雄記美食

Open Now

Now Closed

話說 前排要去BB展血拼前梗係要食飽野💪🏻先有氣有力前一晚係openrice loop loop下Loop到間 #雄記美食 係kala 想食既野🤩星期六中午去到 等左約五分鐘✌🏻店舖擺滿舊時玩具 80年代唱片 海報等餐廳仲用埋學校枱個袋好似要掛係枱旁邊既勾🤣感覺好有趣係欣賞周圍環境既同時 野食亦不知不覺到齊喇😋開餐先⍥ 雞蛋香煎蝦米腸粉一上枱香味已經衝入鼻窿🤤蝦米腸煎到邊位微脆好香口食到粒粒蝦米仔又帶點口感及鹹味有蛋香加分 面頭似比較稀同無咩味既麻醬😋唧埋啲甜醬真係無得輸～～～唔怪得十枱有九枱都會嗌啦！！必食！！🥰⍥ 花生元貝皮蛋豬骨粥比想像細碗 粥比較稀身 無咩見到米粒 一早已撒好胡椒 而且幾重手 😂唔喜歡的落單要講清楚😌鹹鹹香香又辣辣地 食完暖笠笠豬骨好大舊但肉唔多 食起上黎丁丁麻煩⍥ 咖喱牛腩撈通粉我地揀左小辣 港式咖哩style 份量多到好似大海咁澎湃 😳唔止有咖哩香 辣度仲好有層次後勁🤧邊食邊流鼻水 坑紋通粉更易掛到汁醬牛腩切粒 稔到無牙呀婆都咬到仲有薯仔 生菜等 但食完發現都幾油🤫

自從「雪雪」介紹過這裏後，便立即和太太過來試吓，一試便愛上了；可惜因時間關係，只能間唔中過來。😬店內放滿很多懷舊海報、玩具和古董電影椅，最近更加入這些木製學生桌子，很是有趣。😍這裏的煎腸粉加入大量蛋汁，把腸粉煎成一大餅，形成外脆內軟的口感，加上惹味的蝦米，確實好食。😋豬骨粥口感綿密有米香，加上豬骨內的精華已完全溶於粥內，老婆什是喜歡。😋新鮮熱辣的羊腩飯，食材非常豐富，羊肉炆得軟腍又入味，更完全沒有羊羶呋；加上「雪雪」腐乳汁，真係無得輸，一碗白飯又點夠我食呢！🍚#羊腩飯 $118#花生元貝皮蛋豬骨粥 $25#雞蛋香煎蝦米腸粉 $24#雄記美食地址: 灣仔克街6號廣生行大廈B座地下B2號舖電話: 37088715

灣仔返工一直聽聞雄記美食好出名，今日終於有機會一試。一入到去已經覺得好舒服自在，阿姐服務態度好好！！其實見啲人推介要食煎腸粉，但礙於我自己一個人，又好想食牛筋，同埋屋企人推介咖哩，今次就試咗咖喱撈粗先！牛筋同牛腩份量都算多，牛筋諗得來又唔會一夾就爛，牛腩就係比較碎，薯仔都好淋。但整體來講質素算好出色。而且食物既種類都好特別，值得推介大家過黎一試呀！！🍴咖哩牛腩撈粗加牛筋一人份量：$57📌雄記美食🍽️灣仔克街6號廣生行大廈B座地下B2號舖

又係慕名而來嘅雄記美食，聽講老闆唔係日日都開門，去之前最好喺社交平台check吓佢有冇開～唔好摸門釘喔呢間個餐牌好簡單，得幾款嘢食，但基本每一款都做到好好食。今次叫咗咖喱牛腩撈粗（小辣）$55少少辣，好惹味，而佢嘅咖喱牛腩唔同普通嘅茶餐廳，佢係一個好好味嘅醬汁，牛腩粒做到好淋，要陪咗好多薯仔粒，非常夾！好食！另外亦叫咗一碗咖喱牛腩腸粉（中辣）嚟到嘅時候，已經見到有好多辣粉喺面，滿滿嘅邪惡辣粉，結果係死亡辣粉，小妹食咗一粒腸粉已經辣到飛起，朋友食到一半都食到胃痛手震🥵真係唔係講笑，小辣同中辣嘅分別真係好大，朋友食開譚仔中辣都冇問題，但呢個真係大癲😰所以建議大家都係食返小辣啦⋯最後就係一定要叫返枝腐竹糖水，好重腐竹味，好好飲，亦好解辣😋📍 雄記美食 (灣仔)灣仔克街6號廣生行大廈B座地下B2號舖

雄記美食🍜🤩呢間個性小店，我相信係灣仔附近嘅人冇食過，都一定有聽過🦻🏻！因為老闆有機會不定時得會休息，所以如果唔想摸門釘👣，去之前最好就去佢地社交媒體網站@hungkeehk 睇睇（小妹就買過兩次教訓啦😅😅）一入到去，一陣港風吹過咁🇭🇰！學校枱凳，數不盡的舊式玩具，搞笑趣味標語，好多老闆珍藏，全部都係兒時回憶，就咁睇裝修就已經好吸睛👀✨。呢到樣樣野都可以講係招牌咁滯，點解，因為可以選擇數量真係唔多，但係每一樣都好有特色。蛋煎腸粉就幾乎係枱枱必點㗎，蛋味濃厚🍳，腸粉軟糯，再煎埋一起，口感香脆，你話點會唔好食😋。唔講笑係好食到係想encore！（Better than美味佳🤭）。之後呢碗咖喱牛腩撈河（其實撈面會好食啲，不過果日好想食河粉），呢碗係重口味人士之選，佢係一碗普通牛腩加上出色咖喱汁，香辣惹味，雖然我叫小辣，都幾辣下，但係都一啖接一啖咁食。河粉嗦曬啲汁，wa，係辣住食到停唔到🌶️🤤！呢碗牛雜粥，牛雜清理的好乾淨，完全冇異味，欣賞佢地加埋生菜絲，增加口感，粥底煲得好綿密，加小小胡椒粉調味，好cfu啊😽😽～～大家有心理準備都要排少少隊，你話佢係天上有，地下冇嘅美食，佢唔算。但係佢一定係一

1. 佢裏面細到成粒芝麻咁，你多幾磅都入唔到。2. 佢兩點已經冇晒冬瓜鴨腿湯飯，牛雜麵，同埋糯米飯。去到兩點15分，腸粉都買晒。3. 蛋裏面有蛋殼，食到牙都崩埋。4. 我同個店員講想要幾個碗仔，佢竟然話洗唔切，所以冇比到我地。見到佢成間舖得三個人，我去嗰日係星期六，如果你真係人手不足，就請多幾個人返嚟啦。5. 重點嚟啦！！叫嘢食竟然唔俾加單，如果你食食吓唔夠食，睇嚟你要出咗去再入返嚟重新坐低，咁嘅規矩，成個香港都俾你搞衰晒！雖然佢啲嘢食真係OK ，服務態度但係依個服務態度，同埋模式，真係趕客！

平時見佢lunch 日日都好多人排隊今日終於早D放lunch 12:10 就去到大約排左10分鐘就入得當然一定要嗌雞蛋香煎蝦米腸粉名不虛傳咁好食夠蛋香、仲有D蛋汁加埋煎腸粉嘅香味好好味😋牛雜粥份量比較少粥底比較少米飯但係好滑～D牛雜都好食😋會再去食！！！下次會試埋其他野

住咗喺灣仔十幾年，呢幾年從媒界聽到有間雄記好出名，但每次經過佢門口，唔係排緊長龍就係無開門，後尾聽講要從FB嘅post 先知果日會唔會開門，心諗有無咁巴閉，係咪真係咁好食，還是俾D睇小X書嘅人食。今日放假，專登等午飯時間後先去，終於有位坐唔駛排，但已經被提醒某一D食物已售罄，三點咋😓。好快咁叫咗個中辣咖哩牛腩麵，豬骨粥，煎蛋蝦米腸，無耐食物上枱，粥好棉，蝦米腸蛋好滑，咖哩好香，牛腩好腍，食緊嘅時候，雄哥攞住碗糯米飯走過嚟叫我幫手食咗佢，我真係唔識反應，第一次幫襯唔係熟客，但受到熟客一樣嘅招待，感動🥲。邊食邊參觀兩邊牆上面嘅相，poster，figures ，留言等，好滿意嘅一餐，食物味，人情味，地道味全部有齊，無嚟錯，下次必定會再幫襯試埋其他嘢食👍。

𝚆𝚊𝚗 𝙲𝚑𝚊𝚒 | 𝙲𝚑𝚊 𝙲𝚑𝚊𝚊𝚗 𝚃𝚎𝚗𝚐🍳💛最高5分👇🏻味道：👅👅👅👅.5環境：👅👅👅👅價錢：👅👅👅👅回頭率：👅👅👅👅👅.有冇試過想食茶記但摸門釘？香港咁任性嘅茶餐廳唔多，雄記就係其中一間xd但佢的確有本錢可以咁任性，望下餐廳門口條龍就知🤣雄記其實係香港70幾年歷史茶餐廳強記個仔開嘅，同強記唔同，佢主打做牛雜～但食物嘅味道完全冇失禮爸爸，可以媲美蟬聯咗8年米芝連嘅強記🌟今次難得撞到佢有開門，我哋就試咗雄記嘅🍳雞蛋香煎蝦米腸粉（$24），腸粉嘅賣相十分吸精，煎得好靚，仲有少少燶邊。雞蛋呈現完美嘅金黃色，包住晒啲煙煙韌韌嘅腸粉，食落十分香口，蛋味香濃🥹醬料方面就自由落任加唔嬲😆個人認為雄記嘅煎蛋腸粉好食過有米芝蓮嘅強記，十分推介大家去食！另外想花多少少筆墨介紹下佢個環境，因為雄記令人有種置身舊香港嘅感覺📼有好多懷舊玩具嘅擺設🚂個勞力士大鐘認真搶眼🕰️朦面超人公仔（？）放滿成間舖咁濟😂如果你係Fans，就應該嚟朝下聖啦！其實雄記有最低消費每人$50，所以今次去仲有試熟食，不過又係冇影低🥹而呢度主打嘅牛雜都冇試，下次有機會再介紹！如果大家鍾意食茶記，就唔好Miss咗呢間🫶🏻.🧑‍🍳 雄

雄記美食，久仰大名，但係因為營業時間短（甚至飄忽😂），所以一直冇機會試。月頭要去灣仔搞文件，搞完搵嘢食，第一時間就自然諗起呢度。去到門口見到條人龍，猶豫咗兩秒，最後都係決定排，因為如果唔堅持，唔知幾時再有機會食。好彩唔使等好耐就有位。一睇 menu，二話不說就叫咗咖哩牛腩撈通再加支腐竹糖水。咖哩汁香濃，揀咗少辣，剛剛好，牛腩切成細細粒，容易掛汁，配又係容易掛汁嘅坑紋通粉食，滋味非常。腐竹糖水支裝上，幾特別，唔太甜，腐竹味都算濃，好飲。意猶未盡，想叫多份雞蛋煎蝦米腸粉，點知阿姐話冇得加單，可想而知呢度嘅客人流轉速率有幾快。唯有希望下次再嚟。

🐑 一個人的羊腩飯🐱每年天氣特別凍嗰幾日都會特別想食羊腩！但係有時一個人又食唔晒一個羊腩煲，而且又好貴，返工意外發現呢一間原來好出名餐廳，佢哋有一人羊腩飯！！！正合我意！一個人食份量啱啱好！但係唔好睇小佢，佢真係有齊晒一個羊腩煲入面應該有嘅嘢，羊腩、冬菇、枝竹、筍都齊晒，而且仲炆得好好味，羊肉炆得好腍。雖然冇得一路滾下滾吓，但係能夠一個人都食到羊腩煲，送一碗白飯已經好開心滿足！📍 雄記美食 (灣仔)灣仔克街6號廣生行大廈B座地下B2號舖⚡️為食貓：😻😻😻😻😻⚡️氣氛貓：😹😹😹😹⚡️翻食貓：😸😸😸😸💡食物中吾出小道💡雄記美食算是一間小名人食店，不少藝人也會光顧及推介，但一位平民如我光顧，老闆及老闆娘仍然熱情招待，一個不出100元的牛腩飯，滿滿的羊腩和配菜，絕不欺場。老闆空閑時會到客人間了解食評，可見不停想將食物質素改良，實在難得。謙虛真誠的心果然時成功的第一步。

📌港島灣仔良心牛雜店🍜💛今次嚟到灣仔雄記牛雜 過咗午市時間 出面都仲有一條好長嘅人龍餐廳裝修風格係行懷舊港式style🤓舖頭有好多舊時嘅雜誌同海報 令人回味80 90年代嘅香港情懷🇭🇰今次食佢哋最出名嘅牛雜米😋佢哋嘅港式牛雜係家傳落嚟 同出面嘅味都有啲唔同😝佢哋嘅牛雜米裏面有牛腸牛肚牛蒡牛肺全部都係由老闆每日新鮮製造👍🏻牛雜雖然好多地方都有但係要特別一讚係佢哋清洗得好乾淨少少令人唔舒服嘅內臟味都無😙先講講個湯底 湯底比較濃牛味之餘唔會有好多油另外食得出有比較重嘅酒味 小妹就非常鍾意呢種味～牛腸喺出面非常少有 食得出非常新鮮牛肺好爽彈😆想特別一提就係蘿蔔 平時食牛雜都一定會食到蘿蔔 估唔到佢哋嘅蘿蔔係咁鮮甜 應該係我食過嘅蘿蔔裏面最鮮甜嘅😍餐廳除咗牛雜出名之外 佢哋嘅 腸粉 糯米飯 同埋其他餸菜都好出名 值得大家過嚟一試😎🍽️ 食物：🌕🌕🌕🌕🌑🥂 飲品：NA👩🏻‍🍳 環境：🌕🌕🌕🌕🌗💯CP值：🌕🌕🌕🌕🌑✅回頭率：🌕🌕🌕🌕🌗💰牛雜米 $55Overall: ⭐️⭐️⭐️⭐️ (out of ⭐️⭐️⭐️⭐️⭐️)📍 雄記美食 (灣仔)地址：灣仔克街6號廣生行大廈B座地下B2號舖Hashtags🔎#eatgoo

今天12時來，終於食到，之前三次4点左右來，巳關門！又話五時關，無奈！食物ok, 但粥偏鹹。此外，服務態度超串，問服務員粥可放幾耐，一個回答說：我吾知你放邊，另一個答吾放衣櫃便ok,我無反抗，但沒有下次。

又是慕名而來，平日1 點多來， 也有一條短人龍， 等了約10分鐘便可入座。牛雜粥$40潮州粥路線??不是我想像中的綿綿粥，而是碎米水。有不同的牛雜牛肺金錢肚牛膀牛腸， 偏肥皮蛋除了牛腸偏肥外，其他也正常， 不過不失，沒有很出色吧？粥的味道不會太鹹，牛雜也沒有鮮味。只是粥的口感與我想像有所落差。蝦米蛋煎腸粉$24不錯的選擇，不是說很好吃， 只是較特別有點蛋香芝麻香，腸粉也滑。雞蛋和腸粉煎得香脆。 友人點的車仔麵豬紅菜心蘿蔔牛肚米粉$62豬紅有腥味，蘿蔔有渣。味道一般。雖然未至於劣評，但性價比真的很低，未能理解此店被大推的原因。 

灣仔返工嘅手足無理由無食過🫢入去食嘢隻眼會好忙，因為太多懷舊玩具擺設，重點係呢個展覽會時不時換展品！我大概一個月食一兩次，食食下就會留意到某個角落嘅擺設唔同左😙👍🏼雞蛋香煎蝦米腸粉 $24每次黎到必叫， 一入門第一句通常就係問：「唔該重有無蛋腸粉？」因為通常兩三點就會賣曬。有啲似酒樓煎薄餅，唔太喊，蛋味好香，少脆嘅燶邊（蝦米都脆脆的），不過其實唔太食得出腸粉滑唔滑😂，但煙韌🤤高質花生元貝皮蛋豬骨粥 $25重豬骨香味，比普通粥舖嘅豬骨粥重味dd，加埋少少胡椒粉個咸嘅程度就啱啱好！料足！不過一碗份量唔多。咖喱牛腩撈粗(BB辣/小/中/大辣) $55唔食辣嘅我表示BB辣係完全唔辣，咖哩汁夠香夠多，味方面大概係似大家樂咖喱牛腩飯嘅咖喱，牛腩偏淋身。不錯！冬瓜鴨腿湯飯 $55份量十足，鴨肉唔算好嫩但有湯汁啖啖肉東瓜湯底清甜消暑，好啱夏天食嘅湯飯👍🏿腐竹雞蛋糖水 $10同蛋腸粉一樣係必叫，終於唔係日日凍檸茶！腐竹味唔假，蛋香味淡淡的，唔會太甜，夏天飲真係由頭爽到落腳趾甲！雖然座位少，都唔算寬敞，食物選擇唔多，但勝在價錢太合理(灣仔！旺區！)，食物唔錯又好有家的感覺。