金泰美食

Open Now

Now Closed

呢間泰國小店每次經過都排長龍，今晚開完OT突然間好想食串燒，又諗起哩家一直都好想試嘅串燒店啵，一於搭車去食下先佢都都9:30啦，不過仍然照舊多人同要排隊既，好彩等左一陣就即刻有位啦🤩🤩燒雞翼我最鍾意食，我見哩度全部都會嗌雞全翼，一定係係鎮店之寶🤝🤝🤝每人嗌左兩隻😋😋😋嗌咗牛肉串，雞腎串，司華力腸，魚餅串，原本嗌左咗炸蝦餅，不過原來冇落單「燒雞全翼」真心超好食，我食完再嗌多隻，我見有嗰燒爐專門「燒雞全翼」熱辣辣好新鮮喔💕💕💕不過杯巨峰提子🍇沙冰就真心難飲，只有死甜的感覺，飲品雖要再進步呢😆😆😆

前兩日食完過2日又再去食事關我上次未試佢嘅串燒！Menu上面嘅第一版已經係串燒嘅資料仲寫到明堂食至少要叫6串我點左2串牛肉，雞肉豬肉雞腎腍肉各一串另外再加個蒜蓉飽串燒不過不失啦 牛肉略為乾左d腍肉反而幾特別好似免治豬肉串嘅感覺食落會有少少酸味但係好味嘅！我喜歡💕蒜蓉飽係必點！蒜蓉包一上枱就要趁熱食所以連”相機食先”都做唔切😂個飽好軟熟，蒜蓉牛油好香小店係用串燒爐烘熱嘅但一d都唔乾名乎其實的外脆內軟！唔試真係走寶😂😂😂😂

平時去開九龍城食泰國菜都會去小曼谷途中經過金泰美食呢間地道小店佢地有一個半開放式廚房對街我真係俾佢地嘅香氣吸引住😂馬拉盞椰菜苗💕我真係好中意呢道菜尤其佢嘅調味真係好出色另外椰菜苗夠爽身試過我已經愛上了💋泰式海鮮濕炒河佢真係料多過河粉😂至少有2隻蝦20隻蜆肉(大概😂我無仔細數)同魷魚份量絕不吝嗇雖然味道並沒有什麼驚喜但一試無妨另外菜式全部即叫即做出來都係熱呼呼的雖然沒有華麗裝修但坐無虛席，仲有好多人叫外賣可見深受街坊歡迎大家真係可以去試下！

九龍城出名係食泰國野係人都知既😜😜今次呢間細細間既餐廳食下串燒先😍位置係當眼出 門口擺左燒烤食物吸引眼球而我就係咁比吸引左入去😛因爲係下午茶 所以叫小小野食😭🤥13蚊一串串 燒雞翼 叫左兩串 🤗😍🤪同普通燒烤店燒既火熱唔同 燒到岩岩好 口感一流再配埋泰式醬汁 幾惹味🤤🤓至於間餐廳有D細 得幾張檯 得老闆娘一腳踢😅但都整體唔錯 冇話落錯單既情況出現 😝希望有機會再來呢度 支持下呢D小餐廳🍴👏🏻👏🏻

去開九龍城，當然要食馳名泰國野。但九龍城咁多泰國餐廳，點揀好呢？找一些有名的卻價錢貴，有些茶餐廳類型的泰式餐廳更要收服務費感覺有些不爽。既然抱著想到唯豐買潮州丸的目的，由舊機場附近巴士站沿路而行終於找到它了:金泰美食。餐廳門外貼了只是38元包主食+甜品+飲品，如此價錢怎不令人心動入餐廳前本想到開飯看看眾食客對於此餐廳的食評，居然只找到已結業的金泰美食?明明是這間，既然不能參考，只好奮勇一試。要了一份海南雞飯餐及青咖哩豬肉飯，配上西米露及青檸水(飲品另可選龍眼水及奶茶)。海南雞飯的雞不是我喜愛的雞脾或雞背肉，而是雞胸肉，但個有味飯都幾好食;至於青咖喱飯的青咖哩很香口，相信配雞肉比配豬肉口感更佳。若然要叫餸食飯還有更多選擇下午茶免加一。家庭式餐廳值得幫襯。

約左N年冇見既朋友到九龍城行街兼食飯,因為九龍城出名多美食~呢間既串燒我食過幾好食,所以就介紹佢地食呢間.佢地既串燒確實有用香矛醃過,同埋我唔係咁鐘意食甜既串燒,所以呢間野都幾岩我口味.仲記得我之前又係喺九龍城食過一間泰國串燒,貴得黎又唔好食.

九龍城泰國食店, 都食過好幾間, 今次呢間友人介紹,就去了試. 一入去可以講是無裝修, 柗椅都係茶餐廳形式, 好簡陋, 但地方算乾淨. 看上去較受年青人歡迎, 因大部份食客都係年青人. 馬拉棧炒通菜 - 菜好嫩, 爽脆, 馬拉棧有好香蝦米香味, 咸咸香香, 醒胃印尼炒飯- 飯好乾身, 不會有油膩感覺, 帶有絲絲蝦醬香味.牛油焗飽- 五係多士, 係豬仔飽, 雖然無咁脆, 但反而是我更喜歡, 因點著咖哩汁,更吸汁.咖哩炒蝦 - 泰式咖哩一搬都係偏甜, 辣味不夠, 呢到都係. 略為不夠香. 蝦肉爽口, 份量較少, 配菜就超多……..有點不值炸蝦餅 - 非常好吃, 外脆, 蝦肉爽口彈牙, 咸味夠, 點一些甜酸汁, 更野味.生菜包 - 豬肉無SO味, 加了魚露, LEMON, 辣椒, 咸咸香香, 味道偏辣, 加上洋蔥炒得較生, 配合生菜包, 更有辛辣感.串燒牛肉/豬肉 - 肉不會好厚, 中等厚度. 肉質也沒有比粉奄到梅曬, 燒烤得好香, 真的好不錯. 尤其只制串燒汁, 不會一味好杰的沙茶醬, 有點酸, 有點辣, 仲有少少花生醬香味.木瓜沙律 - 爽口新鮮, 有魚露, 花生米, LOMON,辣椒,

媽媽去左旅行，放工要自己食lunch，入到九龍城，花多眼亂個個街口都有泰國菜館，想搵間有套餐，平平地嘅，行到入黎街市附近，見到呢度又新開左間金泰美食新張期內，泰式湯粉面，炒飯炒河餐，不到$30仲有埋飲品見店內有位女仕，一問之下今日星期六都有呢個優惠一於試一試，叫左個泰式濕炒河配雞肉，跟青檸冰。1.泰式濕炒河~睇落細細碟，食落份量一啲都唔少，夠晒多汁，熱辣辣上檯雞肉係雪藏雞腿肉，炒得香口，河粉獲氣十足，帶有焦香河粉軟韌有嚼勁，唔會痴埋一堆又唔會碎晒散晒，好好味個汁都好香，仲好重面鼓味，唔會過咸，濃稠得宜，再加入翠綠爽脆嘅芥蘭一齊炒，絕不馬夫，整體水準相當高2.青檸冰~用現成青檸汁開水，好酸好酸，細細杯都飲到嘅如果比錢叫嘅話我諗就要問一問佢係咪唔記得溝糖水##平時食金泰都係幫襯佢地賣串燒小食嘅分店，首次光顧佢地嘅主餐，試後感都幾滿意，可以再黎食晚餐。