銀龍咖啡茶座

Open Now

Now Closed

久聞呢間茶餐廳好耐因知道佢地首創一種好有特色既港式食物呢日終於有機會一嚐·傳統香港茶記裝修風格年代感既綠色格仔地磚茶記應有既菜式都有齊·<腐乳西多士> $25賣相同普通西多士一樣但勝在即叫即炸熱辣辣炸前麵包預先搽上腐乳炸好後裡面再搽花生醬麵包炸得外面脆內鬆軟估唔到咸咸地既腐乳味味道新奇但又唔覺奇怪最後五分鐘極速消滅～好好好味窩😍😍😍·<紅豆冰> $25西多士當然要配紅豆冰因為係下午茶最啱配搭紅豆份量超多花奶好香每食一啖西多飲一啖冰好爽呀～😋·<芒果布甸> $26最後黎多個港式甜品一罐花奶可以任你加新鮮芒果肉好甜呀～·<總結>特色腐乳西多士值得一試！👍🏻

今日同個friend去鯉魚門度walk 一walk，偷得浮生半日閒。行到咁上下，自然想歎番個下午茶，於是我哋就入咗呢間有成五十年歷史嘅銀龍咖啡茶座。傳統茶餐廳格局，卡位細細，但唔算坐得逼夾，勁有七、八十年代嘅feel，夠晒地道，相當乾淨企理。嚟到呢度，梗係要試出晒名嘅蛋白腐乳西多($30)，同埋歎返杯老闆娘至出名嘅撚手奶茶($15)。因為得老闆娘一個one man band，所以落單、煑嘢、執枱、洗碗、收銀全部要一腳踢。雖然有個義工姐姐幫手，但係都做唔停手，可能因為人手問題，所以呢度提供食物種類好有限，除咗三文治、多士、公仔麵外，其他你都唔使諗😅。今日勝在係閒日客人唔多，所以我哋等咗唔係好耐，啲食物已經上枱。蛋白腐乳西多先上，多士邊煎得金黄脆口，内裡軟熟好入口，腐乳味道唔會太搶，就咁食帶一點鹹香，別有風味。加咗煉奶之後，鹹鹹甜甜，味道更加豐富。呢度嘅奶茶都相當不俗，香氣撲鼻，口感幼滑。原来老闆娘曾經贏過好些冲奶茶獎項，難怪有番咁上下水凖，絕對值得一試。同行友人試飲室溫羅漢果茶（$15）,清甜潤喉，果然係健康之選。聽聞呢度嘅芒果布丁同芒果多多都好出名，可惜一早已經賣晒，希望下次嚟有機會試

打完風兩個星期,9月尾去鯉魚門冇諗到銀龍已經收拾重開了好鐘意呢到既奶茶好滑，茶杯都有熱過又一d都唔貴麵食感覺上普通少少不過上次食西多，芒果布甸都好正鯉魚門當時都仲有好多野未清哂kate姐要加油努力呀

鯉魚門除咗海鮮，呢間銀龍都好多人話好值得去試，因為唔係可以喺出面輕易食到，入到去就見到無咩客，由於第一次幫襯都唔知有咩食，就隨口問咗老闆娘一句︰「有無飯食架？」，點知老闆娘回我一句︰「要食飯就隔離喇！」唔洗咁呀‥‥雖然舖內唔多客，但由於時間關係同埋唔係好想再比老闆娘串，都係叫買外賣，見到價錢係偏貴嘅！但如果好食，都可以接受！蛋白腐乳西多士（HKD30)~可能因為比外賣盒"局"到唔脆，而口味甜中帶有咸香，接受到就係「特別」，接受唔到就係「怪」囉！而我，係後者芒果布甸（HKD26)~芒果粒係多嘅！但好酸‥‥其實市面上好多自制布甸，甚至屋企整都好方便，如果呢個價錢，我覺得唔值！

這裏的奶茶紅豆冰非常好味奶茶味香濃但唔算好咁, 平常喜歡少甜或走甜嘅我覺得啱啱好, 紅豆又非常腍, 好味其實最吸引我想試係蛋白腐乳西多腐乳味唔濃但內裏滲出一點咸香, 幾可口最後當然試埋個芒果布丁, 真係啖啖芒果肉, 好好味好滿足這裏人手不足, 但有幾位好有心嘅義工幫忙店主, 好温馨, 好開心

假日來鯉魚門逛逛，天氣熱往往想來杯冷飲，路經一家門口貼著芒果益力多海報的店，門面低調的它，本來沒留意到原是一家茶餐廳，推開門，充滿一種80年代（估計😆）的氛圍，好有感覺，於是決定坐下來歇一下。細心看牆上的剪報，老闆娘曾經拿過奶茶獎，本應試試手沖奶茶，可惜已經點了食物。想喝的芒果益力多已停止供應一段時間，她說因為沒有益力多🤔 轉為點了一客芒果布甸（$26），也是銀龍代表作。芒果粒挺多，最開心是有花奶任加，對我來說這才是精粹所在！！另外點了聞名的南乳西多士（$30），真係很有南乳味，淋上練乳，鹹鹹甜甜的挺有趣，第一次吃到如此fusion；還有一杯香茅青檸特飲（$30），香茅味很出，但青檸味欠奉，味道偏淡，這個比較普通。出走鯉魚門不妨去坐坐，除了以上輕食，也有簡單麵類可以點呢。希望這類小店可以繼續處在時光隧道裡不被淹沒。

雖然真係好少過鯉魚門，而一講起鯉魚門都係諗起海鮮～ 今日因為過開呢邊做野，同事主動話帶我地食好西！😂 我當然唔錯過啦～跟住同事左轉右轉行到去，如果平時純粹入嚟食海鮮 對呢度真係完全唔起眼～裝修只是普通 只會以為係d好普通茶記～一入去～靚靚老闆娘已經好nice又有心機介紹！同事推薦入嚟食蛋白腐乳西多我聽到個名真係覺得好特別！ 呢度只有老闆娘一個人做，如果忙時應該會忙到不能想像～我地好好彩，嚟到就即叫即整！西多係完全唔會燶唔會黑！又唔會好油！食落口唔會覺得油淋淋！ 個腐乳味做到剛剛好！唔會咸到食唔到..係意想不到地夾！然後再試左佢個芒果布甸好滑 又唔會太硬身 仲要勁大粒芒果肉 ！食完行出嚟仲有回甘喺個口度..重點 老闆娘超好人又靚，同埋好有heart!所以真心想推薦比大家試！

原來我經常聽的銀龍奶茶王就在這初次來到鯉魚門 逛一逛有可特別聽聞已久的奶茶王Kate姐 今日撞正休息時間 嚐不到她的奶茶 但多謝你的芒果布丁下次會來必須品嚐 腐乳西多同奶茶你現在的威望能夠在飲食界坐首席 靠自己創一番事業 一間茶餐廳竟然一手一腳打理由準備功夫到招呼客人都只得一個人品嚐不到 但也有多芒芒果布丁用上甜甜的芒果 食落仲好滑一滑食得出人情味的甜品聽聞好多藝人 外地客專程來食布丁 有時也一早沽清 記住要食的朋友最好預留啦味道賣相衞生服務抵食推介

銀龍咖啡茶座應該開了很久吧？假日行走衛奕迅徑前吃個早餐吃最好的事情！這裡老闆娘非常好傾，以前我也不知這號店，但店面貼滿腐乳蛋白多士，加上老闆娘積極介紹，忍不住在這裡來一個腐乳多士$25一個人打理店鋪，加上創意小食，不得不佩服老闆娘的毅行及創意！多士內塗上一層淡淡的腐乳，咬下去時多予陣咸香味！它沒有添上蜜糖，反而用練奶及牛油，加上新鮮炸出，幸好過來一試！有人話芒果多多或奶茶是必試！但我卻對簡單的香茅青檸蜜糖水$20很不錯，叫了一杯來，結果也沒有令我失望。又有力氣去爬山啦！

朋友推介，一班人浩浩蕩蕩去到鯉魚門下午茶一入門朋友就跟老闆娘打招呼，她是全國奶茶皇所以不用問，即叫左奶茶。一啖就試到，跟外面的奶茶完全不用。不是靠奶的香，係真係茶香，真是佩服。但係跟外面的價錢一样下午茶當然有多士，好香脆意外發現，蛋白腐乳西多士 ，唔咸，好味。可惜太遠，不方便常來。

假日去個鯉魚門逛逛！終於可以去呢間茶座啦！因為講左好耐都未去到😝喺到同老闆娘傾完計就發覺佢好厲害,堅持要對食物高質素既執著而且可以一手一腳打理成間餐廳店,真係唔容易呢🙂黎得呢度一定要試試呢度兩款大熱既食物就係腐乳蛋白西多士同芒果布甸！聽人說都是神級好食😙點解會諗到咁特別既西多味道⋯⋯既呢！？以為味道奇奇怪怪🙈點知一試原來幾夾！多士中間塗上一層腐乳增加了鹹香！西多沒有油膩感,用左蛋白之後既感覺挺健康的！同埋炸得鬆軟脆脆！老闆沒有用糖醬而用了煉奶同牛油😽先是甜然後是鹹，好香口！但老實道都幾創新大膽！相信唔係好多人接受到😂😂不過一場來到係要一試既！🤡另一招牌小食就係芒果布甸啦！細細盒的芒果布甸藏著很多果肉😍一匹起中間就有好多大大粒嘅呂宋芒!再配花奶夠哂甜之餘入口亦都滑溜的🤗係有點貴姐😗😗另外我仲叫多兩杯飲品✌🏻就係熱奶茶同埋杯芒果沙冰！杯奶茶非常香濃及滑溜！原來老闆亦是奶茶王冠軍😎有一定的水準呀而芒果沙冰也選用了很大個的呂宋芒所以非常香甜及足料🤩好快就一杯飲晒啦！成餐都不錯呢！好喜歡茶餐廳兩邊排著傳統的卡座保留點懷舊還多份人情味😍

大年初四，去鯉魚門逛逛，通街都係食海鮮，唯獨一間茶記。俾佢門外寫住的腐乳西多同奶茶王吸引住目光。由於中午飲了杯極難飲的奶茶，所以要飲返杯好的。我們各自叫了一份腐乳西多同奶茶。奶茶杯是熱的，奶恰到好處，茶飲後留香，不愧是奶茶王！腐乳西多望落同普通西多無謂分別，入口有芝士的味道，不過比芝士多了一份清香！雖然初一至初四加價，奶茶要25蚊杯，西多要35蚊份，不過還是覺得值得的！奶茶由老闆娘沖的，奶茶皇后當之無愧！

這裏的芒果布丁真有親切感，似是家的味道，真材實料，無添加……仲有用呂宋芒。不得不提的是腐乳西多，其貌不揚，但一刀由中央切開，腐乳的香味不知重那裏發出，仿如鄰居炒通菜，這又是香港人的味道。

我今天終於有機會一試，真心推介銀龍咖啡茶座。👍👍👍2017年11月時，我來到三家村參加攝影班，村民特別推介銀龍咖啡茶座。由於課堂節奏緊湊，未有時間一嘗。2017年12月23日，我的5歲女兒指定要去三家村遊玩。我立即想起銀龍食下午茶。去完石礦場後，我一家到達時茶座時已半關店狀況，十分失望。見到店內還有人進食，我跟老闆說我特地吃下午茶，她親切細心說明熱奶茶售罄，店內只有她一位廚師，如吃其他食物，我一家人可以進食。美食果然名不虛傳，而我最喜歡的是1969年開業老店的人情味和親切的招待。老闆Kate取得奶茶王，爸爸秘傳配方成為行內第一，當然是鎮店之寶。這間茶座不只是茶餐廳那麼簡單，店內亦有健康之選的羅漢果茶及超多芒果肉的芒果布甸。最特別的一定是她首創的「腐乳蛋白西多士」。我的女兒很喜歡老闆送的聖誕薑餅人曲奇。她即場畫了一幅聖誕畫送給她。小朋友的童真是最真實的。她一邊畫畫，一邊食芒果布甸，十分享受。下次來三家村，我一定要來銀龍咖啡茶座，別無他選！

試新口味-蛋白腐乳西多人一世物一世，咩都要試一試（$25）抵玩食，本身唔係勁like腐乳既人，但佢既味道真係意想不到，又幾好味喎~真係估佢唔到。唔好以為係通菜炒腐乳既味，可能係蛋白令佢有所不同，幾香又滑。想要去要去油塘站行斜路落去架。所以另外叫左個丁麵同檸茶。另外一提，個廁所之前打風後冇左，記得係村口好去定啦～