Dann Rapu

星期日午餐時段排隊約十人，店主非常用心，會出黎親自向客人介紹餐廳理念，令人感受到熱情好客的氛圍。建議食法：第一步飲咖啡、第二步飲湯、第三步再飲咖啡，第一次飲咖啡配拉麵，原來好有驚喜～主菜 🍜：蝦湯拉麵：湯底用上牡丹蝦同海蝦製成，鮮味十足，湯色金黃透明，入口即化。當日加錢選擇嘅蝦湯仲有全人手製嘅蝦子麵，整個麵嘅蝦味超級濃郁，麵質吸收咗湯汁，搭配濃郁嘅蝦味，每一口都帶有海鮮嘅鮮甜～雞白湯：色湯底香而不膩，自家製嘅雞湯同自家製1.8mm拉麵，用豚肩肉配埋無花果，咸中帶甜，岩啲口味冇咁重嘅朋友～甜品 🍰：昭和風硬布丁：呢款布丁口感紮實，濃郁嘅蛋香與微微嘅焦糖甜味交融。提拉米蘇巴斯克：底部嘅餅乾層鬆軟，同濃濃嘅咖啡同酒香味完美融合。甜度適中，唔會過於膩！飲品 ☕：冷萃咖啡：呢杯冷萃咖啡帶有少少Baileys同雲尼拿嘅味道，還有淡淡嘅果香，味道柔和，非常適合搭配拉麵，咖啡友一定要試！原來餐廳有做自家品牌，仲有會員專屬待遇！凡購買店舖Tee可以有獨有優惠，穿着Tee可指定產品免費，免加一，優先入坐～食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️🍽️ 餐廳名稱：TENGOKU
📍 地點：屯門井財街9號錦發大廈地下20B號舖…Read More

接觸精品咖啡已經有一段日子，通常都係配蛋糕或甜食，但呢度俾我知道原來佢同拉麵可以咁夾☺️當日拉麵套餐 (蝦湯拉麵+ Cold Brew + 昭和硬布甸) 附上嘅 Cold Brew 俾我驚艷嘅感覺，不但充滿士多啤梨嘅香氣，更令鮮蝦高湯多左一份清甜，而且蝦湯鮮味濃郁卻唔會太油膩👍🏻 當咖啡同拉麵交替品嚐時，每一啖味道都有唔同層次，既有士多啤梨味又有朱古力味，呢個火花太奇妙啦🌟套餐以用日本「曉」雞蛋同 Cream Cheese 製作而成嘅昭和硬布甸作結，比我預期中大件😆 口感綿滑，有啲似 Cream Brulee 同布丁燒😋除左呢度嘅咖啡同拉麵，我仲好欣賞佢地經營嘅態度，佢地希望客人會有一個完整嘅味覺體驗，所以拉麵都不設微調 (食物敏感除外)；店員 (應該係老闆？😆) 亦會同客人閒聊交流，呢種小店的確值得到訪👍🏻聽講佢地會不定期推出唔同口味嘅湯底同 Cold Brew 配對，當日隔離檯嘅客人叫左巴斯克芝士蛋糕，睇落相當吸引，等我下次再來食💚…Read More

屯門虹橋就出名多好嘢食，今次就嚟到呢間其中都好出名嘅頂立，佢哋主打嘅咖啡同拉麪嘅配搭配合飲一啖咖啡再試一啖湯底會有唔同嘅味覺反應聽落都非常吸引，再加上都聽過佢哋嘅甜品超出色好令人期待 入到去都見到佢哋有唔少嘅紀念品可以買 而且仲可以加入佢哋嘅會員制度可以特快排隊首先一嚟到就試咗佢哋嘅冷泡咖啡，試得出冷泡咖啡同一般熱淬嘅唔同。試落去會比較似茶一般嘅口感  味道上層次好豐富，頭段有少少士多啤梨味嘅香氣而尾段有少少焦糖嘅味道 蝦湯拉麵湯頭帶有濃濃嘅蝦油蝦膏香味，面質硬度都叫適中而且幾掛湯豚肉方面。有少少微微煎香嘅香味同個湯底都幾配搭 雞湯拉麵雞湯湯底就比較濃郁好似奶白色綿滑嘅濃郁口感，豚肉都幾大塊炆得好淋 昭和風硬布甸最大驚喜絕對係呢一個昭和風硬布甸絕對出色過唔少嘅甜品鋪面有一陣焦糖嘅味道。 而內裡布甸本身蛋味非常濃郁，綿滑，真係值得一試 提拉美蘇巴克斯蛋糕呢個巴斯克蛋糕超邪惡 面頭一陣薄薄嘅忌廉配搭提拉米蘇味嘅慕斯再加埋一個咖啡餅做餅底真係超好食 …Read More

————————————♥———————————- - - - - - - - - - - - - - - - - - - - - - - - - - - - -話說依間餐廳我地已經bookmark左好耐但一直未有緣份食到 早去就排長龍🙈晏去就收左工今日排左15分鐘⋯⋯終於食到啦！！！-依間日式小店由幾個男仔經營🍜主打拉麵配咖啡排隊等位已經深深感受到佢地對食物既熱誠❤️‍🔥對於第一次幫襯既客人 職員會耐心講解食法-我地嗌左兩個「頂立拉麵套裝 $75」 今日只有兩款湯底 所以我地一人嗌左一款店員建議先飲咖啡再食拉麵「冷萃珈琲」入口順滑 味道好有層次後勁散發dark chocolate同士多啤梨果香「雞白湯拉麵」濃郁白色湯底 香而不膩自家製1.8mm拉麵 質地滑而彈身豚肩肉配埋無花果食 咸中帶甜-「豚骨白湯拉麵」A先生食到有魚味 好奇心驅使問左一問店員話湯底mix左魚露、柚子、醬油 估唔到依幾款材料加埋竟然會出現魚味-「昭和硬布丁」以昭和風製作用左全蛋 所以質地會硬身啲加左cream cheese 食落有啲似Crème brûlée因為想試多啲野 所以+$30upgrade「提拉米蘇巴斯克蛋糕」依款蛋糕超高質素🤤大推！！！！！濃郁咖啡味配上芝士蛋糕 味道層次相當豐富 -食拉麵前後都有飲咖啡 神奇地✨味道確實慢慢出現變化個人覺得食完拉麵同甜品🍜杯咖啡更加香-店主除左對食物充滿熱誠外 對時裝都有獨特風格佢地有自家品牌 著其品牌既Tee會有優惠架- - - - - - - - - - - - - - - - - - - - - - - - - - - - -————————————♥———————————…Read More

【拉麵×珈琲】一個好新鮮嘅拉麵體驗，品嚐到嘅食物配搭都係經過店家親自調配。店員亦會親自講解一次當日食材同流程。今次試晒佢哋個濃湯系列，同樣都升級套餐($75)，加粒溏心蛋($10)。雞白湯拉麵 ($98)味道真係好濃郁，仲帶啲漿口，並不是會涸喉嘅味精湯。配料有豚肩肉、鴨胸、白蔥、無花果、粟米芯同紫菜。蝦湯 ($98)同樣好濃郁，蝦嘅咸香味好突出，中意重口味少少建議揀哩款，無花果指明要同豚肩肉配埋一齊食，果香同豚肉嘅油脂又幾夾，甜咸之間有股微妙嘅化學作用。麵質偏向爽口同滑身。當日嘅冷卒珈琲果味突出、口感清爽，配搭濃郁嘅蝦湯，兩種截然不同嘅味道喺口腔慢慢開始變化，好特別同好新奇。套餐除咗冷卒珈琲仲有昭和硬布丁，一貫地蛋香味濃，口感滑溜。焙茶巴斯克蛋糕 (+$35)店家另一款推介嘅甜品，焙茶味香濃，蛋糕口感偏向結實，奶油相對濕潤。留意到店家仲有其他大大小小周邊產品。據了解係店員親自設計，值得支持！…Read More

相隔半年，阿叔再嚟大西北，就係要帶朋友嚟呢間主打拉麵配冷萃咖啡嘅拉麵店。上次嚟食過佢哋嘅白醬油高湯拉麵，估唔到半年後，拉麵店再次推出之前極受歡迎、以濃味取勝嘅「天」(雞白湯)、「地」(豚骨白湯)同「海」(蝦湯)湯底，每款湯底拉麵劃一$98，包多塊豚肩肉、白蔥、粟米芯、紫菜同無花果乾。🦐蝦湯拉麵 ($98) 湯底用上以牡丹蝦、海蝦，櫻花蝦烘乾打成嘅粉末，再加入店內特製嘅混合魚介同其他蔬果一齊熬煮而成，味道的確比出面拉麵店食到嘅更濃。配菜方面，佢哋特別加入無花果乾，老闆建議連埋豚肩肉一齊食，鹹味之中又帶點清甜，而且又可中和湯底嘅膩，非常聰明、又夠創意嘅做法。🐓雞白湯拉麵 ($98)同一樣嘅麵條、同一樣嘅配料，不過就換上以法國黃油雞熬製而成湯底，配合京蔥同薑，同樣味道濃郁。想味道層次再豐富啲，可加入自家製本地魚煮干乾粉以增加鹹鮮味。☕️冷萃咖啡 + 🍮昭和硬布丁 ($75) 用上埃塞俄比亞嘅日曬豆製成嘅冷萃咖啡，帶點士多啤梨香之餘，亦飲到淡淡甜味。建議食拉麵前同後都飲，咁你就會發覺咖啡味道嘅變化，我自己就感覺味道會多咗份微微嘅酸味，你呢？甜品方面，跟餐有蛋味香濃、充滿懷舊氣息嘅昭和布丁，亦可加多$30升級至Tiramisu巴斯克蛋糕。呢款蛋糕咪講笑，超足料、超重份量，濃郁咖啡配上焦香芝士，雙重滋味，一次過品嚐晒。真心飽到食唔晒！😅😅😅…Read More

屯門隱世拉麵 我終於來了！對於港島人來說去屯門是有一點糾結如果揸車就會方便啲我搭西鐵 轉輕鐵😌因為期待咗好耐佢哋嘅湯底星期六12:30pm去到已經full House🫠但係店主幾好 會出嚟招呼吓我哋一路等 佢又介紹吓唔同湯底睇得出佢哋真係好有匠人精神對食物有種執着 堅持湯底、麵條全部自己製作見到有唔少都係熟客 -學嘢！仲有好清晰嘅教學介紹點樣食最正今次嘅目標係：鯛魚貝湯、醬油雞貝湯坐低即刻飲啖咖啡先，再飲湯個湯底好鮮！超級滿足最難得的是，湯頭清澈又濃郁又不油膩-配料很豐富勁大粒蜆😍 新鮮嗰種印象最深刻是 無花果 配 豚肩肉記得捲埋一齊食，一試難忘甜品方面 真心推薦 昭和硬布丁、巴斯克蛋糕比起不少神級Cafe更高質質感很細緻 入口即溶 層次感很豐富—————————————————𖠿𖥣頂立 屯門井財街9號錦發大廈地下20B號舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #屯門拉麵 #頂立 #屯門美食 ___🥇Follow @eathkgirls #eathkgirls #食港女…Read More

拉麵配咖啡蹦出新滋味拉麵分為濃湯（雞白湯&蝦湯）和清湯（鯛魚湯、鯛魚貝湯、醬油雞湯、醬油雞貝湯）一坐下來會先給你喝cold brew蝦湯拉麵每碗拉麵包含豚肩肉，是日精選肉，白蔥，無花果，粟米芯，紫菜蝦湯拉麵以牡丹蝦、海蝦樱、花蝦配合特製混合魚介和蔬果製成的湯底味道香濃蝦味十足！拉麵都係自家製帶有嚼勁，粗幼度剛好很有口感豚肩肉肥瘦適中，可配搭無花果一起吃豚肉叉燒亦很大塊鯛魚貝湯拉麵以日本鯛魚熬製並加入白醬油調味整體較薄和清爽鮮魚香味很突出大顆的貝殼很新鮮建議食法：第一步飲咖啡、第二步飲高湯、第三步再飲咖啡昭和風硬布丁布丁好日式口感較紮實泰式奶茶巴克斯蛋糕泰奶味很香，不會太甜很有層次感…Read More

朋友推介嚟試，適逢放假就過去食碗麵，果然無介紹錯。欣賞佢哋嘅拉麵選擇用無花果、粟米筍做Topping，的確每次食咩拉麵始終會有個油膩感，佢哋呢個安排可以中間可以調劑一下，非常好👍🏻佢哋個叉燒，食得出係自己整，側邊嘅皮能夠燒到乾身之餘，保持到中間嘅肉仍然係嫩滑，冇辦法唔食晒👍🏻至於面方面，睇介紹佢哋係自己手做，基本上我本人係鍾意食較硬身嘅面，所以佢哋麵質我OK👍🏻本身我都以為一碗麵會唔夠食，不過我實在太天真，始終拉麵嘅香，係源自於麵湯嘅油份之內，的確食完成碗之後，非常之滿足，所以大男人嚟食唔使驚，一定食得飽你👍🏻最後難得一嚟，我加咗個套餐要埋佢杯cold Brew+芝士蛋糕，cold brew 的確有樓面細佬介紹嘅嗰陣果香，冇介紹錯，配合拉麵食一流，咖啡友一定要為咗佢地杯咖啡過嚟試吓配合拉麵品嚐👍🏻我5點左右食完，凌晨都未肚餓，因為芝士蛋糕非常之好食，我最憎d人淨係嫌咩唔夠大件，或者唔夠大碗， bull shxt,只要一樣食材，佢係落足料有餘的話，你基本上夠食就已經可以好飽好滿足，貪字得個貧，我成日懷疑啲人嫌出邊食飯唔夠大碗嘅嗰啲人，係比較搵野夾硬挑剔🤓要食飽到嘔，而唔係識品嚐佢嘅味道的話，返屋企自己煮兩桶白飯，咪乜都飽囉夾硬要我挑剔嘅話，咁我唯有挑剔佢地方細，出邊難泊車，阿叔我揸架車過嚟，都等咗一陣先至搶到位, 但係我又唔想佢哋呢種style變大間，食拉麵細細間先有風味，希望佢就算開分店都好，都係保持咁細間，麻雀雖小五臟俱全俱👍🏻…Read More

一次偶然發現！原來咖啡同拉麵都可以好夾！兩種風味交織出一道極緻體驗，店長堅持會對每個客人講解佢地意念同流程，除咗對拉麵、咖啡出品背後理念先品嚐ColdBrew來自雲南嘅咖啡豆，採用紅酒桶處理法，入口順滑，微酸帶有花生、焦糖及紅豆味道餐廳又推出左新嘅湯底，今次湯底揀左鯛魚貝汁配上三大隻貝非常清甜，鯛魚為湯頭帶來更多鮮味，無花果乾可以配埋慢煮丹麥栗飼豚肉一齊食，味道都非常特別食落感好特別，細問原來用咗三種麵粉混合，堅韌帶點蕎麥香朋友試咗沙甸魚湯既期間限定，沙甸魚獨有的甜味為料理帶來一股全新的味覺，湯頭口感會比較稠杰昭和風硬布丁口感顯紥實綿密，濃濃蛋香中帶焦糖微甘提拉米蘇巴斯克蛋糕試埋另一款甜品❤️可以睇到有幾層layer，頂層塗抹奶油到中層馬斯卡彭起司，軟滑無比，最底層巴斯克蛋糕帶出濃濃咖啡味，又為提升一個層次餐廳有做自家品牌，更有會員專屬待遇-TENGOKU still alive - AKIRA Tee首碗免費「超限番及 限番」等📍頂立屯門井財街9號錦發大廈地下20B號…Read More

這家頂立拉麵一直都是我的愛店，這次帶朋友來這裡品嚐一下鮮味與咖啡的怎樣帶出更好的風味▶️ 蝦湯拉麵這個湯底是我最喜歡的，很多次來到都忍不住要叫這個湯底，這裡的蝦湯用上牡丹蝦、海蝦櫻、花蝦烘乾打成粉末，再配合特製混合魚介和不同蔬果而製成的，非常鮮味。拉麵使用三種麵粉混合而成，軟硬度剛好，非常掛湯。▶️ 鯛魚貝湯朋友點選的是鯛魚貝湯，這裏的鯛魚湯是用上大量日本鯛魚熬製而成，配合白醬油調味，帶出濃郁的鮮魚香，清淡之餘，但有濃濃鯛魚味道，非常不錯。我們選了套餐，吃拉麵之餘還有冷萃咖啡以及昭和硬布甸。冷萃咖啡味道帶點雞蛋花和紅莓香，微微帶酸，感覺像渴花茶般，配搭拉麵的鮮味非常合襯。昭和硬布甸質感非常滑溜，焦糖醬味道香濃，配搭布甸蛋香很不錯。此外，我們還叫了提拉米蘇巴斯克，這款蛋糕非常有驚喜，蛋糕的口感層次非常多，提拉米蘇濃濃的咖啡和酒香味讓人非常滿足。這家是我在屯門的愛店，下次再帶其他朋友來品嚐。…Read More

無論地面定店內都會有日本小店嘅特色💕成個用餐體驗非常好，店員小哥細心講解Menu，將店家個故事，每道菜嘅製作方法同所用嘅材料都會細心講解👍👍服務態度真係冇得彈！我地揀咗一個蝦味濃湯底同一個醬油雞貝清湯底蝦味濃湯用多種蝦熬製而成，所以濃湯嘅味真係非常濃郁🤤真係好好味！叉燒一啲都唔肥膩，都唔會太瘦太乾，好Juicy！醬油雞貝清湯底啱晒啲唔鍾意太濃嘅朋友💕 醬油雞湯加入貝貝，湯底鮮甜，口感豐富🤤回想返都好想再encore！令外我哋升級左做套餐，會有一杯冷萃咖啡同甜品💕冷萃咖啡唔飲咖啡嘅朋友都中意❤️，咖啡冇烘得好燶嘅燶味，亦冇好強嘅果酸味，只係有浸淡淡烏龍白桃嘅味道💕昭和硬布甸還原咗傳統硬布甸，用全蛋製造，食落充滿着濃濃嘅蛋香味🤤另外一個套餐，我哋揀咗每日廚師精選甜品🤤今次係日本抹茶巴斯克蛋糕，上層濃濃抹茶白朱古力配合下層淡淡嘅黑朱古力蛋糕，甜而不膩，非常好味！啱晒啲鍾意蛋糕，但又希望太甜嘅朋友！店舖新增會員優惠:凡購買本店的Tee可以有獨有優惠當日穿着本店Tee可指定產品免費,免加一,優先入坐💕…Read More

點解個朋友咁遲先帶我黎呢間拉麵店😮‍💨 拉麵店係咪錶位隔離，泊好車就入嚟啦。我哋7:30pm喺餐廳坐低，當時成間餐廳得我同朋友，心諗晚市點解得兩個客，不過落完單之後就坐滿人了，好彩。🙈啱啱入座嘅時候，店員同我哋介紹個餐牌同埋佢哋嘅理念，本餐牌整得好靚🙈 而且好整齊好整潔，唔會充滿油漬。🥹枱面有提供紙巾，係呢啲包裝紙巾，仲可以帶走，哈哈。🙈食物方面，我哋order咗雞白湯拉麵同蝦湯拉麵，另外一個昭和風硬布丁，一個提拉米蘇巴斯克蛋糕。朋友叫左個雞白湯，雖然佢喺餐牌上面標榜住佢係較濃嘅湯底，但係我覺得都唔算好重味，反而我覺得佢個調味比較簡單，係飲到清清地嘅雞味。👀超期待呢個蝦湯 🦐 本人超鍾意食蝦 😋 拉麵一到，國際慣例梗係飲啖湯先啦，但呢個湯，我一飲就飲左半碗😂 個麵好煙韌，同埋好掛湯🥹 個湯濃郁嘅程度係好似我一次過食好多隻蝦咁。🥹 食完個拉麵已經好飽，但甜品係去第二個胃😋 我好鍾意硬布丁個口感，𢳂落去果下個布甸唔會企唔穩，係帶啲厚實嘅，蛋味仲好香濃。🍮 淋上焦糖，真係好好味。😋提拉米蘇巴斯克蛋糕分左三個部分，面頭灑上咖啡粉，中間果層係咖啡味嘅巴斯克蛋糕，下低係咖啡蛋糕🍰 真係好特別，我未係出面嘅餐廳食過呢款蛋糕，全部甜品都係店主親自製作。由招呼客人入店，到介紹餐牌，到下單，煮麵，都係得一個人做，而且聽講甜品都係親自製作，俾客人睇嘅餐牌都可以keep住唔油淋淋；無論裝修風格，定係食物嘅味道，都好吸引到我再去，希望下次再去嘅時候佢能夠保持水準。🥹…Read More

第一印象係：好香！喺屯門經過頂立拉麵店，店門一開，香濃既拉麵味湧出，非常好聞。雖然排長龍，但都忍唔住走向隊尾。拉麵店約十個坐位，雖然好細小，但整個空間都有被好好佈置。店鋪風格有個性，一個字：型！濃。蝦湯拉麵濃郁蝦味既湯底，越飲越滋味。清。醬油雞貝湯集合雞、豬、海鮮的味道。雞湯底清甜，將無花果浸入湯底後食，令我喜歡上無花果。冷萃咖啡拉麵配咖啡，好特別，亦沒有違和感。跟指示先飲一啖咖啡，然後飲一啖湯底，再飲一啖咖啡，便會更感受到咖啡和湯底互相融入其中的味道。昭和硬布丁比起其他的軟滑布丁，它偏向於黏滑，更有實在感。抹茶巴斯克蛋糕厚實的巴斯克蛋糕，很有層次感，抹茶不苦，蛋糕亦不很甜。拉麵店除左賣拉麵，仲開始推出自家品牌，例如衫，的確幾有型！…Read More

🌞周末,我相約退休同事到屯門聚舊並由他推介去品嚐日式拉麵和特色咖啡。我選擇了「頂立醬油雞貝湯拉麵」~$108，湯底濃郁鮮美,豚肩肉鮮嫩多汁，包括白蔥、無花果、栗米芯和紫菜,具豐富的層次感。店家自製的拉麵，真的是既彈牙又爽口,並吸收了湯料的鮮美滋味。😋老友點了「濃蝦湯拉麵」~$98,同樣選用上乘食材,豚肩肉和是日精選肉絲，都是柔軟多汁,湯底充滿濃郁的鮮蝦味美。😍除了拉麵,我和老友還分別加配了「頂立拉麵套裝」~$75,包括店家特製的昭和硬布丁和冷萃咖啡。店家推薦我們先小口品嚐濃香的冷萃咖啡,再喝一口鮮美的頂立濃湯,最後再回味咖啡,以完整展現兩者的完美組合。⭐可真的是具特式的咖啡與日式拉麵的組合，帶來新鮮感的味蕾沖擊，值得推薦一下。…Read More