Gin Curry (Closed)

逢星期三一田特價日，剛買完野，要吃午餐了！抬頭便是銀咖哩，就看看有什麼好吃。店內坐位不算多，但坐得舒服。我點了招牌吉列豬扒咖哩飯，咖哩飯不久便來到，豬扒不算厚，但炸得靚，豬扒鬆化；飯很多，如果唔夠，可以免費加大；咖哩汁就另上，吃的時候加幾多隨你喜歡。:)我比較欣賞這店的咖哩汁，甜甜地，不辣的，而咖哩汁內有薯仔、洋蔥、紅蘿蔔、豬肉同肉碎牛，都足料架！$37的一個午餐，方便、好味、又抵食。快快脆脆，吃完又SHOPPING！…Read More

年三十晚 好多食肆都收咗爐 同朋友係荃灣搵晚飯食 就決定去食好耐冇食過嘅銀咖哩😋仲唔驚已經收咗爐冇得食去到見到1.5kg嘅富士山咖哩蛋包飯 餓爆嘅我地決定試下挑戰大份量嘅咖哩飯 就叫咗一個食下一見到個飯真係好大個！但都好足料 炒蛋同芝士包住哂成個飯 再配多個煎蛋 漢堡排 炸豬排 同埋兩條腸仔 咖哩汁都唔會好少 食嘅全程都會食到咖哩汁飯嘅水準都不錯 漢堡排唔會太薄 炸豬排嘅粉冇蓋過咗啲肉 作為大食嘅一餐飯都係不錯嘅選擇😋…Read More

雖然個個都話荃灣多野食但身為荃灣人有時都食到唔知食咩好今日起aeon行完街想搵野食周圍既餐廳都要六七十起跳於是決定去平均一個月都會食一次既平民飯堂銀咖哩一家三口叫左豬排飯$37芝士蛋包豬排飯$48仲有魚柳飯$35最鐘意食佢個咖哩日本咖哩 唔會偏甜豬排都炸得幾鬆軟魚柳都好好食份量剛剛好夠飽見到隔離枱2個人叫左個$88富士山share黎食 都好似好吸引下次可以再去試下埋單都係百零蚊學生出示學生證仲有汽水送:)都算係幾抵食…Read More

今日行行下，去到灣景廣場，打算在Aeon 買少少零食飲品就去行山，點知見到有咖喱飯食，個賣相幾好就快食左一個午餐。蛋包咖喱雞扒飯，無咩蛋汁，雞扒有點乾身，不過味道都ok,加埋個環境裝潢，坐都舒服，唔錯！:)咖喱豬扒飯，豬扒都算厚切，有肉汁，如果唔要個甜燒汁，會更好，因為太甜，加埋咖哩汁就太撞味了。個人認為走汁會好D,本來咖喱汁有蘿蔔碎，好夠味，nice好消息鐘意食多飯可以免費升級，多400g飯，所以真係好抵食。…Read More

銀咖喱價錢平而份量又夠，前幾天我跟我的女朋友去吃，滿足他想吃日本料理的想法。我女朋友叫左個咖喱雞粒飯，我就食呢個富士山下，這個飯有吉列豬趴，漢堡排、芝士同雞蛋，我吃了很久還是吃不完。食物的質數不是太好，吉列野炸到好硬，d食物又差左d，真係好一般，不過咖喱都依然係日本咖喱，味道搭夠！地方是很方便，開車也非常方便，這裡的停車場有很多位，除左方便，仲非常近樓下Aeon，所以成為最愛！價錢又唔貴，我們每個人大約吃了$45，非常不錯！…Read More

睇完戲唔知食乜好，就搵咗間平平哋嘅日式西餐廳入去食咖喱飯，餐牌上面都多選擇，價錢重好貼地，本來諗住食吉列豬扒，但係竟然lunchtime 未到兩點鐘就已經話賣晒，得返五至六個餐可以選擇，勁灰咁唯有食吉列雞扒$37。佢地要出去落單比錢，之後就會有人送過黎，我地兩個人都係叫同一款，每人$37 唔洗加一。等左6至7分鐘，侍應就幫手拎埋嚟，咖喱汁分開上。咖喱汁入邊有肉碎，紅蘿蔔，個味道偏鹹咗少許，所以都冇落晒落去。吉列雞扒嘅份量都叫多，但睇落去好油，而且炸的較焦，食落去偏乾，撈埋啲汁都叫易入口一啲。旁邊嘅日本米飯食落去好痴，唔係飯粒分明，呢個都似日本style ,飯量對於一個女仔來講都好足夠，但整體來講好一般，下次未必會再去食。佢哋嘅飲品係需要再加錢，但汽水對我來講就麻麻哋，所以都係叫咗佢哋俾杯水就算。…Read More

今日去荃灣開會，午餐時間又要搵食，如心廣場附近其實都好多選擇，但今日無乜胃口，又想平平地咁食LUNCH， 所以過左AEON搵野食。見到有咖喱，價錢唔貴又無乜人，就坐叫左個咖喱餃子飯($35)+汽水$5=$40。$35的餃子飯，份量唔算少，夠我食。煎餃味道都不過不失，加埋咖喱味道都唔錯。宜家可以$40食到個LUNCH的地方唔多， 所以都有好多學生黎食，因為唔算好貴味道又ＯＫ。如果唔夠食，可以試佢個富士山，個份量都好十足的。…Read More

今日本來係諗住去aeon嘅因為2號係以aeon嘅特賣日咁行下超級市場當然就想食嘢喇剛剛好呢一間人家呢就係喺中間超級市場隔離仲俾我發現原來佢有下午茶二十幾蚊有一個下午茶有嘢飲有埋普通嘅嘢食唔夠飽仲可以加六蚊換一個迷你咖哩飯咁我哋兩個人當然就叫咗兩個下午茶啦一個係吉列豬一個係吉列雞整體嚟講食物質素同埋平時嘅咖哩飯分別唔大特別要題嘅係主角嘅分量原來都幾多如果晏咗食lunch都真係可以嚟食下午茶都夠飽咁佢啲豬排就唔會好乾都幾好食但係有個地方唔好就係等嘢食都幾耐嘅不過貼心嘅地方係佢都有個牌仔會直接拎嚟呢張枱唔使自己去拎…Read More

人總有慾望，今次個系列會post一D平時想試，但一直冇機會嘗試的食物。唔一定係好好味的食物，可能係好難食，可能係冇機會食，可能係唔可以一個人食⋯⋯日式咖哩飯（日語：カレーライス ）是一種將米飯配上日式咖哩汁一同進食的日本料理。日式咖哩口感香滑濃稠、味道較甜，其配上白飯而成的日式咖哩飯不僅在日本中小學校供應的學校午餐中名列最受歡迎食物種類的前茅，更常被稱為「國民的食物」（国民食），在日本廣受歡迎。（from wiki)我自己就幾鍾意食，接觸日式咖哩都好多機會，點解會放係還心願系列呢？銀咖哩— 日式咖哩飯專門店有出名的炸豬扒咖哩、漢堡扒咖哩、蛋包飯咖哩⋯⋯⋯⋯⋯係餐牌上，有一個我不敢挑戰的Menu :富士山咖哩飯份量簡直過份，不過收你$77一個飯，作為快餐店，唔會hea你嘅。由上而下，荷包蛋，漢堡扒，芝士，蛋包飯，四週及飯中心有咖哩汁，兩旁仲有腸仔同炸豬扒。今回真係飽囉。一次過試曬呢個餐廳的所有食物配搭，真係癡線，今次又了咗一件心事…Read More

好耐無食過咖哩，夜晚飯黎左呢度解決，上次食銀咖哩好似係一年幾前？無計，佢啲分店都唔近，唔想特登行去某啲商場度食。今晚同friend食，簡簡單單一人一個碟頭飯，三十幾蚊都幾抵呀，雖然而加唔送汽水啦，加都係好似加五蚊。叫左個野菌蛋包飯，嚴格嚟講唔算係蛋包飯，只不過係張隻蛋冚住啲飯。蛋，蘑菇，芝士，再加上茄汁，又幾好味，蛋半熟仲有蛋汁，再落哂啲咖哩汁撈飯又係好味，唔辣的日式咖哩。Friend子叫左豬扒飯，一塊大豬扒。炸得香，唔乾，粉唔厚，大塊，三十幾蚊抵食。Friend子話個咖哩汁都幾辣，但我又唔覺喎，只能講佢真係唔食得辣。而加唔用銀碟裝飯？店有烏蠅。等左廿分鐘先有得食。…Read More

自中學時代起，已經是銀咖喱的常客了。學生時代光顧它，無非是貪它便宜 – 一碟香脆味濃的咖喱吉列豬扒飯只售廿幾蚊（陳年舊價），又多肉又飽肚。每次和一大幫朋友打完波去吃一碟，感覺就滿足了。後來投身社會工作後，恃住銀包有幾塊銅板，有一段時間也沒吃它。反而跑去其它薄有名氣、動輒要價$80甚至$100的連鎖咖喱飯專門店，花一小時排隊去吃一碟賣相當精緻的咖喱飯。咖喱飯是好吃，但後來發現其實日式咖喱再怎麼變，來來去去還是離不開同一塊咖喱磚。現在去光顧它，仍然是貪它抵食。雖然它絕對稱不上是上乘的日式咖喱，配菜亦乏善可陳，但味道絕對不輸其他日式咖喱店，而且價錢還只是連鎖店的一半。既然如此，我又何苦慕名花多一倍價錢去吃名氣和環境呢？餐牌上大部分的咖哩飯都吃過了，特別是富士山咖喱飯，份量列明是1.5倍，如果是大胃王，一個人也可來挑戰一下。但對我呢種已過發育時期既人黎講，絕對要夥拍朋友方可體驗。一碟價錢七十幾蚊，有豬扒有芝士有香腸(就是少了菜)。偶爾與伴侶吃到不知要吃甚麼的時候，可以選擇來吃。但我今天不是來吃富士山咖喱飯，所以亦不再作詳述了。這次我是為了咖喱豬扒飯而來的。咖啡吉列豬扒飯，一碟34蚊，飲品另計。當然如此價錢，要求亦不能太高，至少你不能要求咖喱入面有椰菜，紅蘿蔔或者薯仔之類既配菜。咖喱汁就光光只是咖喱汁，幸運的話可以吃到一點點薯仔碎和肉粹。不過沒配料不代表就是不好吃。咖喱的味道非常標準，是典型的日式咖喱。而豬扒同樣炸得外脆內軟，仲要有少少肉汁。如果塊豬扒再厚身少少，已經與其他貴價咖喱飯專門店一樣。但畢竟只是$34，走的當然是平實精簡風格。以果腹為主，沒有多餘的配料或點綴。如果要求有精緻賣相，豐腴的口感，一分錢一分貨，可以選擇多付一倍時間和價錢去排隊吃好一點。如果是吃膩了浮華美饡，或是想另覓平店試平野，亦推薦大家試試。…Read More

2017.04.07 😐星期日同另一半行完Aeon掃貨後已經筋疲力盡連找食都無mood了🤗就係超市地下找間價錢經濟合理的餐廳醫肚銀咖喱今次係我第2次食 感覺都幾抵食既當日所見 人流都算車水往來日式芝士吉列豬排蛋飯 $44荃灣分店有別於其他分店都採用銀盤子通常配得咖喱 我都會選吉列豬🐖基本上實穩陣咖喱略甜 不會辣 岩曬我唔好辣之人🌶芝士略為少 吉利豬排挺脆口 但較為薄身唯炸薯餅感覺口感似芋泥？！味道不過不失啦銀咖喱 💌荃灣灣景廣場購物中心Aeon超市地下G04號鋪Mon-Sun: 1100-2130…Read More

今日AEON大減價，諗住同媽咪去掃貨，不過係瘋狂掃貨前醫飽左個肚先  ，諗住近近地就試下呢間D咖哩飯。呢到好似快餐店咁，堂食都要先比錢，唔同既係，比完錢拎住個牌搵位坐低，一陣就會有專人將我地點既野食攞過黎 坐左陣，我點左既"吉列池魚咖哩飯"終於黎啦，外賣好可愛，塊吉列池魚上面畫左個哈哈笑樣 ，日式咖哩用薯仔、紅蘿蔔、牛肉碎做配料，味道甜甜地唔辣，配埋日本珍珠米煙煙韌韌既口感，唔錯精髓一定係塊吉列池魚，炸粉夠薄，剛炸起熱辣辣，咬落超香脆，內裡好嫩滑，非常惹味！上檯時覺得份量好少咁，但原來食完超級飽，充滿力量瘋狂shopping去！…Read More

呢間舖唔少地方都見到有，成日心思思想試，但次次都驚伏冇食到，今日終於有機會試下啦其實都有好多選擇，但最後都係比佢吸引左，仲加左薯角+沙律+汽水其實要求唔高既話，個飯係okay既，有蛋(炒蛋+太陽蛋), 芝士, 漢堡扒, 腸仔, 吉列豬扒，配料都幾多，醬汁又多，絕對唔會未食哂飯就冇哂d汁唔高要求，但求食下咖哩飯係可以既，唔好拎黎同coco果d比既話同埋份量真係好多，2個人食都夠飽，可以一試既!…Read More

吉列豬扒咖哩($30)星期六到荃灣AEON行行下肚就有少少餓就係AEON到搵到野食，見到呢間銀咖哩幾平下就試一下，皮雖然有一點點厚，但係肉質是不錯的，還好好咁保存左肉汁，咬出肉汁加上脆既皮十分香又好味。加上味道香濃既咖哩汁，用黎撈飯真係一流。…Read More