采華茶餐廳 (Closed)

星期日朝早同媽媽姐姐去食個豐富早餐，就揀咗上水舊墟最近的茶餐廳。有裕美做代言人臨近11點就黎完早市，人唔算多，等一陣就有卡位坐早餐餐牌淨係得牆上先有得睇，枱上得飲品餐牌三個餐，$31+$31+$31媽媽每次黎都飲既奶茶，覺得OK健康的姐姐揀咗時菜，但係其中有棵白菜仔有啲老，所以佢夾起咗無食而我就食炸雞脾+米粉，健康在於可以揀南瓜甘荀蕃茄湯底！入面仲多咗白菜仔添！而且唔係蕃茄漿就算，而係真係有一整隻蕃茄～眼看得見的健康隻雞脾好大隻，炸得好香口，結果飽得滯食唔晒😍$36比$31貴$5但係多啲滿足感，係好足料既…查看更多

工作中早餐，呢間門口有車位，普通茶餐廳格局，乾淨企理！早餐都係港式早餐！鮮牛肉通粉（$31）揀咗健康湯底—南瓜甘荀湯底，似老火湯，濃濃的蔬菜湯味，唔會太油膩，甘荀兩大壽，煮得入味，通粉掛湯彈牙好味！牛肉片正常（應該有用鬆肉粉，不過唔重手）呢個湯底好味！火腿奄列+方包（跟餐）奄列蛋少老，火腿正常，方包略乾ok熱檸茶（跟餐）茶底濃夠熱，檸檬唔澀同事食：鮑片通粉：雪菜肉絲米粉：紫菜肉丁福麵：香腸煎蛋方包：火腿煎蛋方包：茄汁豆炒蛋方包：熱檸水：熱咖啡：凍奶茶：呢間有健康湯底，特別啲！而家食茶餐廳，希望餐牌除了見慣見熟嘅炒粉麵飯之外，會有點新意！一兩樣都好吖！（好低要求）店員爽手唔廢話！上菜收碟勤快！特別少少嘅港式早餐…查看更多

工作中早餐，人唔多可以揀啲未試過嘅餐廳，呢間餐廳門外剛好有車位，所以都無呢就行入去，茶餐廳格局，桌椅都幾迫，牆上貼滿有圖片餐牌，餐牌都幾靚（以茶餐廳來講）食物好快到！早餐（$30）腿蛋多士：多士加$1，火腿煎過，蛋要反蛋，外面香脆，入面嫩滑，厚多士香脆，外脆內軟，好味！鮮牛肉通粉：鮮牛竟然嫩滑，無喇過，微微粉紅色可接受！通粉幾彈，湯底似雞湯底，微鹹好味！熱檸茶：唔落糖飲，茶底幾濃唔澀，好味！同事食：排骨飯店員爽手！以我已經幾厭茶餐廳早餐，食落味道唔錯！…查看更多

行過要食個快lunch~ 第一次踏入呢間茶記。係茶記叫個常餐正常不過丫，可以有幾難食丫，咁就要左碗雪菜腸仔米線。個餐係就快黎到喇，但米線間仲硬心，食唔到落去都要出聲。但係廚房再拎出黎既，係我原先個碗，d 雪菜唔見左一半，湯就起哂泡！ 個米線呢？變左一pat 糊，頂癮在於個侍應阿姐仲好意思同我講：夠哂淋架喇。。。 玩野咩！ 做廚房個位都好意思拎出黎！朋友們叫既福麵，連包味精都無埋，清水湯底喎，咁有 "誠意"，伏成咁，真係唔休做咩？…查看更多

最初打算去富苑快快個早餐就歸家休息，誰知突然執左笠，百份百又仍然裝修中，唯有轉場去南奇啦，居然無開門連招牌都無埋，可能又執埋笠。真係想搵個早餐食都咁艱難，咁咪再轉囉，跟過見到采華，從未幫襯過，就比次機會您啦 ﹗其實依條街都勁多食肆，林林種種，各國菜色，港、泰、日、台、美、上海、潮州、等等。望望早餐有什麼選擇，真係太多喇麻，花多眼亂，我只不過算食個麵餐啫。難得有福麵供應喎，細細個已好鍾意食福麵，雖然今時今日味道及質感都變晒。今次特別地唔轉出前一丁，要福麵試試先。太陽蛋牛扒福字伊麵，好少茶餐廳早餐有牛扒食架，一定要要試啦。有得食都未必好，醃得過份，乸到肉質腍劈劈又滑嘟嘟，味道同口感都超怪獸囉。讓冷冰冰既太陽蛋係熱騰騰既湯汁暢泳幾分鐘，吸收足夠熱能才一啖塞入口，暖笠笠蛋漿係口中爆開，好舒服啊 ﹗太陽蛋豬扒福字伊麵，到依刻先知道采華只供應福麵，無出前一丁或公仔麵架，如果扒麵要多隻太陽蛋仲要加多 5 蚊添呢 ﹗豬扒食到我要咀妙妙，架硬食埋去 ﹗乸到肉質軟撻撻又滑澀澀，味道無咩問題，係口感好可怕左少少。湯底好淡又好清，無咩味道呢，唯一可以讚既係贈送生菜幾片，爽甜鮮嫩，多謝多謝。由於個湯底實在太淡，都係要落一大羮辣椒油救命，但係辣椒油都不香不辣，幫助不大，仲搞到湯汁油淋淋 ﹗太陽蛋雞扒福字伊麵，看似個湯底會淡荗荗，又唔係喎，好香濃喎，合格。唓，炸雞扒黎既，我要煎雞扒呢。炸到外層又乾又硬，裡面就無咩問題，肉質都仲好嫩滑，肉汁豐富又水潤添。太陽蛋腸仔沙嗲牛肉福麵，又係大陸怪味腸，救命 ﹗不知道如何形容依股味，有點霉有點腥有點益，唔係豬唔係雞，唔知咩味。沙嗲牛肉煮理得宜，滿意。不太硬不太鞋，醃味不嗆而帶甜。合格。福麵就腍左少少，都係一早煮定麵底再加湯既出品，腍劈劈又唔夠熱，泡麵溫度，失望。太陽蛋紅腸五香肉丁福字伊麵，湯底又稀又淡又水汪汪啫！最好食又有質數既福麵只有大埔華立！五香肉丁都有瘦肉食下，無咩肥膏，good ﹗炸紅腸油淋淋，乾身一點好嗎？是日例湯，我真係唔知咩湯喎，豬骨粟米湯掛，清清淡淡唔難飲。咖哩牛腩飯炒底，炒飯底算滿意，味道香口有蛋味，乾爽飽滿有鑊氣，係厭蛋少啫，仲落埋蔥炒喎，好少餐廳會咁做，讚。咖哩淺黃色既？好稀又水汪汪喎，薄衣衣唔夠厚唔夠黏身，師傅失手？味淡不香不辣不滑，再次好失望。牛腩醃味濃，炆得腍身無渣兼鬆化。雖然個咖哩無咩味，幸好係炒飯底，連飯帶腩塞入口，食味不俗。…查看更多

采華呢間茶餐廳 我細細個就聽過呢個名啦 一間中規中矩的茶餐廳 早餐 下午茶都係一個唔錯的選擇先黎左個炒麵 睇落賣相都唔錯 食落去的時候麵條唔係太淋 整個炒麵味道亦唔算太咸不過略嫌少左d配料成日都話 想知呢間餐廳得唔得 一定要叫佢地的炒飯 原因好簡單 愈簡單的野 就愈睇得出廚師的功架 呢一碟炒飯果然無令我失望 每粒飯都炒到金黃 賣相醒神開胃 食落去唔會太咸 肉粒亦比得好足 絕無偷工減料兩個下午茶 $32 送熱飲 凍飲+2…查看更多

第一次幫襯這裡的下午茶，被「特製漢堡扒包」的字眼及圖片吸引！但食品上枱時，嚇一跳！完全與圖片不同，漢堡扒只是比麥當當多汁一點！漢堡包內有生菜絲及蕃茄一片！沒有特製醬汁只有普通沙律醬！這個「特製漢堡扒包」我相信大家在家裏都可以自己整！這間茶餐廳的下午茶，一個包+一杯飲品，要$26實在太貴了！另外，這間餐廳是否違反了「商品說明條例」？圖片跟實物完全不一樣，大家可以自己判斷啦！…查看更多

今日Lunch Time 時間，再一次幫襯這間「采華茶餐廳」之前幾次幫襯也覺得很滿意，今次決定為這一間有誠意的茶餐廳寫一篇簡短的食評吧！茶餐廳的環境乾淨、舒適，而且不算擠迫。有兩部電視長開，最適合我這些喜歡「電視送飯」的打工仔而全店最最最特別之處位於收銀處，牆上面有過百款不同的食材名稱而每日快餐提供的飯菜名，就是由這些不同的食材名組合而成！十分有心思和創意，而且相當環保午餐有5款選擇，都是$33 包例湯和熱飲，我就點了一個「白汁海鮮焗飯」焗飯的份量恰到好處，而且竟然是炒飯底，可見廚師十分用心對於只售$33 的每日快餐，也花時間去用上炒飯底，真的令我這個客人十分感動每粒飯也很分明，而且夠乾身，在淡淡的蛋花襯托下帶出的飯香，真的很好味！而白汁的味道也十分好，雖然「海鮮」不多，只有兩塊魚肉柳和兩隻小魷魚和蟹柳，但$33 我也不能要求更多而伴碟的紅蘿蔔也很鮮味，整體來說，十分高水準！餐飲點了一杯熱咖啡，不錯總結：在經營飲食生意十分艱難的今天，「將貨就價」，似乎已經是默認的行規。或許食材成本高企，令廚師不能選擇和使用最好或份量多的食材。但只要多花心思，用誠意去認真準備和炮製，一樣可以「又平又好味！」…查看更多

好少去上水食野''住開粉嶺在上水行街經過采華''發覺裝修都幾吾錯''正系食飯時候''而且有裕美個廣告就想入去試下個芙蓉蛋飯好正''夠大夠香''個蛋都將成個飯保住''外焦裡嫩''又香口比起其他鋪頭裹飯更勝一籌…查看更多

咦我居然係呢間餐廳首篇食評?同朋友入開上水見到呢間茶記有裕美賣下廣告於是試下個晚飯小菜7點半左右都唔係坐爆所以唔駛等位 即入 (雖然無晒卡位野食都好快到 我叫左 西蘭花配豬頸肉 ($48)朋友就叫左 菠蘿咕嚕肉 ($40)配飯, 中湯, 野飲(當晚係紅蘿蔔湯)同隔離d茶餐廳差唔多價錢啦味道係一般茶記水準啦濃淡適中 份量略多合二人之力食晒 飽到上心口 算抵食!!我誤以為佢d豬頸肉會炒到好似泰式餐廳咁所以見到係普通炒 + 有d厚有少少失望啦 但西蘭花值得一讚既~~好爽口!咕嚕肉都唔錯 好食過大快活d小炒既馬會道成條街都係茶記之類如果有機會再入上水可以試下其他黎比較下味道…查看更多