青善日本料理

Open Now

Now Closed

朋友係之前漁之部屋嘅會員，因為仲有張執笠會員卡因為裡邊仲有啲餘款，所以受邀過去試一試用埋啲虧啲credit.首先入座，店員已經係黑口黑面嗰啲跟住經營手法更加係無良心，以前會籍嘅死剩種食雞煲放題就係598但係Walk in 298其他有折嘅套餐或者定食，都係Walk in有折以前會籍嘅全部收正價。既然做得咁辛苦，總公司執笠嗰陣佢可以唔食返呢班舊客㗎。講返食品頭半個鐘，基本上淨係得飲品，過咗半個鐘刺身吧個師傅先開始去準備壽司刺身但係兩個鐘任食時間就係由入座開始計。上雞煲嗰陣冇得揀辣度，二三十件刺身連基本冰底都冇就咁放喺一個瓦碟上邊。連基本擺盤都冇。壽司飯攞上來個陣係熱嘅，其他小食以及炸物尚算見得人。概括來說，服務很差。食物質素對人對食品本身的基本尊重都冇。想試吓乜嘢叫做地獄食堂，呢間都算係頭三名。

老闆娘非常友善，服務態度良好，每次光顧的體驗都很好。我主要光顧其晚夜雞煲魚生放題，這個套餐性價比很高，雞煲任添（圖為時令羊腩煲），味道濃郁，非常不錯，吃起來與坊間的雞煲專門店一般無異。至於魚生雖然款式不多，但足夠新鮮，味道絕對對得起價錢有餘。除卻魚生，此店亦提供不了小食，選擇頗多，味道亦不錯。最讓人欣賞的是老闆有上進改善的心，餐廳setting讓人坐起來更加舒適，以其200餘一位的價錢而言，絕對沒有投訴。希望這斯用心經營的小店得以繼續生存💪

咁嘅價錢去食真係中伏一條友連埋加一差唔多260左右雞煲味道一般，雞煲汁好稀 ， 水汪汪。刺身唔新鮮， 刺身冇冰底， 令到刺身出水，食到有魚鱗， 刺身切到好細舊。壽司種類少， 刺身飯好大舊，炸物味道正常環境碗碟好污糟， 有啲蟲飛嚟飛去， 枱櫈黐立立。服務上菜速度慢， 冇禮貌， 經常漏單， 一開始唔會提示last order時間， 搞到唔知幾時就停咗落單。

話說屯門區食放題嘅地點少之有少，比我喺網上搵到任食生蠔加雞煲加火鍋放題竟然二百幾蚊。上網睇一睇「負評如潮」、大家食到「鬼哭神嚎」。但係屯門區又真係冇乜放題喎，所以抱住「我不入地獄，誰入地獄」嘅冒險精神試一試。去到門口，今日竟然冇生蠔，不過都照樣試吓啦，因為$248（仲唔使+1）😂。1.雞煲（小辣）：發揮正常，並唔係死鹹嗰種味，而雞件都正常發揮，唔錯👍。2.刺身：都係嗰種放題質素，以咁嘅價錢，不過不失。推介「厚切吞拿魚」、仲有「劍魚腩」幾彈牙、「赤蝦」都係一貫放題級數：大大隻。3.炸物：炸芝士年糕、炸生蠔，新鮮熱辣正常發揮，但章魚小丸子裏面粒章魚又真係幾細粒😂。4.壽司：正常發揮，都係嗰種大大嚿。5.前菜：幾鍾意芝麻八爪魚，好少食到大大粒完整嘅。另外一味「合桃小女子」原來係合桃加魚乾，味道幾好食。中華沙律裏便啲青瓜絲唔錯，爽口乾身。試過喺第二度食都會濕糴糴。6.*加$48飲品（中伏之舉）：因為我哋見食得都幾開心，所以就加咗兩杯特別嘅嘢飲「紫霞仙子」、「紅粉菲菲」，兩杯野都係糖漿溝色素水，味道都幾淡，完全係中伏嘅代表作😵‍💫，寧願加$40任食生蠔好過啦。總括嚟睇，可能嚟之前上網睇咗好多評論

作為第一次來到這家餐廳的顧客，我的用餐體驗卻讓我感到非常失望。一開始，我對這裡的期待頗高，因為聽說這家餐廳曾經以其優雅的氛圍和美味的食物而受到青睞。然而，實際情況卻與我想像的相差甚遠。首先，上菜的速度實在令人難以忍受。我們等了很久，才等到簡單的菜品上桌，這讓我感到不耐煩。服務生的效率非常低，似乎對顧客的需求並不重視，讓我感到被忽視。其次，食物的質量也讓我非常失望。過去這裡以新鮮的食材和精緻的料理著稱，但我這次的餐點卻口感平淡，完全沒有讓我驚喜的地方。餐廳的氛圍也不如我所期待的那樣，曾經輕柔的日文歌曲已經被大聲播放的抖音歌曲取代，這樣的變化讓整個用餐環境變得嘈雜，影響了我的用餐體驗。此外，我也注意到廚師在忙碌的時候，似乎更關心與其他人閒聊，而不是專注於廚房的工作，這讓我感到他們對顧客的需求並不在意。總結來說，這次的用餐經歷讓我感到非常失望。如果這家餐廳不儘快改善服務質量、食物口味和用餐氛圍，我擔心他們會失去更多的顧客。我希望他們能夠重拾初心，為顧客帶來更好的用餐體驗。

服務態度超差從來都唔想過會咁上次過去食，有條毛毛蟲🐛彈嚟我隻碟裏面超恐怖😱！之後就叫佢幫我換隻新碟，點知黑面真係好嬲下次都唔想嚟食！🤬🤬🤬仲有之前其實他喺荃灣度做，有次我同朋友食完覺得幾好佢就話可以充錢，之後我就充咗$9000，佢就送咗一千蚊俾我，嗰陣時都覺得幾抵，點知一充完就執笠！😭😭我同佢傾咗好耐，佢先俾我用返。真係好慘！（新店）其實食過第一次已經覺得好差，但係充咗冇理由唔食！😩😩😩大家千祈唔好去呢間嘢度食😢

睇左評論預左上菜時間耐第第一輪食物：10件吞拿刺身+10件三文魚刺身+2年赤蝦3件5花腩+3件廣島蠔10件火燄三文魚壽司+6件花之戀+2件甜蝦壽司3件蕃薯天婦羅+3件南瓜天婦羅一蝶炒野菜炒菜最快到，大約5-8分鐘左右，之後其他刺身、炸物、壽司陸續到，食物唔算新鮮，吞拿魚刺身爽口，三文魚刺身新鮮只一人在壽司 刺身枱，預佢係慢出，但亦比預期快，樓面一人。我地共叫左三輪，之後第二物第三輪係encore, 份量已經係每樣12件咁叫，出菜都正常，無特別慢，最後一輪叫左多個三文魚魚籽炒飯，好大碟，好味我相信話面黑個侍應，今次主力做刺身 壽司，所以佢都係對住啲飯黑面，個樓面就好好笑容，仲叫啲客多啲返來幫襯......呢晚都算係咁，都食得好飽~

差到無人有。。。第一次見到放題出品仲衰過爭鮮3蚊一舊飯放題的品種數量少到可憐竟然敢收到368一位再加一依個價吃爭鮮應該吃到嘔圖片竟然係花之戀人哇，真係前無古人後無來者真係第一次見甘無胃口既送蟹籽沙律同手卷蟹籽幾乎數得出全部都係配菜刺身全部都係頭頭尾尾仲衰過打包賣剩既送頭送尾叫左好幾round都唔上菜廚師整壽司唔帶手套同口罩中伏到不能再中伏唔明點解有勇氣賣368一位真係好過去打劫唔好來。。。。太恐怖！

差差差，態度差、效率低、款式少，份量少、質素低，真係唔明點解仲有人嚟食，我去食快餐都好過嚟呢度。連最基本既烏冬都唔好，炸蠔一咬就覺得唔新鮮，炸豬腩肉睇落似垃圾，完全唔敢食，花之戀⋯⋯我都卷得好過佢，手卷就係一嚿飯加幾粒蟹子，真係食到好無隱。

同小朋友同行，嗌咗熟食等咗勁耐都未到，小朋友等到肚餓，幾樣嘢食都要分開上一個食完到一個，冇乜聚餐嘅意思，小朋友等到肚餓，價錢唔算平，食物普普通通不算太出眾，位置亦不算就腳，要稍為搵一下先到，不會再光顧了。

重點不在食物，態度差到一個點，店內一名女侍應，態度好似欠債般，從頭到尾黑、串、惡。唔會再去食，而家咁嘅市道，仲可以咁嘅服務態度，真係佩服，不知這間舖可以留到何時！