醉瓊樓酒家

Open Now

Now Closed

當泉章居到今時今日依然人氣高企的時候,同期對手之醉瓊樓,相比之下,無論名氣,水準,或有所不及.身邊朋友想吃鹽焗雞或扣肉的話,一定會話去泉記,醉瓊樓?提都無提過.數埋上一次去此老字號,已經差不多小學時代.同屋企人去那個正值香港"黃金時代".今日重臨,原來又是另一寶藏.周六父親節前夕,店內人頭擁擁,一樣要等位,但同隔離元氣門口為數十幾廿人的人龍比,小巫見大巫.年青人,當然愛壽司多過客家菜.就算魚生唔新鮮,壽司飯一夾即散之貨色,一樣照單全收.客家菜,拿起菜單隨意點菜便可,鹽焗雞同梅菜扣肉鐵膽,再拖幾隻配腳便可.父親節前夕,沒有自選套餐供應.除卻父親節套餐外,一律散叫.先上桌的鹽焗雞,頗肥美,肉質嫩滑有雞味.每次去泉章居,梅菜扣肉的認受性,比鹽焗/霸王雞還要高.肥美甘香的肥肉,瘦但不過齦的扣肉,往往扣人心玄.碟下的梅菜同汁.撈下白飯兩大碗也不足為奇.其他菜式如生蠔煲,炸大腸,花膠海參煲,也很有水準,椒鹽珍肝,略嫌失色.如果清蒸,或酒煮,又或者炒.效果會更突出珍肝甘香豐朕的口感.六個人埋單五百多,非常抵吃.友人事前極力推介,總算令大家滿意.如果在泉章居等位等得不耐煩的話,不妨諗下醉瓊樓吧.

呢個星期不停同同事farewell，已食了兩次醉瓊樓了，主管鍾意鹽焗雞同梅菜扣肉，haha，又食了兩次，飲左兩次白果腐竹豬肚湯，第一次好好飲，好清，第二次又好咸......水準有d唔穩定...鹽焗雞同梅菜扣肉唔係唔好食...不過依家太驚肥膩野啦...所以梅菜扣肉都唔係好敢食不過呢度連好普通既粟米班塊都整得好好食，應該都唔簡單

傳統的客家菜, 味道和泉章居接近, 價錢也相若. 不過質素稍遜半籌, 主要是菜肴預備得粗曠, 不夠仔細, 有些好像胡亂堆砌在碟上. 我們點了臘味炒芥蘭, 看上去就是一堆亂草. 荵油雞也一樣, 有圖為證.客家鹽焗雞味道一般不俗, 雞腿、雞背等的肉質還可以, 通病常出在胸肉上, 乾乾韌韌, 非等閒之輩可啃得動! 左右兩桌客人的碟上就留下大量的雞胸肉, 基本沒有人動. 今天例湯腐竹白果豬肚本來不錯, 可惜白果完全沒有去心, 吃下去會很苦. 我們點的另一味是花膠海參煲, 份量算十足, 味道也不太差, 但同一煲內部分海參已經軟腍, 另一部分卻仍頗硬, 浸發的過程可能太粗心了.最值得一提的是上菜的速度. 點菜後沒兩三分鐘雞便上桌, 前後只八分鐘, 三菜一湯便全部上齊了. 比上菜速度, 他們一定拿冠軍.

記得朋友說小時候吃了這一家的鹽焗雞好好味，於是（13/8）晚上同朋友一行三人一起回到過去時．．．二人套餐\（$148）：－任選兩款小菜+ 湯或羹．我們選了鹽焗雞：雞肉好滑，好入味；炸蝦丸：外面鬆脆，內面爽口＆瑤柱海鮮豆腐羹：雖然有ｄ淡，但係勝在多料．最後有個甜湯送－紅綠豆沙：不是太甜，不錯不錯．我下次一定會再去，介紹多幾個朋友去．

20050708 10.30pm夜晚響PP 睇完8pm《War Of The Worlds》已是晚上10pm, 向灣仔方向行搵食, 行到醉瓊樓卒之停低! (幾遠!!)同男友要了個"二人世界套餐"(個名都幾......), 2"送"一湯-* 瑤柱海鮮豆腐羹- 男友點, 我個得偏淡, 麻麻地. 男友就幾鐘意wor.* 鹽焗雞- 2個人就一個例, 小時候阿媽常帶我到觀塘的醉瓊樓食飯, 每次都食呢味, 呢次o黎又叫, 都起碼廿年無食過呢度o既鹽焗雞, 都仲係好得, 肉嫩皮又入味又唔肥, 不愧為招牌菜.* 豉汁蒸倉魚- 即叫即"tong"游水魚, 倉魚上桌時比想像中還要大得多! 味道也很不俗. * 白飯x 1* 白粥x 1service 很好, 因為太夜地下只剩兩檯客, 阿姐專心招呼我地兩個, haha.不過始終呢間酒樓都好麻甩大叔格, 我聽到就(o的客)粗口滿場飛. 美少女們可能就不太適合了.埋單連tips $200, 淨係條魚價都$60, 可謂抵到爛.

上午時份不想呆坐公司, 借意的出外逛逛書店, 順道約朋友們來一個午餐短聚. 點了一個四人套餐, 套餐有不小的選擇, 先來了釀炸豆腐, 豆腐不算香滑但味道輕清可口; 霸王雞, 肉質偏韌肉味偏咸蔥味香口, 不過不失; 竹笙魚肚粟米羹, 味道偏於輕清, 粟米羹感覺討好; 梅菜鯇魚, 半邊鯇魚的比想像有份量, 梅菜香,甜肉質香滑,賣當吸引; 最後追加一碟黃浦炒蛋, 蛋香味濃厚回味. 配上朋友自攜的阿根廷紅酒, 又是一個滿足的午餐聚會~