醉上海 (Closed)

交了文件給患病的同事後，對這區不熟悉的小人未知到何處午膳，沒辦法的情況之下唯有硬著頭皮打電話給同事後，他介紹了小人到這兒吃上海麵。小食要了生煎包，一點也不像煎出來的，說是蒸包亦不為過。包的皮奇厚而肉餡奇細，獨欠肉汁，跟吃了一個饅頭的感覺相差無幾。主食是上海湯粗麵，湯底不夠濃，還好麵是煮得軟硬適中的，配料有冬菇、肉絲及白菜，份量頗足；只是熱度不夠，影響了整碗麵的食味。終於明白金句「一試無妨、再試投降」的道理。…Read More

放假最後一天，我和男友去這間餐廳吃下午茶，我們叫了五香牛肉麵配生煎鍋貼，另外叫了1籠小籠包，下午茶不包括飲品。五香牛肉麵方面，五香牛肉即是牛展，牛展比較薄了一點，但牛展十分入味，味道不錯。湯底味道不錯，不過麵比較淋身和淡茂茂，但都算可以入口。生煎鍋貼方面，鍋貼熱騰騰的，不過鍋貼皮比較厚了一點，但豬肉份量都多，而且味道不錯，十分美味！小籠包有4件，大小適中，而且皮薄餡靚！小薄包皮都算薄，不過用筷子夾住它時，都不會爛掉，very good！小籠包內的湯汁十分美味，豬肉十分大件，而且味道都不錯，不過豬肉內有幾粒肥膏，如果瘦一點會比較好。飲品方面，下午茶不包括飲品，不過餐廳提供茶水，茶味道比較淡了一點，如果濃一點會比較好。價錢方面，五香牛肉麵配生煎鍋貼$38，小籠包$26，星期六日的下午茶只是免茶芥，另外需要加一服務費，2人總共$70。雖然下午茶來說十分便宜，但完全不飽肚的。總結來說，這間餐廳的小籠包味道不錯，但其實有點昂貴（其他時段），有點不太值得這個價錢。…Read More

尋晚因為約左媽媽幫佢買野· 所以到就近既餐廳吃飯· 媽子提議吃上海菜·行下行下就揀左呢間·地方尚算乾淨· 點了口水雞· 糟溜魚塊· 鱔糊炒麵· 鱔糊炒面唔錯·不油·味道可以· 糟溜魚塊調得好味·唔錯 口水雞媽子就話味道一般· 我就覺得太麻· 辣度適中· 整體可以接受·價錢可以·應該有下次…Read More

中午又開餐，真係好鬼難諗食咩，咁唯有又遊走一番，平時行過都無乜為以，所以見到就試吓喇！呢度都幾多小菜可供選擇，叫咗兩份抵食啲嘅午市套餐薰魚同担担麵係套餐，仲有杯豆漿送，不過個人口味覺得豆漿甜咗少少，薰魚色澤都吸引嘅但啲肉太實，雖然好入味，但薰醃得有啲過甜，食多幾啖已經漏了担担麵，麵質爽滑，湯頭唔係稠，比較薄身，花生味都夠香嘅，佢有啲特別嘅，個湯好似放咗鎮江醋咁，入口酸酸地，唔會覺飽滯。:)呢個酸辣湯非常多料，每口都食到滿滿嘅配料，口感豐富，湯底有香濃醋味。小籠包都幾抵食，餡料夠多，湯汁都多，皮算薄身，30蚊4隻大大隻…Read More

出發加拿大旅行前，為咗捉住大少執喼，所以走入屯門搵佢，返屋企前，當然要先醫肚，其實屯門都係一樣俾我地食到爛，實在諗唔到食咩，大少突然諗起我次次都話想試嘅醉上海，我地決定一試~南翔小籠包 - 食上海菜點可以無小籠包，小籠包一直都係我最愛，呢間皮薄、多湯汁，夾起完全唔爛，合格，味道重真係好唔錯~菜肉鍋貼 - 鍋貼都有湯汁，超好味，菜肉做餡，唔會有出面一般肥膩感，餡料重好鮮味醉上海炒飯 - 好搞笑，個飯辣辣地，其實我覺得呢個就真係好普通，只係好似有海鮮嘅辣味揚州炒飯賽螃蟹 - 好少會唔好食，只要個蛋白唔好炒過火就絕對OK，不過我都係鍾意落豉油食，而大少係鍾意傳統地用醋食~…Read More

星期日到屯門大會堂看話劇，見未開場，特意到附近先吃過下午茶，輕鬆歎一下⋯⋯ 燈箱廣告的小籠包賣相吸引⋯⋯ 下午茶價錢算是經濟，一於試試⋯⋯**這家小店，週末、週日及假期要另收加一服務費 上海湯粗麵材料：白菜、肉絲及冬菇（見圖），份量有一小棵白菜，半隻冬菇，四/五條肉絲湯：溫度微暖，豉油色澤的白開水，淡而無味麵：口感偏硬，彷彿未煮透，份量可分兩小碗，尚算適中評價：飽肚但味道極為牽強:( 擔擔麵材料：約一平湯匙豬肉碎及蔥段（見圖）湯：小辣，醋味極濃，水多且稀，無花生/麻醬味麵：質感適中，份量少，夾起只有一小碗評價：好難食 生煎鍋貼溫度：室溫名層：皮極厚，乾身又黏牙餡：豬肉，多油，味道尚可評論：不過不失 生煎包溫度：微熱外層：包面上有點黑芝麻，入口吃不到煎包的香脆，只覺似放久了的蒸包餡：豬肉（份量少如一粒花生）評價：餡料少得可憐若以純蒸包來評論，飽肚但味不佳南翔小籠包溫度：熱度適中外層：皮薄餡：豬肉（份量適中）鮮嫩多汁的小籠包，皮薄餡靚，味道不錯評價：好味道唯一欣賞的美食…Read More

以為呢間嘢應該價錢平民，質素亦都唔會有太大要求。可惜佢價錢同啲翡翠X麵一樣，甚至拍得住八月嘅價錢，但質素就人哋一半都無。一個簡單嘅糖醋排骨，事實只系普通茶記嘅甜酸豬扒，但竟然收$78蚊！！火腿津白，仲要有沙！然後到高力豆沙，本應用糖霜舖面，佢只係用白沙糖，搞到不倫不類，極之難食。總括然而，要畀呢個價錢，絕對唔須要食呢間嘢。…Read More

初嘗醉上海-晚餐。待應不斷推介(松子魚) 腥味重。 (酸辣湯) 唔酸又唔辣。 (肴肉) 十分咸 [隔離台客人直接退貨]。 (小籠包) 0K。(鍋貼) 0K。 (高力豆沙) 似豆沙包+少餡[個馅成舊野]。…Read More

星期日去到屯門一定好多人，今日12 點幾去食飯，就去左呢間比起商場遠少少既上海野食，一入去就有位。  叫左一個炸銀絲卷同一個糖醋魚塊，野飲叫左凍咖啡。個炸銀絲卷係好食既，熱辣辣，內脆外軟！ 但係佢入邊就唔係整到好多層咁，得幾條絲。  不過都好好食，炸得好脆同埋點埋個練奶好好食呀，好香口！ 個糖醋魚塊個汁酸酸甜甜咁，好開胃好好食，一咬落魚塊到都好有咬口，唔會有太多粉黎炸個魚，好好味。 同埋都有幾多魚塊，份量幾足。  但男朋友就話個咖啡叫左少甜都仲係好甜。價錢又唔算真係好貴，個環境都唔錯，好光猛架！我最中意好光猛既地方，食都食得開心d，哈哈！  下次再去試其他野。 …Read More

在因家住屯門，假日都想響屯門hea吓，醉上海係市中心附近嘅便宜選擇之一，已經有半年無食過，味道依舊，但服務一般，未食完就執枱，每次都係為左銀芽鱔糊而來，足料、味道又出色，必點嘅午市套餐(一白飯+一豆漿)，才$53，不過星期六、日及假期要加一，咁都合理嘅:)…Read More

老實講我完全唔明白點解屯門地方咁大但係當你想食上海菜時可以做選擇的並不多首先『上海婆婆』已經係屯門開業一段時間我都食過N次，等等等終於等到華都有一間上海菜雖然鋪位細，係好細，都好過無得揀…Read More

上星期三又去了醉上海，而家在屯門揾40元以下唔容易呀 ，上次吃完覺得醉上海又幾好,今次是我第二次光顧，冇上次咁多人排隊，今次點了滑蛋蝦仁套餐(38元)，有白飯/豆漿/一個餸，十分抵吃呀,我覺得滑蛋蝦仁味道有些小咸,蝦仁用原隻蝦幾新鮮，滑蛋唔夠滑 ,滑蛋落水太多啦 ,我覺得整體一般,服務只是一般,並不算太差亦不算特別好,環境就一般,座位之間有些小迫，這裡前身賣電腦，新都大翻身之後，這個位置用來做食店有些小免强,空間感覺太細又迫食物水準滑蛋蝦仁，我覺得一般 ，蝦仁都OK,滑蛋唔夠滑,水太多了,今次味道偏咸豆漿，我覺得幾好飲，豆漿味道濃郁白飯，唔夠軟熟服務來了2次只是一般環境地方有些小細，座位之間有些小迫價錢38元十分抵吃番吃間中都來…Read More

屯門市中心食店十分多選擇，華都同新都的食店以小店，華都較為多食店，新都以前冇食店,由上年年尾開始商場大翻身之後，今日去了新都新開醉上海，以前叫金滿軒,由同一個老闆所開,今次改了名字，午餐價錢不算貴,只是38元,又冇加一都幾抵吃,我點了火腿洋蔥炒蛋，有一碗白飯，另外有豆漿，如果不要豆漿另要其他飲品,要加6元,我十分喜愛豆漿，我照要豆漿，火腿洋蔥炒蛋妙得幾好味,我覺得不算好咸,豆漿是涷飲，我覺得豆漿味道稍為淡咗Ｄ，我可以接受，白飯幾軟熟,並不會太硬,我覺得午餐整體幾好,地方不算大,座位之間不算太迫,服務就一般,門面裝修得靚,格局不太似上海料理，我覺得似茶餐廳多Ｄ味道:我覺得保持到以前水準，幾好味,味道不會太咸服務:我覺得一般環境:地方不算大,尚箅舒適價錢:午餐38元,我覺得不太貴，十分抵吃番吃:應該再光顧…Read More

這食店的舊舖近屯門市廣場, 問過店內的服務員, 原來因為加租太多, 所以被迫搬往離屯門市廣場較遠的位置, 雖然位置不是太有利, 但依然經常客似雲來! 我們11.30am到達食店, 當時仍然有很多位置選擇, 可能是仍未到午飯時候吧! 我們選擇了一張較入的四人枱, 服務員提示我們若客人多會有機會需要搭枱. 店內裝修簡潔, 以白色為主, 牆身以白色文化石為裝飾, 餐桌及椅子以啡色木紋為主, 以二至四人枱一排列為主, 坐近窗口的位置可以欣賞街景.餐具以藍色圖案白色底為主它以點心紙挑選食物為主, 有包點類($26-$55),  冷盆,小食類($22-78), 炒飯, 泡飯類($42-55)等等. 我曾經吃過舊鋪的小籠包(皮薄多肉汁), 酸辣湯(酸辣味道剛好且多料). 另有中午特價套餐($38),一餸,一飯, 一豆漿, 有5款選擇. 午市套餐 ($42-52), 都是一餸,一飯, 一豆漿, 有22款選擇, 價錢相當經濟抵吃. 之前吃過它舊鋪的排骨擔擔麵,美味醉雞, 美味燻魚, 味道一流. 所以今天來回味一番. 第一味菜色上枱的是美味醉雞, 剛到已聞到清香的紹興酒味, 我是一個酒量很差的人, 所以對於一些太濃酒味的食物不大感興趣, 幸好這裡酒的份量只是足夠而不會過份濃烈, 紹興酒滲透雞肉裡, 雞肉充滿了酒香且肉質嫩滑, 雞皮爽口, 吃完一件再想吃第二件.過了一會, 第二碟小食亦到場美味燻魚, 魚的調味濃郁, 但醬汁浸泡時間不夠所以買相略遜, 每次吃這碟菜色都要特別小心因為碎骨比較多, 且自己吃魚的技術又不夠專門, 一不小心很容易弄傷.最後的主食亦上桌了排骨擔擔麵,排骨炸得外層鬆脆而內裡的肉質軟腍, 不會過份油膩, 麵質彈牙爽口不會過腍, 而湯底的辣油,豆瓣醬的分量夠辣但略縑的芝麻醬不足, 不夠麻香. 這裡除了環境改變了之外, 食物質素依然有水準,值得再來!…Read More

間店新開張，見係小店經營，以為食物還可以，點知衰過茶餐廳，下午茶唔貴，$45左右，我食晚飯兩個人叫左上海舖招牌菜，雲吞雞$75同炒鱔糊$80，我第一次見到有一間上海舖鱔糊係貴過雲吞雞，不過如果你好食有咩所謂，點知黎到就知出事，鱔糊個汁多到可以勞湯，又濃又咸，個鱔糊又勒又硬，佢夠膽收個咁既價錢真係寫個服字，個雲吞雞無料既, 比幾粒蘑姑片就算，雲吞無肉感，我真係食唔出有蝦, 也可能連蝦都唔想比，隻雞例牌四份一，你想像下隻雞翼可以鞋到同雞胸肉有得比的…個湯好有味精感，飲完真係確喉，間嘢外表唔錯，不過半價我都唔會再去…Read More