餃腩店 (Closed)

湯底無左之前既蟲草湯(餐牌照寫有)清湯仲變到好味精，又好鹹！食完好口乾！個職員話以後都無。至於餃子肉質好似蒸肉餅咁！比較硬同實！皮還好，薄身且滑。以上評價只針對餃子個頁:(…Read More

上年黎過餃腩店食過一次, 都好似唔錯, 今次又黎開附近做野, 又再試試佢啦~~~見佢個2人餐都幾抵, 有粉有小食又有主菜, 唔使煩, 一於叫佢!!首先黎到既係沙薑雞~ 呢個正正常常啦, 沙薑味唔算好重, 但隻雞都係滑既清湯腩~ 記得上次食呢到既牛腩係好肥美好有牛味既。但今次就明顯瘦左D啦, 筋同牛肉既比例唔成正比, 有小小鞋阿! 不過個湯都依然係好清甜, 羅白都係好食、無渣~佢有3款辣醬比大家簡, 要酸D既又有、辣D既都有, 岩哂大家要黎點牛腩食阿!!個set就有一人一碗粉粗面比較優勝、幾爽口香煎馬蹄韭菜餃~ 佢煎得好香阿, 脆脆地、而且入面都好足料, 真材實料~ 佢呢個set有得簡湯餃/煎餃既, 鍾意清淡小小既朋友可以試返湯餃~最後係個小食鯪魚球~炸到好熱、依然食到鯪魚既魚香味!!埋單兩個人238蚊, 都幾抵食阿~ overall黎講都OK, 不過個牛腩就真係退步左, 有小小失望~…Read More

睇完咁多好評，對呢間餐廳都滿有期待的。星期六晚約七點去到，未滿座，一入就有位，座位相隔空間ok, 唔算逼狹。呢度話係餃腩店，我以為會有啲咩牛腩同餃子既fusion, 點知一睇餐牌，證明我係諗太多，牛腩還牛腩，餃子還餃子。以牛腩唻做菜式既幾乎佔咗餐牌全部，餃子就只有可憐既一頁。叫咗佢個推介牛腩蝦子撈麵，如果你想嗌最常見既筋腩，要加多八蚊。一唻到算係賣相唔錯，我一夾個麵，可能擺得耐定唔知咩原因，一夾就痴埋一柱，想少少放落個湯度啫，但始終都唔可以將啲痴纏既粗麵分開，卒之我係要自己咬一口分開啲麵，先可以放落湯。啲麵算彈牙，湯算清甜，可惜我唔係好食到蝦子味。至於個牛腩係淋，完全冇痴牙，幾靚，可惜我就唔係好覺得牛味濃。另外個量方面真係太少了，啲麵少到我食完完全唔飽，你話呢啲港式粉麵係咁上下，你賣六十三蚊碗喎，我又唔覺得特別好食，仲要個量咁少，實在係睇唔到咩理由會再encore.另外我朋友叫咗個韮菜湯餃，完全冇任何impressed之處，唔覺好食亦唔覺難食，所以相都冇影。最後一提，呢度係坐得舒服，可惜又係望你一食完就走果隻。一食完位阿叔已經急不及待收晒你所有野，然後係你位旁不停徘徊，明晒，咁我地唯有嗱嗱臨飲埋杯野走啦。可能希望太大啦，雖然唔算難食，但對於我唻講唔係好搞得掂，試過就算，應該冇下次了。…Read More

之前已經來過這間餃腩店，食的是餃子和薄餅，還有一些小食。價錢合理相宜，地方雖小，五臟俱全。今日一樣再到這兒吃餃子和小食。先來叫一客小食，花雕杞子醉雞翼四件，$35。一碟四隻，排得像開花一樣，未食都感受到廚師的心思。醉雞翼咬口爽彈，彈力十足，咬時起勁有力，無論雞肉還是雞皮，都好有彈性。而且雞翼有酒味，名符其實醉雞翼，哈哈。黄金粟米餃·湯餃六隻，$36。一個大碗裝着六隻湯餃，配料有一些生菜。湯餃一咬開就食到濃郁豚肉味，微粉的豬肉，幾嫩口。有粒粒粟米，增添口感。而且，粟米感覺幾清新。咖哩薄餅兩件，$34。伴隨薄餅一起送來的是咖哩。單食薄餅，感覺香酥。再配咖哩汁，味覺去了另一層次，除了有原來薄餅的酥感，亦有咖哩的辣和醬汁感。咖哩香煎雞扒飯，$50。咖哩汁跟咖哩薄餅伴隨的咖哩一樣，但不同的是這個咖哩裡面多了薯仔，雞件之類。另外，白飯一大碗的份量，都不少啊。薯仔有濃濃咖哩味，微辣，香口。雞件肉質不老，配上咖哩香，辣得幾開胃。最後埋單$177兩個人，平均每人$88.5。（當中亦包括了我們的飲料：凍央，$10和檸蜜，$9。啊，還有紙巾，$3）…Read More

餃腩店 (旺角)旺角豉油街88號地舖韭菜餃（湯）餃既外形好立體 唔佢散哂咬落去會好重韭菜味 配埋豬肉 清得黎好有味道 椰菜餃（煎）平時都唔係鐘意食煎餃但突然間想試下 煎餃好食在肉汁會鎖住左而且呢到無咁油 配埋豆瓣醬 係一個出色既食法醉雞翼好重酒味 而且係凍食 酒既香 令到雞翼味好出都令到雞翼既肉質好實咖喱牛腩配薄餅招牌既咖啡一定要叫份量都幾多下 而且食落就知一定唔係咖哩淋牛腩果隻牛腩牛根入哂味 好香濃薄位成塊浸落咖哩到 吸哂所以精華 好爽啊…Read More

果日時間比較趕，就快脆坐低食個飯算了。蕃茄濃汁牛腩飯（$68）蕃茄汁幾濃郁夠味，牛腩只屬普通質素。而且整碟份量唔多，加埋凍飲竟然要加 $10，CP值真係唔高。講真，又唔係好闊落，哩個價錢係太子，真係大把野食。…Read More

今日又喺旺角搵野食，經過見到呢間餃腩店，見到菜式幾特別，所以就入去試下。我地三個人食，所以叫咗三個唔同嘅菜式試下。首先叫左一個招牌清湯腩幼麵配油麥菜，一個505咖哩金牌牛三寶飯，一個牛筋蝦子撈幼麵。最後因為見到店舖名係餃腩店，相信除左清湯腩之外，餃子都係主打，所以當然要叫來試下啦！我地叫嘅係韮菜豬肉煎餃同黃金粟米豬肉煎餃，仲可以雙拼，一次過試到兩種味道。首先上嘅係招牌清湯腩幼麵。肉有約有七件，份量唔算好多，因為每件都比較細。先試一啖湯，清甜有牛肉味，完全無味精嘅味道，幾好！:)之後就係試牛腩，佢唔係嗰種淋到用筷子就可以分開肉嘅牛腩，但係幾有肉味，亦算淋嘅。第二款菜式就係505咖哩金牌牛咖哩飯。估唔到咖哩又幾好食！咖哩味道感覺很正宗，唔係日本嗰種甜咖哩，比較偏向印度嘅，香料重，頗辣，十分惹味！牛肚牛舌都唔錯。油麥菜無乜特別，正常烚菜。最正嘅一定係呢個牛筯蝦子撈幼麵。蝦子份量足，每啖都食到濃郁嘅蝦子味。牛筯就淋而爽口，ok嘅。餃子其實幾抵，每隻大約$5 ，仲要大大隻，豬肉嘅份量好多，點埋醋味道十分配合。三個人埋單$226，如果肚餓就未必食得飽，整體份量偏少，但味道有保證，值得一試！…Read More

<餃腩店 d餃 d牛腩真係好鬼正！>🐂🥟😍呢間mk既餃腩店 喺豉油街細細既鋪位 入面座位廿多個 燈火通明 估唔到d牛腩同水餃甘鬼好食 值得一試！😍大家記得食乜都好 記得 點佢三隻辣醬食 一個潮式辣醬 🌶 另一個自製辣醬十分惹味 最正係佢既菜莆辣醬 好味又夠香 我忍唔住點左勁多😈🍴咖喱金牌牛三寶飯 68 蚊 🍚🐂飯同餸分開上 咖喱應該接近馬拉既咖喱 先甜後辣 帶 d 奶香 辣味出 d 🌶 撈飯正 三寶分別有牛脷 牛肚 牛腩🐂 牛腩有口感肉味濃 帶 d肥膏 牛脷好爽口彈牙 😍 而牛肚係金錢肚 好有層次感 盡吸咖喱 好味🐂😍🍴鮮炸鯪魚球 38 蚊🐟🔥勁正。 佢個皮好軟熟 入面熱辣辣 鯪魚味好出 夠鑊氣 點埋甜酸醬 正 💪🏻🍴黃金脆皮雞翼 3 件28 蚊 🐤好香脆既雞翼 外層厚但脆 雞翼入面醃得幾好 雞肉味濃 點甜酸醬好味🍴蕃茄濃汁牛根河粉 🍜🍅🐂 61 蚊牛根好爽口彈牙 比較淺色 但味係夠既 💪🏻 蕃茄醬汁新鮮 冇落糖 全部蕃茄味 河粉比較粗身爽口 同埋蕃茄醬既湯底十分 match好食#蕃茄 #牛根 #河粉 #雞翼 #牛肚 #鯪魚球 #牛丸 #牛腩 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~ADDRESS#餃腩店旺角豉油街88 號地鋪~~~~~~~~~~~~…Read More

今晚和媽媽到她最愛的餃腩店吃晚餐，自從上次和她來過後，她表示牛腩非常入味又夠軟身，所以再來！今次媽媽點了牛爽腩藥膳湯底粗麵，一樣是材料十足，她表示牛爽腩確實軟稔，下次想再試點其他，應該相當不錯，我點了香芹豬肉餃子，清清地選了湯，更能嚐清楚香芹的清香，而且新鮮包起，是手工餃子的味道！點了蘿蔔，媽媽也是一貫的大讚入味又夠軟，最重要是沒有渣，實在難得！還點了生菜，價錢相當相宜!而且餃子本身亦配有生菜，實在是健康的一頓晚餐，我和媽媽都很喜歡。…Read More

今日同朋友經過旺角e間點，岩好肚餓，於是入黎試下。兩個人都叫左牛腩河套餐，一個加菜一個加雞粒。牛腩牛味十足，又大舊。雞粒都炸得幾香脆。最後我地仲加足碟韭菜餃子，兩個人食到10足飽離開。…Read More

Chocolate和朋友談事情，附近找到這家吃晚餐，環境普通，座位不會擁擠，滿乾淨。1.咖哩牛腩飯牛腩肉普通，不夠嫩，咖喱湯汁味道不錯，但搭配的米飯很硬2.牛筋撈麵牛筋很软，整體普通3.炸牛腩很特別的作法，牛腩肉不會很乾，味道還ok。咖喱的汁和这款炸牛腩比較推薦…Read More

今日係農曆新年假期，睇完戲想搵個地方坐下，食下小食。話說個friend好鍾意食牛腩，比佢門外張酥炸牛腩嘅相吸引咗，於是入去試試。唔知係咪新年都要開工，所以個個店員塊面都面黑黑。Anyway。碟牛腩上到檯，睇落都OK，點知一咬就唔對路！原來佢係順紋切肉......OMG!!!!! 勁。難。咬！切肉係要斷紋切，這是常識吧！查實件牛腩本身唔算韌，但因為佢係順紋切，搞到舊肉咬唔到囉！浪費晒！希望間食店會檢討下啦！…Read More

拍青瓜-拍得太碎，過淋，調味一般醉雞翼-唔好食，酒唔靚，肉好鞋煎魚餅-煎得唔夠香口，有點過厚馬蹄芹菜餃-個餡料組合好，包得唔夠實，餃皮都係來貨，冇乜特別牛腩、牛肚、牛脷-正常水準 ，以清湯上，湯都甜，粉麵大碗…Read More

本想到同一條街上的「農米莊」吃碗「椰子雞湯米線」做午餐，但三心兩意下，結果來了這間店名特別，總覺得有點似粗口，自己從不曾光顧過的「餃腩店」吃午餐。店內雖有午餐吃，但多是粉麵，對一心想吃個飽飯才去工作的我吸引力不大，見這店舖以「餃」、「腩」為名，牛腩想必不錯吧，便散點了「招牌咖喱牛腩飯」（$63），再加半價飲品「凍鴛鴦」（另+$10）一杯做午餐。「凍鴛鴦」普普通通，無甚可書。主角的牛腩飯的牛腩是過得去的，但就不是甚麼出色之作，白飯雖有西蘭花一條作為陪襯，但飯量實在不多，我覺得整碟飯最可取的要算是那咖喱汁，頗有辣勁，也頗開胃，但除此之外，這碟牛腩飯便沒有甚麼特別之處了。以旺角這地區，收取六十多元的價錢，只得一碟平平無奇的碟頭飯，這店的老闆會否覺得定價過於進取？…Read More

有時一兩個人來旺角食飯真係好，又可以行街、睇戲等，呢間餃腩店對我黎講係我第二個孤獨的美食店，係因為有我最鍾意食果三種唔同部位既牛，有"牛爽腩"、"牛坑腩"、"牛崩沙腩"等，最重要係佢既咖喱又唔錯，辣度適中又有可分大中小辣，其實仲有清湯可選擇。【咖喱薯仔緣份牛崩沙腩飯 $69】上幾次食過牛坑腩同牛爽腩，今次叫左個崩沙腩來試下， 今次D咖哩較為辣，牛腩肥瘦勻稱，好咬口，帶點煙煙韌韌，真係唔錯，下要可試下清湯先。值得推介!!【油菜-芥蘭+可樂 $11 & $7】芥蘭係用牛腩清湯加埋杞子一起浸煮，所以食落同飲既湯都好香甜！個芥蘭又有牛腩清湯個味道又夠爽口。值得推介!!…Read More