雲米家

家人從歐洲回港探親，入住了葵興的Hotel Cozi Oasis，期間家人提及懷念兒時在廣州吃到的爽魚皮，這在香港確實不好找🙈但非常幸運，就在酒店對面馬路的雲米家米線店竟然有這一道小食，家人相當感動🥹藤椒魚皮 $70藤椒醬汁調味相當平衡，有助辟走魚皮的腥味，魚皮爽口彈牙烹煮時間恰當，而且份量相當多。涼拌皮蛋 $30 調味一流，抵食的小食。涼拌米線$30 麻辣雞丁、花生、芫茜、青瓜絲等配料，另外更可以自由加餸。黄金酸湯魚米線（酸辣）$60湯底濃郁鮮味，雖然只售$60但魚片份量不少，而且冇腥味，米線如久煮一點會更好。奶茶$10家人說沒想到米線店的奶茶也非常正宗香港風味。…Read More

今日要介紹一間米線薯粉專門店——雲米家！招牌菜就係麻辣紅薯粉啦！配搭咗麻辣雞丁、雲耳、芽菜、芫茜同蔥花，我揀咗小麻小辣，辣度剛剛好！仲加咗肉碎、豬耳同腩肉，真係好滋味，每啖都可以感受到辣辣嘅味道同埋紅薯粉嘅綿密口感，夠味又飽肚，太過癮啦！另外雲米家嘅串燒都係一絕！我試咗墨魚頭、芝士豆腐、羊肉同五層肉（豬）。呢度嘅串燒真係烤得恰到好處，墨魚頭鮮嫩多汁，芝士豆腐入口即溶，羊肉嫩滑帶點香氣，五層肉則係肥瘦相間，口感豐富。每一口都令人回味無窮，串燒控嘅必試之選！唔好忘記試下雲米家嘅涼拌皮蛋！皮蛋入口即化，配上微微帶酸嘅醬汁，味道鮮美。飲品仲揀咗胚芽珍珠奶茶同胚芽珍珠朱古力，真係太好味啦！呢兩杯飲品都有獨特嘅胚芽香氣，令飲品更加濃郁豐富，真係消暑又解渴！環境及Menu…Read More

今日去咗葵涌搵朋友，朋友推薦我食呢一間米線舖，之前已經喺荃灣有分店，葵涌呢間係新開嘅，店舖有卡位，坐得非常舒服，而且位置都好寬敞，環境好乾淨，好值得一讚！🍜 酸辣米線（加墨丸及牛栢葉）（$52）酸辣米線可以分開講要酸同辣嘅程度，非常之細心！今次叫左小酸多辣係好啱口味，而且都有唔少嘅酸菜。餸方面，牛柏葉好推薦，非常薄同爽口，仲吸收哂湯嘅精華，好入味，份量亦都好多。🍜 杞子蟲草花雞米線（不辣）（$60）呢款啱晒唔食辣嘅人，米線份量非常多，雞件非常嫩滑多汁，材料非常豐富！雖然湯底望落去係清湯，但係非常之濃郁！🥒涼拌青瓜（$30）份量非常多，仲可以簡辣度嘅多少，朋友唔捨得辣，叫咗小辣佢都可以入口！青瓜口感非常清爽，醋嘅酸度能夠平衡返青瓜嘅甜味，每一嚿青瓜都非常入味，可以平衡返食酸辣米線嘅油膩感，非常值得配搭米線一齊食！🥩麻辣蒜泥白肉（$50）白肉非常嫩滑，而且好入味，入口有辛辣味同美味嘅甜味，加埋蒜泥，係非常惹味！🧋原味珍珠奶茶（+$10/杯）估唔到米線舖嘅珍珠奶茶都可以好好飲，珍珠非常之煙靭，而且份量多，最重要係奶茶點左微糖，真係做到濃郁嘅茶底，非常有驚喜！…Read More

啱啱我喺打電話外賣自取，落到去收銀姐姐就聽緊電話寫緊單，咁我就企喺度等啦，等到我後面都有人排隊埋單，有個唔知老闆娘定店長嘅人行埋嚟收銀，要收排喺我後面個女人張單，我即刻出聲話「我排緊隊㗎喎」，唔知喺老闆娘定店長嘅人應我「收咗錢先」🙁咁佢收完後面果個女人錢之後，就問我要d咩，我話我打咗落嚟叫咗外賣我如果唔係已經打咗落嚟叫咗外賣，我會即刻走囉。平時真喺好憎人打尖，但今次咁樣被打尖，咁樣做生意都有，唔會再幫襯囉。愈食愈咸，雖然唔想浪費，但最後果幾粒真喺咸到頂唔順無食到，之後仲要勁口渴😩…Read More

雲米家這家分店本身喺我公司附近，開咗好一段時間，今日經過捧住一試無妨嘅心態入去作首次幫襯，印象極之良好。是日叫咗碗大麻中辣米線，餸就揀咗腩肉、豬紅、豬大腸，好足料，由於揀了大。。麻😜 嘅關係，麻辣程度好過癮，好啱我口味，食到我感激流涕，眼水都標晒出嚟 😆 另外我亦叫咗份小食炸雲吞，佢個餡就齋菜，味道亦不俗。店內環境頗舒適，而店員態度亦十分良好，所以一定會再來幫襯，下次會試下佢哋嘅串燒及麻辣雞煲 👍👍…Read More

新開麵店，咁咪去食下。因為以為同係荃灣嗰間分店同名，但入到去兩回事。一早去有啲食物係未熟有啲仲有啲怪味。咁同個侍應講話啲嘢有怪味或者未熟。咁佢話要問一問個廚師先。其實係個食客食到有問題咪大大方方去處理，食壞人就仲大問題。個侍應冇攞過的食物去問廚師，話問完係冇問題，咁嘅處理手法咁我咪以後唔食。食物衛生同基本嘢食要煮熟做到造唔到，其實你真係好難想人長期幫襯。食物質素唔係一定長期冇問題，但有既話請認真處理。…Read More

呢間米線已經食過幾次亦都經常回頭，因為難得有一間可以好舒服咁坐喺度食嘅唔使再逼黎逼去，燈光仲要幾開陽配菜真係好足料因為我同佢講多蔥多芫荽😍難得可以睇張相真係好吸引又流口水添🤭（呢碗係酸辣米線中酸小辣茄豬大腸多蔥多芫荽）淨係一樣餸我都覺得已經好夠呢個係我朋友個碗，佢加咗墨魚丸都係好豐富～跟餐嘢飲可以轉$10嘅百香果綠茶椰果難得難得～！不錯不錯碗麵本身就係$30，另外$22 $12係加咗配菜我仲加咗個特色小食$25係吉列豬扒（吉列豬扒唔記得影相😭已經開動）$10加$10就係嘢飲了食飯時間好多隔離返工嘅過嚟食我要專登睇返呢件事！就係嗰次呢，我覺得百香果綠茶太甜，自己行咗自助吧嗰邊加少少水，姐姐見到我，佢主動提出不如加茶好飲好多🫰🏻😭放心，食到流晒鼻涕流晒眼淚嘅時候都仲有紙巾供應🤭提供返啲餐牌先🙏🏻🤭…Read More

簡簡單單的一餐，也可以有幸福感！星期日對我們來說是非常重要的日子，要處理及安排的事都很急速的，所以可讓我們坐下來又滿意的食店也很重要的！途經葵涌，見到有小店，就坐下來食下碗米線……，米線爽滑用料十足，特色小食開胃，串燒即叫即燒惹味及奶茶紅茶款式選擇多又大杯。#水煮牛肉麵 ( BB辣）： 牛肉新鮮又軟腍，好彩辣度可以用『微、小、中及大辣』……去選擇，可跟店員說好；我們喜歡微辣（BB辣），食得很滿足……小小辣味帶點麻，今天天氣凍凍地，很想吃暖肚又開胃的米線，適合之選。#水煮牛肉麵 ( BB辣）：用料十足，有新鮮牛肉，爽脆豆芽及鮮甜的紹菜……#水煮牛肉麵 ( BB辣）：牛肉煮的剛好，軟腍又滑，入口即溶。#涼拌豬耳 ：作為開胃小吃，一定唔會少了豬耳，爽口又煙韌的豬耳，邊吃邊聊天，不知不覺又吃完，後加追串燒#串燒羊肉#串燒墨魚追加的串燒，即叫即燒的羊肉及魷魚串，非常的惹味……羊肉軟腍腍，魷魚彈牙……好味道😋#串燒羊肉#串燒墨魚#茉香肧芽奶茶#龍眼蜂蜜紅茶Menu很多選擇，不會太甜，份量十足又抵飲……食碗水煮牛肉麵之後，飲的很爽爆！…Read More

作為一個米線控，試過一日幾多餐米線呢？熱辣辣嘅湯底、麻辣酸嘅多重層次、爽口彈牙又掛湯嘅米線，加上唔同種類配料，真係諗起又想食一碗米線呢！講到米線，荃灣絕對係米線嘅大本營，其中備受追捧嘅雲米家，近排就喺葵涌開設分店，夠晒方便。藤椒魚皮藤椒嘅麻痺力度恰到好處，越食越開胃，而且魚皮爽脆入味，係一流嘅開胃菜，而且份量十足，夠晒抵食。麻辣蒜泥白肉米線店嘅小食，一向都係雞翼同蒜泥白肉分庭抗禮，你又鍾意邊款呢？雲米家嘅麻辣蒜泥白肉，肉片嘅厚薄適中，蒜泥又香又濃，每塊都充分沾上蒜泥味道，非常惹味。串燒牛肉、串燒墨魚頭串燒即叫即燒，牛肉燒得啱啱好，肉質鮮嫩，肉汁得以保持；墨魚頭係一口大小，爽口彈牙，配上惹味醬汁，食唔停口。酸辣米線酸辣米線先係雲米家嘅靈魂，呢度嘅酸辣湯底就啱晒我口味，一開始嘅湯底偏酸，後徑帶有濃郁嘅辣味，極具層次。而餸菜方面，就揀咗腩肉、豬腸、豬肚同蘿蔔：腩肉肥瘦適中，肉邊帶有小量肥膏；豬腸肥美；豬肚則彈牙爽口；而最考功夫嘅蘿蔔則清甜入味，燜得相當軟腍。…Read More

獨過兒走了過來石籬探親友，回程時往下一路向葵興地鐵站方向走，走到青山公路偶然發覺這一家小店「雲米家」，看起來環境不錯，就在此吃一頓午餐。相信店子開業不久，因為裝修非常新簇，環境又十分整潔，而且，色彩配襯對比大，看上去非常醒目:)，兩邊牆身都架設了玻璃鏡，所以，看上去環境顯得比較寬敞。在圓枱上，餐具就放在枱面上，而卡位呢，就好像茶餐廳搬放在側邊的抽櫃中，打開看到餐具、餐紙排列整齊，不會亂糟糟的。餐牌是A4紙底面共兩頁， 有齊各款米線，酸辣、麻辣、涼拌……等等，有辣，也有不辣的，還有齊各種配料，多款特色小食、串燒，以及多種奶茶、紅茶、綠茶系列，飲品更有跟餐價，吃得更划算。先來一客「炸雲吞」（$20），因為韭菜雲吞是店家自家手製，所以，特別有興趣一試。一客共有四粒，炸過後仍清楚看到內裏有很多韭菜，一口咬下去，外皮非常之香脆，卻不油膩，裏面確實有很多韭菜，跟豬肉餡份量平衡，沾上甜酸醬非常好吃。米線方面選了這一款「杞子蟲草花雞米線」（$60）， 估不到非常大碗，份量很足。除了杞子、蟲草花，更有黑木耳、紅棗、娃娃菜作配料，非常豐富，而鮮雞件也著實不少，雞肉十分之嫩滑，米線口感也很滑溜。見飲品有加配優惠，就選了這個「黑糖珍珠奶茶」（+$10），奶茶很芳香，又有陣陣黑糖香味，杯底也看得到有很多珍珠，口感QQ，十分抵飲。除了食物不錯，環境舒服之外，侍應姐姐們也很好招呼，亦非常有禮貌，這才是做生意之道！…Read More