Kinkin House (Closed)

舖頭細細但放太多枱櫈，坐得逼狹唔舒服。去到時先話每枱客只能用1張2人套餐優惠劵(買嗰陣冇講明，真係有佢講冇你講，有被屈嘅感覺)。食物質素尚可，整體用餐感覺好曳。…Read More

係openrice 見到呢個上海粗炒好吸引張圖真係幾吸引下所以就好想要黎試下呢間嘢喇咁就出咗去旺角試下呢間下上海嘢啦去到門口 唔見有人等位但見入面大嘅位都坐滿人所以去到未有位 佢叫我等一陣一位等咗唔駛五分鐘就入到去坐最入面個枱啦入面去啲侍應係講啲唔知咩語言好似泰國人咁好似講泰文當然我唔識分 印尼都唔出奇但係上海鋪 幾得意上海粗炒好靚炒得好好味肉絲同菜加麵嘅分配比例好好唔會話邊樣多咗咁再加上碟底用生菜墊底吸咁啲油同醬汁 呢個設計幾好令碟嘢冇咁油同埋調味幾好味跟住有個口水雞我覺得唔辣辣味非常之少如果鐘意佢好辣嘅人就應該唔岩口味啦但我覺得個口水雞都唔鐘 但刀法好奇怪斬唔岩位咁 散晒囉仲有個鍋貼但冇乜汁 好一般一杯淡淡嘅豆醬都唔錯嘅最後賣單174每人八十幾蚊…Read More

旺角逛完街找食肆都排滿人，避開排隊人潮唯有行去廣華醫院附近搵食，今天試了這間小店，很好吃談不上，不過就有小店的味道。獅子頭，上海必試名菜，肉嫩入口即溶，味道啱啱好，下面有小棠菜，跟一碗菜飯，一個女仔份量啱啱好。大食d就應該要配小吃。紅油抄手，微辣加小許蒜味及蔥花鋪面，味道不過不失。酸辣湯，中規中矩，一盅只夠一人前。炸排骨，肉炸得唔錯，味道亦可以，普通大塊，見圖可切開5件。小籠包，皮極厚，咬落好似食緊豬肉包，雖然入面依然有肉汁，但皮太厚，和小籠包是兩碼子的事。生煎鍋貼，底部煎得不夠脆，咬落去有先蒸後煎一下感覺，這個比較失望。晚上9時入座都有大半滿坐，應該搵位不難。…Read More

今日來到廣華街一間上海野度食，叫做金滿居，我估同隔離果兩間金滿象係同一個老闆。附近上海食店唔多，今晚就來試一試。同事點了麻婆豆腐菜飯，睇落有好多，但其實個碗係平的。。不過味道不錯。我點了個擔擔面，開頭食落去花生醬唔係好夠濃，食到一半左右就開始杰和變濃，可能係因為攤凍了？ 味道正常啦，唔算特別好味。同事的雞煨麵，上菜後先知雞煨麵原來係甘。。同事話好清。點了個雞絲粉皮和海帶絲。人均$60左右，味道同份量都一般般。…Read More

今次其實己經係第二次同屋企人食, 上次同老公2個人, 見到有位,就入咗去試.. D 到既上海粗炒同出面真係不一樣.. 可能係即叫即炒的關係. 好有獲氣. 好快就俾我同老公KO 了. 在食既時侯偷聽到佢哋個經理話遲一個月就會推出素食餐. 聽到之後立即BOOK 位試食.. 今次黎到就抱住滿心期望黎品嚐佢哋既素食, 一座低睇見過餐牌都忍唔住問問個侍應是否全都是素.. 因為佢哋既種類同我哋平時去素食店一樣咁多選擇. 今次我哋叫咗個回鍋肉炒粗, 小龍包, 鎮江骨, 乾煸四季豆, 叉燒炒飯, 芝麻海帶絲,係ORDER 之後, 廚師特意出來問我哋係唔係成全素. 好細心. 當我哋話唔係的時侯, 佢就入咗廚房炮製我們的ORDER . 當個炒粗出來既時侯, 味道不咸不油, 再來鎮江骨,D個餸食落口, 絕對不像是素菜. 非常開胃, 叉燒炒飯的飯亦是粒粒分明. 又唔多油.相比其他小寵包就有D 失色了. 但亦足料十兄湯包得甜. 所有野都無得輸. …Read More

Happy Friday！今日揀左黎旺角食上海野，6點幾黎到，唔洗等位直入雅座！人未齊已經揀定個小籠包！等多5分鐘人齊就叫餸，三個人叫左5個餸，小籠包、回鍋肉炒粗麵、上海炒年糕、蒜蓉炒通菜、糖醋魚塊！先黎個通菜，蒜蓉味夠香濃，但欠缺鑊氣。回鍋肉炒粗麵，呢個真心唔錯，少少辣，好野味，配料多，加上有一片片豬肉絕不欺場！小籠包！皮太厚了！作為一個小籠包完全唔合格！肉餡湯汁唔夠多！糖醋魚塊，連重口味嘅我都覺得太濃味，同埋魚塊先炸再炒，做得太鬆散，一般般！上海炒年糕，肉絲、菜、年糕比例岩岩好、係咸左少少！總括黎講，🤔未必有下次，因為個小籠包真心扣左好多分！…Read More

原本諗住食西餐但LUNCH食得太飽原本諗住食西餐但LUNCH食得太飽所以食唔落，就過對面馬路搵左間上海館食。門口細細但店內好光孟，感覺溫馨。店內擺放左大幾1X張2人枱，當晚去都坐左7成。一見到MENU發現好多菜式都寫明用新鮮豬肉製做，好少有店家會特登寫明因為有9成多以上都是用冷藏肉類。今次叫了2個主菜再加錢要2個小吃。一個獅子球配菜飯另一個叫了擔擔麵。獅子球上枱時得一個咋，感覺好似少左D。:(個菜飯都有少少失望，因為菜的比例得好少。味道方面，獅子球有肉鮮味而且沒有一啖啖的添加了鬆肉粉的質感。唔錯！要知道小妹無辣不歡，所以擔擔麵有得揀辣同唔辣，我當然唔會放過食辣的機會。碗麵準備上枱前，係身邊行過都已經嗅到個花生香味。首先個湯底加了辣減少了花生好膩的感覺。麵完全掛哂D湯，好好味。隨麵附上一碗湯，店員話可以食到麵開始變糊的狀態時，加入湯就可以令湯稀身點。見到湯底除了有花生仲有切碎的小蝦乾。除了主菜之外仲加了錢要2籠小籠包，套餐的話可以加＄16 2隻小籠包，我地加了2籠。小籠包即叫即蒸所以上枱時都係熱辣辣但個人感覺包內的湯唔夠多，希望可以改善喇！總括，擔擔麵真係有驚喜而用新鮮豬肉做材料真係良心小店。下次會再光顧。…Read More

晚上在太子看完醫生，一路走下來，所有餐廳都坐滿人。來到這一間，見人煙稀少，看看餐牌，價錢都合理，就走了進去。在餐紙選好食物就可交給店員。我見獅子頭註明選用新鮮豬肉烹調，又是出名菜色，就決定要這個了。大大個獅子頭，差不多有拳頭這麼大！菜飯也多，一個人是吃不完的。但其實內裏沒有很多菜。獅子頭底下的冬菇很稔很大塊，也很入味。而獅子頭的豬肉真的很鮮味，啖啖肉口感十足。但吃了兩口，第三口就發覺內裏是冰凍的。唉，完全破壞了美好印象！而底下的菜更是一點都不新鮮，煮過了頭，又咸又不清爽。因為一開如已經等得久夠，我沒有再叫店員將獅子頭弄熱，反正吃不完，打包算了。另外我有加$8要小青瓜。和平時吃的蒜泥拍清瓜有些不同。這個只有少量蒜泥，但加了麻油，所以有好香的麻油味，而且也爽脆。這個要加一，當初沒為意。一餐飯要$69。好不好再給機會呢？這裏其實坐得舒服。主角獅子頭也很美味，只是有些敗筆。我見別枱幾個人叫幾個餐，好像也不差。所以若路經這裏又找不到別的地方吃飯，或許我會再來也說不定。…Read More

我係第一次食呢間上海菜，我睇過價錢算便宜所以就去試下，店鋪吾係好大間，細細地吾會好多人，所以幾靜下，環境坐得好舒服，我同屋企人叫左三道菜，三個都跟埋菜飯，平時有點上海菜店食菜飯要加錢，但呢間吾洗，個菜飯就咁食都好好食，餸菜都好好。我地仲叫左上海粗炒，D麵好好食，好彈牙，同汁配埋超好食，同埋叫左鍋貼和豆漿，豆漿每個菜飯餐加三蚊就有一杯。員工態度好好，有員工係泰國人，因為隔離有間泰國菜都係佢地的。我非常推薦呢間上海菜店。…Read More

星期天的下午, 炎熱. 從教會走到旺角, 已經汗流浹背了. 想起有一段時候沒有來廣華街了, 不如看看這邊有甚麼吃吧. 其中一家之前蠻喜歡的泰國菜館, 已經變為金滿居小館. 好, 就來這家吧.不過進內才發現, 店子的裝修沒有改動, 連店員也是那些, 只是菜式, 由泰國菜換成為上海菜. 午市價位挺合理的, 也好, 就來個經濟的一餐吧.擔擔麵 $43: 7分, 既然店子以擔擔麵作主打, 那就來客擔擔麵, 當然要辣的版本, 吃不辣的擔擔麵, 沒有意思. 麵條質感尚算彈牙, 湯頭帶點辣勁, 但比較單薄, 不夠香濃.獅子頭菜飯 $55: 8分, 以新鮮豬肉烹調的獅子頭菜飯, 帶肉香, 質感軟稔, 而且幾入味, 用來撈汁, 送飯, 很開胃.饅頭 +$8: 8分, 也要了客饅頭給小晴晴, 熱辣辣, 鬆軟, 恰如其分.黑芝麻豆漿 +$3: 飲品方面, 文迪選來黑芝麻豆漿.鹹檸七 +$12: 我就選來鹹檸七, 不過用罐上, 感覺上, 又算是抵飲一些的.金滿居小館, 由泰國菜變成上海菜, 午市價位合理, 獅子頭菜飯亦有水準, 只是招牌的擔擔麵味道比較單薄. 其實, 轉型, 也是個出路吧.…Read More

已經係今個星期第二次幫襯。呢間上海野同隔離泰國野應該同一個老闆，野食有番咁上下水準。上次嗌左回鍋肉菜飯，酸辣麵，今次再翻兜回鍋肉，因為真係好好食，但今次略咸少少，酸辣麵都夠酸夠辣。每次再試左水煮牛肉麵，老公都話正。另外再叫左兩個雞絲粉皮，同樣好食。加埋野飲都係加幾蚊，喺旺角真係好抵食。呢間上海野真係值得推介。:)…Read More

今日一行三人去旺角行街，行完去廣華街搵食，見到有間新開既上海菜，見鋪頭裝修唔錯，乾淨，同價錢都經濟就入去試下，一試都覺得幾有驚喜 加3元有杯豆漿，加10元有個細既涼拌 ，仲可以加錢要點心，質素都好好，睇得出好有誠意，下次一家人會再來食…Read More