雄記美食

Open Now

Now Closed

一路都好想黎呢間小店食，但時間上成日就唔岩，今日決定捕佢開11點立刻去食！點左碗咖喱牛腩撈麵，有得揀粗定幼麵，小辣中辣大辣。我就揀左粗麵小辣，我唔食得好辣，所以小辣岩岩好，中意食辣既不妨試大辣。呢碗麵好食到爆灑燈。好大碗，味道濃郁。我再叫左碟蝦米腸粉加蛋，本身調味已經好正，份量都好大！最後叫左自家製既冬瓜茶，岩灑怕甜既我。服務一流，衛生一流，冷氣老闆每隔一陣就自己洗，好堅。老闆每日6:30返工準備最新鮮既食材，正到爆。仲有幅好乸靚既香港人加油牆俾你任影相！大家一定要黎支持小店啊！！

是日難得過海去左灣仔終於可以會一會清單內美食之前有動森朋友仔推介過呢到既炒腸粉一直心掛掛想黎試下望一望餐牌叫左「香煎蝦米腸粉+蛋」&「花生元貝皮蛋豬骨粥」睇食評見到有「豉油皇炒麵」但餐牌又冇於是膽粗粗問下有冇得叫點知老闆娘話時間尚早暫時唔忙可以幫小妹炒個「豉油皇炒麵」😍實在太好了👏🏻👏🏻因為叫外賣既關係，落單時老闆娘好細心咁問清楚啲醬料同配料有咩要有咩唔要，抵讚好過乜都比外賣裝你，之後又未必會用🙈比左你又唔用其實真係好浪費，亦製造好多冇謂既垃圾問一問需要先直接加落食物到呢個方法既細心又環保♻️👍🏻對食物質數方面亦唔影響等左10分鐘左右就拎得外賣重有個保溫袋，老闆果然好細心👍🏻（個保溫袋既可保持食物既溫度，又可以重覆使用，老闆果然貼心）幾十蚊野食有咁既服務態度真係去邊搵打開發現意外小驚喜有「我哋真係好撚鍾意香港」杯墊送真係《 物輕 情意重 》疫情期間，進食前當然要好好清潔雙手，老闆真係照顧周到「香煎蝦米腸加蛋」果然係必食招牌菜熱辣辣，好香脆，腸粉夠滑身，配埋麻醬、甜醬、辣醬，惹味非常。「豉油皇炒麵」夠獲氣，色澤均勻，面頭再曬少少芝麻，賣相吸引🤤炒麵唔係淨炒麵重有配料架，有紅腸、豆腐卜、菜

今日好想試牛筋腩呢一類嘅美食 於是去到呢一間店品嘗一下 我叫咗蘿白牛腩飯 亦都加咗少少牛筋 上碟後佢嘅味道非常之唔錯 牛腩炆得幾淋 唔會太難咬 牛筋都係偏林 係我鍾意個類 而蘿白嚟講 唔會太苦 都係甜甜哋嘅 非常好食 而佢竟然有冬瓜茶就飲品 非常貼心 亦都幾好飲 總括嚟講 呢一間值得一試

This is a great, little beef brisket noodles restaurant on Heard Street. I’m not sure if it’s classified as Taiwanese Beef Noodles, but if not it tastes very similar to it. They have a limited menu, but there are lots of add-on options for your beef noodles such as mushrooms, vegetables, etc. The restaurant is clean and decorated with nostalgic pop culture paraphernalia. The staff are friendly and they have an English menu for foreigners (just ask for it).

午餐時間，去灣仔取月餅😉。因為落好大雨⛈️☔，唔想等位，見雄記美食有位，諗住去速食 ⏰🤤。一入去，老闆娘 💁‍♀️ 就叫我放好雨傘同量體溫 😙，好安全又好整潔 💪！店舖可能因為限制令🚫，好似有部份枱收起咗，所以店只有20多個坐位。（可能更少，如果業主無良心，都唔知呢類型小店點挨 😞 。因為我唔想食牛肉🐮，所以可以揀嘅菜有限。我點了煎腸粉加蛋 🐣同糖水喳咋 🥣🍭。蝦米煎腸粉加蛋 🥚 - 我估係即叫即整，等咗一陣。碟腸粉一來 🤭😋😜，真係同其他巴絲post 既相一樣，真係煎得好靚 🤭😋😜睇個樣已經好吸引 ！！！👍👍 腸粉好脆脆 同香。我好快就食晒 💓糖水喳咋好足料 😉 但我唔太鍾意花奶 （因為怕肥，可能下次要走花奶 🥛）食飽飽又要趕返公司努力 🙈🙈🙈

叫左一飯一湯，湯完全無味，好似用水煮整熟，再放落湯到，舊牛腩好似南記牛腩咁，成舊擦子膠，搣開可以一絲絲肉硬都食唔到。個牛腩飯啲料又少，個飯仲有硬好似邊位咁咬到牙都崩，希望就算同路人餐廳都可以做得更加好。

終於幫襯了！兩夫妻用心經營嘅一間「港」味餐廳。價錢合理！今日食咗咖喱牛腩飯，另加點了煎腸粉，主角居然係佢嘅醬料。另必要飲自家製薏米水，足料有味。主打「牛」製食物，下次再試車仔麵！祝生意興隆。

🐾 雄記美食 (灣仔) 🐾-牛雜油麵$45香煎蝦米腸粉$18-牛雜油麵:個湯底超級入面，一定係用左勁多隻🐂去煲！😂牛雜好淋，冇怪味👍🏻推介😂😂-香煎蝦米腸粉:想食左好耐嘅煎腸粉，煎得好香口，蝦米味都好岀！都好好食👍🏻———————————————(非專業,完全跟據個人口味☺)食物:8/10環境:5/10服務:6/10人均消費:$50以下———————————————▪店舖名稱: 雄記美食 (灣仔)▪店舖地址:🔸 灣仔克街6號廣生行大廈B座地下B2號舖-----------------------

一個充滿香港人味道的地方💋店主店員好Nice夏天外面興烚烚 佢地會叫你入去涼冷氣❤️我今次選擇午餐時間進食先講講位置-灣仔A2/A4 Exit（英皇附近/華星隔離）標題提左「牛🐂」系最出名牛（粥麵飯都有） 必試不過今次我午餐食左①花生元貝皮蛋豬骨粥-粥底好滑 而且料多②香煎蝦米腸粉（加雞蛋）-加咗雞蛋嘅腸粉 出面應該好少見-好香 配合粥一齊食 「正」-可加甜醬&辣醬 （個人口味）最後 大家可以留意下店鋪的內容 香港加油💪

假期嘅灣仔的確係比較少人，佛誕假期黎到全場不多於三枱客. 由於疫情🦠，探熱同埋温馨提示入店要用搓手液消毒. 另外佢枱同枱中間係有隔板，感覺好安心，一人位，二人位， 三人位因為唔知佢地咩野出名，直接問店員，佢地都好有禮物同好客，熱情咁介紹1. 湯麵 2. 煎腸粉 我最後點左花生元貝皮旦豬骨粥首先佢啲米係煲到消失晒 完全係溶晒係粥水入面，而佢啲花生係放埋入粥入面煲到淋晒，元貝皮旦就唔係一大舊見到，我諗都係煲溶晒. 豬骨係有少少肉，都好淋嘅 唔係煲湯個啲咁乾. 味道係有嘅少少咸同鮮甜. 香煎蝦米腸粉 加蛋一上枱就好香芝麻味，個蛋味好突出，腸粉幾好 唔會話太熱變到溶溶地. 係可以好好咁督起黎食. 如果食開偏淡味嘅朋友，可以叫佢少啲豉油，食食下有少少偏咸，要一邊食粥先得. 食嘅時候好似其他都係熟客，佢地有叫啲枝裝凍飲. 所以下次再試下先店入面放左好多老闆的嘅收藏

呢間我想食好耐架啦 之前放工去佢次次都賣曬 我諗我去左3次都食唔到😂😂今次終於食到啦😍佢所有野都幾好味 怪唔之得咁早賣曬😏😏·香煎蝦米腸粉 加蛋 $23呢個好好味 完全就係我想像中個個味😍😍佢個雞蛋煎得超香口 而且好有蛋味 D腸粉又係勁滑 我食得超開心🥳不過我覺得佢好似無乜蝦米咁 但係因為我對佢敏感 所以呢件事完全唔影響我🤭🤭·#rbyeat#rby港式#rby小黃店#rby灣仔·📍灣仔克街6號廣生行大廈B座地下B2號舖

放工到灣仔買嘢，之前好尋覓美食！當然香港人小店必定支持！這間雄記美食一直好想去，可惜就唔到時間。今日終於可以品嘗一下下午茶有花生蠔豉豬骨粥配炒麵，愛粥的我必試！服務快手又有人情味，設計裝修靚又有心思，為香港人打氣，連音樂都大愛，真的深入我心花生蠔豉豬骨粥好綿好滑，足料又香滑，大大件豬骨好香軟，有蔥粒、有蠔豉、有軟腍花生粒，口感豐富炒麵入味、喜歡有好多粒粒芝麻及入味豆卜，麵口感好正不過，我喜歡淡返少少更健康！

話說同老婆去完電腦廣場買完野行下灣仔，就行到呢間黃店。非常好，好有我地香港人特色，我好中意，而且好乾淨，係一個好難得嘅車仔麵店。老婆就食渣喳，有大半碗係豆，好足料，唔算太甜。不過本身唔食渣喳，肯定佢足料抵食。蝦米煎腸粉。其實煎得好香，個皮都好脆口，啲醬就普通醬，撈落好好食，係香港人嘅味道。但有個問題，蝦米煎腸粉無蝦米係咪唔多好。戲玉到喇，車仔麵。豬腸有好多屎，好有屎香同油香味，食落啲屎好滑，個腸皮好爽，好好食。牛腩麵，係正宗車仔麵牛腩類，即係唔係清湯，又唔係儲侯牛腩。唔算係好差嘅腩碎，炆得都算淋，唔會痴牙。牛根就好林滑。味道唔算太濃太鹹，好好食。舊蘿蔔就超級甜，無根。

喳咋足料飽肚，雜豆軟綿爽口，糖水又香又濃 上枱前再加埋椰汁落糖水，奶香更突出 豬腸粉軟綿滑溜，透薄潤滑 煎香後外脆內軟，口感有層次 入口帶淡淡米香，可惜唔太食得到蝦米 豉油、甜醬、辣醬、麻醬大混戰後味道豐富，而且粗豪隨意嘅風格反映香港街頭小食嘅特色，叫人百吃不厭

#tastytommy良心食店 (大大聲播榮光 貼大量文宣 有參與罷工 支援手足 店員服務好親切 人情味滿瀉!💛)香菇什錦糯米飯 $50一大碗好足料 香噴噴 睇見已經流曬口水!!🤤 仲送左碟菜 呢個真係秋冬必食! 食完全身仲溫暖過握習爺爺隻手🥰香煎蝦米蛋腸粉 $23好掛住美味佳既蛋炒腸粉🥺 香口就一定唔夠美味佳咁香口咁肥膩咁邪惡 不過蛋同腸粉都煎到微微卜卜脆 有少少蝦米香 加埋混醬都好惹味😋牛什油麵 $50牛什麵係呢間既招牌菜! 試左兩啖個牛湯 個味好濃好複雜 感覺好堅料😳 友人話d牛什都唔錯~咖哩牛腩飯 $53咖哩幾濃幾辛 牛腩牛筋就比較碎濕濕 店員見我地咁大食 仲幫我地添飯😂糖水有渣咋同腐竹糖水 可惜渣咋賣曬 而當日大約4 5點已經賣曬所有野準備收舖 要食趁早😂btw原來呢間雄記係幾年前獨立出黎發展 而佢既兄弟店“強記美食”連續幾年獲得真米芝蓮小食推介架 同埋都係黃店 亦都係呢間附近!💛