Road Hot Pot (Closed)

阿爸話去番阿爺土瓜灣故居唐樓"7樓"睇睇，果日阿爸佢講左很多想當年的事，包括心愛的狗狗係天台玩得太開心跳左落樓、一隻貓貓突然生左好多隻小貓、七姑姐的兔仔被三佰父宰左黎食等等....土瓜灣是我爸爸童年充滿回憶的地方。之後佢就帶左我地係"7樓"附近找左間餐廳食飯，本來打算一家大細食炒小菜，但入到去見到個個都打邊爐就心癢癢，就改左打邊爐。一入到去餐廳，我立即坐左個有利位置，就係我最愛的電視位，唔會有人敢同我爭，打邊爐有得撈電視汁好重要，我們一坐低，侍應哥哥就立即幫我們倒豉油，仲有調味品加。而飲品方面都幾多選擇，有有氣和健康代表：竹庶茅根。好多人食火鍋會先重視湯底，但係我比較重視的是肥牛的質素，見到有2種選擇，一係美國肥牛和本地肥牛，我先試左本地肥牛，油脂比夠少，肉質比較嫩口，滾的時間較短，入口爽甜；而美國肥牛油脂比較重，牛肉味比較重，滾的時間相對較長，比較爽口。結論是本地的不比來佬差，本地的嫩口感勝過了美國的爽口，我比較喜歡本地肥牛。他們的湯底都好鮮味，我也推薦的是墨魚滑，因為打得幾彈牙，別滾太久，一熟就食就很可口，尢其加了蟹籽，味道更鮮。…Read More

路邊煱位於土瓜灣，平日都不會去該區，最初以為交通不方便，但查地圖後，乘地鐵於佐敦下車，轉乘14號巴士於天光道站下車，走幾步便到，很方便呢！這天晚上, 我們就一家人來這裡有個火鍋聚. 店面是幾光猛的, 在這裡吃晚餐, 也覺舒適.麻辣牛展吃火鍋, 先以小食開始. 牛展味道不錯，若怕辣的話，最好挑去面上的辣醬。坦白講, 辣度是相當高的.八味金磚豆腐雖然看不見、也不易吃出八種味道，但真是非常好吃，外脆內軟，豆腐嫩滑，味道可口，令我吃不停口。蜆芥鯪魚球鯪魚球炸成金黃色，外形真好，可惜蜆芥的味道較淡。始終此品, 除了鯪魚球要炸得好之外, 蜆芥更加是重中之重, 不好吃的蜆芥, 要扣分呢.花彫煮雞煲來到主角的部份, 花彫雞煮沸後，香氣四溢，味道真好，雞肉嫩滑不靭、不肥，平日不喝酒的我，也愛好這道菜；雞肉吃完後，於煲內加入上湯，再用來煮牛肉、各類肉丸(胡椒豬肚丸、四寶丸)、鵝腸、黑柏葉、三寶餃等。因為原先花彫酒煮雞的配料很多，味道很濃，所以加上湯後煮各種肉料類都不必再加調味料，已很好味了！胡椒豬肚丸第一次吃用豬肚製作的肉丸，味道一流，是今餐的肉丸之最。手切本地肥牛併牛頸脊當然少不了的是手切本地肥牛併牛頸脊，肥牛肥美，牛頸脊肉味突出，以手切本地的出品奉客，是常識吧。雪米糍天氣熱，吃吃雪米糍就最合適，店方最後奉送上雪米糍，真好。這個晚上, 吃完花彫煮雞煲, 再吃火鍋, 真正的飽足!…Read More

宜家打邊爐已不再是任食為主了~愈來愈嘴饞, 重質而不重量. 所有由朋友介紹下, 就嚟到呢間路邊鍋. 豪食一番, 試一試佢. 今晚既主題係我最喜愛的海鮮. [招牌什菌花甲蟹鍋]一個大fit既湯底, 絕對是打邊爐既精髓所在. 而呢個自家招牌鍋的新鮮程度簡直是前所未有既鮮甜, 絕對可以當湯咁飲. 要有這種鮮味, 當然材料一定要是夠新鮮同有份量啦! 勁多既花甲, 加上食吾完既蟹膏! 小女子從未見過一隻蟹可以有咁多膏!! 加上什菌吸哂了味, 感覺實在太豐富了!! [美國本地肥牛]打邊爐必食既肥牛又點小得呢, 我地兩樣都叫哂!一於繼續豪! 美國肥牛既牛肉味比較重, 不過本人就比較欣賞本地牛, 味道剛剛好, 最緊要係它入口即溶!!! 令到自己一件接一件, 不得之了~ [白鱔]有驚喜! 想不到樣子比較平庸, 但鮮味十足, 魚味搭夠, 肉質結實!!! 值得推介![貴花蚌]快靚正的貴花蚌! 快熟, 鮮味, 爽口! 吸埋D湯底, 將其鮮味再推上多一層! 又係食完忍吾住要食多件! [咸旦丸]見吾係道道有, 所有就試一試.都比較睇彩數啦, 我地食同一碟, 但我食果粒既咸旦就特別多, 所以當然是美味十足啦. 但友人的就只有很小咸旦. 但其實都幾特別既~ 總結來說, 打邊爐愛好者絕對值得一試, 食物有誠意又足料. 由於我地係豪食既關係所以, 價錢比較貴. 而位置係有些不方便, 但要搵好野食係要付出小小吧~…Read More

闊別半年，六月首日的晚上，相約兩位朋友重臨再嚐上次非常欣賞的花甲蟹鍋。水準依然，湯頭鮮甜，膏蟹膏多，是結實的那一款，只是今晚好像灼久了一點兒。已經讚賞過不用重覆，是晚發現的驚喜在牛肉，十分幸運有牛坑腩，從來未有在火鍋店嚐過。面前的牛坑腩，是有筋、肉丶油花的肉片，厚度比一般牛肉片大概多一倍，樣子平凡，卻出人意表！跟灼肥牛一樣，灼一會兒，待顏色由紅變深便可吃，入口軟熟無比，等同久炆了的牛腩，紋理細膩，粗糙嚼肉之口感，牛味濃郁；看真些，脂肪分佈其實並不怎樣平均，卻又有條不紊，每部份有多少，有多少軟筋在邊位。爽軟不硬，是否頂級的崩沙腩呢？醮多少自調的沙爹醬辣椒鼓油，更香嫩。牛頸脊配本地肥牛 亦不失色。牛頸脊爽口味濃，肥美肉香，見肥膏都在肉片中央，已經垂涎欲滴，未吃已知嫩滑！市場供應有限，一般只留食肆，自己買不到，這些錢是省不了的。本地肥牛，牛味濃郁，據知實在不夠分配，並非每家火鍋店拿到貨，但還是你最好，有嚼勁；有你，就不成火鍋了，吃得滋味滿足。今晚亦多嚐了一款新的小吃，麻辣豬耳。這家店子調醬有一手，麻辣香郁，豬耳爽脆，不妨試試。豬耳上的白色軟骨增添爽口嚼勁，紅色粒粒本以為是紅辣椒粒，但味道似番茄粒，完全不辣，也許用以減膩。美食不斷，這個月來，真是吃得不少，大部分都是滿意的，忙碌的每一天，找到對自己好一點的回報。…Read More

火鍋以外，必須介紹這處的小吃－八味金磚豆腐，真是吃過中最出色的炸豆腐。外表披了一層炸粉，炸至非常薄皮及酥脆，加了甚麼八味香料，令豆腐非常惹味，最出色當然是豆腐本身，軟滑至不得了，入口實實在在的外脆內軟，足一百分之佳餚。…Read More

難得同Team mate 係土瓜灣見完客，就緊係要食餐好！誤打吾撞黎到呢間火鍋（雞煲）店，不過基於同事吾好雞肉，所以就叫左個什菌花甲蟹煲～同一大堆配菜。基於由下就餓到夜晚，所以仲叫左兩個前菜，手拍青瓜同麻辣海蜇，前者青爽酸甜，後者彈牙火辣，開胃認真吾錯！主角蟹煲黎啦～點解我要改個主題做「膏蟹傳奇!!」就係因為呢隻蟹！佢嘅膏仲多到我地食到有D飽睇相就可以見到多成點，而D蟹膏係實淨到有一刻我意為自己食緊蛋黃。仲有大大隻嘅花甲，無沙好甜！最後成完數下我地四個人每人都起碼有六七隻落肚。配料，首先有牛肉（一半美國牛一半本地牛）初頭吾曉分，所以聽老闆建議叫左個拼盤，食完之後個人感覺黎講本地牛：牛味濃，新鮮度高，美國牛頸脊：油膩多，滑口！帶小許牛蘇味～桂花蚌：不得不提！爽！滑！彈牙！，完全鮮甜到吾洗點豉油！一定要讚下個午餐肉，因為佢係小見嘅火腿午餐肉，吾太咸肉質非碎肉，重點不油膩！飲品有啤酒涼茶汽水，驚喜嘅係成支上，因為個人黎講好怕一楂楂個D，成日覺得係開稀左。…Read More

星期三最冇energy，放工同班朋友滾滾下就最實際。朋友介紹黎到土瓜灣既路邊煱，位置有少少唔方便，不過隔涉必定有美食個定理係真既。先叫兩個前菜 - 手拍青瓜 ($38)、麻辣海蜇($48)，愛辣者必愛！跟住招牌什菌花甲蟹煱就黎喇！一上黎已經見到好大隻膏蟹，啲膏仲好實淨！撈一撈都見到唔少大大隻花甲。湯底鮮甜！打邊爐豈能冇肉！左邊美國安格斯牛頸脊，脂肪平均肉味濃；右邊本地手切肥牛入口即溶！海鮮唔少得，白鱔片爽脆嫩滑，桂花蚌爽口彈牙。仲有午餐肉都零舍好味估唔到連手打牛丸都咁出色！咬落去好多肉汁∼第一次食新鮮熱辣炸起嘅響鈴，比一般為大，一落水仲「咋」一聲！唔通就係夠響先叫響鈴？優質嘅食材果然係打邊爐嘅好味要素！仲有免費 WIFI用添架~…Read More

     土瓜灣，一個臥虎藏龍嘅地方（我指食果方面），喺美善同里一家隱世火鍋店，新鮮食材及出色嘅手藝，為味蕾及整個口腔帶來一場精彩嘅表演。睇到好多食物好吸引，無奈兩口子胃口再好也不能一次過嚐盡店內美食，咪做大嘥鬼！首先前菜先來一道「麻辣牛展」，味道偏甜，麻的比例較少，肉質處理得好「嫩」。主菜「雞煲」，食完雞再加湯打邊爐，可以話係食雞煲嘅定律，但係！老板娘教我，原來定律係可以從新定義，大腸、新鮮牛坑腩加入鍋中吸收雞煲香味，你真係唔洗擔心牛腩會老，全因係新鮮牛坑腩反而愈來愈焾！*補充（雞煲有辣度選擇，但有點偏甜）食完雞煲當然到生料上場，只要生料夠新鮮每一樣都可以獨當一面！但係「自家即制響鈴」，極力推薦俾一眾「響鈴怪」，真係響㗎！火路控制得好，唔燶，炸得夠鬆，唔會話有D會炸唔透！*注意：下鍋時要小心，因為真係如薄好易爛,我下次一定會叫其他炸物試下～!…Read More

最近OT得太多實在身心俱疲所以在一星期的中間跟同事相約一起打邊爐打邊爐勝在可以慢慢來有多點時間吹水嘛!可能位置不算太方便在晚飯時間都不需要等位首先 店員會奉上豉油配料自己調配屬於自己的醬料在吃蟹煲前先來兩碟小食想不到在一間打邊爐的店川味小食都做得不錯麻香感覺做得不錯不過只有辣味到了重點就是這個招牌什菌花甲蟹煲!!!!湯底十分鮮甜是用花甲和那大大的膏蟹煲成的!花甲的份量都不少還有不算細隻的那隻蟹也太誇張了吧!膏的份量也太多了!!對於喜愛食牛的我們又怎能不點牛肉的來了半份本地牛及半份美國牛頸椎Cyn個人來說就喜歡本地牛完完全全是入口即溶另外 這店的響鈴是必點的是這店自家制的 即點即制上碟時還還熱哄哄的!!大正!整體來說這店的湯底是大正用料新鮮的!值得一試…Read More

男友曾住土瓜灣多年，今日呢個地頭蟲帶左我去食一間隱世美味火鍋。呢間火鍋店位置真係相當隱蔽，唔熟土瓜灣都好難搵到。佢係土瓜灣好出名的扒房「哥登堡」行前少少有條巷仔轉入去再轉左先見到。附近亦無咩食肆，勁多車行。不過最好係好多車位可以泊車。入內係一般普通火鍋店隔局，牆上貼滿了好多好吸引的火鍋生料，最正係竟然有免費WIFI，對於唔係無限上網plan的我而言，簡直天大喜訊!一黎當然係選左個湯底先啦~~佢都幾多湯底選擇而且隻隻都好吸引，我最想試下佢個花甲蟹鍋但成$400(張紙無，牆上有寫)，我地又得兩條友，所以最後選左佢地個招牌川味辣雞煲(半隻)。未上湯底，佢就俾左一大盤佐料我地加入鼓油。我最欣賞佢個沙茶醬，超香超濃!加入鼓油或單點牛肉都好食架~我地仲叫左個小食，食住等。呢個麻辣牛展味道好正，麻辣中帶點甜味而且不會死咸，辣度亦適中，不會辣到令舌頭麻痺品嚐不到味道。而且肉質不會韌，筋位亦算彈牙，是個相當開胃好味的前菜。川味辣雞煲終於上場，味道相當香濃，我地叫左少麻少辣，醬汁味道亦是偏甜一點，但對女生而言，相當對胃口。而且雞肉相當嫩滑，連雞胸肉亦不會鞋。因為我地叫左豬大腸，老闆一早幫我地放埋入雞煲煮，勁入味!!而且煮勁耐都唔會韌。老闆再推薦我地試下牛坑腩，佢地話係新鮮牛坑腩再預先處理，只要放入雞煲煮一陣就食得~但我覺得可以煮耐d入味d，因為牛坑腩肉質相當軟淋，煮耐d都唔怕韌。再黎叫左個黑豚肉片，切得相當薄，有別於一般豬肉，只要好似肥牛咁燙三秒就夠，肉味相當甜，而且不會有豬蘇味。食完晒d雞就加湯，再叫左d生料打邊爐。呢個珊瑚蚌勁推介，佢係有別一般平時只食到爽脆口感但無咩味道的弊病，珊瑚蚌相當鮮甜，食得出用料相當新鮮，有海鮮本身的鮮甜味道。黑牛柏葉相當爽口，但相比珊瑚蚌的鮮甜無比，就較為失色。打邊爐點少得脆鯇魚腩，呢個脆鯇魚腩係我現時食過最脆的脆鯇魚腩，魚肉相當彈牙鮮甜，而且沒有泥味。最正係個魚皮位，爽口彈牙的程度真係難以形容。只可說彈甩牙骹!!男友叫左響鈴好耐都未黎，差唔多食到一半先到，問老闆點解咁耐，原來呢度d響鈴係即炸，一炸好即上桌。個響鈴真係堅係炸到又酥又脆，而且好薄。我一夾個響鈴聽清脆的碎裂聲，因為係炸得脆又薄，所以夾的時候要小心，唔好太大力而且要燙三下就要即刻食，仲要只浸一半，唔係就會太淋。三下剛好食到一半是酥脆口感，一半是吸收了麻辣雞汁，真係好正!!必食推介!!黎呢度唔食呢個真係唔得!　搞到我要即時係facebook share俾d friend睇，響鈴怪一定要黎食~~(我有好多朋友都係響鈴怪，勁鍾意食響鈴!)…Read More

是咁的, 最近d客真係煩到嘔, 真係有好多過份要求, 好想出去食下好野, 有個人話好想打邊爐, 又咁o岩有朋友試過呢間話好食, 於是兩個無聊人就去左土瓜灣既路邊煱咁好彩果日仲要紅雨, 真係有遮都濕半邊….. 點知o岩o岩撞著剛剛, 個人濕左, 涷涷地, 打邊爐真係好滋味!一坐低唔理自己粒瘡, 唔理一陣邊邊好多野, 整番個椒鹽魷魚鬚先:外脆內爽, 好香口, 勁野味!估唔到本來一心黎邊邊都食到咁正既小炒陳醋野生雲耳醋味都幾強, 開胃的小食來之前有問過朋友也有睇openrice 睇食咩好, 好多人都推花甲蟹煱, Rei 最最最最中意食蟹膏, 於是二話不說逼同行友人就範點這個調味架我係辣妹:紅雨下食紅色既蟹煱 ,果種感覺就係: 雖然我濕左半邊, 不過值!!!!呢個煱$400, 講真未食時覺得有少少貴, 但係你睇下:成隻蟹. 勁多膏職員教先飲下個湯先, 真係好甜~~~~~~~~~~~~友人怕左我成個蟹蓋讓左比我(心心眼)而且好多花甲, 多到你用撈去”了” 時, 係咁發出”咯咯” 聲, 聽到都好開心, 呢d就係傳說中既食野食埋聲啦!!!這個一半是本地肥牛,一半是牛頸脊兩個一比, Rei比較喜歡牛頭脊, 可能雪花較多, 食落又滑, 又香, 又易咬, 同行友人吃了兩塊之後, 是Rei 一個全掃晒的打邊爐不可少既除左肥牛, 梗係丸啦---四寶丸一食落口就知係手打!!! Rei 大推花墨魚丸, 很爽口彈牙,仲非常有鮮味三寶餃---沙葛餃、韭菜餃、椰菜餃沙葛餃真係好得意食落”索索”聲響鈴粉腸:洗得很乾淨, 很香牛味, 再一次同友人吃了一注之後, Rei 一人隊晒!臨走我見有人食雞煲, 我諗我已經plan 埋下次食咩好….hahahahahahhahahaha就此, 多謝收看(鞠躬)…Read More

如果一大班frined即興話去打邊爐，你會即時聯想到去什麼地方，會比較便宜，方便，好吃的。旺角、尖沙嘴，這些係好方便，但一般較貴，服務亦都未必好。 土瓜灣，一個暫時沒有地鐵去到的地方。 臥虎藏龍一間火煱雞煲店。店鋪位置不算方便，環境算得上整潔乾淨，食物質素更是其可取之處。吃幾道小食先，八味金磚豆腐，炸到金黃色裏面保持白滑，外脆內軟，不得不一口接一口呢。麻辣海蜇，每條粗壯，辣勁十足，醒胃佐酒之選，小食中最辣此款。麻辣牛展，軟稔惹味，麻辣鮮香，又不會嗆去牛味，相當味美。陳醋野生雲耳，醋味濃郁，帶一點點淡淡的辣味，酸辣得宜。主角花彫醉雞煲出場，一開煲蓋，花彫酒香氣直捲而來，酒味滲入雞肉中，夾得剛剛好，雞肉鮮嫩。之後，店員再加多碗花彫酒，令酒香更加提昇，慢煮一會，這時可以再落其他配料。美國牛肉+本地牛肉，油脂分佈均勻，厚薄適中，肉質腍身帶嚼勁，一口一塊，口腔還停留著豐富牛味。廣島蠔，肉質鮮甜之餘，更富光澤及彈性，味道與口感均屬上乘之選。鮮黑栢葉，識食一定食未加工過的牛栢葉，比一般牛柏葉更有原味，入口亦特別爽勁。墨釀油炸鬼及炸嚮鈴都是剛剛炸起，熱呼呼新鮮上桌。墨釀油炸鬼既可放落湯輕輕浸泡，也可就這樣放落口，油炸鬼香脆可口，配上墨魚爽滑，油而不膩，perfect match。炸嚮鈴，甫上桌就傳來陣陣豆香，稍微放落湯灼一灼，雞煲湯味輕易滲透嚮鈴之中。黑豚肉擺放得好有心思，去除了豬羶味，換來更柔軟多汁，不喜歡吃牛的，黑豚肉絕對是必然選擇。…Read More

朋友推介之下，決定約埋一齊去路邊煱試吓，估唔到竟然在放工嘅時候掛紅雨，因為一早約好的關係，我哋決定就算紅雨照去試吓。雖然呢個地方，我唔太好熟悉，不過經過路邊煱嘅侍應指引之下都好容易搵到。這裡湯底比出面的餐廳特別, 如花彫醉雞煱, 水煮魚煱, 招牌什菌花甲蟹煱等等, 另食物的選擇亦好多.在火煱前, 我哋叫咗兩個小食，陳醋野山雲耳及椒鹽魷魚鬚, 陳醋野山雲耳，清新開胃， 而椒鹽魷魚鬚，相信係即叫即整，外脆內軟，香口惹味。 食完小食，我哋叫咗今晚嘅主角招牌什菌花甲蟹煱，在湯底來之前，侍應好細心送上不同的配料，有我至愛嘅蒜頭，每次打邊爐我都會食好多蒜頭，而呢度嘅配料係任你隨意落嘅，並無限制。除咗什菌花甲蟹煱，我哋亦叫了手切本地肥牛及安格斯肥牛， 三寶餃，手打四寶丸，粉腸，同埋我至愛嘅響鈴。登登登, 主角出場啦，湯底好鮮甜，吸收所有嘅精華非常入味，在打邊爐前，我哋每人飲咗兩碗湯，好多蟹膏呀，食得出蟹及花甲都好新鮮，而且湯底裏面仲有不同什菌，非常足料，真係值得推介。 而手切本地肥牛同埋安格斯肥牛， 我比較喜歡本地手切肥牛，因牛肉肥瘦適中，而朋友較喜歡安格斯肥牛，不過嚟到嘅話兩個都值得一試。 三寶餃裏面嘅沙葛餃，比較特別，我第一次食，雖然配搭新穎，但味道好夾，而手打嘅四寶丸，都相當出色，我特別喜歡豬肉丸及墨魚丸，非常鮮甜彈牙。 而粉腸比我想像中好味，至於我最愛嘅響鈴，原來這餐廳是即叫即炸的，好味過係街買嘅好多。結帳及離開前，還有雪糕糯米糍送贈。 總括嚟講我對這一餐相當滿意，因為食完之後完全冇口渴嘅感覺，一食就知道佢哋係冇加味精，下次有機會一定會帶屋企人來試下。…Read More

吃雞煲是不少朋友的心頭好, 那不吃辣的朋友又怎辦呢? 這晚來到路邊煱吃的花雕煮雞煱會是個替代品. 大家來土瓜灣都有點距離, 始終沙中線尚未通車, 來這裡, 還是靠巴士或者小巴吧. 但其實我小時候也常常在這邊出沒, 也很熟悉這地區了.路邊煱位處美善同道, 走捷徑的話, 可以從馬頭圍道經巷仔走進來. 是晚店子人客不太多, 我們也能夠坐得闊落一點, 而且小吉還睡了大半程覺, 我們可以慢慢吃, 慢慢影.混醬後, 幾款小吃也隨隨送上.麻辣牛展 $48: 7分, 麻辣牛展的辣度不低, 更是相當之麻, 入口後慢慢舌頭已經麻痺了, 是惹味之選.八味金磚豆腐 $48: 7.5分, 幾款小食中, 以八味金磚豆腐比較突出. 豆腐的外皮炸得相當香脆, 內裡滑溜, 不過就是吃不出有八味, 如果味道能夠做得更有層次感會更好.花雕煮雞煱 $138: 7.5分, 吃完小食, 就是重頭戲花雕煮雞煱, 上檯時是煙霧彌漫, 雞肉帶香濃的花雕香, 只是雞肉的肉質未算嫩滑, 要扣點分. 不過吃慣了雞煲, 這個花雕煮雞煱, 也是幾特別的.不過當進入到打便爐的環節時, 就不太吃得到花雕的味道了, 湯底就變成雞湯底似的, 這樣子也有個好處, 就是花雕味不會搶去火鍋料的味道.胡椒豬肚丸 $48: 7.5分, 首先來的是胡椒豬肚丸, 帶香濃的胡椒味, 肉質幾彈牙, 比起平日吃開的丸, 就來得有特色一些.三寶餃 $48: 6.5分, 至於三寶餃就包括有沙葛餃, 椰菜餃以及韭菜餃, 餃皮是偏厚身, 但餡料亦算不少. 而三款中, 我就會推介沙葛餃.肥鵝腸 $78: 6.5分, 接下來的肥鵝腸, 或者是雪得比較久了, 質感未夠爽口, 不過就真的是幾肥美的, 不怕吃得太肥的話, 就可以向此進攻.四寶丸 $78: 7分, 除了胡椒豬肚丸, 還有四寶丸. 四寶包括有手打墨魚丸, 鯪魚肉丸, 手打鮮蝦丸以及手打牛根丸. 這裡的丸類, 是做得幾好的, 如手打牛根丸, 以及手打墨魚丸也有水準, 吸收了湯底的味道, 食味不錯.炸響鈴 $38: 7分, 炸響鈴是不少朋友打便爐的必須品, 是晚吃到的, 如果可以香脆一點會更加好.手切本地肥牛併牛頸脊 $268: 7分, 當然, 少不了的是手切本地肥牛併牛頸脊, 手切本地肥牛切得比較碎濕濕, 也未夠肥美, 不過牛頸脊就幾有咬口, 肉味亦濃, 我見大家慢下來, 那就多吃幾件吧.生菜: 最後也要吃點菜蔬, 一客生菜份量不少, 讓我吃得滿足!雪米糍: 甜品方面, 就是簡簡單單的雪米糍, 打便爐之後, 來客雪米糍, 下下火也好.當大家吃慣了雞煲之際, 路邊煱來一個變奏, 這客花雕煮雞煱, 也是先吃雞肉, 再打便爐, 怕辣的朋友, 吃不了雞煲的話, 不妨試試這個花雕版吧.…Read More

早前當天氣還未極度炎熱之時, 相約了幾位好友到土瓜灣打邊邊,始終一班人才可以叫更多美食嘛, 剛好公司附近有巴士直達,只需走一小段路便到了~簡簡單單的裝潢, 放置了約 7、8 張桌子, 還有電視播放,電視劇餸飯的人表示高興, 台上已放置了各種調味醬料,朋友也陸續到達, 先點些小食醫醫肚子啦~八味金磚豆腐 $48外層金黃香脆, 內裡軟滑, 熱乎乎的而且入口即溶,豆腐控表示非常喜愛, 很想自已 1 個整碟吃掉了呢, 超推介呀~麻辣牛展 $48不喜辣的我也能勉強吃到, 牛展軟腍,如果不是麻辣可能會更合我口味呢~陳醋野生雲耳 $48雲耳爽口非常, 酸辣的味道調配得剛好嘛~花彫醉雞煱 $228香味撲鼻而來, 醉雞意想不到的嫩滑, 平常少吃以中式煮法的雞,也忍不了口多吃幾件嘛~手切本地肥牛拼牛頸脊 $268色澤鮮明, 肥瘦均勻, 肉味濃郁丫~鮮黑柏葉 $48新鮮沒漂白的柏葉, 很彈牙啦~炸嚮鈴 $38很香口, 輕點湯底來吃亦脆口呀~廣島蠔 $68肥美鮮嫩, 不錯呀~手打四寶丸 $78只看賣相已覺得爽口彈口, 手打果然是比較好吃啦~最初時大家也調了自已喜愛的醬汁, 但最後也沒用上,因為即時撈起來吃, 已美味非常呢~ …Read More