金飯館貳·零 肉餅·焗飯專門店

Open Now

Now Closed

同老公係旺角行完街，經過見剛新開張🤩原來係金飯館貳·零即入去幫襯啦餐牌主打焗飯，炒飯，刈包我地點咗🥢蝦頭油炒飯好足料🤩有蝦、蠔仔、蛋、樱花蝦、蛋、蟹柳等蝦起麻超過10幾隻，炒飯好乾身又夠鑊氣🔥🥢芝士焗沙爹牛肉配蘭王蛋飯葱花炒底飯，牛肉軟熟剛剛好，沙爹夠香😋 隻蘭王蛋色澤光亮🥚蛋香非常濃郁🥢瑞士汁雞翼肉質好滑，不過味道唔算太濃至於飲品有多款台式飲品選擇愛玉蜂蜜檸檬冬瓜茶🍋巨型裝1公升🥵天氣咁熱飲咁大杯最啱🤩喜歡哩度唔會太甜另一杯係雪山紅豆冰🧊同出面茶記好唔同，哩度將紅豆同冰攪拌，飲落好有沙冰感覺😋總括食物質素性價比高，店員親切友善，出旺角又多一間飯堂喇😋

金飯館貳·零 肉餅·焗飯專門店 (旺角).平日夜晚一個快飯都好爆場，以快餐為主，另有台式飲品🩵. ▪️金莎鹹蛋黃肉餅飯 ▪️.唔似一般嘅港式蒸肉餅，鹹蛋黃少少唔會太膩，配埋蘭王蛋靚得黎簡單又好食！. ▪️蓮藕梅香咸魚肉餅飯▪️.梅香肉餅比鹹蛋會實正啲，但都係配上豉油加上蘭王蛋！.▪️芝士焗肉醬配蘭王蛋▪️.呢個係我今次最喜歡嘅飯，焗左嘅肉醬已經香，再加蛋，肉醬蛋飯好香.▪️鮮茄黃桃焗豬扒飯▪️.無得輸嘅港式焗豬扒飯，豬排唔會太膩📌 金飯館貳·零 肉餅·焗飯專門店 (旺角)旺角廣華街38號地舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

🦐 蝦頭油炒飯 $83上台已經勁香，個樣仲好吸晴😍 勁多櫻花蝦仔散滿喺面🤤 啲飯粒粒分明，但又唔會乾爭爭係每粒都包滿🦐蝦頭油令立立，炒底除咗好多蝦仁，又有鮮蝦肉，仲有啲小貝柱，有鮮蠔仔🦪蛋，乾蔥同蔥等等，超多料，估唔到個炒個飯都可以咁豐富同真係夠晒大碟🥹 呢個一定會翻啅，鍾意食炒飯嘅朋友絕對要試🙌🏻🥩 蜜桃鮮茄焗豬扒飯 $78本身好鍾意食茄汁底嘅野🍅呢個焗豬岩晒我，用咗蜜桃個汁甜甜地，豬扒好夠淋同入味，仲已幫你切好左4條食得方便，個飯係正宗炒蛋飯底，面頭仲舖咗芝士🧀焗，小朋友都鍾意食🥠 酸豆角蝦堡刈包 $68見到張相個蝦餅好厚即刻唔洗諗叫咗嚟試🤭 嚟到真係唔係咩圖片只供參考，真係好厚😳😳😳 咬開中間真係啖啖蝦肉，外皮炸得乾脆入面濕潤，連埋啲酸豆角食勁夾，原理就似漢堡包夾酸瓜一樣🥒 🍖 X記瑞士雞翼（5隻）$42雞肉係嫩滑，咬開仲出緊汁好juicy 唔會忟到鞋晒，隻隻都脹卜卜，端士汁個味岩岩好，齋食都唔會咸，甜甜地勁下飯🫠🍦 黑牛 $18除咗一杯嘅茶飲，跟餐+$18 就有可以揀指定list 入面一啲特飲，黑白金橙牛🐮都有齊🤣 仲有啲手瑤系列同咖啡☕️ 個軟雪糕🍦好smooth🧋 花生醬芝士

係牛頭角返工既打工仔一定好熟識金飯館出品既炒飯，真係回味無窮，最近知道佢係旺角開左分店，主打肉餅同焗飯，就帶朋友一齊去食😆😆黑松露墨魚肉餅飯 $62肉餅係即叫即煎，好新鮮熱辣辣，黑松露醬超多搽滿肉餅上面，一上枱即刻聞到勁香🤤肉餅厚身，墨魚肉粒都幾多又彈牙，每到肉餅口感多左層次唔會太膩🐷另外配埋煎得香脆既蘭王蛋，蛋香濃郁，把蛋黃拌勻白飯真係人間美食🤤蜜桃鮮茄焗豬扒飯 $78焗豬扒飯重點係炒底😍滿滿既蕃茄醬，加上新鮮蕃茄同蜜桃，酸酸甜甜好開胃，炒飯粒粒分明，蛋香濃，果然係以炒飯聞名😆豬扒厚度十足，好足料🐷古法滷扣肉刈包 $58刈包有驚喜😍扣肉本身肥瘦分明，非常入味，配菜好出色，有酸菜、臘腸同花生碎，令到味道同口感都好多變化，酸菜亦可以大大中和扣肉既油膩感

去睇完醫生之後落旺角買嘢一條友經過廣華街 入咗去呢間新開既金飯館 之前牛頭角見到已經好想去宜家響旺角開2號館即入去試吓。店員有善推介咗食品同飲品 肚餓 即刻叫返個蜜桃焗豬扒飯不愧為金飯館 炒飯底唔會過淋或過硬係剛好嘅蛋炒飯粒粒分明 蕃茄醬汁有鮮茄 加埋蜜桃嘅香甜好合適 重有芝士有拉𢇁嘅即叫即焗。 再叫多一個奇味醬軟殼蟹刈包茶餐廳有呢款包叫夠曬特式奇味醬味道似千島醬原隻軟殼蟹喺包入邊份量十足加埋洋蔥同香茜十分滋味重有最特別係可以叫台茶飲佢哋同浩茶一齊合作什為有特色先叫咗杯Latte同熱情果綠茶沖得有水準又解渴而且性值比高 唔洗加一唔怪之得晚飯6:30已經坐滿客人下次再來食煎肉餅飯先金飯館貳·零 肉餅·焗飯專門店 (旺角)旺角廣華街38號地舖#金飯館#hkfoodshare#旺角美食#金飯館貳#台茶#hkfoodie #hkfoodblog #hkfoodblogger

想食一間好食嘅肉餅飯而家都唔係咁容易搵到🤔竟然比我喺旺角嘅鬧市入邊搵到一間喎🤓==============================𝐅𝐨𝐨𝐝 𝐋𝐢𝐬𝐭📌🍛金莎咸蛋黃肉餅 金飯館肉餅煎蘭王蛋系列 竟然有蘭王蛋真係好surprise!! 林林總總嘅肉餅飯揀咗好耐選擇呢一款 肉餅入面夾住咸蛋黃係何等match既組合💯🍚葱油香煎豬扒蘭王蛋配炒飯 粒粒分明😲如何做多可以炒得如此乾身 呢個炒飯係世界級🥇🍵四季春 估唔到呢類型餐廳都有台式四季春 有時飲檸茶奶茶飲到悶 轉吓呢啲都係唔錯嘅選擇👍🏻🧋珍珠奶茶 真係做到台式飲品店嘅水準 好讚💯

沙嗲牛粉絲注意! 牛頭角金飯碗終於開到去旺角！正呀，分店叫金飯館貳‧零 肉餅‧焗飯專門店，佢呢間無椒鹽豬扒食，佢地主打生煎肉餅飯焗飯同台灣刈包～～但我係沙嗲控所以只試咗沙嗲系列新品，下次再試佢地既肉餅～ 沙嗲牛肉雙燶邊蘭王蛋飯沙嗲牛肉嫩滑多汁！！加埋大量沙嗲撈個炒飯不得了，炒飯炒得乾身粒粒分明再加埋蘭王蛋既濃郁蛋黃汁，我比100分！！沙爹牛肉蘭王蛋刈包刈包夾住沙嗲牛肉同蘭王蛋，包包版更索沙嗲汁，但食既時候就會有些少狼狽因為全部既汁一路食就流晒出黎,..😳除咗沙嗲ITEM，佢地其他新野好似芝士焗葡國雞扒飯、蜜桃鮮茄焗豬扒飯、蔥爆安格斯牛肉厚蛋治同酸豆角蝦堡刈包等感覺都好正，所以我地食完又心思思加多個芝士焗葡國雞扒飯，佢哋嘅葡汁一上檯就聞到好香，芝士焗到金黃，仲可以拉到絲，入面用嘅係炒飯底，夠哂乾身，加埋濃香惹味嘅醬汁，簡直一絕，當然雞扒焗完仍然外脆內嫩，滋味無比。

知道金飯館，係旺角開設新分店，咁近無理由唔黎試下主打即叫即煎的生煎肉餅飯，焗飯就連台灣刈包都有蓮藕梅香鹹魚肉餅帶有陣陣濃郁的鹹香味，加入了爽脆蓮藕碎粒增添左唔少口感配上半熟蘭王蛋，仲可以自己加豬油同豉油邪惡又好食蕃茄焗豬扒飯選用蜜桃取代菠蘿，仲可以中和番茄的酸味豬扒大大件配上佢地最出名炒飯底，成件事不得了見到我最鐘意刈包，點都要叫返得古法滷扣肉刈包刈包熱辣辣好軟熟，有扣肉，臘腸等等但食落一啲都唔油膩，必試！飲品仲可以加配浩茶，正

茶餐廳成街成巷，要做到滿場爆滿，一定要令食客食過番尋味廣華街位置唔算好方便，但成場爆滿，證明金飯碗真系有好多捧場客蕃茄焗豬扒飯$78炒飯底粒粒金黃色，蛋黃香加酸酸地蕃茄醬豬扒厚切好好味，撈滿勁多茄醬食，好正黑松露墨魚肉餅$62肉餅厚身彈牙，肉質唔鬆散墨魚粒好多，撈入肉餅口感更佳記得要撈埋豬油一齊食，味道昇華芝士滑蛋鰻魚刈包$68滑蛋半生熟keep 到有蛋汁鰻魚汁甜甜地，配芝士唔太漏花生醬奶蓋綠茶$37勁重花甜醬味，好邪惡好rich 好味

有一天，我們經常經過煙廠街的地方找食，我媽媽就揀咗依間食，男人很有禮貌地推介的食品，我們揀了雞軟骨肉餅飯，雖然等候時間長，但是廚師很用心製作肉餅飯，我覺得很貼心，食品還製作得很精美，還吃得津津有味，這裏還有喝飲品的店，只需跟餐加$18，很精算。

◐蘭王蛋煎肉餅飯｜鑊氣炒飯底焗豬 牛頭角分店回訪數次，最鍾意食佢炒飯，今次分店開到旺角，依然保持到水準。主打焗飯、煎肉餅飯、自家製台式刈包，經典味道好有質素。返工一族一定要黎試下🥳店主仲要係nba fans, 入面有Luka Doncic, Stephen Curry同LaMelo Ball球衣同閃卡鑲喺牆上面。NBA Fans可以黎睇下🧐🥤飲料另外加配「浩茶」真係好正啊，之前元朗已經出名，開到旺角😯 🍨食完有軟雪糕甜品送⎊ 金沙鹹蛋黃煎肉餅飯 • ⁸ ⁄ ₁ ₀ 🎖️雖然聽起好茶記，並唔馬虎。肉餅表面煎香，鹹蛋黃已經同埋肉餅撈埋，好夠味。配上半熟蘭王蛋撈飯，自己再落豬油、豉油，會特別好味。飯量適合女仔胃，男仔可能未必夠飽⎊ 番茄焗豬扒飯 • ⁸ ⁄ ₁ ₀ 🎖️經典味道要突圍而出唔容易，伴有番茄、蜜桃好fresh，完全無膩感。豬扒有3 大塊，嫩滑程度震驚左我🤯，豬頸肉咁嫩，完全唔韌！炒飯底完全唔需要質疑，蛋香十足。⎊ 手打酸豆角蝦堡刈包 • ⁸ ⁄ ₁ ₀ 🎖️手打蝦堡好厚好大個，一啖都咬唔晒，外表酥脆，刈包皮好薄

同媽咪行完街就搵間餐廳醫肚，發現到有間新開嘅餐廳見到門外餐牌好吸引就入去試下。入到去環境光猛舒適坐得好舒服。餐牌上主要有焗飯、肉餅飯三文治、特色刈包及小食。蜜桃鮮茄焗豬扒飯賣相一流！豬扒入口鬆軟又多汁，啖啖肉，飯底炒得好香，飯粒粒分明，芝士亦有拉絲效果再加入蜜桃🍑酸酸地好開胃。蓮藕梅香咸魚肉餅（加蘭王蛋）好有特色嘅肉餅飯，店員建議加入豬油撈飯味道會更加香口，肉餅煎得香口，材料豐富咬落充滿肉汁，配白飯一流！酸莱鹵肉刈包上枱時已經好吸引，刈包餡料主要有鹵肉、臘腸、酸菜及花生碎。鹵肉煮得好淋好入味，肥瘦適中，麵包皮入口軟綿綿，味道酸酸甜甜，整體配搭得不錯👍最後飲埋杯百香果綠茶同冬瓜茶呢一餐好滿足。

原本諗住廣華街食船麵，經過之前做素菜嗰間舖位，開咗間新店。主打肉餅飯，焗飯。見餐牌幾有趣，入咗去試。裝修係嗰啲新派餐廳，有唔少潮公仔裝飾，應該啱年清人。員工/老闆全都三十前後吧？收錢妹妹係吸睛位🤓餐牌你哋自己睇，好似有c兄放咗上嚟。叫咗碟蔥油雞扒炒飯加涷檸茶。痴線！杯凍檸茶上嘅時候，已經幫你篤咗。枱面仲放支豬油同埋特製豉油俾你。飯底係好正嘅炒飯，雞皮焗到好脆雞肉好軟滑，仲醃到好好味。仲有嗰隻半熟蛋黃食得出係靚雞蛋。成件事$86。如果要批評的話，蔥油希望放多啲就好。塊雞扒太入味，蓋過咗蒽油應有嘅畫龍點睛效果。震撼感覺，同喺葡京食焗豬扒飯真喺差唔多。特飲喺另一個彩蛋。有好多兒時飲品可以叫，例如黑牛，金牛，白牛等等。嗰飯食得太high了，下次試。一定會再嚟試佢哋嘅焗飯。希望下次未係要排隊先可以入座吧。因為都好大機會…..

睇沙嗲牛肉關注組介紹話呢間沙爹牛肉好味所以黎試下。叫左個浦西雞扒焗飯，通常焗飯都係熱辣辣，但呢碟野個碟就好熱，但d炒飯只係暖。味道正正常常，唔算好特別。呢個沙牛肉雙隆邊麟王蛋飯竟然足足等左25分鐘（因為實在太耐忍唔住計下佢用左幾耐時間），茶餐廳黎講要等25分鐘真係有d誇張，同埋其實呢碟野都唔洗整咁耐呱？沙爹牛肉係幾好味同埋都大舊，味道唔差既。食食下開始多人，店員就要求我地可唔可以幫幫手調位比門口3位客人坐我地卡位，其實調位冇問題，但我心諗係因為上菜咁慢我先要坐咁耐咋😓所以覺得餐廳要好好改善一下上菜速度！最後想講講餐廳每一個店員服務態度好好，都好有禮貌。

屈機超濃沙嗲湯底，再加一隻蘭王雞蛋🥚沙嗲當絕對唔係茶記罐頭沙嗲！好耐冇食過金龍嘅沙嗲湯底 ！另外店內都有手搖飲品，絕對可以返轉頭！！價錢 絕對親民🥳下次試埋佢啲焗飯 先😂🤌🏻🤌🏻🤌🏻🤌🏻總括$47食個下午茶，仲要咁好食嘅湯底！屈機我睇咗佢正常時段嘅Menu ，正常平民價錢！呢間嘢專食焗飯同埋蒸飯，諗吓諗吓沙嗲湯都屈機，其他應該好屈機身為一個旺角人只可以講極力推介，睇嚟短期內都要喺度食飯