陳記燒鵝茶餐廳 (Closed)

突然想食撈丁，諗起以前經過陳記，見到個牌有芝士撈丁，就去試吓。$38一個吉列魚柳芝士撈丁、厚多士、一杯熱飲。原多士：一般，冇乜特別。吉列魚柳芝士撈丁：嘩！個芝士汁只係白汁加少少少少芝士，顏色比白汁黃少少，完全唔知原來食緊芝士汁。好彩件炸魚仲ok。個麵一睇就知唔係出前一丁，大光麵嚟。。。，麵身硬又冇味。架啡：一般般，起碼唔會苦澀。最離譜係D服務，個侍應黑口黑面，明明$38寫$40，問佢點解$40，佢一句解釋都冇，好悔氣好黑面咁改番$38，呢D服務態度好難要我再幫襯。食完先睇番陳記D食評，原來芝士撈丁真係唔掂，陳記都係專心做燒味算啦！…Read More

是日本來陪老婆聽講座，但臨時有事未能出席，只好等佢完左再食飯。時候唔早，真係諗唔到食乜好，最後經過陳記，就試下吧。還記得以前細個食燒鵝，老豆必定帶去深井陳記，印象中應該是第一間從深井衝出市區的深井燒鵝，但唔知從幾時開始，陳記，已經不再是燒鵝首選。這間在市區的陳記，餐牌已經變成多元化，或可以話係茶餐廳化，從前招牌燒鵝在餐牌已經不再是重點菜，甚至變得可有可無。諗左好耐，最後叫左一個乳豬四寶飯，一個焗芝士石班意粉。等左一陣，侍應同我地講乳豬己售罄，有點失望，問我地轉燒鵝得唔得，也好，燒鵝也是招牌。例湯先來，是日例湯係冬瓜薏米煲豬骨，沒想到還不錯，沒味精得來很夠味，湯渣不少顯見足料，湯頭以例湯來說算是甜了。乳豬四寶飯是燒鵝（本來是乳豬）、香妃雞、紅腸、咸蛋，連例湯收$40其實有點貴，還好尚算足料。不知是否因為乳豬變燒鵝，師傅今日俾左隻鵝脾我。燒味因為太夜所以不夠熱，而且感覺油脂已經有點凝固了。還好味道方面尚算可以，但如果以燒味掛帥，就稍嫌不足。焗芝士石班意粉果真即焗，離遠已經見到新鮮出爐，也看到侍應即場加芝士粉。石班數量很多，芝士足料夠味也夠杰，意粉可以輕易連芝士一齊食，賣$42連熱飲是合格了。今次晚飯，我甚至覺得焗意粉比燒味更好吃。陳年老鵝風光不再，是悲哀？是現實？有機會再去深井老店，緬懷一下小時候的感覺。…Read More

今日Lunch我哋去咗荃灣眾安街嘅陳記燒鵝茶餐廳，印象中呢間茶餐廳唔係開咗好耐，而今次係我哋第一次去幫襯。由於我哋兩個帶埋BB仔去，我哋一入去就要求要張四人卡位，服務員亦好樂意安排。我哋叫咗一碟鵝脾飯、一個紅燒乳鴿餐；碟鵝脾飯喺落Order後3分鍾就送到，而個紅燒乳鴿餐就等咗大約10分鍾啦:)~~~今餐我哋叫嘅食物：原隻鵝脾飯(碟) ($56) - 原隻鵝脾大大件，皮脆肉嫩，雖然好食，但始終同深井本店有少許距離；白飯份量多；反而附送的白菜仔則較少。陳記燒鵝果然有番咁上下水準~~~紅燒乳鴿餐 ($48) – 個餐有紅燒乳鴿一隻同蛋炒飯，由於乳鴿係即整，所以時間比較耐。一上枱，熱辣辣嘅乳鴿好香，炸得皮脆肉嫩，等耐啲都抵；個蛋炒飯唔會覺得好油膩，但比較乾身，有待改善。整體嚟講份量好大碟，味道不錯，好食~~~餐飲：凍咖啡(+$8) & 凍檸茶(+2)- 一般茶餐廳水準，OK~~~總括嚟講呢餐令我哋都好滿意，燒鵝走出深井老店，質素仍有保証，而價錢比想像中平。餐廳環境光猛清潔，服務員算有禮。今餐兩個人食，共$114，茶餐廳午餐有點偏貴~~~…Read More

今日(16-6-2010 Wed)同男友落荃灣諗住去美心買冰粽食,但賣晒.唔想空手而回,就買燒鵝返屋企食,就o黎呢間啦.行去買個$65.00o既下庄,拎住張飛行去,伙計話o係外面等叫No.,啊.我o地等啦,點解後過我o既已經可以拎到o野走o既?我o地由有人等到冇,兩個師傅都停晒手冇燒鵝要斬.我就入去問返個伙計係咪漏o左單,個師傅問我係咪半邊鵝?我答唔係,伙計睇我o既No.,我又睇睇o岩o岩新出o既飛係7號,我o個張係4號,個伙計就話係漏o左,叫師傅斬返畀我.一陣就有喇,返到屋企冇耐都開飯喇.燒鵝重係暖暖地,而皮唔脆,呢個同其他舖o既冇乜分別吖.不過收銀o既妹妹仔態度麻麻啦.…Read More

食完返到黎先知下面都有人彈佢d 撈丁認真麻麻..小弟今日試左 芝士撈丁魚柳...38$ +2$有凍華田..5mins度黎la..個芝士汁稀到唔知係食梗芝士味囉...有撈等於無撈近乎...d麵真係碌完就咁上汁個隻..可能亦係呢個原因令d汁更淡口..魚柳就得一舊..好姑寒下..38$你都讚一大筆la..好彩唔腥..ok味..係皮炸到偏咸左..友人食既燒鵝佢就話滿意..叉燒就一般..以我個人食既野我當然比貶面...…Read More

在裝修的棚架群當中發現到這間茶，眼見裝潢不俗，吃個港式tea又何妨，不過卻是失望而回。眼見卡位頗多，5個人以為可以坐一張大卡，可是一個6人的座位被2個客人霸佔了，被安排了坐廚房旁的圓枱，心有不甘但又知不能怪責店員，滿心期望她的食物能彌補一下，可是又被打擊。由於下午茶是分別點的，所以我只評論我點了的貴妃雞+河粉，及母親大人share給我的豉油雞。啜了啜河粉，頗粗糙的表面，啜入咀時，感到表面凹凹凸凸，由於吃慣了滑滑的河粉，粗糙的我就不懂欣賞了。湯底普普通通，整體也是非常普通，不是好吃，更沒有過人之處。到雞了，豉油雞無論色水及香味都比貴妃雞好，甚至是味道，豉油雞是有水準的，可是貴紀雞真是啖味得難以入口。再仔細看看2種雞，油脂層都頗厚，所以它的皮，我可是沒有吃的，原因是肥膩得不敢放進口。餐飲的奶茶幾乎只得淡奶味，出準奇低，這間茶記真是深井陳記開的嗎? 你可能會說，只是下午茶，晚市可能會比較好，那我還是等等他人的食評再看看吧。…Read More

琴晚同左女友去左呢間店到食晚飯,入到去果時差唔多7點半,竟然冇咩人,心諗死啦,唔通中計......叫左個蒜容炒菜心,一個黑椒牛柳,上菜速度幾快,而且好夠鑊氣,d菜心好爽而且勁新鮮,d牛柳好有咬口,連野飲同飯,一人都係$43,都算唔錯啦.到我走o既時候,出面竟然有好多人排隊.......…Read More

和朋友等了40分鐘才能入內安座,難得來到這裡, 很想試燒鵝, 所以點了乳豬拼燒鵝飯,朋友點了芝士撈丁乳豬拼燒鵝飯($34): 乳豬非常脆口, 但食多幾片便覺肥膩, 燒鵝皮不脆肉不嫩, 跟平日街士賣的燒鵝無分別, 很失望 芝士撈丁: 朋友說芝士不夠香, 丁麵煮太久, 影響了口感服務: 茶餐廳的服務, 待應手腳快, 但不要有期望是次試食, 失望而回…Read More

十二月上旬純粹是因為一個有趣的話題而去吃鵝髀，見廚窗掛著的都是有冠鵝，來吃碗鵝髀瀨吧。一碗既化亦頗粉糜的瀨粉，將貨就價，不說什麼了，湯底味道清，如少一點師傅會吃得開心點；冬天吃鵝，感覺是沒夏天般膩，大件鵝髀連著長腳柄，貨真價實，至於味道是成本所限，肉質粉腍軟欠鵝香，原材料質素差，只得下重醃味彌補，結論是$40左右一客，較裕記、能記平近一半，一分錢一分貨，連鎖出品就是這樣。…Read More

成日行過,見到poster有芝士撈丁,咪走入黎食dinner。唔係好肚餓,但撈丁一定要跟餐,無得散叫。唯有就範。個餐$38有唔脆既厚多士、撈丁(吉列魚柳/司華力腸)、飲品。平時其他茶餐廳食司華力腸,最多係切薄片,份量少既jer.....!呢度仲弊!假「司華力腸」!?唔係脆皮,又咸得很,質素完全係廚師腸,不過係粗版law!那「芝士」亦然!淡黃色的杰汁,完全沒有芝士味!同白汁有何分別?太失望/激氣了!另外叫一樣廚部,試試實力。芺蓉蛋飯$33。賣相吸引,蛋又腍,沒有過熟嚡口。餡有芽菜(如果多d就好喇)、雪藏蝦、靚义燒(好企理,無肥肉)、火腿、韮王、蔥。整體上,只要件蛋好食,就好好餸飯,加上佢飯底加左好好味既甜豉油,食完真係好飽。可能個撈丁真係好差,而個芺蓉蛋飯,始終係屬於dry類,最後食完呢餐,覺得唔係咁滿意。…Read More

昨晚經過,見門面光猛店內清潔,便同朋友第一次試下這店.當我叫侍應落單,想找番餐牌上我想叫那個"葡式晚餐"時,佢個樣已經好唔耐煩.我指住餐牌上個餐number話個number比佢知,佢竟然大大聲同我講叫我講番個餐名比佢聽.我真係好火,佢真係唔想做生意.我已經指住個餐牌,佢隻眼係唔係白內障!!我都算,等到個飯來到.我真係好後悔.:(我點解要入去食一碟$48的蛋炒飯!:(乳豬約9片,味道ok,但好少肉,以肋骨為主.個所謂葡式炒飯就是蛋炒飯加提子乾,一d配料同特別香料都冇.只有一杯普普通通的奶荼.:(結果,這店冇下次,亦令到我第一次在openrice留言…Read More

我點了燒鵝米粉, 乳豬，乳鴿餐, 油菜...燒鵝不好吃，太油膩, 分量非常小。服務不好，我們希望改我們的單，然後Waiter回答我非常粗魯, 發爛渣。環境是非常惡劣，非常熱，像沒有空調提供。…Read More

坐低叫咗個乳鴿餐, 杯餐茶到咗20分鐘仲未見有野食. 問吓個伙計, 懶懶閑答你話 "要燒架嘛,等陣啦" , 根本冇幫你 check. 再過成10分鐘, 再問多次, 先發現根本冇落單. 問我邊個落單, 我咪指出黎囉. 點知佢睜大眼講大話唔認, 成間舖得3個伙計咋.跟住個經理仲 好大聲喝我 "乜野事". 嘩,我好聲好氣問你幾時整好啫, 你漏單就發爛渣??我即刻轉做外賣走人, 剩低個10分鐘, 全店所有伙計加收銀,唔停怒啤我. 原來恃住老字號就可以靠惡待客!!…Read More

試了燒鵝乳豬，油菜及乳豬葡國晚餐，燒鵝還算合格，兩碟乳豬就真係好差，皮硬及乾，肥肉太厚似中豬，乳豬醬冇味葡國飯太乾太黃唔夠熱，油菜洗唔淨，蠔油冇味似是粟粉加色加水奶茶就幾好。…Read More

陳記舊址重開,老公說要來懷勉這裡的义燒煎蛋飯($33)。當义蛋飯送來時,真係有點…..吓?細碟、無色水,白"雪雪",無义燒汁、無豉油,諗住靠煎蛋汁撈飯?煎蛋係蛋,不過變左炒破蛋,蛋「汁」幾滴:(,撈唔到幾多啖飯。肥瘦2:8咁靚既既义燒,o徒晒law。所有材料都好好架!點解要做到精髓盡失呢?對我而言,去茶餐廳唔食麵包類既話,等如無光顧過,所以跟住要吃既,當然係奶醬厚多士啦!無邊的厚多士,「脆」不稱得上很脆,但麵包很軟。奶茶,茶味甘!正!:):)…Read More