Cafe Kam Ma Lon

慕名而来，今日点咗猪扒包同猪扒麵加红豆冰，食个猪扒包后，好一般，冇菜及蕃茄，冇套餐价钱唔平，另外茶水都要收三蚊一位，名过其实，都唔明社交媒體点解吹得咁劲，啲人可能未食过靓嘅猪扒包，冇下次，唔信你哋可以试下！…Read More

行過見到佢有澳門豬扒包即刻比佢吸引左 入去食睇睇開逾48年老餐廳味道如何。椒鹽骨炒河 本身係炒麵 但我地改左做炒河 一樣出色。一睇就知佢有幾夠香 因佢落左好多炸蒜茸一齊炒 。豬扒都好入味 河粉亦炒得夠乾身 夠火候。豬扒包 豬扒包焗得好靚 豬扒都厚身大塊 肉質軟嫩 又不油膩 如果包中揸啲牛油可能仲正 牛尾湯通粉 通粉好味程度不及炒河 雖然牛尾煮得淋 湯底足料但湯底可以再濃啲 燒汁牛利 $70牛利好食 有4大片 煮得非常軟淋 好易咬 但燒汁味道比較淡 …Read More

餐廳好懷舊，係香港就黎冇哂的兩層茶餐廳，午飯時間都幾多人，上層比較多位，但坐得相對較逼。睇門口的西餅就知餐廳有返咁上下歷史，好多冇見過嘅特色西餅。牛尾蕃茄通粉係其中一個必點菜式，本身冇咩期望，但蕃茄湯底飲得出幾有誠意，唔係就咁開出黎，係煲出黎嘅羅宋湯，唔錯!牛尾可以再淋啲，但都唔會硬到咬唔到。豬扒包熱辣辣，呢到個包嘅表面特別立立令，食落去都算係鬆軟，豬扒稍為薄左少少。呢到野食水平其實OK，只不過真係等好耐先有野食。…Read More

尼到澳門，食返個豬扒包，就等同於，去到香港，點都整返碗雲吞面或者燒味飯，不過，呢兩者有個共通點，嗰樣食物，受歡迎程度去到一個城市，什或去到一個國家的話，大大少少鋪頭，門面一定寫住，馳名乜乜 , 正宗乜乜。今日呢間都係，無打緊，尼左澳門幾個月，見慣哂。佢點講，吾洗理，叫吧，一試就知佢咩料。:)尼到，外貌，佢會令你討好，包係法包，包身脹，用手輕輕模下，掂，熱嘅再尼，豬扒，佢吾係簿簿地一塊，相反，厚身豬，香，煎得好好，無油益味大大口，咬落去，佢可以話係一個脆豬，吾口，有時啲豬扒係炸到呢，口，面包就會烘到乾哂。呢間，得。包面脆，脆完之後，佢俾返面包嘅柔軟你，好讓你配合返豬扒嘅出埸。豬扒包攞哂分，隨即叫多樣，蛋撻一尼到，我已知，我過了時間，食蛋撻，都幾講彩數，見佢蛋面有小小蛋面水，就知過左時間，蛋皮ok啦，蛋ok啦，好難評，因熱同吾熱，係兩回事。咖啡，都不錯嘅，最正都係豬 扒 包…Read More

无意中路过的，发现这家店的人气很高，据过来了，当时倾盆大雨，一支公只俾坐一楼。开始点了猪排包、冻奶茶和蛋挞，后来加了菠萝油，回头看也就是因为加了菠萝油，让我的港纸最终变成葡币。奶茶的杯不大，冰有些多，茶味不会很浓，但比大陆的还是要好点。猪扒包新鲜热辣是现场煎的，而且猪肉也很嫩，非常不错，面包香脆，也很新鲜。蛋挞是冻的，有点半中半西，有点像加了焦糖的蛋挞。最差是那个菠萝油，和广州的差不多，比广州好的是因为油多，但不够热，所以油化不开，最后买单56蚊。出品OK嘅，但如果唔要那个菠萝油，我就可以带着100港币翻广州了。…Read More

去澳門一定要食豬扒包，依間又係人龍店，係要先排隊俾錢然後再排隊取包嘅，係我哋附近排隊嘅人，有啲人等唔切就走左啦。鋪頭裝修好簡單，感覺上係一間好老字號嘅餅店。個豬扒包個樣好好味，豬扒好厚。澳門嘅豬扒包係有骨嘅，食嘅時候其實覺得好麻煩，澳門嘅鋪頭就係有依個好特別嘅地方，佢哋會好堅持自己嘅原則。喺香港，外賣豬扒包梗係無骨架啦！依個包有少少美中不足嘅地方就係個包唔脆。自己食晒一個，有啲飽。呢個豬扒包都係比較油膩嘅，豬扒熱辣辣，偶爾食下好滿足…Read More

喺水坑尾果頭行開，行到接近尾，見到好多傳統餅幾吸引，就入去餐牌後面個櫃舖面兩個糕嘅特色都唔係一大舊切開，係圓形嘅$5 椰汁糕$5 馬豆糕唔會有一粒粒豆，已經溶曬$7.5 奶油筒奶油就係傳統瑞士卷嘅奶油，個酥皮有少少似傳統冰室買嘅一款蛋糕(係咪叫拿破崙？)$42 免治牛肉煎蛋飯 (乾)個阿姐有問要乾定濕？叫呢個都係想食澳門傳統碟頭飯，部分款式香港唔會有。本來只知道沙丹豬扒飯，之後Facebook港澳小不同介紹之後，就知道其他款。唔係見開嘅免治，只係牛肉片再切粒，好重蒜蓉味 …Read More

講到豬扒包🐷偽文青最鍾意就係食金馬倫嘅豬扒包$26，係由澳門大既朋友仔介紹，一食就食咗10幾年啦。*利申：好細過就食呢間既 #豬扒包 .每個都係即點即制，熱辣辣奉上😆而且佢個包係搽左牛油再烘香，加上軟腍腍既豬扒😋仲要大大塊 啖啖肉🤗諗起都心郁郁想食🙆🏼好多食客堂食完，會再外賣慢慢嘆👍🏻.因為即叫即製，而且好多人食，所以要有耐性等待呀！食好野係要付出既😝..三個90後吃貨不斷開心share美食💓🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_澳門美食推介…Read More

呢間店大大話話都幫襯左成20年，參唔多每次去澳門都去食個豬扒包，包既味道依舊，不過.......話說剛叫了豬扒包及凍檸樂，檸底有蟲，杯底有啡，明知道平民餐廳呢d野梗有架啦，都好聲好氣叫姐姐換，諗住換左就算啦，點知佢轉頭執了隻蟲，又比返同一杯我，17蚊杯蟲樂，唔敢飲，都費事同佢嘈啦，不過真係無下次，唉... …Read More

由於時間有限, 又一次無緣一試''勝利茶餐室''的豬扒包~但是難得來到澳門, 如果沒有吃過豬扒包的話,感覺好像不夠完美 (為食的藉口....^^) ~在前往去吃榮記豆腐花的路上,看見''金馬輪咖啡餅店''門外又有食客聚集,青蛙跟媽媽又去湊熱鬧,結果媽媽買了一個豬扒包開邊齊齊分享。索價$24一個的豬扒包並不便宜。而且味道亦不如想像中好~先說麵包: 只是普通的餐包, 不脆也不香, 作用只是用來夾塊豬扒~豬扒: 既有肥膏又有骨, 細細塊、少少咸, 不過不失。…Read More

晚飯前，也是時候為是晚酒店的暢飲聊天及明早的早晨一餐作準備，從小巷轉出來，我們就發現了一間算是有名氣的麵包店，看看有什麼東西可以買回酒店慢慢享用。外母不語，就衝鋒的鑽入來這家《金馬輪咖啡餅店》的麵包部。傻里乎乎的我按足規矩地排隊，後來才知道，人龍的出現只是排隊買豬扒包，買其他的包子餅食，甚至入室堂食，都不用排，感覺笨了。不說他們的豬扒包，這一家傳統附設麵包部的茶餐廳出品的麵包蛋糕西餅，種類繁多之餘，更有一些是在香港已經幾乎失傳的麵包包點。我們單是看林林森森的麵包西餅及糕店，已經非常之開心。店中，亦展示了一隻巨形的硬麵包，據說這一個大麵包曾為此店拿下了獎項，而且店方說明只許看不許動，不過總會有頑皮的人，去搞它。我們看中了兩樣東西，一個是硬一硬的奇怪麵包，另一個是他們的夾心曲奇。在這兒買的麵包，主要留上第二天的早上食，這一個樣子奇怪而且硬一硬的奇怪麵包，名字叫做學生包，這麵包的硬度，的確是老人家所說，可以擲死狗的麵包，少一點牙力也沒有可能咬得開。其外表結實，內心也結實，連習慣了鯨吞食物的我也要用力地慢慢咀嚼，足足用了10多分鐘才能把這一個硬如石頭的包解決。這包雖硬，但味道很香，也很夠飽，一隻包，一杯咖啡/奶茶，就是一個可以令人溫包的早餐式午餐。曲奇，牛油味道非常之香，夾心的果醬香甜，作為一個下午茶點，一口茶，一口餅，感覺美妙。美味的傳統包點、餅點，樣子未必吸引，但當你用心去感受一下傳統食品的味道，你會慢慢地會出現會心微笑的一刻。…Read More

吃過了勝利豬扒包, 還是未飽肚, 與朋友打道往下站, 金馬輪。餐廳其實只是沿營地大街的道路直, 背著豐明銀行, 向前走, 走過了營地街市的入口, 將近到轉入大三巴小巷時在左手邊。餐廳外有麵包鋪, 買貨, 陳設及製作都十分傳統。穿過前鋪直入, 有擺有六張枱大的店面, 就算是近兩點也都坐滿人。左旁三張卡位枱坐四人, 對面兩枱也不能坐太多, 最多七個人已經很盡, 而走廊只有少許空間。要數這店有名的, 其實是一味“學生包”。一舊充實, 平價, 易飽肚的麵包。包身畢挺, 外表如卷蛋一樣, 不過材料是硬硬的麵包。一個再加水足以飽足一個下午。麵包無用發粉處理, 每一隻都實的的的足料。手中有點沉殿感, 外層略硬。然而這裡的學生包最重要的還是夠香, 雖然外層硬, 但是一個個也有烘焗麵包的吸引香氣。入口硬淨的表層, 內裡不覺特別的軟, 口中乾乾, 如在抽走口中水份一樣。口中沒有太多粉的感覺, 但就是需要喝上些水。不過這個包卻很飽肚, 而且只賣MOP 5.50, 果然是低消費學生的首選。其實入內還有繼續吃, 餐廳餐牌與一眾茶檔選擇無異, 粉麵飯飲品小食全齊。豬扒包, 辣魚包, 碟頭飯, 甚有舊澳門情懷。先來一個凍唂咕, 舊情一番。唂咕二字原於製造朱古力及咖啡的可可豆, 利用可可豆粉沖成的朱古力飲料。比一般的華田或牛奶朱古力, 可可豆味及黑朱古力味濃一點, 味道亦帶輕微苦味。口感濃滑, 有奶類感覺, 入口略重, 後段苦味有可可香, 味道悠長。又來豬扒包, 這次這裡吃的豬扒不是醮漿而炸的, 而是用鑊煎的。不過從外觀上來看, 這個豬扒包煎出來的油有點過多, 看上去油光反光有點厲害。麵包同樣烘得而鬆化, 外層不會太硬。麵包內層塗上了牛油, 令包的味道更香。可是豬扒卻鎚得薄, 失去了質感, 咬下風味一般, 加上豬扒油太多, 有點兒膩口的感覺, 失去了風味。可是這個豬扒包都要索價MOP20, 澳門街上價錢越柩越不靠譜了。不過接下來的椒鹽豬扒炒麵卻感覺不錯, 要價MOP46。話說我們一進店看到隔離枱的一碟炒麵, 賣相好, 色澤均勻, 加上椒鹽惹味, 甚覺吸引, 於是便二話不說的點了一碟分享一下。雖說是要價MOP46, 但是公道一點說這個碟頭也大的, 一個大圓碟, 堆到如山般高, 表面有四五塊半邊手掌大的豬扒件, 感覺還是比香港的還算是抵。炒麵上色均勻, 是似早餐的豉油皇炒麵底, 甾油味道不強, 但也有鑊氣。銀芽, 韮黃爽口脆口, 麵身就算炒得乾, 不多油。吃完後, 碟底沒有多餘酒份, 算是不錯。上面是椒鹽豬扒, 經略略炸過, 但卻不油膩。炸後隔油功夫做得足, 而且還可做到脆口而軟腍口感, 表現可以。不過豬扒味道略嫌差一點, 可能經鎚過或鬆過, 味道流失了, 然而椒鹽味道不濃, 不過整體卻是可以的。…Read More

當一間餐廳在任何時間都近乎滿座，這並不代表他是好味道。記得從前有食過他的椰汁糕，朱古力糕。堂食還是第一次。環境，十分不清潔，很地道。如果你兩個人進餐，有機會可以與3位地盤工人共用卡位。服務絕對是零分。有關食物。蛋撻，落單之後，佢話「你趕住食就自己去拎，如果唔係我得閒先拎畀你，我好唔得閒」呆左，之後叫佢慢慢。呢個時候見到有一盤新鮮出爐蛋撻。為左食新鮮，自己去拎。拎到新鮮出爐蛋撻，我同時亦見到塌晒嘅蛋撻，食過就知，就算新鮮出爐，都係味道一般。無蛋香，酥皮亦不鬆脆，蛋會塌下是因為偷工減料。同時，蛋的黃色很不自然。一句講晒，食蛋撻，返香港食啦，任何一間都比佢好。仲要5.5一個，堂食最低消費$13。呢個最正常，但係睇個樣你應該都估到，鹹。豬扒飯，都係佢推介。當所有餐具都污糟，自己拎荼點洗都係咁。只好用匙羹食。份量，一塊豬扒，飯，同酒樓一碗飯咁上下。味道，就係豬扒飯。同你22-24蚊，屋企樓下果尐小食檔無分別。分別係佢賣近$40蚊。話就話係餐，同佢講，少左個湯。佢本能反應答，「賣晒啦，你唔知咩? 價錢係一樣架喇，你又食左。唔係你想點，無人話你知咩。你叫餐係咁架喇」如果你去澳門係為左食呢尐野，你去金馬輪。如果唔係，去任何一間餐廳都比呢度好。就算你唔唔理服務，衛生。我話你知，佢尐豬扒一尐都唔特別。坤記唔係出名豬扒都好過佢。蛋撻，香港你屋企留下一定好食過佢。澳門當然係食葡撻，食安德魯。瑪加烈，就同KFC 無分別，KFC 態度佢好好多。…Read More

二日澳門行程，第二天特意去新馬路找這間吃豬扒飽，去到不用等就有位，我們點了出名豬扒飽、蛋撻、奶茶。除了蛋撻熱辣辣味道不錯外，豬扒飽及奶茶都不是特別出色。再加上兩個男店員的服務態度，再好味都不會再去。:(…Read More

雖然來到這店之前已經食到好飽好飽，但還是要一嚐它的豬扒包。店裡很傳統的裝修，有上下兩層，座位比較迫。樓上的走廊也很迫，要小心撞到。豬扒包一個要16元，都頗貴，而且該店有最低個人消費，所以唯有叫埋飲品。豬扒醃得很入味，很香不會過咸，亦不會太油，好吃過氹仔的大xx好多。個豬仔包好脆，入面又不失軟熟。整個包都算ok，而且開邊兩個人淺嚐都很足夠。小插曲:吃的時候，不斷聽到三個上年紀的男侍應在互相頂咀，但又不似嘈交，好搞笑最搞笑的是有一枱內地客吃剩了東西，即被他們說浪費食物，那些客不知是聽不懂還是被嚇怕，立即轉身走人。另外有一枱客是三個大男人，不知是否怕有同樣下場，在侍應轉身背向他們時立即把一些不吃的倒在菜渣的桶中。大家記得不要浪費食物啊!!…Read More