順興茶檔

Open Now

Now Closed

上星期六來了, 今個星期六又來. 試左車仔粗麵, 好好味啊!

兩人試了車仔腸粉、西多及熱奶茶做早餐車仔腸粉要自己出去選餸的, 正! 我可以睇下有咩正嘢. 要左大腸、魚蛋、蘿蔔、牛腩, 好好味. d腸粉好實淨, 唔似其他店的, 好味! 男友話d汁個味係小時候的味道, 加麵應該好正, 下次試下.西多–不錯!熱奶茶–都ok!驚喜地, 個個"待應"都勁有禮貌, 好少有禁樣的排檔.一定有下次!

星期日，又係我做兼職司機的日子，我老闆今天說先到香港區食完早餐再去銅鑼灣開十點早會。一早又要反工既我真係十萬個不願意起身，如果不是手停口停，我真的不會上班呢！接完老細，乖巧說話幾句後問老細想去邊食早餐，佢同我話有一家在天后既車仔麵大排擋，叫咩春興咁... 我一聽重已為係一些電影名稱呢。不過呢一些小事係難不了我們這一些超級打什的！幾個電話後，我已找到一家叫順興既大排擋，不中也不遠矣！諗好車佢到順興，買外賣等佢坐在車上有冷氣中食。點知老細話自己落車食，浣紗街有很多車位，很快泊好車了。步行兩分鐘就見到一家鐵皮大排擋。當中見地上很是清潔，檯也是沒有油污，合格！老細原來約左一個立法會議員有事相談，原來這裡很多名人在星期天來食早餐呢！幫老細叫了一個出名既三"食送"車仔撈麵(豬紅/牛肺/羅白)+腸粉(2蚊/2條)+熱奶茶。自己也叫了一樣的(當然分開檯坐)。熱奶茶加左煉奶(不用自己加糖)，另有一番味道，自覺佢茶味香而滑口，有一點驚喜。三"食送"車仔撈麵中既麵唔太得(cheap野)，但豬紅有鮮味而口感佳、牛肺多而新鮮、羅白香中帶清甜，加上腸粉的豉油及甜醬，合成一碟鹹甜雜亂味覺中式早餐，非我文彩能描述，未

至於順興,其實在安庶庇同布朗街之間的後巷,後巷中見到有間綠白大牌檔就係了。可能因為在後巷,幫襯的人客比出面炳記少。簡簡單單要五蚊腸粉。呢度的腸粉較實較硬,同埋唔夠軟滑,不過頗有米香。加左芝麻同麻醬,但冇乜芝麻香,麻醬也起唔到作用。衛生方面係比出面差少少,始終係後巷。地上有小強,店員笑言隻小強唔係佢地的,而係隔離人地。人客叫店員整死隻小強,店員踩死佢,之後用夾夾走佢。食畢,係時候搭電車返灣仔。

前陣子, 好似裝修無開, 依家開番就急不及待試呢度出名車仔撈. 但聽係附近返工朋友說, 裝修後, 無咁好食呀!呢個係橫巷牌檔, d 開晒係條巷仔度, 香港剩番唔多呢d 牌檔ga la, 好有特式.落車仔麵order係自己走去牌檔則, 自己揀, 睇住佢加d 豉油, 生油,撈幾撈咁, 跟住就自己拎埋位食, 有少少好似快餐店咁.車仔麵比較特別係呢度有豬腸粉, $1/條. 而車仔麵其實都有餐ga, $20 (三)一個餐跟餐飲.裝修前應該係無餐, 依家仲有飯賣tim!講番車仔麵- 幾特意, 唔算太大碟,醬油味道調較得幾好wo. 而d 就ok la.奶茶咖啡- 都幾得ga! 好有水準!多士& 煎蛋- 普普通通咁啦.窩蛋牛飯- d 免治牛甜甜地ga wo! 我就覺得好味啦, 因為鍾意食甜ar ma!要改善係, 伙計們都好似好生手咁, 有時會到幾亂lor...

應該已經易手，但格局差不多，仲係前面茶檔，後面腸粉車仔面，不同的貼滿了電腦打印的餐牌，同埋竟然有套餐！有「全日供應」套餐的牌檔，感覺很怪......可參考早前生果報這篇報道：http://appledaily.atnext.com/template/apple_sub/art_main.cfm?iss_id=20060906&sec_id=38163&subsec_id=6038907&art_id=6286179

十年都唔去一次大坑，之前係永興閣食完肉餅飯，意猶未盡，想起呢度全港獨步嘅車仔腸粉，就順步走嚟一嚐..記起數月之前想試，點知冇開，心帳帳然。今次嚟到，人山人海，插針都插唔入...即刻坐低叫個三餸蝦米腸--- 鯪魚肉、豬腸頭加翼尖...可能期望過高，食落真係唔覺有幾得...鯪魚肉腍pat pat，魚味尚算濃，但質感就唔多得；翼尖及腸頭亦鹵得唔夠味，但尚幸腸頭真的幾有咬頭；豉油並冇經特別調味，普通；腸粉亦係用交嚟嘅貨，不過都算幾滑...對我嚟講，只係普通一碗"車仔嘢"，只不過由麵變成腸粉啫...

7.4(二)等朋友期間太肚餓,黎左呢到食d野先因為太晏,所以已經無腸粉供應,叫左魷魚,螺肉,大腸撈面,原來呢到d面係一早整熟,有order先加熱水加熱,全個過程比客人見到好似唔太好睇~不過好在魷魚同螺肉都鹵得好入味,夠咬口,冇渣又唔會韌,大腸除左鹵得入味之外,唔會太淋,亦清潔得好乾淨,無肥膏,加埋甜甜地豉油,最0岩夏天無咩胃口個陣食呢到既奶茶都ok既~可以一試呢到4:30就收工嫁啦~要食就早d黎~

上次去炳記，今次去順興。除了公仔麵、三文治等，仲有腸粉、車仔麵，不過係車仔撈麵，比炳記選擇多。叫了四"食送"一麵，魷魚翼、螺肉、魚蛋、菜加粗麵，魷魚翼同螺肉鹵得非常入味，又夠爽口，唔韌兼沒有渣。魚蛋細細粒以為好彈牙，咬落幾粉。撈麵鼓油甜甜地幾好味。只是收$18，勁抵。不過煮麵方法，我覺得有點馬虎，已預先將麵煮熟，到客人落單時，再將D麵加滾水加熱。花王醬多士烘得唔夠脆。腸粉只是一蚊一條，又係好抵。要了三條試試，學KC話齋，質地比較硬，我相信係來貨。而奶荼太多奶了，見阿叔沖奶茶差不多是一比一份量，茶同花奶各一半，太濃奶味，沒有香濃的茶味，同區兩間大排檔，我會選擇炳記，水準好似高一些。不過呢間勝在夠平。

晨咁早又去做擦鞋仔，落大坑去幫老細睇睇佢架車的修理進度，順手自己亦要辦理一些私務。早一晚去吃日本菜，喝了點酒，頭重重又有點餓，就捨粥去取餐蛋麵。原本去炳記，但朋友提醒這裡有腸粉賣，一次過可以滿足兩個願望，唔錯。比起隔離大排檔，呢度人係少好多，而我亦好少來這邊。叫了五蚊腸粉加碗餐蛋麵，少不了的當然是杯鴦走少甜。腸粉熱辣辣，但質地硬硬地，不算軟熟，但就幾香米味，加甜醬及辣醬，獨欠芝麻。不過只賣5蚊，平到發笑，是交足功課的；餐蛋麵是出前一丁，老實講，用上原裝麻油及味粉，幾難會整得難食。餐肉即煎，蛋亦是半熟溏心的，加埋兩條菜，一點不馬虎，算係幾好；杯鴛鴦都不錯，咖啡味及茶味都夠香，總結而言，都算是有水準的；這裡除了多士公仔麵及腸仔，還有車仔麵賣。由幾位阿姐打理，服務都不錯，如我要少甜，阿姐就問是不是要花奶而自己加糖，態度又認真又好，不因為是大排檔就求求其，值得一讚。埋單28元5角，吃得飽飽，經濟抵食。趁未天熱，在呢區搵食的話，不妨試試炳記及順興這兩間大排檔。