Viet's Choice (Ocean Walk) (Closed)

4月初天氣仍然清涼，從市中心散步到碼頭是幾舒適的. 來到碼頭區，少不免也是為了吃而來. 海趣坊多間餐廳已吃過了，想起很久沒吃過越南菜，就來到這間連鎖越南餐廳. 其實V City也有同集團的越悅，可惜水準低下，令人提不起勁光顧，也就試試海趣坊這間質素如何. 打文之時，才知道往年夏天時屯門時代廣場也開了越棧，居然隔了接近一年才知道，要找個機會試試市中心的分店呢! 香茅豬扒紅米飯配凍檸蜜 ($36) 下午茶餐只是$36，已可吃到湯粉/ 撈檬/ 紅米飯，更送凍飲，如果選特飲就要另加$4了. 香茅豬扒是即炸的，熱烘烘，仍有少許肉汁，不錯的; 紅米飯也夠熱，曾光顧過元朗，紅米飯只是微暖，實在差得很. 凍檸蜜 冰凍又酸甜的凍檸蜜好潤喉啊! 家人要了香茅雞翼撈檬，雞翼同樣可脆，肉質嫩滑，也有水準! 每人$36 就吃到飽飽，這間分店有一定水準，不知道時代廣場的又如何呢? 屯門湖翠路168-236號海趣坊56號舖 2618 0005…Read More

呢間之前係其他分店食過好多次，宜家係屯門開分店，就去食午餐，第一次去既時候，態度已經唔係咁好嫁啦，第二次去諗住會好點，點知態度都一樣'差'，我以後都唔去呢間分店食…Read More

一坐低就好快有職員同我落單，態度親切，隔一陣先有個類似經理既物體攞杯茶黎杯茶飲下，但嗰度我過併盤都做好啦！都唔知飲茶先定食野先，真係好亂。廚房岀菜，上菜速度快嘅，食物方面有少少美中不足就係豬扒乾左啲。成餐飯最差嘅感覺就係啲員工同經理不停吹水，有時兩個仲走埋入廚房吹，內容全部都係同餐廳無關，點解我咁清楚，因為佢地對工作嘅地方好有歸屬感，完全有家的感覺，講野大大聲，我完全聽唔到背景音樂係乜！淨係知道有啲聲，完全破壞晒食飯嘅心情！…Read More

新年搵食，需要一點運氣，今日運氣麻麻，想食啟豐園小店無開，唯有去海翠搵食，在翠華同越棧之間揀了後者。咖哩牛腩湯河$58: 咖哩湯相當濃稠，與其說是湯，倒比較像汁，湯河幼身，掛湯力幾強，咖哩汁幾乎不辣，頗香，食落足料，薯仔有三四件，牛腩份量都頗多件，半肥瘦，牛腩不算太嫩。越式春卷$44-新鮮即炸，皮脆香口，略嫌餡料不夠豐富，可能皮較厚，生菜好新鮮爽脆，用來包著春卷食不錯。特別牛河$60-有胡椒牛扎肉、金肚絲、牛腩片、生牛肉，賣相同圖片差好遠，難免有點失望，材料都碎濕濕咁，當中胡椒牛扎肉較特別，似牛丸但變成片狀，湯底用牛骨熬製，都幾足味。飲品等左好耐先有，可能今日人手唔夠，珍多冰紅豆冰椰汁部分夠濃，略嫌紅豆較少及不夠爛。在新年期間無特別收費，只係無左下午茶，算有良心，幫我還心願食返想食的咖哩河，又加分，值得一笑。:)…Read More

假日不少小店都沒有營業，想吃晚餐只好選擇大型連鎖食店~ 是晚與男友簡單地於越棧用餐。我選了最普通的生牛肉湯河粉，有時候最簡單的食物才可見真章~ 就這湯河粉來看，牛肉非常零碎，除不美觀外，也顯得餐廳給得小氣，所用的牛肉不是上乘的。論味道的話生牛肉只是一般，不算太鮮味，唯一可讚的它的肉質確實軟嫩不黏牙。河粉未曾去到幼細薄滑透身的程度，感覺有少許厚身，不太吸索湯汁。男友則選了特別牛河，因為他想多吃數款配菜，特別牛河包括胡椒牛扎肉，金肚絲，牛腩片與生牛肉。胡椒牛扎肉是眾多配菜中最好吃的，胡椒味濃厚，肉質札實，有牛丸的彈牙感。金絲肚沒一般的爽脆感，甚至有點軟身，經煮滾後變得小小的，不太吃到它。我們點了青檸梳打，是基本應有的味道，蠻清新解渴。…Read More

到屯門海翠坊購物,顺道吃個午餐，商場人流不算多,食肆選擇卻不少。見到越棧客人很少，環境舒服也樂得清靜，於是坐下，看餐牌有款叫特別牛河，圖片吸引於是點了一碗，河粉上檯還是熟悉的濃湯味,不過材料的份量並不吸引，只有兩片细小又韌的牛肉和幼條的牛肚，除了兩片吃不出是什麽的肉片腍滑可口外，没什麼特别,收費五十元,配上一杯略澀口的凍奶茶另加八元,實在物非所值。…Read More

今日係屯門海趣坊食越棧。我一入去個丫姐叫我坐果度，好啦坐左好奈冇人執野,又冇人俾餐牌。我:唔該俾個餐牌我。丫姐:你唔係食完咩?我:我俾你激死了。我:我要雞絲雞扒金邊粉. 飲熱既藍莓精靈丫姐:熱定凍？我:熱點知杯野嚟到係凍既.....我就舉手叫丫姐la。丫姐竟然企係廚房門口行都唔行過嚟問:要咩?我:舉髙杯野大叫我要熱既丫姐:咩話?我:把聲走住音講我要熱既之後好啦嚟左杯熱既....跟住由於太繁忙既關係，有人同我撘枱,個丫姐竟然將我用過用嚟擺筷子既架俾人用........:(:(:(我即刻話:丫姐你點可以俾我用過既俾人用嫁？我病緊又食過你俾人用?:(:(丫姐:係wor，唔好意思！…Read More

岩岩去越棧中伏⋯⋯⋯入到去帶完位就算，餐牌都冇比我地，落完單叫佢轉頭先落野飲，兩個餐落住一杯先，佢就咁打張單話單食，我地再落第二杯就正價（佢話一樣價錢）好啦落單叫椰汁冰，佢比左椰汁蘆薈，同佢地講完仲話我地叫錯⋯⋯杯野黎到就大大力放落台到，對唔住都冇，好啦問佢地囉個碗仔，d人有自動回避功能咁，餐牌同碗都係我地自己囉⋯⋯到最後出到去比錢仲威，同佢地講話有ed問題，佢覺得我地講笑，話唔係呀嘛～～～～E間野真係好食都死，冇下次😡😡😡😡😡越棧方面睇到既，麻煩你留意下你地樓面員工，真係覺得你地樓面出晒事，唔只e間係咁嫁啦⋯⋯如果越棧方面真係唔理既，不如汁q左佢啦 …Read More

因為要帶我的兔子去剪毛，今天我們來到了屯門的寵物店。剪毛需時一小時，於是我到了隔離的商場吃下午茶。原本我想吃甜品蛋糕之類的，但這商場似乎沒有，所以我只好隨便選了間餐廳。越棧的食物水準一向比較平均，下午茶也不貴。 我選了豬頸肉蝦片+香茅雞翼，配凍橙梳打。豬頸肉很彈牙爽口，上面有少少花生碎和蔥花，令味道更香。蝦片上放了少少檬粉，當你倒下酸甜的調味料時，檬粉會吸收了調味料，這樣就不會弄濕和弄軟蝦片，卻又能增添其美味。雞翼的外皮煎得香脆，有很香的蒜頭味，但卻沒有香茅味，可惜雞肉煮太久而有少許變硬了。 凍橙梳打的橙味很香，不會太甜，有少少酸，有fruit punch的感覺，很適合炎炎夏日。…Read More

食越棧最抵都係下午茶時段，食豬扒、雞翼、豬頸肉等配凍檬、湯檬、湯河、飯都係$36，仲有餐飲，如果飲特飲只加$4，如果其他時間食價錢就唔同。我叫了香茅豬扒配紅米飯，飲特飲意式紅豆奶茶。香茅豬扒飯：豬扒仍保持好味，好有香茅味，炸得適中，配了紅米飯感覺比較健康。意式紅豆奶茶：茶味不及茶餐廳甘香，但紅豆好味唔硬，加上奶滑，容易入口。…Read More

今天下午3點我們一家四口去到海翠坊越棧食下午茶，去到，職員安排我們坐門口出面位置，當我妹想坐下時見到椅子上有飯粒，我妹便自行用紙巾抹走飯粒，不過我見枱地下有幾劈水，我便叫職員過來抹地，但叫了兩次，分別兩位職員都無理會到我，見她們只在水吧處傾計，我都不想煩她們了，我便直接叫經理，經理第一個反應就問我係幾多位﹖跟住就行開去了。直到我要少少發惡問第四次先有職員A理會我，差不多幾分鐘佢才拿地拖出來，見佢塊臉已經黑哂...佢抹了水積，兇巴巴問我''仲有邊度呀?''，我話''無了，唔該﹗''，明明對住佢講但佢再次問我'仲有邊度呀﹖''，我再話''無喇，唔該。''，好明顯唔服氣的態度。其實這時候食客都唔算多，約4成客，眼見職員們圍住水吧傾計，但我叫加茶幾次了，佢地望到我的但都唔過黎，咁我咪自己出去斟，職員B見我行黎才問我咩事，我話要加茶，佢話俾佢斟啦。然後我坐返埋位，我媽同我講仲未人拎餐牌過黎，(其實由我地坐底開始計都有5分鐘耐...)，於是我媽就把鬼火自己出去櫃台拎。食野期間我們杯茶飲哂要加茶，但又係叫極都無人來斟茶(因全部職員好忙咁圍埋傾計)，我咪自己出去斟，職員C見到我出來又話俾佢加啦，(我唔明叫你地黎又唔黎，我自動出黎又唔鐘意，你想我點?)咁我拎杯茶返埋位的同時，在條路中間遇上職員A，我望到佢啤住我，我都算，但聽到佢發出''摺 ''一聲，我響佢隔離好明顯係''摺 ''我喇卦﹖我即時火起就轉頭直接問佢，''喂，你係咪''摺 ''緊我呀?佢唔理我，跟手有個經理聽到就企在我們中間，經理仲話''唔係呀，佢無'摺 ''你，無D咁既事''，跟手用對手將我和職員A推開左同右邊...(但我無諗住會同佢有任何身體接觸﹗)我本想將呢件事發映去越棧的公司，但我上網搵極都搵唔到佢公司資料，只係得分店資料同電話，SIDE氣。講真，越棧服務漸差其實以往響上網睇評語都知唔少，其實今日遇到呢種無服務既服務我都算鬼數，但俾人當場''摺''我真係接受唔到。因我媽喜歡吃越式野，所以呢間越棧佢都間唔中食一次，而我以前都有食過1,2次，但都成年幾無去，主要係價錢貴左和份量少左，但我諗今次之後我唔會再去了。…Read More

一個人求求其其食咗就算,本來想試吓新開跑翠華,但條隊都有十幾人排隊蝦餅 半份蝦餅好彈牙有蝦味,不過炸得過咗火d。豬扒湯河 配菜全走豬扒都算厚身都有味但炸到好乾身湯河 河粉好鞋口唔滑粗身 湯底好多味精飲咗好口乾…Read More

海翠又是另一個由街坊商場改裝成連鎖商場，商舖的來來去去都很快，最後來了開放式的越棧來個快速晚餐二人餐也算化算的，但省卻自已興趣不大的小吃和飲品，還是散點為上策；簡單來個雞絲凍檬與生牛河雞絲凍檬的份量還不少，酸蘿蔔青瓜菜底，加上大量辣醋汁，只要凍檬不黏成一餅，不會太差，這裡的出品中規中矩；面對「牛皮燈籠」客人，店內的呀姐姐服務算是認真不錯了，加水、錯單換新等都很到位，在不多選擇的情況下，這裡做到應做的事。…Read More

下午茶叫了豬扒湯河豬扒切開有5塊，不會太薄身或炸得太乾。由於是即炸，即使不是跟湯分開上碟，亦不會被湯浸淋。反而浸一浸湯才吃，感覺上無咁熱氣呢！另外頗喜歡這裡的湯底，比屯門巿廣場分店的湯底要濃一點！餐飲叫特飲都不用加錢，所以叫了紅豆奶茶後知後覺這不過是奶茶加入了紅豆...紅豆量不多，質地偏硬，不吃也吧！奶茶茶味夠，凍飲頗大杯，感覺抵飲。餐廳的枱與枱很近，幸好不是滿座，感覺才不致太侷促。服務生只有3位，但服務尚算賣力，至少另要求魚露和糖時，亦先後拿來。…Read More

中午食過麥皮,三點零四點見有少少肚餓,人在海翠坊就找個下午茶吃:)見人氣已漸下的越棧難得這時候無乜人,隨即入去~這間越棧在海翠坊開業兩個月多了,還記得初初那排山倒人海的情景...畀著我是完全無意慾(排隊)食海翠坊中有幾間餐廳都係對住一望無際的大海景,越棧都是其一,環境景觀可說是一級棒!不過下午太陽太猛,要下窗簾遮遮來到越棧我也是例牌食生牛河粉.幼河粉很滑,份量堅多,食極都有似的生牛肉也有五六塊,很多呢~肉質稍為鞋,相反市中心店的較滑.可惜湯水並沒有市中心店那麼鮮甜,只是淡淡的湯,加入魚露和大量香花草也提升不到味道層次出來.怪不得之前媽媽說這裡的牛湯並不好飲,以後罷吃此分店,我以為是她偏好市中心店下的理論,原來她今次說中了!!這店的湯水勁爆油,畢出的肥湯,無耐自我結成肥膏!!跟餐加個灼菜,新鮮爽甜!!這上湯完全零油份,和樓上碗牛湯差別很大....過往不用額外加錢的特飲只有熱柚子蜜,這店反而多了幾款呢,什麼青蘋果蜜,葡萄子蜜,而我選的熱紅棗蜜也不錯,不會太甜.幾位服務員勤快有禮,反之經理粗聲粗氣,好似請他拿調味品和香花草給我(我家食開是叫香花草:)),我驚他唔明,邊說邊用手指指住河粉上那條小小香花草...怎料他劈頭話'要九層塔呀嘛?!',真呼我不是似的...老實說這名詞我在市中心分店用了多年,個個服務生也明白我要什麼架喎:(講開先講,我媽媽何來是越棧的粉絲,以前想食就專程乘車到市中心吃,現在有分店開正家的附近,但因出品較遜色,所以她說以後還是回市中心店幫襯…Read More