大！去過食過，我以居住香港仔n年同食過n碗魚旦粉去拆依間招牌！魚旦唔彈牙，無魚味又淡，死罪！菜單話魚湯好飲、無味精、好過屋企煲！上述這三個描述，只有第二點無味精是正碓，原因是白開水是無味精的...如果佢真係有放味精，但都整到個湯底無魚味、又淡如開水的話，佢地都幾失敗。麵、米粉等外邊交黎，沒驚喜。整体水準比較差，作為門面裝修好的連鎖店，做遊客生意還好。但做我這種香港仔，真係要打個大差 say no…Read More

:(今日出旺角買野, 順便搵下野食, 見到間鋪門面好似吾錯, 點知會中伏點左一個招牌魚蛋粉,及第粥同咸肉糉1, d魚蛋吾彈牙.....好似吃濕水棉花咁, 三塊炸魚片只有一塊好食, 其他兩件又係冧的.但魚湯底ok, 味精吾太多. 河粉夠滑2, 及第粥話係用魚湯煲, 但食吾出,反而味精好重手,d米有d煲吾爛的感覺,粥底似未煲好3. 反而隻糉就好味, 吾太咸,亦吾太油$25一碗粉,係旺角吾太貴,但呢間d食物質素吾值囉P.S. 鋪面裝修好靚,但厠所勁差, 一地水, 好易跣到人…Read More

為咗慶祝深井原居民加入IPHONE行列, 去咗呢度慶祝~~深井原居民叫咗一個魚蛋粉, 魚蛋同河粉都好滑, 魚湯都唔錯.飛仔叫咗一個生滾雞粥, D 雞都幾滑, 不過就冇個魚蛋粉咁好食啦, 飛仔小病初癒仲覺得有DD鹹~仲叫咗個小食, 唔記得叫做咩東菇. 都好好食…Read More