錦尚甜 (清風街)

Open Now

Now Closed

位於天后嘅「錦尚甜」12 點後仲有開👍🏻睇完菜單都覺得幾抵就入去，三份甜品唔洗100蚊真係算幾平皇牌芒果椰汁底+小丸子🤌🏻芒果肉好鮮甜，小丸子口感煙韌，沙冰雪糕非常冰，夏天食一流，真係越食越有許留山感覺😎皇牌芒果椰汁底+紫糯米🤌🏻同樣有好多芒果肉，大size就比正常多三份一，椰汁香滑濃郁，加埋個沙冰雪糕球，紫糯米唔算多但味道幾好👍🏻芒果班戟🤌🏻分量唔算多，勝在芒果夠香甜，而且忌廉唔算好誇張地多，比例分明，$20算做得幾好👍🏻👍🏻環境唔算闊但勝在營業時間夠長，附近好多店舖12點後都關門，突然慶起想食糖水都係一個好嘅地方😛🚩 錦尚甜 (清風街) (天后)天后清風街2號地下A2-3號舖#addifoodie #addifoodie天后#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

同朋友食完飯梗係要食埋甜品先夠滿足㗎啦，於是我哋去到附近呢間甜品舖，發現價錢相宜，決定入去試吓。我哋叫咗兩個甜品套餐，一個榴槤甘撈，同埋三粒芒果糯米糍。咁多樣嘢食一邊，我最推薦嘅係炸雞翼🤣其他甜品算係不過不失，不過對於榴槤愛好者對我，發現榴槤甘撈入邊只係得榴槤雪葩而無新鮮榴槤肉係有啲失望嘅😮‍💨

如題簡單一句, 收銀女人態度差到不得了，問你一句可唔可以八達通俾錢，倒轉喝過黎惡死到欠你錢甘，野又唔好食~ 地方又唔係乾淨, 濕立立，不再幫襯，完！=+=+=+=+=+=+=+=+=+=+=+=+=+=+=+=+=+=+=+=+=+=+=+

外賣，榴槤甘撈+小圓子，點知打個蓋見唔到榴槤，再撈下啦，碗野白色唔多覺有，然後食第一啖，食到得少少榴槤味，然後第二啖之後完全冇味囉！！！！！！ 我老公係一嗅到榴槤係會嘔既人，我係佢隔離食，佢都話嗅唔到，可想而知你地偷工減料囉！！！！以後絕對唔會再幫襯！

好唔掂囉，今次係外賣攞返屋企食，話咗唔要餐具係都要俾埋，焗要無所謂，要人等都唔緊要，講聲話芋圓未熟，咪得囉，一碗甜品要我等25分鐘，就係咁戇居居企咗喺外面唔知咩事。問佢兩次先至話要煮芋圓！唉，又唔係真係咁忙啫⋯⋯都冇所謂！返去咬開係硬嘅！真係嬲嬲地😪諗住自己煮過再調返入去囉，見到煲出嚟啲水全部都係綠色🤢諗住煮多一次，冇咗啲顏色，點知兩次啲水都係綠色，真係唔知佢咩料🤮😮‍💨嚇Q死啦，唔會再幫襯囉！

considering the price, their desserts are actually quite cheap and big in portion. lotzz of mango🥭💛 我諗鍾意芒果嘅人都會選擇嚟呢度份量真係好多 ！不過味道方面我就覺得好一般～皇牌芒果精選-椰汁底 $34法式焦糖燉蛋 $26

#dessert #天后今年食咗榴槤未啊٩(˃̶͈̀௰˂̶͈́)و雖然已經食咗好多但係見到都係忍唔住想食！榴槤雙丸王🍡🥥就咁聽個名可能唔知係咩嚟，其實係椰皇入面有芋圓同榴槤，睇下幾大舊榴槤！！٩(˃̶͈̀௰˂̶͈́)و舊榴槤好香好甜好綿，加係椰皇入面令到椰汁有榴槤糖咁嘅味，再有煙煙韌韌嘅芋圓，一次過滿足三個願望(=´∀｀)人(´∀｀=)榮登最好食榴槤甜品！(通常榴槤甜品只係得假榴槤味/榴槤蓉(´･_･`))餐牌上仲有好多款榴槤甜品，有機會會再試！鮮奶燉蛋白🍼又白又滑，唔會太甜٩(˃̶͈̀௰˂̶͈́)و不錯不錯！

忽然好想食甜品，好想食桃膠，光顧了這間位於天后的小店，外賣包裝良好，回家也沒有滲漏。椰香芋圓核膠，整碗餸多過糖水😃芋圓都算QQ，桃膠份量都相當多，但可惜桃膠未完全清理雜質，仍有很多黑點，有點礙眼😌但好在唔甜。芒果黑白涼粉都係餸多過糖水，值得嘉許，可能現在是芒果適合的時間，芒果不酸易入口，黑白涼粉夾Q好味😋當晚可能較夜光顧，店內沒太多人，外賣很快便準備好，店員又細心解答餐牌的款式，下次可再光顧。

行過天后想食甜品，但是已經過咗晚上6點，唯有買外賣回家，剛好經過見到這間，門口又貼滿了明星相，可信程度應該高吧，於是叫了3個甜品，分別是薑汁芝麻湯圓，芝麻糊加湯圓及鮮奶燉蛋白，等了5-10分鐘左右已經可以攞到外賣⋯⋯回家後逐一打開來吃，薑汁芝麻湯圓及芝麻糊正常，味道一般；輪到鮮奶燉蛋白打開個蓋，當堂嚇一跳⋯⋯希希爛爛，一堆堆的白色粒粒就在碗入面⋯⋯簡直難以置信這是鮮奶燉蛋白。。。新年流流什麼心情都沒有了⋯⋯這樣做生意一定無下次。

補完習經過，就同朋友一齊過嚟呢度食甜品。今次叫左個芒果甜品，芒果好多，又甜，唔錯。裏面仲有啲小丸子，細細粒，煙煙韌韌。店員俾得好多，好滿足。上邊球雪糕都好重芒果味，凍冰冰，好正。

即場於顧客面前「返叮」的糖水，忍不住要寫一個負評告誡各位食客。核桃糊是預先整好一小桶，放在了店內一個應該不是以高溫/低溫存放的櫃內。見到店員從櫃內拿出時，已心感「中伏」。然而其後店員將其中一碗糖水放進微波爐，更為離譜。雖然糖水的溫度沒有忽冷忽熱，但也只能說萬幸。核桃糊感覺上是用粉溝出，沒有顆粒感。顏色尚可，但味道與質感都為下乘，亦沒有核桃的香味。與喝一碗比較黏稠的水並沒有太大的分別。簡單來說不會再光顧，亦不值得光顧

去完大坑食晚餐，見個胃仲有少少位未飽晒，決定行返過去天后電氣道搵甜品食，無意中見到呢間喺清風街嘅甜品店：錦上甜，見餐牌有幾多嘢食，決定試吓先。我見餐牌嘅甜品種類非常之多，有榴槤系列，港式甜品，同埋傳統嘅中式甜品，仲有小食添，淨係睇Menu都用左一段時間。Hubbie叫咗一個雜果楊枝甘露囉，佢平時小食生果，最啱食呢啲配埋生果嘅甜品，攝取營養之餘又食得開心！我就叫咗個芒果乒乓，有晒我最鍾意食嘅配料， QQ果、小丸子、水晶撈芒果汁整體黎講都有啲甜，感覺不是水果天然的味道，芒果果肉食落酸酸的，不過咁多種不同配搵料撈埋一齊幾有口感～

係天后食過幾間嘅甜品店，有一間成日都同個friend 食，因為佢住個附近，而另外一間又貴又普通，有d就執左笠🤪🤪，最後食左呢間，環境正常，不過堂食嘅話要帶件外套，因為冷氣都好凍呀😖。食物質素正常嘅，無咩特別。

天后咁多間甜品店真係花多眼亂呀，今次揀左試下呢間錦尚甜，而家榴連當造～緊係食有榴連嘅甜品啦！睇到個menu都流曬口水呀...我叫左榴連甘露，外賣拎返屋企慢慢嘆～呢個榴連甘露，我諗就係crossover 左 楊枝甘露🤣 多重口感同埋椰奶嘅香味，而榴連冰到類似沙冰嘅質感～而且份量都幾多。外賣返到屋企仲keep到，唔會淡或者水曬。芒果同柚子肉嘅酸味甜味都啱啱好，食得出用料都幾新鮮！價錢都合理。下次會再嚟試下其他甜品🥰

同個仔玩完一日，返到天后，我哋兩個都嫌頭先個餐未夠飽，要來個happy ending。就記起附近嘅芒果甜品。講真，餐牌好多嘢揀，真係花多眼亂，我哋最後揀咗一個開心芒果撈，有阿寶最愛嘅芒果又有其他水果，兩個人一齊分。西瓜香甜仲有嘢果，芒果大大嚿又甜又香。底下冰沙軟綿綿，唯獨阿寶怕凍食兩啖交俾我處理。