郭仔記車仔麵

Open Now

Now Closed

啱啱同朋友經過元朗行街 朋友帶我去食佢一直都好鍾意食好推介嘅車仔麵 郭仔記 聽佢講話呢間車仔麵嘅辣菜譜 係十分之正架～好啦咁就一於聽佢講去試下先！！！我就叫咗紅薯粉麵㡳！餸就叫咗三款嚟食 分別有咖喱魷魚、芝心丸、同埋我最愛既豬紅 嘢飲就叫咗一罐可樂 ！佢哋醬汁都有好多款俾你選擇 ！有（清湯，牛腩汁，沙嗲汁，咖哩汁，秘製辣汁同埋麻辣湯底）我就選擇左叫秘製辣汁 ，同另外加多左個牛腩汁通菜～！碗麵黎到枱面已經聞到香味 同埋都幾大碗！好足料！另外我叫左個個辣汁佢用咗隻匙羹格起 放上碗麵到 十分細心！！醬汁辣到剛剛好⋯⋯！辣度有一點點刺激令人食不停口！！是我喜歡的感覺！另外我叫的牛腩汁通菜也十分入味！好有牛腩汁味 又大碟 足夠兩個人食！！

點左一個豬三寶加麻辣豬腸。麵就要米粉，因為米線用牛腩汁入晒味，係最好食的！黎到了，成碗睇落好豐富。當初有少少擔心d餸唔太好食，因為之前響其他麵舖試過唔同內臟都有少少伏，但敦仔記每樣餸都好好。唔會有任何伏，例如怪味或者怪口感。始終一開始都怕唔夠食，就搵小食加，可惜咁岩鯪魚球同碗仔翅都賣晒。咁就加左5隻雞翼，都好肥美而且好入味。不過其實最後發現係可以唔加小食，因為個麵份量都幾大，而且有幾個餸，非常之夠飽了。凍飲跟套餐係唔洗加錢，而且味道合理，值得一讚！

元朗一向多野食就唔係冇人知，但要搵間好食既就要有耐性。而今次就揀左做咗車仔麵好多年嘅郭仔記。郭仔記係要自己圈好點餐紙交比職員。另外除咗自己圈，郭仔記亦有推出套餐和特定選擇嘅車仔麵。而我今次就揀咗豬紅、、牛膀同埋、豬腸，而麵底就係河粉！。。最特別係每張枱都有一樽菜脯比客人加落個車仔麵入面。而菜脯又爽口又有微辣，！加入車仔麵當中亦麵好味好多。！而豬紅食落重有啲甜味，！非常特別，而且又唔會一夾就散開。！牛膀內部亦唔乾身，吸咗好多汁係入面，而且又夠粉。最後就係豬腸內部亦非常乾淨，、又唔會煮到太淋。整體車仔麵份量岩岩好，唔會食完唔夠飽，又唔會食有哂餸未食哂麵嘅情況出現。好推薦大家去食 因為好好食呀⋯⋯！～

今日放工落雨天，由於大家想飲老虎堂野飲所以去附近的餐廳食野！車仔麵既選擇清湯紅薯粉配腸仔雞翼，可惜紅薯粉本身冇味，轉過頭叫職員加腩汁，即時有味返！粗麵配豬手豬腸同貢丸加腩汁，豬腸唔太肥咬落適中好彈牙👍🏻！豬手都好入味，厚皮小小肉，貢丸都幾爽口呀！最重要粗麵冇皂水味😊咖哩牛腩蛋飯，就麻麻地了.....牛腩係唔錯正正常常，蛋可整穿佢蛋黃撈飯，包一杯野飲都係$46元。車仔麵做得真係唔錯，但就記得唔好清湯要加腩汁先好味架！

話說早餐一心諗住食車仔麵, 來到之后先發現原來要十一點半先有. 結果冇辦法啦唉住個早餐食先, 佢哋啲早餐同茶餐廳啲早餐都係差唔多, 但望真啲西式早餐有個叫做酥炸豬扒, 好似好吸引就叫咗. 提提你哋,呢度跟套餐預設咗半件多士, 但可以免費升級做一件多士. 酥炸豬扒:非常好食, 香酥味十足茄汁豆:罐頭嗰啲一般貨仔薯餅:炸到脆卜卜香口火腿:基本上冇煎到, 如果煎到少少燶就好了多士:脆脆哋, 又唔太乾仲可以免費升級凍檸茶: 茶底唔混濁, 碎冰較多

和M先生下班已經很累，去買完東西打算在附近吃點東西，見到有車仔麵打算隨便食完就走。見到呢間郭仔記好多人，應該不會伏。豬手麵 (HKD 39)一共有4大件豬手，好厚肉又夠哂林，充滿了骨膠原，湯底味道好足，而且麵都仲彈牙，冇浸到林哂，味道真的不錯！生菜+紅腸+魚蛋+魚皮餃+豬紅+貢丸+牛腩+芝士腸+腩汁幼麵 (HKD 78)成碗麵都非常大碗，每樣餸份量都唔少，特別一提牛腩整得好入味又好林，同埋有我最喜歡既陳皮魚蛋，彈牙又好味，超正！豬紅都唔會散收收，芝士腸都爆芝，嘿嘿~生菜鯪魚肉 (HKD 16)好耐冇食過生菜鯪魚肉，我同M先生都估唔到呢到都有得食！鯪魚肉好彈牙，完全冇骨，湯底好清，加左少少油落去幾香，生菜碎都夠新鮮好綠。食完碗麵我同M先生各自都叫左杯紅豆冰同抹茶紅豆茶，估唔到車仔麵都有飲呢D。

前排經過朗屏見到有間新開車仔麵，咁啱今日又要去朗屏搭車，所以就去呢度食lunch啦聽講郭仔記係大埔開過黎既分店，車仔麵都開到有分店，咁更加要試下係咪真係咁好食啦🤔可能係平日兩點幾既緣故，餐廳唔算多人。環境都算乾淨企理，因為我好怕污糟既麵店🙈呀姐都幾好禮貌，仲有笑容tim👍🏼由於我想食麵又怕太肥，就揀左比較低卡既米粉，汁就選擇左麻辣汁，因為我實在太鍾意食辣（雖然唔係好食得辣)，梗係試下個汁有幾辣啦配菜方面就揀左豬腸，豬肚同腸仔無錯，我總係覺得車仔麵係應該要配豬腸呢d邪惡既野食先正㗎嘛麻辣汁都唔錯，幾夠辣，豬肚好好咬口豬腸都好乾淨，唔會有味性價比計都算高，一個人食一碗再加檸水$51都唔過分，下次會再黎

今日要到元朗做D野, 於是搭968去總站落車, 但又人地未到, 所以就搵個地方食左野先元朗西總站位置好多食店, 都幾花多眼亂,今日有少少餓, 於是入左間麵館配料, 麵款都係自己選擇入到去既時候都好多人幫襯, 我睇番OP先知, 原來佢起大埔都有一間我叫左幼麵, 紅腸, 牛腩, 豬紅, 魚蛋, 生菜而加香港好少見到呢隻魚蛋了仲要係陳皮魚蛋, 估唔到WO, 陳皮味仲要幾重下唔算好彈牙, 但係好過平時街邊食果D, 比較特別紅腸唔駛多講 因為都係差唔多味道, 哈哈豬紅唔會一夾就散, 唔失敗WO有少少爽口牛腩幾"唸"身, 食落唔會咬唔開有少許牛味, 腩汁都幾好味抹茶紅豆冰抹茶味都幾香, 都算濃味紅豆都算多, 有少少咬口另外口痕, 叫多左個生菜魚肉魚肉彈牙, 生菜都算新鮮

郭仔記可以算係間奇貌不揚既車仔檔。叫左個招牌麵米線。要試一間車仔麵，一定要試佢個牛腩汁。最後結論就係好正，夠味得黎食完又唔會覺得渴。即係冇乜味精！招牌麵有3樣餸蘿蔔，牛腩同魚蛋。睇相好似有d頹，但其實超高質。蘿蔔入味而且完全無渣，牛腩就淋得黎都有咬口，魚蛋就係平時咖哩魚蛋果種，好正。身位雞翼狂，當然有叫到雞翼黎食。有5隻，隻隻都係好大的。飲品方面都好好，套餐跟豆漿可以唔洗加錢，仲要係枝裝，都好滿意啊！

今日黎到元朗，聽朋友講有間新開既車仔麵都唔錯就試下拉今日無帶傘出去，啲雨仲要好大添，好近元朗西巴士總站有得避雨入去餐廳環境衛生，燈光白淨餐牌都有好多野揀，我最後就叫左兩餸麵加炸雞同抹茶紅豆冰鮮牛肉加煎蛋沙嗲河送餐速道快鮮牛肉，味道鮮甜，肉質鮮嫩，入口就溶煎魚係流心蛋黃，我本自都諗係太陽蛋既款，黎到就有驚喜河粉份量十足夠，好飽肚炸雞好少食車仔麵有炸雞小食，所以一定要試下完全無翻炸既感覺，即叫即炸，食落去唔厚粉雞肉嫩口彈牙，件件都係啖啖肉架最後一定要介紹抺茶紅豆冰第一次飲，感覺都唔錯，有大大粒紅豆，濃郁既抹茶味好正，食車仔麵加$11就有喇仲有既係有長者優惠啊，出面啲餐廳好少有架，除左某啲連鎖快餐店

去元朗廣場行街，行到咁上下見肚餓，於是行去附近搵嘢食醫肚，行到巴士站附近見開咗間新嘢~大埔車仔麵，見到標榜老字號，即刻令我懷念起兒時味道，要入去了解了解～門口已經貼滿麵店的各樣餸菜，好多都係傳統麵食有嘅餸款，而佢亦設有麻辣口味供客人選擇小店以長方枱為主，地方夠大，坐位多數係有軟墊的椅子和卡位，唔洗坐＂十大武器＂，坐得舒舒服服杯碗同出餐位都好有特色，有著舊時風味～店內有大大個板面介紹＂郭仔記＂的選料用度，開業至此的種種歷程，深得街坊和雜誌歡迎的青睞食物種類繁多，大部份車仔麵餸款都有，仲有提供小食同埋特飲，下午茶三餸仲送嘢飲，好低食除車仔麵外，亦有套餐同飯類，而且佢平日下午茶有個超低食茶餐，只係＄19，仲送埋嘢飲，而套餐同飯類都係＄39~＄55連飲品就有交易，福音之選豬三寶麵，叫咗沙嗲汁，三寶分別係豬紅、豬腸丶豬皮，豬紅夠實身，豬腸洗得乾淨又入口，而豬皮夠爽又索晒D精華，三個豬款食品都好好食，配埋沙嗲汁，微辣易入口另外一個叫咗三餸麵，下午茶時段叫三餸麵食送飲品，雞亦尖，豬腸同咖哩魷魚，雞亦尖同咖哩魷魚都好足料，亦尖鹵得剛好不會好淋，魷魚女好爽口，呢個麵配咖哩汁，而個汁就與兒時味道極為相似，

今日返元朗做嘢，一落巴士就見到新開咗間車仔麵鋪，見佢寫住大埔老字號，都知大埔也是美食大本營，本來都諗住有機會出開去就要吃吃大埔的好西，而家有間進駐入元朗，勿失良機，一於食下＂郭生＂先～鋪內四四正正，以方枱為主，而且夠大。一入門口已經見到車仔檔造型的廚房，掛滿了刻著車仔麵餸類的黑色掛牌，十足的車仔麵風格除咗車仔麵外，亦有飯類同小食以供選擇，新張期內有折頭，見佢有學生優惠外，亦推出好多超值套餐，仲有下午茶添餸款由＄8～＄15不等，而且款式都多，醬汁都四款，迎合不同人口味，唔啱車仔麵可以食小食都得，好多道地港式小食，仲可跟餐配飲品或特飲要食，當然要試佢地D招牌嘢，所以我叫咗個A餐招牌麵，配個秘製辣汁(中辣）。有陳皮魚旦，蘿蔔同牛腩，牛腩幾高質，又香又淋，而且不會碎上，夾得到，每件都原原整整，方間好多車仔麵鋪都將D牛腩切到好碎，魚旦係陳皮魚旦，而蘿蔔也不錯，請甜爽口，個秘制辣汁也夠辣惹味～不負招牌之名朋友揀自選車仔麵，揀咗雞亦，豆腐卜同金錢肚，由於唔食得辣，所以叫清湯，我同佢分甘同味咗大家D餸，瑞士雞中翼做得都唔錯，香甜滑嫩，金錢肚亦好入味同淋，而個豆腐卜就索晒D湯汁嘅精華食車仔麵，配可樂是最

元朗除咗奶粉多，麵店都多，好多麵店可能因為麵傑地靈，撈到風生水起，紛紛衝出元朗插第二支旗。不過search過先知，呢間唔同在，總店原來喺大埔，咁夠膽喺百麵齊放嘅元朗插旗，究竟憑咩呢？睇menu價錢唔係話特別平，係啲餸名聽落好似幾考功夫咁蘿蔔幾鮮甜，豬紅還可以油麵淋咗啲，但份量幾多，結果食唔晒牛肉睇落乾身，但食落又唔係好嚡河粉大條又唔會散收收，掗胃首選通菜總算青翠，唔會發黃，ok新鮮炸雞球令食客對球體有新嘅概念雖然唔係好食到嘩一聲，但作為平凡晚餐，或者胃部急救，絕對係可以考慮

豬軟骨牛柏葉河粉（$31）加 抹茶紅豆冰（$11）強烈推薦👍🏻豬軟骨好好食！肉好鬆軟😍而且好入味，同埋軟骨部份都好有咬口，而牛柏葉方面好爽口好新鮮。本身自己唔係好鍾意食抹茶，但係佢呢個抹茶唔會好苦，甜同苦嘅比例啱啱好，而且加左啲奶，成個口感好豐富，同有層次，而紅豆煮得啱啱好，唔會太林，亦都唔會太硬，不過甜左少少，落少啲糖就perfect。河粉方面有少少硬，可能當日太多人，所以急左。豬皮豬紅牛肚幼麵（$38）豬皮有咬口，而且湯嘅味道入晒去，一咬落去有少少湯會滲出嚟👍🏻👍🏻👍🏻牛肚好有咬口，而且有小小花椒八角味👍🏻👍🏻👍🏻幼麵煮得唔錯整體來講，嗌咗兩碗面加杯特飲都係80蚊，而且面嘅份量都好大，同埋佢嘅菜譜無限添加，而且辣度又度，非常推介👍🏻👍🏻👍🏻

This place has always been a childhood memories for me. One can safely say that anyone who lives in Tai Po has tried this noodle place. Every dish is excellent, especially the fish ball. Unlike other 陳皮魚蛋, this one is chewy and flavourful, truly one of their most well done signature dish. The noodle and the soup doesn’t disappoint too. Perfect match and is an excellent comfort food!