金玉滿糖冰室糖水 (Closed)

夜晚晚，未食飽，就近近地去哩間試下。由於小弟平時鍾意食楊枝金露，就問西柚會唔會好苦？點知老闆話都有啲苦，所以我最後要左個芒果黑糯米。點知返到去一打開同我想像有出入，啲黑糯米"結"住一大舊，要好用力先篤散佢，同我想像嘅流質有啲出入。另外4重奏都可以，但比相像中份量較少。可讚嘅係，用左可循環再用嘅環保盒仔

本來諗住買甜品外賣食,最後變左"苦品"叫左個芒果配窩夫,老闆話要等幾分鐘,預左要等,OK的,所以行左轉7仔返去坐低等, 老闆突然走來問我投先叫左乜,心諗"漏單"?跟住老闆話要等10分鐘,OK 照等.中途老闆娘話讓位俾其他客人要搬去門口坐,OK小本生意,唔好阻人.到10分鐘啦,先見廚房倒蛋漿落機,米問下咩情況. 就俾老闆娘話串係要等,佢又話落單即做,熱機都要5分鐘.俾D生既你都冇用. 好彩老闆有跟進, 好快俾左我.過程中,我一句都冇閙過佢地.點知返屋企一打開, 果2塊窩夫係成塊黑色既, 聞落仲有碳屎味.(本來冇諗住寫食評,所以窩夫冇影相)大佬咁點食, 唯有拎返去退款. 老闆娘一見度,黑晒口面, 不過都唔爭論, 有退錢.但係一句道歉都冇,好似覺得我玩野.其實佢地剛整窩夫時,D窩夫仲係黃色仲幾好食, 佢地仲好開心咁將新食品送到客人手上,但到我第二次食, 每塊窩夫都已經有一部分係燶左,果時都冇退俾佢地,今次仲要燶到黑過朱古力味窩夫...點解變成咁呢.....

我哋成家都鍾意食榴槤，突然想過下榴槤癮，就會落街食呢個"榴槤豆腐爽 " 金玉滿糖呢間冰室真係睇住佢由茶餐廳成功轉型到做甜品舖，我哋當中一定要有人點榴槤豆腐爽 ，金枕頭榴槤份量非常慷慨，而且非常幼滑！而豆腐爽食落冇咩味，雖然冇咩豆味，但勝在質感好正，唔係蒟蒻或大菜糕咁硬身咁濟，有少少似果凍咁，好爽！ 而且因為豆腐爽味道淡，所以完全可以被榴槤蓉盡情發揮！每一口都好香榴槤味，人生享受啊 .芒果豆腐爽都好鍾意，賣相鮮艷，成碗都密舖芒果肉同淋滿芒果汁，真係食落好消暑解渴:like 有時唔知點解，甜品真係想食d濕濕地 )芒果肉唔係話好甜，始終唔係當造，但都係揀佐好熟的芒果去整架啦！整體都非常不錯！

係雞地住咁耐，未去過呢間野，今晚肚有點餓，所以就同老公去左呢度食宵夜；去到老公點左腸粉魚蛋（$20），而我就點左熱嘅黑芝麻糊（$23）。好啦，先黎左個黑芝麻糊，外觀同平時街食無分別，可惜一食落去，好水好甜又有啲酸酸地（但又應該唔係壞嘅酸味），食落口我成個人係甜到打冷震...但係因為叫左我唯有頂硬上食埋佢，我心裡面一路食一路諗，點解會咁甜，咁難食；我叫老公試下，佢就厚度無咩評價，叫我唔好味就唔好食，由得碗野，但我又唔想哂晒啲野，只好繼續食，可惜真係愈食就愈甜，我諗我唔會再光顧呢間糖水舖。另外碟腸粉魚蛋就不過不失，肚餓嘅老公食晒。粉嶺坪輋路105號

元朗越來越多甜品店，已經唔係某英文字嘅甜品店嘅天下，今次就試試今玉滿堂吧。之都聽過最出名係榴蓮甜品，咁就食食榴蓮吧 榴蓮黑檽米　榴蓮很足料，但梛汁過多，榴蓮很香，不俗。 榴蓮豆腐爽　叫就叫豆腐爽，但得但爽字，無咩豆腐味，而榴蓮一樣幾足料 黑檽米　普普通通，如果多啲檽米就更好了

是夜, 老婆放工回來喊餓, 想吃個糖水夜宵, 到松記那邊又遠了點, 想到有這家糖水店, 一直未有試過, 反正就在家附近, 於是去叫了個糖水外賣.望著餐牌, 想點杏仁糊, 老闆娘卻推介芝麻糊, 姑且聽從她的推介, 把那濃黑的芝麻糊帶回家試試.嘗第一口的時候, 感到那不是那些又即沖芝麻糊開調出來的普通貨色, 嘗到有芝麻被炒過的微焦香味充斥口腔, 那是生磨芝麻糊的標誌.  那刻心想: 老闆娘總算沒有推介錯!  而且芝麻糊的質感細滑, 當然要是你不喜歡炒芝麻的焦香, 吃上去你可能會有點不習慣.老婆那份白果腐竹雞蛋糖水, 由於白果已被磨成粉融於糖水內. 故雖咬不到一粒粒的白果, 但吃起來仍有陣陣白果香味滲在杯糖水內, 卻沒有吃到白果芯的苦澀, 足見其心思.  對於不喜歡咀嚼白果的我來說, 這款糖水正合我意對那些慣了BX,松X的食客, 這店或許給你另一份驚喜

在群組內看見有什麼爽什麼爽...其實感覺有點怪怪的...但發現有榴櫣所以必定來一試~~雖然很貴..真的有點不捨得考慮完一陣子之後都決定點貓山王..真的很香濃(還未吃的)..把榴櫣打爛其實真是更好...配上這裏獨特的豆腐爽直頭是絕配, 這些頭腐爽類似大菜糕但又不是大菜糕沒有那麼硬身...其實我一向不愛花奶所以見到有那麼多令我真的有點卻步...但吃了第一啖時已知自己已愛上~~~~~~~淡奶味道不會太甜但能令豆腐爽吃起上來更滑..加上貓山王的那麼少少苦甘味..真是令我讚口不絕!!!!芒果一樣好味...但芒果甜度不夠...配上一些芒果沙冰吃起上來又是另一番味道~~到了第二晚帶朋友一起來吃,,,朋友的貓山王與我的金枕頭...當然要吃過才能說出有什麼不同,,,金枕頭甜得多但榴櫣味道真的輸了整條街...所以貴得真是有道理~~~~~~~~下次再來我相信我一定會比多一倍價錢吃貓山王豆腐爽~~~~~~~~~~~~~~老闆很好人介紹一番之後又問我們有沒有糖水舖跟他一樣有這些豆腐爽..我相信這裏一定是首創,,,,我必定會再來!!!

生活中沒有一點甜，日子多難過啊... 在男人廚房的晚餐後，肚子塞滿了肉，就是想吃碗糖水清滋一下，又想到這間街坊糖水店了。說真的，看著它開張、轉型，很慶幸它最後走對了路，專心經營糖水。事實上，它已成為元朗人氣甜品店之一，其榴槤豆腐爽真是逢到必吃。來這裡必吃榴槤豆腐爽，面層是軟滑的榴槤泥，濃郁味道豐厚，很易愛上；下層配以富有豆香、質感爽滑的豆腐爽，兩者出奇地合拍，加一點花奶真的很好吃。如是超級榴槤愛好者，還可以選擇貓山王豆腐爽或D24豆腐爽，享受升級的果皇口味！怕了榴槤的奇味，又或擔心上火的，可以吃綠豆沙，簡簡單單的因為加了臭草在內，水與豆及甜度的比例也良好，就是清潤討好。這裡都不夠飽肚的話，店內還有糖不甩及腸粉魚蛋等，的確是不錯的宵夜之選。上週五的夜晚，還有點不舒服的我，只乖乖選點熱的腐竹糖水好了。喜歡這裡的成品十分足料滿有蛋絲，口味清甜不膩，不適中也完成了9成。老公及友人們就點了大的金玉滿糖豆腐爽、綠豆沙、紅豆豆腐爽等，十分豐富，也可以要求花奶另上等，頗為貼心。不過始終變成人氣甜品店後，想坐久點都比較難了... 明白的。總括而言，是比B仔好吃又特色的糖水店，經開元朗值得一試啊！

哩間糖水店因為位置都幾僻，多數做街坊生意。雖然好細間得十個位到，但都唔洗點等位。見到推介豆腐爽，唔知係咩嚟，所以試試。 木瓜豆腐爽，木瓜俾得幾多，木瓜幾新鮮幾甜，不過有幾舊就硬左d。豆腐爽係半透明色，其實就唔係點食到豆腐味。感覺有少少似大菜糕，但佢嘅質地係滑身d無咁爽口嘅。味道清清地唔太甜，可以特顯水果嘅鮮甜。 另一款係鎮店之寶貓山王豆腐爽，榴蓮個陣香味一放上枱就聞到，令人口水直流。食一細啖已經好夠味，榴蓮味係口中散發更濃烈嘅味道，太滿足了！豆腐爽個種清新剛好中和左貓山王，佢地簡直係perfect match呀！愛榴蓮嘅你絕不能錯過呀！見到鄰座食嘅窩夫賣相不錯，並讚不絕口，下次要試下。

松記果邊太多人, 所以揀左近街口呢間。杏仁露: 好杰TAT TAT, 杰得恐怖, 好似糊仔! 但一D都唔覺得佢係磨出來! D 味超級難食, 有D 怪GE 漆油味!!芒果河粉: 幾大碗, D 河粉有淡淡椰汁味, 口感OK

其實而個店舖已經吃過好多次，但我真係好希望同大家分享好吃的甜品，首先我叫了個芒果班㦸配朱古力雪糕球，d班㦸係即做的，不是一早做定，價錢也算ok$38元，跟住再來多個芒果窩夫，雖然得2塊，但d cream好好味，另賣相十分像酒店级数，不過因太肚餓，所以無影相，最後來個西瓜汁，而度的西瓜汁不同其他部份糖水店，百份百西瓜榨的，無溝好多糖水。encore

意猶未盡，Oli提議下場。趕走了需要休息的CEO伉儷 (真係應該休息下喇! 為你好Ja!)，大家往金玉滿糖方向走去。有理冇理先分碗貓山王豆腐爽，飄來榴槤之香，好濃烈的味道，我仍為是極品，但對於不吃榴槤的朋友來說，大概會當場暴斃。另外我的綠豆沙，幾夠熱，而且足料，臭草香氣雖不及榴槤濃郁，但天寒地凍喝一碗，已很不錯。滿足之後，第日又要返工。

聖誕派對後，吃個晚飯再來吃甜的這甜的很滿意，當晚就把它生下來了！！哈哈榴槤豆腐爽，特別的用上貓山王榴槤～但價格都沒因此而高/貴，很讚記得大概 HKD5X多吧，很划算！！軟滑的榴槤泥，濃郁味道豐厚真的很易愛上儘管我對軟榴槤一般般也吃了2口，帶豆香的豆腐爽很可愛，滑爽的質感 跟 榴槤泥剛好相反耶美味之餘也令人愛上綠豆沙份量很足，其實剛都吃到不太舒服了所以這個雖然吃得不多，但依稀記得豆很多，味道不會過甜滑滑的也滿足有點不舒服...打完了睡覺去...討厭這天的晚餐

這間金玉滿糖冰室糖水，看著它裝修，看著它開張，又看到它轉型，慢慢似乎終於找對了路向。　還記得在6月初吃過首次早餐後，之後同月又帶老公及寶寶去吃了一次下午茶。是次主要目標是試試招牌的紅豆冰及蓮子冰水準如何，原來這裡可以選擇合併成紅豆蓮子冰，真好，可以一次過試兩種口味了；而且只需加$5，就可將下午茶餐的餐飲升級為特飲（原價要廿多元的），很抵。紅豆味道較甜，蓮子就較淡口而口感鬆化，兩者組合起來，甜味平衡，口感又豐富，不錯呢。　下午茶餐的食物選了雞翼沙律，雞翼明顯是即叫即煎，且是每隻分開煎，初時上檯兩隻，最後一隻另外後上! 所以新鮮熱度一度，仍熨口又多汁，味道不會差。而沙律又用上大量鮮果，面層還加上一切片的士多啤梨，頗有誠意。也點了魚蛋腸粉，味道正常，覺得這裡還是做特色食品比普通食品要好。之後不久又來多次早餐，老公點了煎蛋、餐肉、多士，上五香肉丁米，飲凍奶茶，組合不是不好吃，但就一點火花、驚喜都沒有。唯一可取是多士不另收費，轉凍飲亦不用加錢，整個餐只$23埋單，抵食。我點了腸仔、煎蛋、多士，配上沙嗲牛肉麵。前者水準也是沒突出，沙嗲牛肉麵的麵質爽口彈牙，原來店方主動幫我升級成出前一丁了，雖然只加

這個範圍的食店.越來越多食店.今次本來想試前文食家提及的開心小叙,怎料開心小叙無位.選了這間在轉角位.位置對住小學.但舖位在這邊只近車房,和廢紙店.同茶記集中地有一街之隔.末知是否位置問題,或客人誤會是糖水店.客人比較少.環境不大.但相當闊落,位同位之間有距離,不過格局似家庭多於店舖.凍華田.餐蛋.包,沙爹牛肉通粉23元.沒有收我凍飲加二元的費用,凍華田:奶味較華田味重.什至可以講飲不出華田味,而且偏甜,如果100分滿分,評分只有50.餐蛋:蛋是太陽蛋.蛋黃在口中穿了後.濃濃蛋汁爆發.的確是味覺最好享受.餐肉凍凍,而且很白,又不香脆.肉味又無.包沒有加工.但尚算鬆軟沙爹牛肉通粉:通粉過林,仲有少許爛.沙爹汁放得慷慨,令顏色紅紅.但味道既不辣.又不香,牛肉沒有化學.肉質韌,牛味有,但不強.客人少.服務也不差.評分是笑臉偏向ok,但新店又沒有犯大錯.值得笑臉鼓勵