雲南風味 (Closed)

6:30左右去到,裏面有幾個客響度食緊.因為想試下唔同既野,所以只係叫左一個排骨米線,一個鍋貼,一個醬骨架,一個蒜泥白肉.排骨米線-d米線好淋,我未食過咁淋既米線,掛骨好普通. 如果簡唔中一次咁淋,可能係一時失手,但如果其他人都係咁講,講真,呢間野就真係名過於實,米線係好普通既野,唔係乜野廚神先做得好.鍋貼-沒肉既鍋貼,但煎得ok.醬骨架:喜歡重味既朋友會鍾意呢個菜,但係真係係骨多過肉.最後蒜泥白肉.刀工一流,好薄,真係好薄. ,多蒜,味道係ok,但size好少.兩個人食左90蚊. 唔飽,亦唔低,唔會再黎.

2個人叫左水煮魚, 紅油抄手, 三鮮米線, 蒜泥白肉水煮魚夠辣, 但d魚又唔滑又唔彈牙, 以口感黎講算係我食左咁多間最差。味道都夠, 唔太辣唔太麻o岩o岩好, 不過就好似d魚洽左之後倒落d辣油度咁lor....紅油抄手d紅油係同水煮魚既油一樣既.....一油多用, d抄手係無餡......bad!!蒜泥白肉最正常, 不過都唔係特別好食因為男朋友唔食辣, 就叫左個三鮮米線, 一般普通......如果唔係水煮魚個味ok, 我就俾個喊ga la.....

想試呢間好耐，今次終於有機會黎到﹗呢間小小的舖頭都幾偏僻，一坐低就叫左幾樣野：蒜泥白肉：好多蒜，好惹味，薄薄又帶點肥膏o既豬肉，爽口又香﹗紅油抄手：原來係冇餡的，不過個皮好薄好滑，唔知係咪自家整架呢﹖﹖好開胃呀﹗手拍黃瓜：呢個有應有o既爽甜同酸酸辣辣，好快又ko﹗夫妻肺片：雖然好食，但係分量比較少涼拌米線：有D肉燥，甜甜地又辣辣地，夏天食真係好爽羊乳餅：雖然個個都話好羶但係我覺得好似芝士咁香，所以我包辦晒﹗所有食物價錢幾平所以份量都偏細，所以後來食完一碟又叫一碟，追加的有：麻辣雞煲：偏向麻多過辣，不過真係好惹味﹗特別係吸晒汁o既雞皮﹗水煮牛肉：都係惹味食物，份量都係比較細，不過又係好快就清晒﹗虎皮椒舞茸菌：佢另外有一味係淨虎皮椒，聽講係辣到噴火，今次就試左呢個先，個虎皮椒其實都唔係想像中咁辣，個舞茸菌咁咸咸鮮鮮咁，不過食得多就覺得咸左少少。總括黎講，食物有水準，不過份量偏細，一次過可以試好多個菜，今次去都食左大部分想食o既野，至於下次想食果D都諗定﹗食物普遍都係有水準，亦唔係話好辣，價錢又相宜，抵去﹗

早一兩年成日食lunch o既地方．．初初去不太慣．．因為佢個門口超細，道門又好似開唔到咁．．同埋．．唔知點解入面有陣怪味．．環境又佈置得有d誇張．．果陣唔知有得book 位，搞到有時落到去都冇位．．個事頭好串的．．上星期六經過就帶個朋友去食下．．點知．．佢令我老貓燒鬚．．係咪轉左人煮呢? 定係E 排食多左好野．．？點解我會覺得冇以前咁好味?都唔好話餌絲．．個menu 有但叫親永遠都話冇浸到所以果日冇．．E 家仲要整到d 米線咁鬼淋．．．．．．．．．．．好唔開心．．=[我以前鐘意食佢o既牛腩米線，羊肉米線，小鍋米線．．一讚小鍋米線．．其他我覺得有危機，有一個米線係好似清湯咁，有幾條乾肉絲．．　好funny亦好難食．．E 家個小鍋米線俾佢搞到．．　得辣字．．唔明佢做咩激落辣椒．．兩度咳死我．．我朋友食完．．我係唔好意思到要同佢講．．我都唔知佢點解會變成咁唔好味．．我朋友俾面的一句，都唔係好難食o既．．唔太特別者．．我覺得好尷尬．．

1) 蒜泥白肉好好食, 每次必吃2) 羊肉不好味, 不要叫3) 紅油抄手, okay不過, summer 去有點熱!!!!

個個week都會黎一次, 因為我每個week都會探我姪仔而我每次問我姪仔lunch想吃d麥, 佢次次都會話去吃蕃茄米線佢地既蕃茄米線真係好好味, 酸酸maymay咁, 好開胃跟住我地會加一碗仔既炆肉, 姪仔都好鐘意吃d炆肉會有小小肥肉, 食落唔會覺得肥, 細細舊咁, 林林地, 又入味, 好岩小朋友吃架另外我地都會叫一個鍋貼, 不過因為我唔吃九菜, 所以每次都會叫老板娘煎小唐菜餡既餃子, 個個week都吃同樣既野, 都唔會覺得厭, 至少可以搞店我麻煩既姪仔先喇

超難食,以為打死我都唔去 2008-05-17 01:26其實我係好耐之前去(幾個月)但一直無時間打食評成日睇到呢度d人成日話佢好食...咁就去食啦....點知就出事...唔知間野係唔係食辣出名但係我唔食辣,,,,so我同bf都choose左d唔辣ge野食...我唔記得我自己食左o個個 名...但係手撕雞絲米線咁上下ge野....d湯係直情係"陸"麵ge滾水...完全無味...勁難食bf係食左個咩番茄肉碎米線...今次有d味..但係d肉碎少得可憐...total 得o個一啖...之後太唔好食同食唔飽ge緣故俾多次機會佢..叫左個煎餃.....真係難食到嘔!!!! 除左我唔係太鍾意食佢d 韮菜外呢個因素外....佢d 煎餃真係難食到乜咁!又唔reasonable咁多油!!我未食過d咁難食ge野!!!仲話係kt好出名....我以後打死我都唔去!!!

這次試了蒜泥白肉跟水餃米線.水餃是菜水餃. 味道一般, 喝了幾口湯, 還不錯. 蒜泥白肉一流, 酸酸咸咸甜甜辣辣的, 很開胃.風花雪月跟樓下說的一樣, 只是味道較淡的啤酒耶!還有其他菜色, 有機會再試, 看看會不會有驚喜~

我是第一次光顧的，但吃過後卻對這裏的食物沒有特別印象例如米線雖然爽滑，但湯底吃不出任何風味醬骨架算是入味，可惜我不懂吃骨有一個炸羊乳扇，幾特別，算是可以一試的紅油抄手，香味及麻味都只是一般風花雪月只道是一罐淡味啤酒，可能我不懂欣賞友人說老闆易了手，故此味道可能不如以往了

食呢間野都食了兩三年，仍然食唔厭，可能我真係太鐘意食米線了試過的：羊肉米線：鐘意食羊既人應該會好鐘意，好香好好味，雖然羊肉不算多雞絲米線：湯好清但唔會覺得淡，加酸辣就好好味麻辣雞米線：都係好好食，多數男友叫這個鍋貼：估唔到呢個係好好味！因為男友鐘意食餃子叫了一次之後，次次都必叫！皮好薄，入味有肉汁，正呢羊乳餅：好得意，但唔食羊就唔岩了蒜泥白肉：好好食！夠薄和不肥膩，自己可以食一碟醬骨架：很入味，只叫了一次，因見好多人叫風花雪月啤酒：ok，無乜特別

因為見到好評如潮既關係，今日兩點幾拉左阿媽去試呢間店，因為我地兩個都好鐘意食辣，而且店離我們家頗近…可能係平日關係，只得我地一台，所以冇乜點開燈，亦冇開冷氣或風扇，只係開住d 好有特色既吊燈，鋪面環境比較暗，但尚可接受…餐牌有很多特色小食，我地得兩個人，所以只叫左麻辣雞餌絲、涼伴米線及蒜泥白肉，成為我地既初次嘗試，食物送上的速度頗快…麻辣雞餌絲︰可能是小辣既關係，所以不麻亦不辣，雞是雪藏雞，亦沒甚味道，很失望，餌絲分量很多，但是很"鞋"口很冇味道，完全食唔到煙煙韌韌既感覺涼伴米線：米線很爽口，味道一般，略嫌醋味多重過酸 (可能是個人口味既問題)蒜泥白肉：味道方面，這是水準較佳既一個了，但竟是從雪櫃拿出來的，碟是冰的，汁亦因為雪過的關係而變"杰"，感覺不太"新鮮"小插曲：第一碗麻辣雞餌絲送上台時，員工開了一把不是吹向我地的風扇，我當時仲係度諗，員工都幾細心，等我地食野既時候空氣流通d (當時冇開冷氣亦一把風扇都冇開)，點知風扇原來係開比剛買"送"回來的老闆娘的…整體感覺實在太普通，媽媽話不會再來第二次，我自己就會搵機會o係較多人既時間再去試多次，先決定會唔會再有下下次…

今日收早，突然間想食碗勁辣既酸辣米線同乳扇，當獎勵下呢個星期咁辛苦!到左雲南餐廳，原本剩係想食碗酸辣米線同乳扇。點知見到個菜牌就愈叫愈多，好多野都想食，無奈得自己一個人，一個胃，最後都係叫左我最鐘意食既酸辣米線，雞絲粉皮，蒜泥白肉，滿足左我呢個愛食鬼!!相信我好快會再黎試其他野!

以前在觀塘返工, 間中都會和同事朋友黎食, 真係唔錯!推介麻辣雞煲...越食越辣!! 不怕辣的話還可以叫多客炸饅頭點汁來食, 好正! 另外一定要食的係蒜泥白肉, 食極都唔厭~ GOOD~~

見咁多人留意呢間小店﹐想講下d個人感受：作為觀塘街坊幫襯多年﹐以前一個星期去3、4日﹐一直覺得食物特別得黎﹐好食又唔貴。近年雖然人氣越來越高﹐但食物質素卻似乎每況愈下﹐所以我都越來越少去了....用料好明顯「縮水」﹐除了已經無得送好淡味的豆漿之外﹐以我最常點的為例：茄醬米線(茄醬份量少了三份一)、小鍋米線(酸味不如以往般濃﹐食得出應該轉左酸菜)、羊乳餅都切得比以前薄左...雖說現時成本上漲﹐難得偏僻小店辦得甚有特色﹐也儲到人氣。我寧願老闆娘為保持食物質素而稍為加價﹐話晒雲南風味都係因為食物而吸引咁多人遠道幫襯。可能是廚房會間中換人的關係﹐煮出來的米線好唔穩定﹐時而爽滑軟度適中﹐時而稔得滯﹐仲會碎濕濕咁...依家間唔時仍然會幫襯(麻辣雞都仲ok)﹐對於未試過雲南小食的朋友﹐這小店仍然是個選擇(因為價錢平)﹐但真係俾唔出個笑囉....除非老闆娘覺得生意多左唔志在客人點諗﹐否則希望可以改進下啦﹐要不然大家少了個好味選擇真係可惜!

見咁多笑臉, 又近自己屋企, 又鍾意食辣, 唔試下真係對唔住自己同女朋友一齊食, 八點去到, 都要等位, 等左大約10分鐘就有位.一入去就有一股麻味撲鼻而來, 真係未食已經先興奮先叫左一個麻辣雞米線, 本來想叫餌絲, 但竟然賣哂, 老闆娘叫我下次打電話留定喎, 真係好生意個米線都唔算, 唔係好講得出好味係邊, 但真係同出面咩「雲南米線專門店」唔同再叫左麻辣豬耳, 真係值得一讚, 麻香得黎唔會太辣, 豬耳橫切得幾薄, 食落口好正!另外我女友叫左炸臭豆腐, 我唔食所以我唔知好唔好, 但女友話都唔錯