YK Pho 138 (Closed)

經常喺崇潔街出末既我，想介紹這間越南小店好耐啦。佢有一段時間裝修緊，今次經過見到開返，就入去幫襯下先⋯門面設計簡潔同友人黎，揀左張高檯坐店員放下一人一碟既辣醬、青檸同辣椒粒:)午市餐牌既選擇唔多，不過勝在無咪精- 有學生優惠9折- 外賣優惠8折餐飲上左先叫咗杯熱檸茶，而友人就飲熱檸水，好鍾意呢度既茶係用Lipton茶包沖既唔係用濃濃既茶膽沖出黎嫁，唔會削胃:)扎肉粉-金邊粉$42扎肉片好薄，湯唔太濃，擠青檸汁落湯裡味道好夾！埋單唔使加一…Read More

行過崇潔街當然要食吓野。聖誕節食得大多，想食得清清地，走咗入去一間專門吃金邊粉的店舖。舖內簡潔舒適，服務殷勤，老闆話正在試業中。叫了ㄧ客生牛肉金邊粉，湯底是番茄湯(其實也有牛肉湯或雞湯可揀)，飲品叫了鮮打椰汁。雖然係下午茶時段，但金邊粉的份量也不少，而且非常滑溜。牛肉不是ㄧ般打邊爐的薄肥牛。番茄湯絶對不是茄膏所攪出來的，真材實料的番茄湯。整體覺得是ㄧ碗好有誠意及真材實料的金邊粉。另外配上的特式調味料也提升味道層次。值得ㄧ提的是鮮打椰汁非常好飲，當然也是真材實料鮮打的。…Read More

今日經過崇潔街，見到有間裝修咗好耐嘅小店新開營業，入去試試先！睇吓有無驚喜！想叫飯，賣哂！聽到佢咁講，已經想起身轉場，點知佢地又好好招呼，唯有拜拜地坐底，睇吓有無驚喜啦.....叫咗個牛肉粉，札肉雞絲粉，牛肉粉配牛肉湯底，札肉雞絲粉咪配返雞湯底囉！兩碗粉上枱，配料份量不足，河粉偏厚身，唔係我杯茶，安慰嘅係兩個湯底都出色，雞湯唔係D現成買嘅清雞湯，牛肉湯底飲得出牛肉味，兩個湯底都好清甜。相信佢地唔係做開飲食，檸檬茶明顯偏淡，所以要求加甜。雖然今次經歷比較失望，但我會再黎幫襯，支持吓D小店嘛！唔通支持D大集團咩！…Read More