雲貴軒米線專門店

Open Now

Now Closed

今日下午茶試咗鎮江排骨酸辣紅薯粉，一打開就聞到濃郁嘅酸辣香氣🌶️，瞬間開胃！紅薯粉口感超彈牙🍠，掛滿酸辣湯汁，每一啖都勁入味，酸度同辣度平衡得啱啱好🔥，食到停唔到口！鎮江排骨係亮點✨，燜得軟嫩入味，肉質鬆化得嚟帶少少甜味，同酸辣湯底出奇地夾🤩！配料仲有爽脆炸菜，原粒花生🥜，增加層次感，香口又惹味～湯底濃郁但唔會太油膩，飲落去酸香帶微辣，好過癮🌪️！份量十足，食完超滿足💯！

喺葵興工作 平時嚟到呢間喺光輝圍嘅雲貴軒食米線 午餐時間一定要排隊 你想有位都好難呀 今日收工時間 見唔知道食乜嘢 於是走咗入去 晚飯時間嘅人好少 一半都坐唔到 所以非常之開心 叫咗我最愛嘅 炸豬扒酸辣米線 微辣 佢嘅湯底 仍然保持一貫水準 非常美味 輕常吾小心連湯都飲埋再加杯凍檸茶 佢嘅豬扒肉汁鮮嫩 炸到剛剛好 米線 嘅酸辣程度 亦都係啱啱好非常香口 我再用8蚊加咗佢嘅小食 - 皮蛋皮蛋就老咗少少 味道一般啦 埋單嘅時候 只係需要 $62今時今日 以咁嘅價錢食到一個 一餐美味嘅飯 都算係唔錯啦

炭燒豬頸肉撈紅薯粉（香麻醬）$48我都幾唔鍾意啲餐廳將啲豬頸肉切成好大既薄片，對女仔黎講其實好難咬🥲呢間店係切成一條條幼條👍🏻就算一啖食唔晒，要咬開一半都易啲呀～豬頸肉幾香口，食落口油香四溢，正👍🏻 脆皮雞扒撈紅薯粉（香麻醬）$48佢兜麻醬係另上，可以自己控制落既分量😋雞扒有啲細舊，不過啲皮煎得幾脆～薯粉好大碗，食唔晒😂 常餐B(沙嗲牛肉出前一丁+牛乳滑蛋+腸仔+香草蒜蓉牛油多士）$45佢個多士係成塊包，唔係切開得一半既三角形🤪上面既香草蒜蓉比得好足呀！好香蒜蓉味！沙嗲牛不過不失啦，啲麵都幾彈牙，唔會煮到淋晒😆

平時都見到好多呢類名嘅米線舖頭，通常諗都係集團式，應該唔會伏得去邊掛，點知呢間真係麻麻地🙈嚟到嘅時候，啲米線淋到就溶咁🥲成碗豬扒米線，啲豬扒幾好食嘅，係嗰種硽到好淋嗰種好食😅除咗嘢食麻麻地，都有樣嘢值得一讚嘅，就係個姐姐好熱心，見我男朋友覺得唔夠辣，佢就俾咗啲再辣啲嘅相我哋🤣同埋呢度價錢都算係咁嘅， 40幾蚊一個餐，包埋杯嘢飲，但如果可以選擇，我都會揀返譚仔算🙈試咗一次都唔想再入去第二次🥲

今日lunch 快快手諗住食米線見到好耐無食過既雲貴軒就衝左入去jap 下.我地就嗌1. 豬頸肉撈薯粉2. 炸大腸撈薯粉3. 尖椒皮蛋4. 雞翼 x 2隻包兩柸熱飲.佢好快已經上左薯粉果然快食米線鋪就係有速度😹.首先講下撈薯先佢係幼身既薯粉黎煮得唔算太淋arm arm 好而個豬頸肉係長條形+半肥瘦～炸豬大腸就脆邊感強，有咬口既撈麻醬既朋友，味道正路.尖椒皮蛋同雞翼都係加9蚊雞既小食雞翼咸到xzy皮蛋普通.整體normal唔好抱住係食好野心態去快lunch 就ok

食咗雲貴軒好多年，因為一直都好鍾意食米線，最鍾意咪先夠方便，雲貴軒一定係我最鍾意食嘅米線頭三位，主打一定係佢個豬扒米線，如果嗰日肚餓嘅就叫多個皮蛋食，開開心心就食飽飽。

以前在葵芳商場都不時吃這間雲貴軒，好像之後在元朗工作也曾經吃過，現在看餐牌，原來撈紅薯粉不可以轉撈米線。於是我就點了個香炸豬扒撈紅薯粉，然之後自己和友人交換腩肉。豬扒仍然夠大塊，大大塊的豬扒，炸得夠香夠脆，但又不算是吉列豬扒那種厚炸的質地紅薯粉份量都算多，之後再給你一盒芝麻醬，辣中可以帶輕微酸味，腩肉和以往一般正斗，肥瘦均勻，不會太乾太瘦太黐牙。凍檸茶味道也與以往一般，茶味夠濃郁，檸檬三四片都是新鮮，的確是米線連鎖店來說不錯的，不過就撈紅薯不能轉米線，亦不能加餸實太差了

次次幫襯都係佢既早餐/肉燥飯。 早餐有迷您蒜香豬仔、蜜糖雞扒、蕃茄通粉/肉燥燥線等，比較特別。味道又好，份量又多。 肉燥飯好好食，豬扒大件又軟身又香口。 反而佢既米線唔夠香，所以好少叫。

開張初期曾經幫襯過幾次，最近過開黎呢區食早餐，估唔到質素差左好多，沙嗲牛肉通粉的牛肉好霉令到成個通粉根本好難入口，另外杯凍咖啡偏甜之外亦冇咖啡味，基身都對早餐無乜大期望但求飽肚就好，但呢個早餐真係從未試過咁難食，所以都忍唔住要寫食評提醒返個問題，一個基本早餐的要求都做成甘，睇怕好難再對其食品有興趣

Another one of my usual lunch spots. Always order their 麻辣小鍋米線. It’s quite spicy, since I went for medium spicy. The food portion was quite big, even though I only ordered one item - fried pork chop. And they sometimes hv promotion. Like this time I only paid only $5 for the century eggs. If u order any noodles/rice or set u can use that promotion. So cheap! Where I work there are not many restros, at least not many that I like, lucky to hv found this one. 食午飯好去處，份量多，下午茶有得加錢換唔同小食，食到捧住個肚走。

Lunch Time 時間到，又去番呢間食麵！有得叫酸辣湯紅薯粉，呢間店湯底偏辣，所以小心啲叫。最後叫微辣湯，飲咗啲湯之後會令我追湯飲。加埋海帶更加好味，海帶好入味！

黎雲貴軒通常都係食米線，今次唔太餓就叫左兩款小食同朋友share。燒豬頸肉味道okay，但切得太薄太幼冇咩口感；炸豬大腸就切得厚小小，點埋個泰國雞醬幾好食。兩樣份量都算多。

今日去左葵芳，因為我鐘意食辣椒，所以行過球場個邊試下雲貴軒米線，一坐低就點了個超辣牛肉米線和熱伴米線加紫菜試試，食物上枱，加辣米線有點像日本紅地獄拉麵，內裏加了很多辣子和辣椒油，正合我口味，這點值得讚，一般米線舖，點大辣根本都是求其放點辣椒油，這我都慣了，米線和牛肉都可以，食時因為辣弄得我汗淋漓，隔離枱看我食這麽辣也看傻了，好像在想明天你去厠所便知味道了😂 另熱伴米線份量夠，熱伴汁夠味，所以這間店舖值得愛米線或愛辣的朋友試試

今日第一日政府部門都全面復工，條街即刻多左勁多人，間間食肆都排哂隊，見依間少人啲就埋去攞飛，等左大約5分鐘就有位。抗疫之下有得加6蚊換個小食，揀左胡椒豬肚，同腩肉米線，野食上得幾快，但水準就唔係幾一致啦，我地三碗腩肉米都叫小辣，但三碗辣度都唔一樣，從啲湯嘅顏色已經睇到個分別，一碗係淺橙色，一碗深少少，另一碗係深紅色，好多辣油係表面。當然都明白好難做到碗碗都一樣，都係睇師傅重唔重手，不過都唔好差太遠啦…食落最辣果碗應該接近中辣，都幾麻，味道方面就正常發揮啦，冇話特別好食。個6蚊小食呢就淡淡地，冇乜味嘅，個底有啲滷水汁之類嘅汁，食唔出有胡椒味，最後都係成碟倒哂落去個米線到當麻辣豬肚食。

行經葵興既光輝圍，見倒呢間米線店，門面望落去企企理理，見佢做緊小食優惠就入去試下啦。入到去，唔使點等就有位，侍應都有禮貌，內在環境裝修企理，望落去乾淨。睇下個餐牌，都多野揀，米線薯粉呢d都有，我就叫左碗四川酸辣薯粉，小食做緊優惠，就叫左個涼拌木耳，凍飲要加3蚊，特飲要加8蚊，見佢個特飲好似飲落幾fresh，就叫左個百香果梳打爆珠冰。四川酸辣薯粉黎到好大碗，最後食唔曬，薯粉有咬口，湯底好襯，酸辣個搭配好。木耳酸酸地，幾好食。估唔到個特飲都唔錯，配埋個辣既薯粉，好夾。呢間值得黎試下。58蚊有一餸面，特飲，小食👍👍