辣宴

Open Now

Now Closed

琴日黃昏時間經過旺角，突然好想食辣野就係旺角行下睇下有咩食咁啱行過見到間叫辣宴既餐廳見佢128蚊 半隻雞煲 好似都幾抵食 就走左上去樓上試下 門面裝修都係中國風 客人唔算多 一半左右因為唔知佢辣度有幾辣 所以就叫左個中辣既半隻奇味雞煲雞煲味道唔錯 而家肉量都幾足 唔會骨多過肉份量啱啱好兩個人 辣度方面 如果鐘意食辣野既朋友 可以食再辣d 另外再叫左個涼拌土豆絲 都係中辣土豆絲幾好味 不過建議大家食之前 再撈下佢 因為D辣油大部部沉晒係底 再撈下咁就可以平均翻d辣味餐廳門口 有3種免費飲品 冰水 不知名非鮮榨橙汁 同埋 酸梅湯 當然 免費野就未必好野 飲唔飲就自行決定 餐廳每枱亦有提供熱茶飲用既總括黎講 食物質素係唔錯既 裝修乾淨企理鐘意食辣既朋友都可以去試下

香港人越食越辣，旺角又有新開食辣專門店。旺角女人街附近轉角位樓上一樓，入內已經聞到香噴噴嘅麻味辣味......，地方闊落，坐得舒適，店員都好友善，樂意為食客講解餐牌。麻辣雞絲涼麵~早前於國內旅行，在重慶食過呢款涼麵，這陣子香港天氣好悶熱，好啱食呢款涼菜，這個味道好惹味，麵質舊爽口。金湯老壇酸菜魚~香港越嚟越多食店可以食到酸菜魚，呢度嘅金湯唔錯，加入螺絲粉，味道比較獨特，片片魚柳啖啖軟滑，越食越滋味。川香辣子雞(bb辣)~見到隔離枱食，又香又辣非常可口，紅卜卜嘅辣椒顏色好吸引，令人更加開胃。點咗兩杯特大特飲，特大杯檸茶&特大杯檸賓~估你唔到最少應該有一公升，食辣就一定要搵消暑解辣嘅凍飲啦。。

去辣宴食午餐同事話幾抵食，所以去試吓附上Menu一份，午餐係唔需要+1嘅同同事不約而同點左酸菜魚飯同埋叫咗碟夫妻肺片小食先講吓個酸菜魚個湯OK嘅，係金湯嚟，而且都幾好味不過啲魚切得太厚，所以煮得耐左，而且有骨，又好鞋唔知點咁淨係啲魚有骨，同埋好鞋已經扣晒分個湯點好味都冇用啦個小食一般般，都係麻辣夫妻沸片咁不過就唔係太入味好似啲辣醬後來浸住佢咁（唔識形容）見到隔籬枱啲炒粉麵全部都好大碟，本來諗住不如下次試吓炒嘢，但係我覺得應該都唔會下次再嚟嚕

這天晚上我約了朋友在旺角吃晚飯，經過家人的推薦，我們便決定來到這間川菜餐廳試一試，環境十分寬敞和清潔衛生，店內座位與座位之間有一定的空間，非常舒適農夫烤活魚青江魚($298)我們選擇了蒜香的味道，大量的炸蒜頭，豆芽爽口微彈，金菇煙韌，瓜濕潤順口，豬紅稔香軟彈，蘿蔔香稔軟嫩，腐皮條軟彈煙韌，青江魚嫩滑細密，非常新鮮，非常大條，爽口涼拌青瓜($46)用蒜頭，芫荽做陪襯，青瓜爽口微彈，十分新鮮，切到細細粒，很易入口，味道酸酸甜甜，令人非常開胃整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度和積極，所以我認為這間餐廳是值得再去惠顧

這間位於旺角的辣宴，主打川菜，款式甚多，其中重慶水煮魚更是招牌之一，另外還有多款廣東小菜，不吃辣的都無問題。重慶口水雞口水雞雞皮爽口，淋滿了辣油，小辣尚可以接受，雞肉嫩滑，有些青瓜墊底。老長沙臭豆腐臭豆腐味道濃烈，外脆內軟，帶點咸香。農家小酥肉小酥肉炸至金黃香脆，外層粉漿不算太厚，肉質爽口，送酒一流。農家大盤有機花菜花菜炒至爽口，加上些半肥瘦咸肉更添風味。家鄉炒米粉米粉份量十足，有蝦仁、肉絲及火腿等配料，炒至乾爽。

大發現: 旺角新開超大間的川湘菜館. 放眼有2000呎, 坐位很多. ＜辣宴＞ 由門口到內裡環境都很漂亮，以中國面譜做圖案, 幾特別!連茶杯，水壺都有面譜圖案，當晚入口還有花籃祝賀, 服務員態度好好很熱情介紹食物.近門口有酸梅湯和脆脆可以自取來吃（免費）當晚所見到一家人或一班朋友談天喝酒，這裡坐位很多所以服務員不會摧你走，反而看到服務員好主動添茶水。反觀我們得2位好像氣勢不足, 哈哈..先選了特大咸檸7，真的超級大杯，份量十足咸檸味道沒有偷工減料，味道濃好解渴！個杯大過塊臉，哈哈！菜單有辣的烤魚／酸菜魚，我們選了比較特別(湘味幹鍋魚雜)上枱和小木爐一起, 熱騰騰完全沒腥味有魚腸、魚春、魚片 配上香芹芫荽辣椒同炒，配上一個帶酸味辣汁 (選了BB辣)魚片無骨滑溜，魚腸爽口煙韌，魚春大大件，酸酸辣辣好開胃，有鑊氣好香, 大廚一定好堅，我們超驚喜！原本因為未食過炒魚雜試下, 現在完全愛上冷靜盤小食老醋海蟄 海蟄片狀，柔軟爽身，酸酸味味好開胃片狀口感豐富，大件扺食感覺！麻油味香濃！椒鹽尤魚鬚 另一個嚇到我們菜式上枱就香氣撲鼻，而且份量很多，我們還擔心吃不完但談天間最後又吃完，超好味停不了口。外面

剛巧與好友都是嗜辣之人，路經旺角看到新開的辣四川菜，於是便進去一試裝修風格富有中國色彩，深啡色木色為主調，環境頗大，不少卡位，還看到有幾間廂房，座位闊落舒適農夫烤活魚(青江魚）*(麻辣味 中辣）烤魚充滿辣香氣，有花椒、洋蔥等增添了不少香氣，除了主魚烤魚外，很多配料萵筍、魔芋、金菇菜、豆皮結和豆芽等黃金小饅頭饅頭與煉奶無疑是最佳配搭，甜甜的煉奶配上平平無奇的炸饅頭產生了化學效果川香辣子雞*（中辣）這是我吃過最多肉的辣子雞，味道脆脆香香，咸咸辣辣，令人開胃不少，而且大大的一盆十分划算飲品特大杯柚子水、特大杯檸水飲品真的超大杯，我和友人都無法喝完，哈哈

今日朋友請客，特意選了我喜歡吃辣的類型。就是這一間餐廳，是在一樓的。真估不到這餐廳非常之闊落，所以整個用餐都比較舒服。而食物方面，有不少選擇。今日選擇了烤魚，烤魚裏面的配菜非常足料。今次選了青江魚，應該選擇一個比較貴啲的魚。因為這款魚肉不多。因為而且魚的味道被那些配料掩蓋了。最後也叫了牛肉餅，這個牛肉餅一定要食因為外邊比較脆口，而裏面的牛肉味道非常濃郁。如果喜歡舒舒服服享用烤魚又可以一路傾偈。這真的是不錯的選擇。

非常愛吃川湘農家菜菜，喜歡當中的香辣，這天知道有間開業一個月的「辣宴」，特意前來一試，樣樣味美，果然一試就愛上😍😍新疆羊肉串（五串起）（$100）🐏🐏以新疆特色的羊肉串為主，肉質鮮嫩多汁，烤得剛剛好。辣味適中，帶有一點辣椒的香氣，增添新疆風味。每一口都能感受到羊肉的鮮美和炭烤的香氣，非常美味。農夫烤活魚（青江魚）🐟🐠（新張期內$198，正價$298）選了中辣、青椒味，青江魚魚肉鮮嫩，十分厚實，而且烤得剛好熟，配上青椒味的調味料增添獨特的風味，帶有一點辣味，讓整道菜更開胃。魚肉與調味料的結合非常協調，口感豐富，是一道別具特色的菜品。臘味石鍋飯（$98）🍲🍲必食推介！這道石鍋飯搭配豐富的臘味，包括臘腸、臘肉等。米飯在石鍋中煮得香氣四溢，底部有一層鍋巴，口感酥脆。臘味的鹹香與米飯的香氣相互融合，讓整道菜具有豐富的層次感和口感，非常下飯。手工牛肉餡餅（$68）🌮🌮實在太好味！外皮酥脆，內餡鮮嫩多汁。牛肉餡料搭配了一些調味料和香料，使得口感更豐富。每一口咬下去，都能感受到牛肉的鮮美和餡料的香氣，是一道美味的小吃。特大杯檸茶（$36）🍹🍹這杯檸茶擁有大杯的份量，非常大杯，非常抵飲，非常解渴，必叫必

今日等Duck嫂🦆放工一齊食晚飯，佢話有間新開湘川菜館“辣宴”好正，佢和同事最近經常幫襯😊，今日就帶我去食，好期待🥰！店舖面積非常大，裝修富有中國🇨🇳色彩，座位闊落舒適，食物選擇除咗湘川菜，仲有多款廣東菜可選😍。呢度有另一特色，近門口旁邊有一個自助小區，顧客可免費自己無限添飲料🫢，有微甜酸梅湯🥃、橙味汽水🧃及冰水🫙，仲有一款卜卜脆片小食🥰。 講真，Duck哥🦆去過咁多地方食辣嘢🌶，真係第一次見有餐廳以免費自助方式提供冰水、酸梅湯甚至橙汁俾大家解辣，真夠貼心❤️。川香辣子雞 (小辣) $138細細件嘅雞件🐓(有骨🦴)炸得非常酥脆，加上大量辣椒🌶及花椒一齊炒，鹹香麻辣，非常惹味香口，勁好食🤤。蜜汁薯仔牛柳粒 $138牛柳粒🐂一口一粒，肉質軟淋有牛味🥰，薯仔粒🥔表面炸得焦香，帶陣陣香甜蜜糖味🍯，十分惹味😋。椒鹽魷魚鬚 $118用上新鮮魷魚鬚🦑，加薄薄嘅一層炸漿炸過，外層香脆🥰，魷魚鬚質感彈牙有魷魚香味，混埋炸過嘅蒜蓉🧄及辣椒粒🌶，又一惹味未之選😋。總括而言，食材好又煮得出色，食物份量勁多，店員服務勤快有禮，價錢大眾化，環境舒適，唔怪得老婆同佢啲同事成日嚟幫襯，我得閒都會約啲friend嚟

突然想食酸菜魚！搵到間旺角豉油街新開的川菜館🔥就同家人一齊試下先！✪ 金湯老壇酸菜魚（例牌）⌫💲238酸菜魚的魚肉鮮嫩，酸菜醃製得剛剛好，既有酸味又有微辣的辣味，非常開胃。湯底濃郁，充滿了各種香料的香氣，讓人垂涎欲滴。我地點了BB辣，都已經非常惹味。加了💲38要杯特大杯飲品，份量相當慷慨。✪ 手工牛肉餡餅 ⌫💲68餡餅外皮酥脆，內餡豐富。牛肉餡餅的口感非常好，好有滿足感。【 辣宴 】📌 旺角豉油街50號富達大廈1樓A號舖

旺角豉油街新開一間川菜館「辣宴」，今晚約了朋友來嚐新口味。餐廳在一樓，空間寬敞，裝修富中國傳統特色，牆壁上掛有不同的大面譜和戲曲人物，垂著大紅燈籠，木雕枱椅，印上精美面譜的碗碟餐具，別具風格。餐牌上都是川湘風味菜式，令人垂涎欲滴。「奇味雞煲」，原煲加熱，滾住食，熱騰騰，香氣四溢。我只選了「BB辣」的辣度，真是香而不辣。雞肉嫩滑入味，四川香料滲透入雞肉內，加上蘿蔔、洋蔥、蒜頭、大蔥等配料，份外滋味。「經典鎮江排骨」，厚肉排，大大件，肉質爽口彈牙，而且醃得非常入味，加上酸甜的醬汁，啖啖惹味。「手工牛肉餡餅」，即叫即做，油香外皮，酥脆可口。牛肉餡料真材實料，牛肉味十足。一口咬下，雙重口感，是必食之選。來一罐王老吉涼茶，生津解渴，解辣佳品。這裏的環境舒適，氣氛濃厚，菜式富傳統風味，整體不錯。

朋友介紹嚟呢度食四川辣菜，因為知道我勁鍾意食辣嘢，呢間食店仲要係新張期間，所以烤魚做到好抵食，真係唔理37.21一定要去試吓🤭🤭其實一日到店舖裏面已經聞到勁香勁重口味嘅味道，真係未坐低已經流晒口🤤麻辣烤魚(清江魚)上枱已經聞到好香，烤魚份量正常，另外都有啲萵筍，金菇，蓮藕片嘅配菜，上枱等咗一陣之後就可以食，肉質非常鮮嫩，而且魚係事先煎香左，先再放落煲，所以係非常入味，而且個皮非常之咁好食，個人覺得麻辣味剛剛好，重點係唔係剩係得個辣字，而且係好有層次嘅口感招牌香辣蝦因為自己非常鍾意食蝦嘅關係，所以就額外叫多呢個小菜食，又係上枱非常香，而且係炸到可以連蝦殼一齊食，入口脆卜卜，但係蝦肉超級彈牙爽口，唔使怕黑嘅觸鬚會吉到，因為已經處理咗呢啲問題，所以連殼食一樣咁好味完全唔會有事，份量亦都唔少，因為呢個小菜我哋叫咗中立，所以辣得過癮辣得刺激🤩🤩

今日同朋友喺旺角行完街，心心念念想食辣嘢。見到豉油街譚仔招牌下面有呢間新開嘅川菜，決定同朋友試吓～選擇好多，所有嘅辣度都可以自己揀～勁體貼地仲有粵菜食，就算有唔食辣嘅朋友，都可以一齊去食～涼拌土豆絲 $38 前菜我哋叫咗呢個小食，爽口，口感一流～麻辣雞絲涼麵 $68係好味版嘅重慶小食哈哈！份量超級足，成枱朋友分享都冇問題～麵質好爽身，配料除咗雞絲仲有勁多芫荽、青瓜絲、紅蘿蔔絲，十級抵！農家有幾大盤花菜 $78好懷念呢種農家菜嘅味道！炒得勁香！椰菜花好新鮮又爽口，仲用五花腩同埋韭菜一齊炒，好似細個返鄉下食嘅味道！養顏韭香生魚片 $218重頭戲！又係份量十足，目測應該超過30塊，肉質好實淨，唔會係嗰勁cheap啲肉散晒嘅！湯底有少少泡淑，唔會好刺激，反而更提魚嘅鮮味！

朋友推介左旺角新開咗嘅一間湘菜館，位置非常方便，喺西洋菜街同豉油街交界，好大個紅色招牌，非常搶眼，一望就可以望到!一入到菜館，地方好寬倘，坐位又好足夠，濃郁嘅香辣味，已經令到我覺得好肚餓，好有食慾咁。我同朋友都鐘意食川菜，但係又怕太辣，所以叫左俾兩道主菜都係BB辣😆🌟泡椒田雞$168🌟川香辣子雞$138雖然已經講左喺BB辣，但係辣度都偏向勁，如果鐘意食辣嘅朋友，可以挑戰一下。主菜份量好足夠，料又夠多，大大碟，真係令人越食越惹味。而最有驚喜係佢哋嘅特大飲品，真係非常大杯😆👍🥃特大杯檸$42🥃特大杯咸檸七$42隻杯真係超大，仲大到我兩隻手都揸唔哂，勁夠份量。一路飲一路食，又係好滿足嘅一餐😋