Daruma Ramen House (Closed)

朋友在groupon看到達磨正推出優惠，所以就買了團購卷，反正聽說這一間拉麵店滿好吃的，而且可以以HKD138的價錢吃到拉麵＋小吃＋飲料很抵食。耀華街有點難找，畢竟不是在我最常出沒的地方，不過其實就在timesquare後面的幾條街。飲料方面不是特別多選擇，不外乎一些汽水或橙汁，所以就挑了比較特別的波子汽水朋友非常興奮地說沒看過這種汽水 呵呵 不過這種確實是很久以前的玩意兒，應該是我爸那年代才會常有的吧～很快地，主菜拉麵也來了。一品豚骨拉麵喝了一口湯，還滿好喝的。沒有“豚王”那麼濃得極致的味道，不過算是非常夠味，算是相當不錯的湯底，不過如果可以少鹹一點會更好。叉燒有肥有瘦，是我最喜歡的那一種！還有特別的明太子。麵條不會太冧，軟硬剛剛好。不愧是Eason Chan大推薦的拉麵店！非常奇怪地，小吃在拉麵之後才上桌（？）炸紫薯栗子餅這是我點的，結果不負眾望（？）地成為我覺得最好吃的菜！它的外層炸得很酥脆，但不會油。然後裡面的餡甜甜的，但不會太甜，總之很好吃！明太子雞翼朋友因為喜歡明太子所以點的，不過整個有點鹹，然後明太子味道不突出，比較像是什麼胡蘿蔔餡之類的。。不過沒有骨頭倒也ok吃。…查看更多

一早在報章雜誌看過關於達磨拉麵啦，剛好在一個團購網買咗一個超值二人套餐，就即刻來試下了，由於我同朋友都是無辣不歡的，所以就在四選一的拉麵中選了同一款有兩個辣椒標志的，但是辣味几本上是沒有的（對於愛吃辣的人），但是湯底很有驚喜，一點肥膩的感覺也沒有，只是幾分鐘，還湯帶面一起干掉啦，面里有糖心蛋，好吃，豚肉就像五花腩，但一點也不肥，入口既溶，總之，一切都很好吃…查看更多

因為近派要趕PROJECT，而朋友W小姐今天甘岩有事唔可以係上堂前同我一起去食BURGER (上上星期話想去的)，係做野做到唔知時間的情況下，只剩下不到半小時的情況下，由公司走到上日文堂的地方中間，見到一間入面冇咩人的拉麵，我想都可以快食，就好快入左去。環境佢門口的DESIGN都幾特別，圓形的門口，好搞笑。入面的環境都OK，由於入面只有一台客，我可以坐邊都可以。我選擇了一個卡位。但由於佢係用「湯」門，關了門就看不到出面，出門都看不到入來。所以佢地開住個門。剛好個日好大風，坐坐下都有點冷。拉麵我今次第一次食，當然食佢地的推介 - 「人氣之選」 達磨一品豚角。 我特別要求麵要硬D。 達磨一品豚角先說配菜, 配菜好多, 有木耳、蛋、紫菜 同一個最好食最特別的「魚子」。魚子: 這個幾特別，在其他的拉麵店未食過。而且好夠味好好食。加埋D麵一齊食，一流。蛋: 個蛋都有味。 不錯。豚肉: 有圓，有方，肥瘦適中，味道好好。 仲要有3 塊方2 塊圓。好多料呀 湯: 湯都好夠味，不過好像不是豚肉湯的味，可能佢係清清地唔係濃湯吧。但我覺得好好。麵:已經特別ORDER 硬D，點知來到都係一般，不彈牙，所以個湯同配料多好都沒有用。總拮來說, 因為湯是靈魂，麵係主角。主角都不好，配角幾好都沒有用。味道:6.5/10…查看更多

達磨拉麵的水平還不錯，不過就是選擇不多了，也不建議大家於繁忙時間走去逼，不太值得呢。 與老婆大侮於常日走去用膳， 平日不用等位， 店員服務態度非常好， 亦會解釋拉麵食法， 不俗呢。 因為選擇只有十款左右的拉麵又是第一次吃， 因此選了比較熱門的豚肉拉麵及火煱拉麵， 建議大家先吃火煱那個， 因為湯雖鮮甜卻較淡水， 而人氣的豚肉拉麵則味濃。 火煱那個是進階版的吉野家邊爐烏冬，味道不過不失。 人氣那個湯底也不俗，比上日本的當然不足，比下如 misoco 則有餘，價錢也偏貴。還有，我真不明白兩隻菠菜雞翼是如何賣到$34.......…查看更多

拉麵寫到了第十回, 老實說, 你看不膩, 我也嫌自己辭窮, 而且悶得很。我相信接下來, 我也會稍停一會, 轉寫別的。畢竟相信吃還是隨心隨緣, 我不刻意暴寫一個題材, 或是為寫一個題材而去吃。其實這陣子也吃了很多值得寫的店, 一抒己見。但事情總得完成, 第十回寫回很多人也吃過的一家。達磨, 可以說得上是拉麵剛興起時的一家排隊元祖。起初始於大坑地區, 後轉而在銅鑼灣中心地帶開設分店。可能我到埗的時間不上不下吧, 而且一個人, 無需等位便直入, 落在高櫈吧頭的一角。從以豬骨濃湯為基的拉麵, 餐牌上基本上也沒有太多的選擇, 除拉麵外, 基本上也只有附加小吃。點上的是招牌的達磨一品豚骨拉麵, 湯底是用上濃厚豬骨熬製而成, 味道濃厚而油膩, 滿有膠口感覺。不過湯底偏向鹹, 縱然能感覺出豬骨鮮味也會覺得略為過了一點。可是, 有點奇怪, 我吃完之後覺得口乾, 需要飲上很多的水, 可能是我喝湯喝得太多吧! 湯底 -- 7.5/10麵條方面, 這店是用上中度偏幼的淡黃色蛋麵條。在同樣要求硬一點麵質的情況下, 這個麵有點偏淋。不錯鹹一點的湯加上拉麵入口, 味道適中, 更宜吃下去。可是, 湯中的表面有一層光亮的油, 而吃拉麵時將油及湯一同拉進口中, 也感覺太過酒膩。還好拉麵夾雜木耳絲, 令口感變得爽脆; 另外麵條也夾雜辣椒根絲, 令口感更惹味。麵條 -- 8/10用料方面, 叉燒圓卷形薄切三片, 肥肉卷心, 有嚼勁但入口鬆化。肥肉不至入口即融, 但不需加以咀嚼, 而且味道香羶。瘦肉算是滑而有肉感, 夾在肥肉之間可緩衝膩口感。木耳絲爽脆, 能令麵線更富質感與彈性。辣椒根絲的惹味與含蓄的挑逗性, 刺激味蕾中也帶點點青澀感。餐廳不知是否見我一個人來, 送上了三兩小件豚角煮, 豚角煮炆得入味鬆化, 可惜質感太鬆散, 而且太碎, 大大影響分數, 不過味道不錯。用料 -- 8.5/10整體來說, 這個曾經排長龍的小店, 表現只屬中檔水平。如同樣收費, 同區排長龍的豚王只兩個街口之隔, 真還有點給比下去。然而另外近這一年半載, 拉麵店其門如市, 誠意小店真的不少。相信餐廳需除保持以往水平外, 也要尋求突破, 不然漸漸便會隱沒於店群之中。…查看更多

今日特登去cwb那邊找拉麵吃，怎料找了這家好像很正宗的小店... ＄88 一碗，又貴又難吃!！真是吃不下!一看menu就知不妙，豚肉一味走天下但唯有硬頭皮吃!哇，賣相還不錯! BUT湯很淡，麵同肉又不爽，喜歡它的配菜， 但也不能挽回很多分數!很難吃! 很後悔! 第一口已經不想吃! 因太難吃，我也沒吃完怕怕了，以後不亂找餐聽了明星推介的店？？ 是不是給了很多很多推介費？？…查看更多

團購瘋系列 – 這一兩年，香港大吹拉麵風，拉麵店開個不停，多得實在讓人有點眼花繚亂，不過筆者向來對吃日式拉麵不算熱衷，只在機緣巧合下，偶爾也會品嚐一吓。繼早前於浣紗街的「ラーメン来」吃過店裡的《骨膠原雞白湯拉麵》及《濃厚豚骨湯拉麵》後，近日又從團購網站得悉另一家人氣拉麵店「達磨」，為慶祝開業三周年，也以 $98 推出了一款二人達磨日式拉麵套餐，決定又拉老公來試試。原來這家曾被陳奕迅在其微博點名力讚而一夜成名的「達磨日式拉麵」，也有兩間店舖，分別位於大坑及銅鑼灣。上開飯網站看過食評，見大坑總店好評較多，原先打算選購那裡的套餐券，但想不到早已被人搶購一空，好，那就只好退而求其次，一試你分店的拉麵水準如何。選了一個平日兼情人節的下午到訪，相信唔會有人咁 cheap， 揀食拉麵作情人節餐呱！其實這家座落於耀華街，與「渝酸辣粉」及「聰嫂星級甜品」同一條街的本地薑拉麵店，位置一點也不難找，由時代廣場步行過來，只須五分鐘路程，而且店門外貼滿其拉麵店的訪問剪報，非常搶眼。可能是剛過了農曆新年假期的關係，周遭沒太多人上班，加上午飯時間已過，店裡除了一位女店員一腳踢負責落單、樓面、收銀等工作外，就只有零星的顧客。坐下後再細看四周，原來店裡擺放了不少達磨不倒翁作裝飾，甚至還有達磨汽水供應，難怪店舖名字叫「達磨」啦。據知不少日本人都把達磨視為開運兼大願之神，相信只要跟當年達摩那樣，憑堅定不移的意志，即使遇到挫折，總能重新出發，迎接挑戰和克服困難，最終達成大願。說不定店主就是欣賞這不倒翁不屈不撓、刻苦試練而取得成功的精神，才以此為店名。講真，其實店子地方不大，只有約廿來個座位，不過室內裝潢尚算精緻，配合檯面上頗特別的筷子托，甚至連燈飾、木桌子等都印有店名，看得出店主確實下過一番心血，非常之有心思。說回這次的達磨日式拉麵二人套餐，其實選擇不多，只得叉燒豚骨拉麵一款，不過就分為油小、油中、辣小、辣中，可悉隨個人喜好挑選。老公揀的少油達磨叉燒豚骨醬油拉麵先端上來，內裡除了叉燒及溏心蛋外，還有紅椒絲、蔥花和紫菜。至於我點的達磨叉燒豚骨辣味拉麵，基本上食材和先前一碗沒有兩樣，而分別就只是把醬油湯底換上辣味而矣。先喝一口醬油湯底，味道免強稱得上濃稠，但總覺欠了點天然深厚的鮮香；反而辣味湯底，入口帶微微的辛辣感，大大提升了湯頭醬香的濃郁味道。至於兩碗麵裡的溏心蛋，皆做得蛋黃流心、蛋白軟嫩，很是好吃。也試了那兩片自家製的叉燒，入口富肉香之餘，嚼頭亦恰到好處，水準著實不賴，配搭上溏心蛋，的確鮮味好吃。不得不提的，當然還有麵條，據說是從東京麵廠訂製，望落去較坊間一般拉麵幼身，幸好吃起來亦頗爽滑帶勁，更沒半點鹼水味，水準不俗。跟餐小食方面，可於日式炸餃子、日式炸野菜薯餅、日式凍菠菜、和風四季豆中任擇其一，老公點了的炸餃子，一客四隻，雖然看起來色澤金黃，賣相吸引，但咬落皮厚餡少、肉汁欠奉，完全不值推介。見桌子上擺放了介紹《達磨一人拉麵火鍋》的剪報，說是甚麼潮食拉麵新體驗，倒有點興趣一試。誠然，若把「達磨」和「拉麵來」兩間拉麵店出品比較，衷心覺得後者無論在湯底及整體味道上，都更對本人胃口，不過在明星效應下，加上鬆化的叉燒和蛋味香溢的溏心蛋，當然還有店主的經營概念，全都令你有一訪的理由。…查看更多

今日去食午餐，已是第二次去。食物有好有唔好，但服務真係一肚氣。拉麵我點了 R3，真是不錯的。湯底不太鹹，如樓上講食完都唔會有明顯的口渴感覺。麵身淥得剛剛好，柔硬度適中。豚角煮同叉燒亦頗香。唯一溫泉蛋較淡了一點。不過整體以 $88 的價錢是很不錯的。我和太太再叫了兩個小吃：煎餃子和明太子雞翼。兩個都燶到飛起。有圖有真相，太家自己睇吓有幾黑。更大鑊的是我隔嚟坐了一枱我相信是熟客，同店長有講有笑，咁就出事了。首先叫明太子雞翼變了菠菜雞翼，再改單我哋食完晒都未上枱。埋單時仲離譜。我俾了 $300 cash，店長竟然無咗件事，收完錢唔找錢繼續同枱熟客傾偈，到佢班熟客埋埋單兼擾攘一番打唔打折頭後，我都係未找錢。到熟客走咗我先叫到店長乜事咁耐未找錢，佢竟然問：「嗯，你俾 $500 定 $300？」得啦，你做晒熟客算啦，我就唔會再嚟啦。:(…查看更多

難得三日灣仔training一早諗定來呢間逹磨拉麵銅鑼灣店試下由於不識路搵了一會，途經琢王人山人海, 正當擔心冇位，去到冇人排隊兼有位坐内裏得幾張枱, 我們坐bar枱對住厨房menu, 我選了人氣N01 豚骨味嘅達磨一品豚骨拉麵明太子幾特别，紫菜麻麻地糖心蛋得半隻又係普通豚肉有三塊長方型一塊圆型，味道我覺得一樣，都算多, 豚肉好淋半肥廋好食拉麵軟硬適中, 好湯底超濃味，濃到有點過份，開頭好好飲,到後味有D喝，唔通落了味精?同事叫嘅辣味，普通追加嘅碎海带普通埋單待應重覆了两次冇加一，要比tips你唔出聲我都會比唉:(…查看更多

嗰日見到店外的介紹相非常吸引, 係冇 research 嘅情況下入去試, 店內只有十幾個位, 都幾好生意未點餐, 服務員見隔離枱埋單, 竟然主動請我地調位, 坐得舒服啲, 真係好 impressive :)我叫咗辣味豬骨湯底 朋友叫咗原味豬骨湯底份量比一般拉麵少, 不過我最鍾意佢用幼麵, 湯好好味, 但辣味偏咸, 原味好好味好濃, 整體都好味, 溏心蛋更加係極有蛋味, 非常有驚喜!BTW, 下次我會要原味豬骨湯底, 誠意小店, 值得推介!…查看更多

由於我份工放9點，次次放工都冇咩野食好簡，加上我本人食素就難上加難。今晚早佐放，就行遠少少去佐依間試我叫佐豬骨拉麵，我男朋友就叫佐明太子乜乜乜拉麵（唔記得佐）我同個waitress講我個碗要走叉燒時，點知原來拉麵店個老闆娘就係我隔離。唔單止幫我走肉，仲特別為我整佐一碗多菜既拉麵！我超感動～麵本身都夠彈性，另外加佐個D紅色一條條（？）好開胃值得一讚既係個糖心蛋，可能D食肉既人唔覺，但我依D食素既人就食得出，個蛋本身一定調過味，我去過銅鑼灣第D拉麵店食糖心蛋，佢地個D淡某某，冇驚喜，依個就好入味！另外佢杯水一定唔係水喉水，我出街食飯好少叫野飲，除佐茶之外好多時D餐廳都係比水喉水人飲，飲完FEEL到喉嚨會唔舒服好KOK，但達磨杯水係甜D滑D，飲佐真係解到渴，係心理作用定係佢地真係有落過苦功呢？？？我走個時老闆娘仲同我講佢地好快會推出素菜湯底，叫我再去食<3我好少寫食評，（咁耐寫過一次咁大把）但我真係比依間拉麵店感動到！因為我依D食素既人，係銅鑼灣依區番工，出去食一個飯叫走肉就真係得白飯，叫外賣加菜就貴成10蚊，我真係估唔到我依D咁煩既食客會有咁貼心既待遇雖然達磨唔係乜野好特別好新奇既拉麵店，但佢真係一間用心做食物既餐廳。當然大前題係我同我男朋友都真係覺得佢D野好食先會特登上來寫食評啦～哈哈～:)PS 佢地仲有好多素食既小食～岩哂我依D煩人同減肥小姐，但我今次好飽，下次再試！…查看更多

鋪位唔大唔細, 坐倒20人又未至於迫~可以book位~ 不過聚會談心唔好la* 食完快快走就可以*暫時係我食過第3好食o既拉面其實o係我心目中, 排第1只係得日本o既拉面囉~~~價錢都合理*由$68-98蚊左右叫個拉面, 冇野飲, 得杯水拉面好食在個湯,湯個濃味, 食完未算好口渴~所以值得1試!!…查看更多

狂風暴雨前的一天，通常是風平浪靜的。星期日我們輕鬆的郊遊登高，到了星期一，一個突如其來的十號風把一切的計劃都吹亂了。星期二的下午，看到電視的8號風改成3號風。深知道公共交通情況是不妙的，決定開車返工。在路上，左閃右避倒下的樹枝，好不容易才回到公努力努力。努力到8點幾，又是等出稿的空檔時間。是晚得返我一個人在加班時，我也想找一個地方好好的食。近日繼續拉麵狂熱，這一次，嘗耀華街的達磨。此達磨有好幾種湯底供我們選擇，我叮拉麵不愛辛，紅色的永遠不是我要的味道。不過，湯底就比較喜歡味道較濃的，所以我就叫了一個 "達磨一品豚骨醬油拉麵"。一品是什麼意思，就是此麵的肉，包含了日式叉燒，同所謂的豚角煮，一看，這豚角煮就是我們中國人所謂的五花腩肉。湯底，是豚骨湯加醬油，骨味雖不太濃但醬油味重，這麵實在是只有肉多，肉腍肉香，說回湯底，卻只是一般而已。另那溫泉蛋也是顯得過熟。吃飽，也禮貌地把湯一飲而下，味道雖是可以但現在多了店讓我們去benchmark，達磨....是時候要改良一下了。…查看更多

我唔會話呢間啲拉麵唔好食，但我覺得我都食過幾十年拉麵，我都有權去比意見。 話說我今晚同朋友去達磨，我朋友帶我去，我都未聽過有呢間麵館，見到門口我好雀躍㗎！ 入到去，細細間，我直覺會覺得呢間麵館唔會衰得去邊。 我叫一個醬油豬骨湯拉面，請注意，係醬油豬骨湯拉麵。 我一向食麵我會好注意個湯底，我食拉麵最鍾意醬油湯，因為我食得鹹。 我又明白豬骨湯加醬油，醬油味會唔出，尤其係真材實料嘅骨湯，但係，醬油深色，加落啲白湯到點都會深色少少。 個麵一上枱，先飲啖湯，咦！只有骨味，無醬油味，個湯白雪雪。我叫妹妹過來，問佢係咪整錯？如果你話整錯左，我會當無事，食左就算！ 妹妹同廚房講，轉頭話翻比我聽，話醬油已經放左落去，因為骨湯較濃，可能唔覺。 OK！合理解釋，咁我摷下底撈下碗麵，再飲下個湯…… 喂！真係無醬油味喎！我又同妹妹講，真係無醬油味喎！ 個妹妹聽到我咁講，比左一個好驚嘅樣比我，然後又走左去廚房度講兩句，跟住無理我。 我一路食，佢地個豚肉，老實講真係唔錯，入口即溶。 食食下，聽到廚房有把聲傳出嚟：「唔夠豉油，加啲色，比支老抽你好唔好？」 當時我無反應，想一想，我又同妹妹講：「你廚房阿姐咁燥食左火藥呀？」 妹妹又無反應，行左去。 我無即時起圍，我過後諗番我有少少蝕章，應該即場拍佢枱。 我指明係無豉油味，唔係顏色問題，你無加醬油落去無色又無味，你剩係話顏色唔夠加老抽，你好明顯侮辱緊我智慧。 唔夠色，我唔識痾篤屎落去加色咩？ 我食左幾十年麵，我對湯底有一定嘅執著，一點醬油味都無，你話比醬油豬骨湯底比我，我就一啲都唔服，我好後悔無當場開佢拖！ 中環交易廣場有間食特級醬油拉麵，百幾蚊碗，堅抽咁好味！物超所值！ 呢間達磨，收我八十，我要加蔥仲要加我十皮，我唔介意加比你，鬼叫我鐘意食蔥，我都比，好食嘅，我肯比！ 我越諗越慶，但蝕左章，所以我做網上英雄，寫出嚟，大家自行評價。 如有支持達磨的朋友或識達磨的朋友睇到呢篇文章，唔順氣或想平反，隨時候教！ 我返到屋企，唔記得阿媽煲左粥同炒麵，食完，條氣順晒！ 達磨拉麵，廚房裡面個阿姐，我會記住你句說話，山水有相逢！…查看更多

早前已嘗試過銅鑼灣的幾間拉麵店，本已想試一試達磨，誰知在看頭條日報時發現，它跟達磨以優惠價$38合作推出特別版豬骨濃湯拉麵。《頭條》×達磨特別版豬骨拉麵，據報章介紹豬骨湯底是用上以近四十斤豬骨、豬手、香料、雞肉等熬足八小時而成的。配料有叉燒和溏心蛋，還有紫菜、木耳絲、蔥、 筍、紅椒絲等作配菜。結論 ：豬骨湯：湯底頗濃，但味道偏咸，食麵時共飲了2杯水拉麵：彈牙但味道偏淡，可能個湯較濃，所以幾掛湯叉燒：即使以優惠價發售仍絕不欺場，份量足，可惜偏韌, 但味道算唔錯溏心蛋：有流心既效果服務：店舖不算大，約廿多個座位，但有3名侍應，所以加水，埋單等都很有效率環境：座位間空間不算太擠迫，店內有多個達磨翁，頗特別的…查看更多