Tetsunabe Gyunosuke

日本關西壽喜燒，好味和牛二人前，有蟹肉豆腐加支豆，炸雞，三款牛肉，二碟雜菜，仲有主食同雪糕。環境唔錯，有教點食，可以先燒牛肉試原味，之後加湯嗰味好濃，可以唔洗加糖，重點係日本旦好好味。…查看更多

鉄鍋牛之鍋 關西風壽喜燒定食🥩🍲抵食之選 人均唔使$200😻👍🏻呢間餐廳嘅壽喜燒用嘅牛肉都幾高質，仲有唔同部位可以揀，等客人可以揀自己鍾意嘅。仲有呀，每款都有成120克肉，夠晒份量，最啱想食餐好嘅人。呢間餐廳嘅壽喜燒幾好食，值得試下㗎！🥩壽喜燒-特上A4和牛 - 用咗最top嘅A4和牛，係肩胛肉部位，有成120克咁多，跟烏冬，夠晒豐富好味。🍲壽喜燒-美國極級西冷套餐 - 用咗美國頂級西冷牛肉，啲肉又嫩又多汁，都係120克，可以食到牛肉嘅原汁原味。…查看更多

假日係Yoho搵餐廳路過見到餐牌幾吸引簡左兩個set餐😜 美國極級西冷套餐120g(轉左烏冬)😎 特上A4和牛肩胛肉套餐180g(套餐包括: 肉、野菜盛合、日本雞蛋、白飯/烏冬、漬物)間野得一個女職員執野+處理客人..見到佢都好忙碌..心情麻麻有點黑面🙂‍↕️遞餐個男職員相比之下就禮貌好多..亦都會簡介下點煮味道不過不失。醬汁味濃厚…查看更多

星期五晚與朋友搵餐廳， 見到呢間關西肉鍋，心思思想食， 選了極級西冷餐 $158 及 極級牛五花套餐 $108。男職員勤快，友善，可以大快朵頤。壽喜燒整體味道不過， 位置尚算舒適，可以一試。…查看更多

去完日本一直都念念不忘，上次冇喺日本食壽喜燒，結果今日如願以償，有朋友約我一齊去食壽喜燒，我哋揀咗元朗YOHO MALL呢間餐廳，不過六點幾都好多人排隊，我哋搭咗差唔多成個鐘先有位呢度嘅壽喜燒我只能說係不過不失啦，牛肉唔係口，但係牛味都唔係10分濃，成個餐飽肚嘅，但係味道方便，我諗都係過下口癮就OK，而且抽氣唔係好足夠，所以比較侷促稱讚嘅職員嘅反應都好快，好留意每台客人需要，而且都10分好禮貌👍🏻…查看更多

元朗 Yoho鐵鍋牛之介.味道：3/10🌟抵食：3/10🌟環境：3/10🌟.難得想食好啲，揀咗去YOHO呢間和牛壽喜燒🐮第一次見壽喜燒又貴服務又差😂女侍應睇住客人倒灑嘢之後視而不見，但佢本身冇嘢做緊👀嘢食方面，和牛正正常常，唔算好靚🤔唔知點解壽喜燒湯汁咁鹹，小編叫侍應幫手攞杯水想倒入個鍋度溝淡啲，又係俾人全程黑面😮‍💨俾錢買難受～唔怪得間嘢weekend都冇人啦🙅🏻‍♀️.#香港 #食評 #foodie #食好西 #instagram #discoverhongkong #香港好去處 #香港美食 #打卡 #元朗 #元朗美食 #元朗好去處 #壽喜燒 #yoho #鐵鍋牛之介…查看更多

🍽️餐飲： 豆乳泡菜豚肉鍋不要看他小小一鍋，裡面的豚肉肉量很多，而且有超多椰菜、芽菜，還有些韭菜提味，所有蔬菜都很甜，另外，湯底清淡，就算加了泡菜也不會太濃味，整體感覺超健康，可配白飯或烏冬，不用擔心不夠飽旁邊有一小碟配菜，是醃菜，味道是咸咸的🎄環境： 環境蠻寬敞，有梳化位有卡位，坐得很舒服🎎服務：手機落單，上菜速度快，也會不時來加水，服務不錯㊗️結論：食物、環境、服務都很不錯的餐廳，可惜人流少，大家快去支持一下～…查看更多

今日見新開去試職員個個態度都非常差 我帶小朋友一坐低 職員問我要餐具定筷子 我就話筷子之後問佢要小朋友餐具 佢答我 啱啱問小姐話唔要！我真係眼都突埋！首先 我唔知佢有無講小朋友3個字 其次 我要翻你去拎系咪會死？態度唔需要咁 好似要同你辯論！嘢食又唔係好味 已經叫最貴和牛肉眼無下次！垃圾！…查看更多

Yoho Mall 有間新店叫鉄鍋牛之介，主打一人日式火鍋，見到Lunch menu 都有好多選擇，所以就去入去試吓今次我哋叫咗香港比較少見的壽喜燒，中等價錢，佢哋既食法係先用牛脂沾鍋後，放牛肉下去煎，之後才開始落壽喜燒汁和沙糖，然後慢慢調味。此食法屬關西地區獨有，有別於關東壽喜燒食法，枱面有張咭紙教大家點食，加分。Set lunch 包一碟牛肉，蔬菜，前菜，白飯和雞蛋，牛肉有一定厚度，蔬菜份量亦都足夠。我跟足指示，先將牛脂在鍋底燒香，放牛肉，後加醬汁和糖調味，再點雞蛋食。牛肉雖然唔係和牛，但都好嫩滑，個人覺得食壽喜燒係唔需要配和牛，反而配美國牛就恰到好處，食完一片牛肉之後，再輪流將其他牛肉和蔬菜煎煮，最後倒入醬汁，食材盡吸濃甜惹味的汁醬，加上雞蛋，白飯，簡直係完美配搭。餐廳除了壽喜燒外，還提供豚肉鍋，一人一鍋，迎合唔食牛嘅你。下次唔駛再等去日本，都可以食到壽喜燒啦，開心。…查看更多

我最鍾意食壽喜燒，就算去和民都必點壽喜燒，今日一家三口係商場周圍搵食，見到個menu有壽喜燒，我二話不說就話揀呢度我哋叫咗兩份牛肩胛肉壽喜燒，佢有張制作方法比我哋跟，試完之後我個人覺得落砂塘太甜:(唔落糖嘅話，我覺得唔錯嘅另外我哋叫多個鐵板豬，唔錯喎下次經開行街，又再黎試過…查看更多

非常差嘅體驗，要客食人口水尾😡等咗好耐都未上菜，之後望到兩個侍應係度密密傾，原來佢地發現將我地嗰餐上錯咗俾第二張枱😰佢地竟然係「我地一直望住」嘅情況將人哋食咗嘅餐直接攞過黎俾我地😐我地開口問就話個客無掂過咁我地梗係叫佢重新整過第二份，但第二份餐好明顯就係頭先嗰份，啲牛扒擺盤係亂晒 而且係唔熱嘅，我地見到有另一台都係叫同一個，但人地個擺盤係正正常常😓應該一早同佢講唔要嗰餐算😩個餐仲要唔算平，連埋加一都起碼140蚊，真係貼錢買難受，極度失望，一定無下次😡…查看更多

見到新開日本野 望落門面不錯主打一人一鍋壽喜燒分別嗌咗 一個壽喜燒一個火鍋肉嘅份量太少 肉質望落都唔係好好 比較肥其他配料都好少感覺上吉野家好味同豐富好多玉子燒應該唔會係伏不過結果都係伏左因為係鹹味 我以為食緊炒蛋仲要好乾身 係咪冇落到味琳去整？炸雞 係較為正常嘅一道菜但份量太少 味道都正常嘅 似日本嘅Fami chicken 價錢唔平 質素屬於一般以下 唔會再有下次題外話 佢隔離有間相連店舖去食炸串應該係同一集團 諗緊下次食唔食好？…查看更多

之前開張食過兩次。第一次食壽喜燒-特上A4和牛肩胛肉套餐最好，肉質素唔錯，完整一大塊，雞蛋有蛋味。第二次食同樣嘅餐都ok, 不過肉無切得咁靚。第三次食，質素大跌。蛋無蛋味，肉切得差。短期內都唔會再食。…查看更多

又係去唔到日本食嘢要係香港止癮系列，咁啱見到商場新開左間壽喜燒，梗係衝去食返餐止下癮！鋪頭新開裝修行黑色主調，座位都幾多，唔使點等位就入到去。每個座位都備有一個gas爐，因為除左壽喜燒外，佢都主打shabu shabu火鍋，一人一鍋就啱哂我呢啲獨行客啦第一次來食當然食個最好既，點左個A4和牛肉眼壽喜燒套餐，包括120G和牛，雜菜盛，白飯連牆菜，當然唔少得壽喜燒靈魂，日本蛋！牛肉望落都幾靚，接下來就係展示廚藝既時間，跟住餐廳指示開始煮！不過個壽喜燒汁食到後面有點過甜，牛肉份量有啲少，以200幾蚊仲要加一就唔係幾抵食。…查看更多

最近氣溫急降，很適合吃一些暖胃的食物。碰巧有新開張的日式火鍋餐廳，決定試一試。裝修以深黑色為主，我們獲安排卡座，環境舒適。 食物主要是一人一爐的壽喜燒和火鍋，亦有定食。 點了一客美國極級西冷(120克)一人前套餐($158)，包括漬物、白飯、牛肉及野菜。 有四大件西冷牛肉，色澤紅潤新鮮。把它放在滾燙的昆布清湯煮一煮，變色即可享用。牛肉質感軟腍有彈性，肉味算濃郁，配芝麻醬，更感美味。 野菜有豆腐、冬菇、椰菜、紅蘿蔔、洋蔥及大蔥，顏色豐富，各類蔬菜充滿鮮味，亦甜美動人。 服務員有禮親切，主動亦效率高，整體食物及服務良好。…查看更多