醉瓊樓酒家

Open Now

Now Closed

下午路過慕名幫襯，點知做咗老襯.......點了一個鴨腿湯飯，飯一到就知出事，隻鴨腿是雪藏的，完全冇嚟味度......湯底極之普通，普通清湯加幾條白菜，隻鴨腿仲要硬崛崛......皮是淺啡色......極之失望.....有揼春之感......飯後有糖水送我都唔要了.......這類老店愈來愈少......希望能夠維持應有水平......侍應及收銀態度就良好有禮，希望食物質素做番好啲。

因經過醉瓊樓 ，又知道佢出名， 專程由灣仔買返元朗屋企食，佢知我拎得長途，幫我包裝得好好，返到屋企隻雞就咁已經食得，吾駛翻熱，無漏汁，味道仲好好添。值得回購，超贊!

我地一家3口，晚餐叫一個四人套餐：- 栗米魚肚羹：好味、無味精、足料；- 鹽焗雞：應該係招牌菜、我地都覺得比出面食過既好食；- 甜酸生炒骨：好正、甜酸度剛好適中、好醒胃；- 東江豆腐煲：豆腐好食、豆腐入面釀左肉碎，加上生菜，整體較為清淡，但都唔錯。有糖水送，係紅豆沙，起沙，幾好食。個人感受：醉瓊樓係一間老字號既傳統粵菜酒家。我祖父母、爸媽都係舊食客，而我就第一次食，眼看裝修比較舊，但內裡其實都幾乾淨同企理，而味道亦充滿驚喜，我爸媽直情好懷念呢種味道，佢地覺得啲食物仍然保持水準，而啲伙記亦都好熱情、友善，服務都殷勤周到，呢種應該係老店既人情味吧！我地會再光顧！如果鐘意食粵菜既朋友都不妨試下，支持老店！

依間酒樓最出名嘅必定系鹽焗雞，你可以揀鹽焗雞飯，或者湯飯，若然你都係同我一樣比較喜歡濕潤嘅口感，甘湯飯就絕對係你嘅首選。鹽焗雞湯飯雞肉好嫩滑，亦都好有咸香味，最重要係隨雞附送嘅自家制沙薑醬，沙沙地嘅幼滑。

來到這裡， 先說它們的食材-特別是那海鮮用料十分新鮮， 也有試過其他的小菜，如； 章魚蒸肉餅，肥肉瘦肉搭配十足鮮味，腐竹豬肚湯， 經典濃味而飲後也不會囗喝…那今次叫來了它們；粟米班塊， 我會要求分汁上， 是不想溶掉炸班塊的脆感， 汁內的鮮粟米粒粒飽滿帶著香甜， 每食一片先會落些汁上面可保持炸班塊的脆口， 肉哋十分誘惑。西芹炒帶子， 清甜芹段配上蒜蓉細片的薑片切段磨菇炒跘肉厚帶子， 雖然帶子還不是大大粒的， 但便是可一啖入囗， 豐滿鮮汁。

想體驗舊香港嘅情懷，呢一間酒家意外地係唔錯嘅選擇因為返工臨時要搵地方食飯，所以求其就行咗入呢一間酒家。行入去之後直頭覺得自己好似入咗時光隧道，返返去香港嘅70年代。無論係入邊嘅人嘅年紀，或者係啲侍應，成個裝修格局，加埋場入面大大小小的工具，冇一樣野唔係舊香港嘅嘢午餐都算幾多選擇，叫咗個番茄牛肉飯，同埋一個鴨髀湯飯。個人認為鴨髀湯飯唔錯，同埋喺我哋嗌完之後，個侍應轉頭即刻話已經冇晒鴨髀湯飯，相信呢一味菜式係呢間酒家係相當受歡迎？而佢嘅性價比都算唔錯。至於個番茄牛肉飯，汁略嫌多咗啲～不過材料算新鮮就冇乜所謂啦。意外地飯後居然仲有紅豆沙送，陳皮味好濃。夾埋一百蚊左右埋單，仲要有糖水送，係灣仔區來講算相當抵食。

碟頭飯份量多，味道正常。 侍應態度差劣，不理不睬和高高在上的態度，好像看不起客人一樣。當我剛吃完之後，不但沒有送上其他樓主所說的糖水(但佢有問其他人)之外，侍應站在旁說：「日光日白已經係到賴死唔走。 我剛剛才吃完還沒抹咀就想趕我走? 就算野食有多好，這種態度我再也不會光顧，更加叫朋友別去

星期五同班同事一齊去食飯，因為人數都唔少諗住飲茶易搵位，入咗嚟呢度先發現，原來呢度係非一般嘅茶樓，裏面買嘅係碟頭飯為主。當然佢都有幾人份量嘅套餐，但如果叫碟頭飯就免+1免茶，呢區來講都唔錯嘅。因為之前冇同事食過呢間，所以叫個楊州炒飯，呢種飯基本上係唔會難食嘅，認真啲嘅味道就一般啦。佢一上枱大家先知原來分量超大，係平時飯量嘅兩陪，一個價錢包茶包糖水，糖水味道都係一般，包埋張大枱，都OK嘅。唯一唔好嘅係，佢同茶樓唔一樣，我哋前後其實坐咗35分鐘，佢就問我地食完未，因為有人等位，其實我哋都'剛剛'食完嘅，咁就係lunch都未夠1個鐘嘅情況之下打道回府，呢樣有啲麻麻哋，因為真係好少喺茶樓嘅地方咁樣俾人吹。

一班朋友正苦惱往那處吃晚飯的時候，就在這旺區灣仔， 一於上去試这所懷舊老店，一看餐牌 所有都是兒時的回憶， 當然必試他的鹽焗雞，但有朋友也想試他的霸王雞，便一於起雙飛，果然冇揀錯，兩款雞雖然煮法不一樣，但是肉質有咬口，也能帶出他的風味，其中必要試的當然是他的炸大腸，但是亦太擔心高膽固醇所以大腸改為拼蝦丸，少吃多滋味，因為已經沒有什麼地方找得到吃這類款式的菜，實也不令人失望，大腸有它的風味，而且炸得香口，蝦丸賣相也很可觀，跟著就是他的東江豆腐煲和骨髓炆三鮮，朋友不斷加碼order沙薑雞腳，簡直美味無窮，最喜歡他的沙薑醬，正當各人都大快朵頤的時候，有人更指出這處的 芒果糯米糍是必試的甜品，當然每人一個發覺簡直是不可多得，較坊間的完全不可比較，糯米糍的皮就像是嬰兒的pat pat軟滑彈口，芒果鮮味十足，今晚這頓晚餐簡直是近來的代表作。

2018年2月7日我約了舊同事到灣仔醉 瓊 樓晚飯，我們上到二楼常算 寬敞，到醉琼樓一定係食傳統小菜，我們叫了 鹽焗雞， 梅菜扣肉， 客家釀豆腐 及蛇羹等等， 水準保持， 最後事應送埋美味糖水 十分滿足

2017年12月25日晚，和家人在醉瓊樓晚膳，慶祝聖誕節。三人點了四人套餐（粟米魚肚羹、梅菜扣肉、半隻鹽焗雞、煎釀豆腐煲），絕對夠飽的，雞已美味，足料的魚肚羹更是推薦。不過扣肉和豆腐都略鹹，而且套餐居然不包白飯（每碗十元），結帳509元，不過不失。

由銅鑼灣，步行到間鋪，出哂汗。竟然冇冷氣（超弱冷氣，伙記已放把风扇係我位旁）。我唔即離開，真係好有誠意嚟食飯㗎。本想食一個懷舊菜式：酥炸腰肝卷。“冇做啦，春卷就有。“ 失望。唯有，招牌二人餐，叫左：杏汁豬肚湯煎炆釀豆腐煲鹽焗雞是日糖水，西米紅豆沙。真相係：杏汁湯。嘩，好清淡。鹽焗雞。咸，老。皮甩肉飛，芫茜係遮醜用？。(杏汁鹽焗雞溝埋可能啱啱好。。)釀豆腐係半煎炸。得一半係煎炸。釀一小粒豬肉，個汁筷子都夾得起，一舊舊的。糖水。。。。無話可說。。。伙記服務殷勤。但無補食物的不足。全乜居，又唔得，呢間又差。。。。。仲有邊到可以食番舊時味道？？？？？

今午三人行吃lunch, 点了兩個，生炒骨飯，汁冇酸味，骨冇味，十分失望+難食 ，另也点了雞飯，賣相相當唔掂，似賣剩。。。但媽話過得去，也要98.....一定唔會再嚟

以前聽呢個名，一定係食傳統小菜為主，今次再去食lunch已經轉變成可以食碟頭飯。真聰明，真有生意頭腦！一入到鋪頭，見到職員分緊野，我無細心睇，仲以為係例湯！點知原來一陣我地都受惠到><。驟眼睇，素食選擇真係唔多零零丁丁有一個「羅漢齋」。開頭都幾驚、70幾蚊先一碟，原來果個係小菜價錢，講真lunch我唔會食咁貴囉。呢個羅漢齋係好食既、亦擺脫左傳統羅漢齋果種味道。一來個汁唔會好杰；二來個可以清楚食到每一隻蔬菜既味道、清得黎唔會太寡。最意想不到真係個飯後糖水，就係頭先一入門口見到職員分緊、「黃甘甘」既物體。真係好好味，夠凍；芒果夠甜無楂，而且茜米質感好。下次留肚食多碗><！

N年沒有來，一入去，地下全枱男人，無位，上樓上，一大班建築工人行落來，鞋衫有泥塵，樓上大圓枱，都是男人竇，有些好似判頭老细好齊整。我們搭枱，有開茶，碟頭飯好大碟，大碟過明記，當然有男人的浪漫-豆腐火腩飯，我們倆個美女，奇葩，之後都有3個女士搭枱，每人叫一碟蒸鯇魚飯，好大碟。我倆叫一碟肉絲炒麵，味道適中唔太咸，麵唔燶，ok,加個湯~豬肚湯$20碗，在此地方，覺得貴，算啦試吓，普通湯碗大小，湯奶白色，是腐竹，但無乜豆香，無味精無胡椒，最好好多白果，我最like。食完，有糖水送，我來的其中目的，今次芒果西米露，好有芒果味，甜度適中。但我喜歡熱糖水，以前食過渣渣，好好味，最完美。