Seoul (Closed)

去開大埔, 是但去左間韓式鋪食, 頂頂韓癮先.牛肋骨湯 ~ 湯味濃, 有粉絲底, 仲有白飯跟, 唔錯.韓式炒粉絲 ~ 唔會炒埋一pat, 唔太咸, 幾好.紫菜飯卷 ~ 呢個好足料, 好似響韓國食果D咁, 好正.…Read More

本身想去OPPA燒肉店，係諗過同一條街有兩間燒肉店，入錯左餐廳 :(咁既然入錯左，唯有將錯就錯。環境：好整齊，好光，坐位都好寬敞，坐得好舒服。衛生：環境都好乾淨。食物：叫左一個＄３７８的二人餐。有一碟豬肉拼盤、韓國炒粉絲、韓式炒年糕同兩粒雪糕糯米滋。等左五分鐘左右，有個「阿朱媽」就一次過上哂。先講兩個熟食啦，韓式炒年糕都偏辣，份量都可以接受，只係嫌佢太多汁。韓國炒粉絲就幾香，不過太油，味道都食得落，份量都是普通。豬肉拼盤都比想像多，有六至七塊豬頸肉、五六舊醃豬肉，同兩大塊五花腩。（但除左醃豬肉有醃，其他都無醃架＝　＝）跟住有一盤菜（得五塊= =)但味道都ｏｋ，加辣醬、配菜，都食得過！總括而言，食物質素都ｏｋ，但加埋野食就＄４００，每人二百就好唔抵！！所以唔會再有下次＝　＝…Read More

大埔愈來愈多韓國餐廳，但係我始終都係比較鍾意食首爾，可能係先入為主既關係。每次去都要點雜景拌飯，雖然佢係素食黎既，但係有好多餸，所以都夠飽，啲餸有冬菇絲，芽菜，泡菜絲，紅蘿蔔絲，菜絲等，仲有一隻煎蛋係上面，將所有餸同埋嗰飯撈勻黎食，啲冬菇絲有醬汁係度再加埋啲泡菜絲真係一絕，隻煎蛋又漏啲蛋汁落啲餸同飯度，等啲飯唔會咁乾，濕濕地好易入囗，食到尾仲會有飯焦，正呀！今次仲叫左牛肋骨鍋同泡菜煎餅。牛肋骨真係燜得好林好入味，林得黎又唔會一咬就爛晒，啲蘿蔔好林同埋索啲牛肉汁好好味，佢仲會跟個白飯同蘿蔔湯，不過我就用啲牛肉汁撈埋落個拌飯度食，個白飯反而好多時都唔食打包攞走，個湯好細碗，不過我覺得似水多過湯，好淡冇乜味。泡菜煎餅就麻麻地.....佢煎到好薄同好乾身，但係就冇乜泡菜係入面，係得少少配料，冇乜口感，好似食緊一個味道有啲咸煎蛋餅咁，下次點個煎蛋餅好過呀！…Read More

食farewell 飯，因為就腳，選了這間。一行五人，店舖小，數十張小檯，加上當晚我帶了一大袋東西，坐得有點迫。可能入座時間早又是平日，七點入座，不用等位，有幾檯食客，多數家庭，大家都靜，顯得我地好嘈！講講食物，人參雞湯，人參味濃多小小較佳，剛好分到五小碗。芝士炒年糕，一定要趁熱食，否則芝士年糕好快硬。。…Read More

野食一般,我地叫咗泡菜炒飯、BBQ set(豬、牛、雞)配2飯2湯, 泡菜炒飯都幾好味,但BBQ set份量少, 牛亦較碎,較一般。但係服務態度超差,尤其係個經理  落單時態度差，食到2:30pm冷氣就細到feel唔到,食到出哂汗,仲差過坐大排檔  未叫埋單,經理已經好冇禮貌咁放張單喺枱面叫我地埋單,我地都未走就連燈都熄埋,似趕客走,我絕對唔會再去    我地走時仲有3-4張枱嘅客人喺到食緊,就算係中場休息,都冇理由熄哂所有野㗎 …Read More

I visited the restaurant with my family a little after 7pm on Saturday evening. Fortunately there were still some seats left, and even while we were eating, 3-4 more groups came and sat in without having to wait. Clean atmosphere, with the necessary 'order' and 'check-out' bells so that you don't have to shout across the room for service. It wasn't our first time, and the staff recognized us, not that there was any free food or anything, but the feeling was nice. And that's what I mean by Korean service, because like other countries in Asia, networking goes a far way, even when visiting restaurants. The staff are pretty fluent with the menu, so even when we ordered in Korean they seemed to understand. In terms of food, to have some bbq-ed meat is a must for korean food! Especially enjoyed the sirloin steak, marinated ribs, and pork neck. Then we ordered seafood fried pancake on the side with seafood noodles. A sturdy dinner for 4. They also do take out, so we ordered a spicy tofu soup to go for my brother who couldn't make it that day.Nothing in the menu you could go wrong with, except I tried the 'goong joong' rice cakes (soy sauce, nonspicy rice cakes), and they were disappointing. I'd say definitely go for the main soup/hot pot choices and bbq items, but have a little reservation for the side menu items.…Read More

我哋共10個人食  無大枱  要分枱但都叫做隔離   我哋4個女仔一張枱  叫咗個3人套餐  加個韓式壽司  份量剛剛好   張枱太細   又坐得逼  好唔舒服  食到就住就住咁叫了個烤肉拼盤  首先黎個前菜前菜份量少  泡菜能無得添  3個人食都唔夠zip牙啦....跟住配三個小食  年糕又唔入味  得個紅色  粉絲好咸   三個小食係韓國料理既基本小食  但都整到咁差...都幾令人失望呢個泡菜餅  不過不失  嫌佢蔥不多  唔夠香   個餅唔太粉  算係幾好泡菜豆腐鍋  辣度夠  豆腐都算多  配一個白飯  亦算唔錯烤肉份量我哋覺得ok  可能係因為女仔啦  不過生菜好少  加埋得8片  又啲仲好細塊  配料亦唔足  真係淨食肉  啲青椒紅椒各一片  超薄。。。  啲肉醃得都算入味  但我哋覺得太咸了壽司應該係咁多樣最好  份量又足  好彩有佢我哋先飽  如果芝麻再多啲就最好！！！服務方面  啲大媽動作好慢  叫人叫咗好耐   加水加到個壺都唔見埋   當時店舖人又唔太多  枱亦唔爆  都等咁耐  真係要好好改善  呢間野真係好難再令我再去   隔離都開了間烤肉店  水準高好多  當然貴不少   但唔再提升水準  競爭力都會無埋   可能香港又會少了間烤肉店了  即使韓香幾咁盛行。。。…Read More

我一向都係只睇吾寫，但今次忍無可忍，見到有個另一個食家話專登開account寫依間首爾，所以我都一樣專登開account 要表達一下意見！3月8日婦女節， 廢事老媽子煮飯。所以帶老媽子去食韓燒，一家4口去試下依間首爾。裝修普普通通，但勝左闊落，入到去感覺都可以。吾洗等位，因冇咩人食。先黎人蔘雞湯-味道都可以，但係一點人蔘味都冇(OK啦）。之後黎燒牛肉，豬腩肉- 味道好一般，而且洋蔥多過肉 (差）！媽子未食過醬蟹，見佢未食過咪試下，280蚊，點知黎到好多毛，又有沙，都未食過咁難食，不知所謂! （差差差！）都吾知佢用咩蟹，問佢佢話用大閘蟹，都已經o嘴，之後我媽子話應該係毛蟹，係毛蟹直頭係搵笨！總結：又貴又難食，吾會再去。…Read More

當晚2家母親慶祝母親節7個人一齊食飯, 訂左8點枱。我7:50 去到諗住拎位, 個門口姐姐叫我等一陣未有枱。咁OK啦, 我等左20分鐘先有位, 咁都OK啦, 有間房俾我地坐。我地間房分左2張枱, 一張8人用, 另一張4人用(其他客人坐)雖然尼間舖係有按鐘叫WAITER, 但係4人枱果邊的。我地好頭唔好意思咁費事打擾人食飯, 自己出去叫WAITER點茶。點完菜 尼左第一碟燒豬腩肉(一件過自己剪果隻)咁就開始待應問, 有無調味料果D架? 鹽 韓式辣醬果D? 待應: 有 等陣拎俾你到上埋碟炒粉絲都未尼, 我又再催多次 到食完都未到 咁我放棄唔要啦到D野上到7788, 我尼住追加ORDER。又唔想出去行咁遠ORDER, 就開始走去人地果位按鐘。按左2次(每次相隔都十分鐘)都無人過尼問要乜 好!我又放棄啦.....到最後差一個人參雞湯同餃子個人參雞湯上左對!! 我地係已經食哂D 韓燒, 炒粉絲, 炒年糕, 泡菜餅。仲要等左又係差唔多十分鐘先上個湯!!!飲完湯再行出去催餃子, 無落!!!好! 叫佢埋單! 最後我自己尼一個人要去第二度食過!最後$1100 埋單 食左乜?人參雞湯韓燒: 豬腩肉, 牛脷, 牛肉, 魚海觧炒年糕泡菜餅炒粉絲米酒一支論燒烤食物質素一般 加上自己燒 唔算特別差價錢亦都算係可以接受但係....人參雞湯 話咩要1隻 佢就分開左2個碗半隻半隻咁上無人參味 少糯米 連food court 質素都不如海鮮炒年糕, 有部份年糕硬到不能咬 懷礙未熟哂買相只是一大埋炒左一起 一d 都不吸引泡菜餅 個餅到厚粉到呢....仲有陣pancake味炒粉絲 算係ok的一碟 因為佢真係好普通但俾尼個價又要咁樣服務 仲要食唔飽真係嘥鬼氣!…Read More

返到大埔忽然好想食韓燒，記得有一間裝修唔錯，所以去會一會佢！先黎前菜-款式都幾多，雜菜個汁做得唔錯，酸酸甜甜好開胃，泡菜一般，我覺得淡在少少，唔夠味，其他前菜都一般蘿蔔湯-好香牛肉味,ok唔錯 頂級雪花牛肋骨肉- 感覺唔似頂級，普通牛肉，無牛香味豬肉拼盤- 醃料唔好食，肉質好（梅），感覺雪在好耐，難食，無肉味，唔值220蚊韓式抄粉絲- 一般，味道係無味道，夠熱抽氣做得唔好，食完全身油煙味!服務態度，唔錯有禮總結呢個食物質素我以為自己去在食168任食韓燒，但並唔係……價錢都算貴！…Read More

午飯食港式，中式，日式，西式，食到悶。今日突然想起附近還有韓式的餐廳。一早聽說這店是附近首爾Cafe的韓國老闆開的。首爾Cafe的店很小，這店大上三四倍，而且樓底很高。因首爾Cafe的食物不錯，我期望這裡應有更好的水準。午餐的價錢大概是五六十元。現在午飯來說已是普通價錢。三個人各點了不同的午餐。先來的是三款韓式泡菜，都是一般韓式餐廳那種。沒大特別。之後送上我的 牛根湯。熱呼呼的一大碗，很有看頭。牛根的量算多，還有粉絲，吃了一半已有點飽。湯只嘗到胡椒味，沒有味道層次。牛根還可以，但很多黑毛，有點影嚮食欲。 其中一個同事點了炸醬飯。我吃了一口。原來我之前並沒吃過炸醬。常常在韓劇看到演員吃炸醬麵都吃得很滋味，只看那七情上面的表情，還以為是餓了幾天的饑民。這個炸醬飯比我想象的淡，像深色淡咖喱加了麵豉。我想我要去其他地方再試試。另一位同事則點了燒鯖魚。魚燒得金黃（其實該是炸的），外脆內嫩，有魚香。與白飯是一流搭配 。最後的飲料是全個午餐的驚喜。薏米水冰涼清潤，有點像雪梨茶但沒有雪梨的微酸，多了一份清甜。連茶杯也是冰涼的 。食物OK。環境大而無當。只是間中吃一下韓式食物，都可以考慮。…Read More

記得上年去過一次食午餐,感覺良好,所以今次食晚飯又諗到黎呢到食.今晚人唔多,所以唔使等位.三個人,叫左一個豬肉拼盤(生菜係送嘅),一個海鮮炒年糕,外加飯.例牌食飯前都有好多碟嘅小菜送.會有一壺大麥茶俾你任飲嘅.豬肉都係咁上下水準啦,配埋辣醬食唔錯,捲埋生菜一齊食更好食.海鮮炒年糕其實份量唔大,但夠哂辣,鐘意食辣嘅岩哂.唯一一個問題就係啲海鮮都係用冷凍海鮮,而且唔鮮.但年糕夠Q其實我覺得呢度嘅環境係唔錯架,坐得好舒服,而且真係好韓國嘅感覺.啲野食OK.就係貴左啲囉.而且有加一服務費.今次埋單要396.晚市真係好貴.想食平少少嘅午市會平好多.…Read More

平時都係齋睇食評, 不過呢間首爾實在太經典, 特登開左個account黎寫佢, 因為真係差差差~~~見今日係母親節, 屋企人又冇去過食韓國野, 所以之前就book左位黎食, 去到好快入座, 跟住點左五花腩拼盤、雜菇拼盤、人蔘雞湯同炒粉絲, 雞湯揀左全隻, 因為for 5個人食, 雖然最後有個冇黎變左4個人食......首先個d小碟, 味道都係一般, 對比尖沙咀既韓國店差d, 但個人較喜歡食烤肉, 所以對呢d小碟冇太大興趣~而個五花腩拼盤, 份量好少, 而且仲好薄切, 但係價值係二百幾蚊, 係完全貴, 而味道都係普通:(至於個雜菇, 燒完之後仲覺得好fresh, 個感覺好似紮落黎食咁, 好有野生味道, 個人唔太鍾意~之後黎個人蔘雞湯, 佢分開左兩盤, 我地見個阿姐係度剪開雞肉, 一剪d湯就飛出黎, 屋企人見狀即刻叫佢盛左幾碗湯先再剪, 如果唔係最後真係唔知會淨番幾多湯,一飲...係完全冇雞同人蔘味, 好似普通既湯底味, 而雞肉仲有d鞋添,之前去過尖沙咀首爾express, 都有點人蔘雞湯, 雖然人地係express, 但係個湯都冇咁衰,而且仲平過佢幾廿蚊, 有左比較, 真係高下立見.....而個炒粉線算係OK, 不過不失。後來我地有再加野食, 叫左個豬牛雞拼盤、柚子茶同帶子。個豬牛雞拚盤份量算ok, 但係好碎, 有d難燒, 味道尚可。而個帶子有8粒 ($80), 係完全冇味, 就算點左汁, 都係冇乜味, 真係唔知自己食咩。個柚子茶都係普普通通啦, 不過最攪笑既係佢黎個陣係冇匙, d柚子就沉哂底, 之後叫左人俾個匙, 佢拎左個湯匙黎, 我地真係笑左好耐, 佢俾我地飲湯個匙係飯匙,估唔到攪柚子茶個匙, 會大過飲湯個匙囉~最後埋單$1000左右, 講真本身都預呢個價錢, 但係如果係咁樣既質素, 就真係太貴啦, 下次寧願出去尖沙咀食好過啦~ …Read More

真係好失望，食過總舖（翠怡）冇唸過分店咁差，收費仲要唔平，平均$200一個人，食物水準差，先講六小碟，泡菜完全唔入味，其中一碟似豆腐乾既有腥味（食完真係唔知係魚定豆腐），其他如芽菜、蘿蔔全部冇味，叫咗牛肉拼盤，牛肉腌到冇牛肉味，仲要好咸，燒豬肉都係冇味，好似食肉乾咁，最過份係冷麵，未食過咁難食，唔明點解冷麵有咁多水，倒出黎有大半碗咁多，又唔夠凍；其中牛肉拼盤有生菜送，不過只有6塊，想另加生菜居然要$50一碟，收費超級離譜，响韓國，菜同泡菜係任食的；另外服務亦一般，全部阿姐都係hea住做，我以後唔會再幫襯…Read More

一向我都很喜歡「首爾Cafe」，聽說這間Seoul是同一個老闆開的食店, 決定今晚同朋友一齊去試一試! 走進店內已經覺得很有韓國的味道!這裡的座位很寬敞, 很舒服:)這些小食好好食呀! 十分有韓國風味! 有一碟係泡菜, 少少辣, 幾好味有一碟係大豆芽, 洗得好乾淨, 唔似出面食果D咁污穢:) 有一碟好得意, 睇同食都似Jelly, 唔知咩黎既, 但口感好得意但最意想不到有一碟係薯仔黎, 唔知佢點整, 總之好好味, 好得意, 未試過食D咁既薯仔泡茶餅脆脆地, 都幾好味! 不過要趁熱食, 凍左食差D這些五花腩, 燒肉拼盤好新鮮, 完全無果D雪藏味, 而且份量都好足特別係牛肋骨真係好好食!我後來掛住食都已經唔記得左影相!…Read More