銘興山西刀削麵 (大同新邨)

Open Now

Now Closed

花雕醉雞🐔$55鮮嫩嘅花雕醉雞，香氣四溢☺️雞肉被特製嘅花雕酒同香料浸泡😉每一口都散發出濃郁嘅醇厚嘅酒香😛肉質鮮爽，幼滑多汁🤤熱拌手撕雞刀削麵🍜$55份量都真係幾多😎嫩滑又Juicy嘅手撕雞肉😚入口即化，鮮嫩爽口😌調味亦恰到好處，鹹甜適中😉搭配軟彈爽滑有嚼勁嘅刀削麵😝加上簡單嘅調味，更增添層次感同鮮味🤤手工韭菜豬肉餃子湯上🥟$48/10隻餃子件件都好飽滿😛皮薄餡厚，餡料豐富😚響湯汁嘅浸泡下更加滋味十足😬韭菜鮮嫩清香，口感細膩綿密😌荔枝啵啵蝦球🦐$45真係勁似荔枝🤣荔枝嘅外觀，但裡面係包著爽滑嘅蝦肉🦐蝦肉肉質爽嫩，彈牙可口😇入口外層微脆，內裡相當軟滑😊凍檸茶🍋跟餐+$3阿華田脆脆🍫跟餐+$22

今日中午大約12點45分左右到達叫外賣，等外賣期間見到一個食客食完埋單，枱上有一盒仲有好多嘅花生，見到店員執枱時將盒花生冚好蓋，連同其他碗碟收走，放好啲碗碟之後拎返盒花生出嚟，四圍望，覺得無人見到就若無其事將盒花生放咗喺出餐位，我相信佢之後會將嗰盒花生重用🥲花生呢啲咁唔值錢嘅嘢都會咁做，其他食物我都唔敢想像🫣為咗幾蚊嘅嘢做衰間舖，我就唔會再幫襯銘興任何一間分店希望員工或者老闆會睇到，自己檢討下

今次我哋嚟到九龍區一間好有人氣嘅中式餐館🥢！舖頭喺幾區都有分店，呢度價錢抵食💰，唔怪得咁多附近街坊，而且外賣單都唔少🛍️。呢度仲有自助吧，可以自己攞小菜。.🥟手工韭菜餃子湯($48/十隻)份量夠足，呢個價錢已經食得飽飽😝！餃子韭菜味好香，我哋就鍾意配湯♨️，感覺熱辣辣，好開胃。.🐔花雕醉雞刀削麵($62)醉雞好夠嫩滑！口感好得嚟，花雕味道超級濃郁🫧，甜香酒味好吸引。刀削麵食得出手做嘅感覺，每條都有啲些微差異🫦，咬落夠口感、夠彈牙。.🥚涼拌皮蛋($35)好惹味！皮蛋本身香濃嘅味道，配埋香辣嘅醬汁🤤，好啱配唔同嘅主食。.🦑香炸Q彈墨魚餅($45)夠晒香口！外面炸得香，裏面夠彈牙💥，而且好有墨魚香味。

🔸 口水雞刀削麵    $ 62刀削麵一大碗，麵裡有菜遠同埋蔥花，口水雞就另碟上，係斬件嘅雞髀肉，肉質仍然好嫩滑，味道比較辣，亦都好有鹹香雞味。刀削麵係原舊麵粉直接削成麵條飛入滾水烚熟，所以麵質相當紮實 好有嚼勁，刀削麵浸喺湯裏面耐咗都唔會發漲，呢種北方特色麵食值得一試。味道：8/10性價比：7/10🔸 溫泉蛋木耳刀削麵套餐    $ 65套餐係湯麵，另加$10可轉冷或熱伴刀削麵。有12款餸可以揀：鮮牛肉、雞翼、豬耳仔、豬大腸、豬肚絲、牛筋腩、東坡肉、豬軟骨、魚蛋、墨魚丸、雞扒、豬扒。 我就揀咗牛筋腩， 有兩大枚牛筋同一枚牛腩，三大件都炆得超腍， 咸甜適中好惹味，另外放咗好多黑木耳同埋有隻溫泉蛋，可以話餸仲多個麵。味道：7/10性價比：7/10風味小食 👍蒜泥牛𦟌   $6513片薄切牛𦟌，好香牛肉味，薄薄地好易入口，面頭撒咗一片濃濃嘅白蒜泥，樣子好似沙律醬，食落就知蒜頭味好勁，有啲辣口，如果唔食得太辣，其實淨食牛𦟌都好和味喇。😋薑蔥鮮牛肉   $65一大盤牛肉，可能最正係用嚟送酒嘅，啲牛肉好鮮香，滲咗好多蔥花同埋花生米， 牛肉片厚厚地咸咸地，咬落唔會好韌， 一大碟美味嘅靚牛肉，最啱就

𝟙花雕醉雞刀削麵 $62呢到嘅刀削麵碗碗都超！大！份！٩(˃̶͈̀௰˂̶͈́)و一碗麵2-3個人share都絕對足夠🫢特別推薦呢到自家製嘅花雕醉雞，係餐廳自家研發嘅秘製花雕酒調味醬汁😋酒味濃度拿捏得恰到好處，雞髀位非常嫩滑！啖啖肉🥹刀削麵食落煙韌有咬口，份量真心好多🫢建議先叫一碗share！𝟚特色冷刀削麵 $60夏天食呢款冷麵就啱哂\(≧▽≦)/份量應該係比湯刀削麵更多‼️自家製辣醬麻醬配青瓜絲、牛腱絲、蛋絲、花生同蔥粒，整體creamy而不膩😋涼浸浸容易入口，配料多非常足料😼𝟛包漿小豆腐 $45即叫即炸自家製包漿小豆腐係佢地嘅特色之一！外面一層薄薄炸皮+孜然粉調味，中間係軟滑嘅豆腐，外脆內軟😋𝟜香炸Q彈墨魚餅 $45墨魚餅炸到金黃色，有6大件，墨魚餅食落非常彈牙，點埋甜酸醬食，中和油膩感😼𝟝阿華田脆脆 $27🌟🌟呢款飲品大推！😽面頭有大量阿華田脆脆，令阿華田嘅味道更加香濃，夾埋脆脆一齊飲多咗層甜脆嘅味道🤤🤤

這間刀削麵開了幾間分店，一直都好想食，今次經開大角咀見有位即刻入去😚餐廳很大，枱也很闊落，款式超多，湯麵，熱拌冷拌都有😜💠手撕雞冷紅薯粉雙拼牛筋腩 $55+15份量多，可以2人share 😂😂,加了麻醬，青瓜絲，花山等等配料，手撕雞肉也是很多🤣雞肉鮮嫩.紅薯粉口感柔軟,牛筋腩肉質嫩，肉味香濃.💠熱拌金錢肚刀削麵雙拼豬頸肉 $55+15金錢肚爽脆可口,刀削麵筋道爽滑,豬頸肉醇香鮮嫩,分量也相當多😽💠花雕醉雞 $55雞肉酒香十足,肉質軟嫩,很開胃🤤💠涼拌海蜇 $45海蜇肉質爽脆,搭配清爽的醋汁調味和麻辣口味，非常解膩開胃。💠蒜泥牛𦟌 $65牛腩燒製入味,每塊也大片，蒜泥調味提味,軟嫩多汁。

銘興山西刀削麵係九龍區都有幾間分店，今次黎到大角咀分店，店鋪算幾大，menu主打既刀削麵都有上湯刀削麵、熱伴刀削麵同埋冷伴刀削麵選擇。推薦大家一定要叫佢地既花雕醉雞刀削麵！份量一啲都唔孤寒，食到好滿足。1⃣️ 花雕醉雞刀削麵（$62） 呢款絕對係必點既！花雕醉雞好似平時出面單點既份量。食落好香花雕酒味！仲配上溏心蛋☺️刀削麵食得出係人手削既，食落煙韌👍  2⃣️熱伴手撕雞刀削麵（$55） 手撕雞份量居多😳痴線食極都仲有，熱伴刀削麵配埋青瓜絲、麻醬、麻辣醬、食落煙韌感更加強！呢款更加啱重口味人士！  3⃣️包漿小豆腐 （$45） 即叫即炸，外面一層薄薄既炸衣，中間偏軟心。  4️⃣香炸Q彈墨魚餅（$45） 墨魚餅點甜酸醬食，唔錯。  5️⃣荔枝啵啵蝦球（$45） 好脆好脆！中間既蝦肉彈牙～  6️⃣涼拌海蜇（$45） 叫左中辣，辣味都幾夠！好過癮！海蜇好爽口仲有好多青瓜絲。  7️⃣蒜泥牛展（$65）（雙拼麻辣豬頸肉+$15） 佢地個蒜泥係真係好泥～好少見蒜泥係呢個狀態，食落顆粒感冇咁明顯但係蒜味好強😍牛展分量都好多。另外麻辣豬頸肉都好好食，唔算係好肥既感覺，特別鍾意佢地既麻辣醬！  8️⃣檸檬菜蜜（+$3） 叫各類粉麵

由舊舖食到新舖，以前舊舖勁多人排隊，而家轉咗去對面街轉角位，人流大不如前。以食客身份，反而覺得少人ｄ就坐得舒服ｄ嘅。今次揀咗熱拌麻辣金錢肚刀削麵（小辣）同 熱拌鮮牛肉削麵。熱拌麻辣金錢肚刀削麵（小辣）$60：撈麵係特別香嘅，因為有麻醬，加上花生、青瓜絲、葱、芫茜同辣醬。撈完每條刀削麵都沾滿調味料。刀削麵質地煙靱，有咬口。金錢肚浸淋咗，少少彈牙，唔會係梅果種。不過舊舖係分開上，不論麵同餸都勁多，直情會飽到食唔落。新舖將兩樣野放入同一碗，份量少咗好多，但都夠飽嘅。熱拌鮮牛肉削麵 $60：呢碗就餸同鮮牛肉分開上，鮮牛肉加咗薑絲。牛肉淋身，嫩同juicy 嘅。自由添醃蘿蔔 ：又酸又辣。好開胃，食完濃味野又可當洗下個口。呢間同其他麵舖唔同嘅係，包一杯熱飲。雖然比舊舖份量少咗，但性價比依然算高。

食野最重要係衞生問題，之後先講味道。碗麵黎到個邊污糟，搞到我手污糟，我同店員要求紙巾抹手，佢話紙巾收$2。我轉個碗比佢睇，但係你無抹乾淨搞到我手污糟，佢竟然用戴住手套嘅手抹走污糟就當無事？！如果我食嘢個嘴污糟要抹嘴，呢$2我俾都唔係問題，但係而家係你搞到我污糟，係咪應該負返責任呢？另外飲品都係黐立立嘅個杯，唔知佢冇洗乾淨定係啲員工隻手污糟？去到食物質素嘅問題啦嗌咗個黑松露蛋熱撈刀削麵同牛肚冷撈刀削麵，黑松露好多但係個蛋又老又鞋…連炒蛋咁簡單都可以難食

呢間刀削麵的確好食 但間店開店到宜家最大缺點見到有客來鐘意指定人地坐邊個位 如果唔坐佢地指定位就黑曬面 同埋佢櫃筒裡面筷子 勺子都唔乾淨 所以點解宜家d人鐘意北上食野大家心照

RT，2024年了，要么你就声明自己是黄店，要么就不要装作听不懂普通话，一个大姐态度超级差，跟你尽力讲广东话了还要嘲笑？服务行业，不应该反省一下自己的业务能力？开了N多分店在奥运、红磡、尖沙咀等内地背景出没最多的地方，扯着山西刀削面的招牌嘲笑同胞，为你买单就真的很好笑了。请老板提高一下员工培训及员工素质，有些员工太砸招牌，面做的再出名也没有用。听完嘲笑当场本人表示不吃了，我去学广东话了，学好才有资格光顾，拉黑这家分店永不再去。

好耐冇同舊老細見過，突然撞番就不如食個晏。平時都帶飯多，好少落嚟食晏。咁呢間好耐冇食過，記得去啲牛腩都唔錯，咁就決定嚟呢一間食。今次叫啲食物同佢啱啱開舖嘅時候叫係一樣嘅。醉雞嚟講，水準依然。但係個雞扒拼牛筋腩，就相當失望。首先個雞扒好乾同埋佢上邊啲麻辣醬好鹹，完全食唔到麻辣嘅味道。個牛筋腩就更加駭人，唔知係煲底浸咗幾耐。唔試唔知真係以為自己揦住一大匙鹵水汁擺落口咁鹹。究竟好食嘅店要keep到水準係咪真係咁難呢，呢個係食材嘅問題定係廚師手勢嘅問題都係交番比老闆去考量下。

銘興山西刀削麵搬左新鋪位已經有一段時間，今日終於有時間去試下。新鋪位寬鬆闊落，座位舒適。Lunch時間，一如既往地多人，需要等下位。今次去試左佢哋既招牌醉雞、麻辣香雞同手撕雞刀削麵。手撕雞刀削麵可以揀辣既程度，或者唔辣。唔太食得辣可以試試下小辣，個人比較建議要跟辣，佢個辣醬都幾有特色。除左刀削麵，大家亦可選配米線、米粉、紅薯粉。部分麵餐更可選擇熱拌🔥或冷拌❄️。🌟花雕醉雞刀削麵🌟麻辣香雞刀削麵🌟手撕雞刀削麵

Happy Friday又同同事食刀削麵，搬新鋪第一次去，新鋪大d，光猛好多。依舊叫清湯刀削麵加豬扒。未上菜前拎左d醃蘿蔔，好爽脆。豬扒啱上來熱辣辣，好脆，有兩塊咁多，仲youd花生係度。刀削麵好煙韌，個湯都冇味精。食完成個餐好滿足。而同事叫左雞扒，今次就有些小柴。

收银吖婶态度极度差仲歧视内地人!!!!!!!以后唔会再去!!!!! 一入店门，黑面神收银吖婶就面黑口黑，嫌我地10个月BB车阻住路，明明我地摆系凳噶位置 完全唔会阻住条路，系要我地搬出黎走廊，唔该，BB训系婴儿车度，你地拿住汤面行黎行去 万一D汤泼系车度碌亲BB,你地付得起责任？乜野叫安全第一？吖婶你自己无仔女噶，个心甘黑！！小朋友食完面，要落去行下，我一直有叫距坐好，唔好撞到人，又抱返位度。 个收银吖婶极度歧视内地人，我一路都系讲广东话，我都有香港身份证哦？仲要特别要用国语同我讲，仲要系教训噶语气教训我？ 我黎呢度消费我有比钱架，你家下好巴闭？歧视内地人 喂！你开山西刀削面噢！ 系山西噢！用内地地方名称 赚内地人噶钱，仲要歧视内地人，歧视你自己祖先？！用呼喝噶语气黎同顾客讲野？大家避坑！就系你地呢种甘样态度衰噶服务员 影衰晒香港噶服务行业，人系相互尊重，职业不分贵重，唔明点解一个服务员态度可以甘差，甘巴闭款，甘串，甘高斗，丢架!!!!!