Video
4-min walk from Exit A1, Yau Ma Tei MTR Station
continue reading
Payment Methods
Other Info
Opens 24 Hours
Alcoholic Drinks
Above information is for reference only. Please check details with the restaurant.
4-10-2014 (Sat)同男友出旺角搵o野,搵得耐都開始肚餓就搵o野食,由冇車行o既彌敦道行入砵蘭街搵,見到呢間,$21.00起o既下午茶3點至開始供應,重有幾分鐘,我入去問可以叫下午茶未?職員答3點開始.好,咁我o地坐低等時間過.夠鐘喇,男友要$26.00o既特餐,要沙嗲牛肉腸仔公仔麵,加$2.00要凍檸水少甜,我要$23.00o既西多士,同樣加$2.00要凍檸水少甜.冇耐,兩杯凍檸水到o黎,果然少甜,味道o岩o岩好,但好似唔多夠,我o地食完o野都覺得唔夠喉.然後男友o既沙嗲牛肉腸仔公仔麵到o黎,我見到湯o既顏色好深,估計應該好濃.之後到我o既西多士, 西多士炸得金黃,蛋漿唔厚,加埋蜜糖切開,我就嗅到花生醬味,但揭開睇,又唔似有好多花生醬,食得.花生醬味濃,可能方包o既厚度o岩o岩好,又熱騰騰,食完唔覺得膩,都唔錯.至於男友o既,我冇食過亦冇問佢,所以味道分只計我o個份.服務:唔錯,個個都好有禮貌.環境:坐得算闊落,所以可以加分.抵食係2.5分.
continue reading
超難食！買了個馬拉糕，但馬拉糕好似用廁所水做一樣臭！整個糕又濕笠笠的，馬上吐掉了！還要無端端加價，但不事先跟我講清楚！找贖時才跟我說：“我哋加咗價“總之超級負面！從未試過有一間食肆可以令人這樣憤怒！
continue reading
早上四點幾老婆話想野，深仔記剛剛收工，順住條街搵野食，見到呢間仲開門，求其食飽就番去瞓。點左蝦蛟，炸雲吞，羅白榚，生煎包，雞扎同一杯凍檸茶，唔影相了，鬼咁眼瞓。蝦蛟一般，羅白榚ok，雞扎足料味道一般，炸雲吞好油，生煎包硬到食唔到，凍檸茶ok。同個老闆講生煎包咬唔落太硬，佢第一時間話佢的生煎包同人地唔同，外面用面粉，佢用面根。我叫叫佢試一個睇下，咬都咬唔落，佢馬上話日日都食，唔駛試。OK，你咁獨特我唯有成碟唔食，成碟豪俾你。實情D包用微波爐叮太耐，包皮硬晒，既然你咁不負責任，仲當我從未見過食物，我就用腳來投票，永遠Black List呢間鋪。今時今日咁的態度做生意，我只見過9記牛脯，但人地串得起。陳記，哈哈哈~埋單106，唔知有冇計錯數，有佢啦，唔志在了。真係唔明點解有兩個好評
continue reading
今日又係拎團購既日子...哈哈~拎完之後, 已經係下晝既 3 點幾 4 點!!跟住男友仔話肚餓, 所以唯有響附近先搵下有咩下午茶好食~呢條街都有好多野食, 攪到我地都 3 心 2 意.....不過因為晏少少 book 左位去試放題, 所以最後揀左呢間食點心既陳記!!感覺上好似輕量D嘛, 哇哈哈哈~入到去, 裝修好簡陋, 不過都算乾淨既, 所以求其搵個位就坐低左!!原來呢度唔只有點心食, 仲有西式既下午茶同埋炒粉麵....呢個時候, 竟然比我見到好耐無食過既 "西多士" !!!!咁就咩都唔使諗啦, 一於放棄點心啦, 哈哈哈~我要左個 "西多士餐" 配 "熱華田"男友仔就要左 "雞扒多士" 配 "凍檸茶少甜"呢個鐘數, 呢個位置, 人流真係有限, 所以小店入面就只有我地+另外2枱客人...人少就更好, 野食黎得快D, 又煮得好味D嘛....kekekee話咁快, 先黎左飲品, 估佢唔到店仔細細, 但係用料就一D都唔求其呀~男友仔既凍檸茶, 竟然有成4-5片檸檬, 而且檸味十足, 再配埋少甜, 正呀!!至於我既熱華田, 就真係甜左少少啦, 仲諗住佢黎道先我自己揀落唔落糖, 所以無叫佢少/走甜, 點知佢落左.....轉個頭, 主菜都黎啦~果個雞扒多士, 脆脆既多士夾住厚厚既雞扒, 肉汁豐富, 口感一流, 味道亦剛剛好, 唔錯!!至於西多士, 香噴噴炸到金黃色, 賣相已經好吸引, 佢地既糖漿都好好味, 唔會一味死甜, 加埋外脆內軟既西多士, 正!!!見佢店面唔係堂皇, 又估佢唔到中式點心之餘, 仲有西式茶點, 更加估佢唔到個 quality 會唔錯~下次路過又唔知食咩好都可以再黎, 哈哈!!
continue reading
七月十五日 (星期日)約好了看冰河世紀，在朗豪坊看早場，事前先來個早茶填填肚每當經過砵蘭街，也會看到此店開着門做生意細看，原來此店是廿四小時經營的，一早已有打算來試過究竟，是日似乎是一個好時機店子不大，約有二十個位，早上十一時的旺角，店子半滿的原來除了點心，還有蒸飯，甚至是茶餐廳的碟頭飯也有供應今次打定是來吃點心的，就點了最普遍的蝦餃燒賣等打頭陣的馬拉糕看樣已覺不炒，從面層看好像很軟綿綿的入口真的過稔，欠了馬拉糕應有的質感味道也不突出，略失所望接着的是燒賣今回脹卜卜的，似乎有點睇頭入口豬肉餡十分爽口，味道濃郁水份也少，也不油，有挽回劣勢之感蝦餃呢?是一口一粒份量，蝦餃皮薄而煙韌，晶瑩不易穿皮面濕潤度適中，不覺油膩內裡的蝦肉則不夠彈牙，蝦味則不錯性價比仍是滿意的同場也加添了這個腩肉卷這記點心不在主餐牌內，應是不定時供應的先咬一口粉卷，碰釘了，是如何的鬆散而且略凍，質感欠奉包裹着的腩肉尚可入口仍算煙韌，肥膏與肉的比例大概是一比二，沒有油膩感六元一件，純吃腩肉還可以，但加了卷，似乎要倒扣分最後吃的是雞札最近吃過最好的要算是中華紅的那一籠，尤其是那新鮮魚肚，真令人難忘這裡的，雖被比下去，但其實也不錯沒太多的油，魚肚亦有彈牙之感最讚的是雞肉，肥膏不多，入口嫩滑豬肚也不錯，爽口味鮮，頗滿意的一碟整體質素比預期的好，性價比尚算滿意現場所見，點心師傅不斷捧出新鮮出爐的點心廿四小時不停的蒸，你累嗎?
continue reading