豪門小菜火鍋

Open Now

Now Closed

【蟹當造季節·惹味鑊氣小炒🦀️】/////入秋見到好多人食大閘蟹 小編懶得剝決定試其他蟹制品🤣呢間餐廳有兩層 以中菜同上海菜為主 店員好nice 有求必應 食物份量多到一個點 味道都比大酒樓出色😬.👉🏻秘製雲吞雞煲翅 ($388)湯底用豬骨湯以及雞熬製而成 味道清甜幼滑😚配料有滿滿魚翅 雲吞以及雞件 雲吞包住大粒豬肉 而雞件都有半隻雞嘅份量～.👉🏻蟹粉小籠包 ($138)外層皮薄有少量蟹粒 聞到有蟹香味 肉汁尚算多 記得趁熱食👀.👉🏻蟹粉撈擔擔麵 ($188)賣相一般 但蟹味就好有誠意😼麵條沾滿蟹醬 濃稠醬汁混合左大量蟹肉同蟹粉 可以嘗試用其他麵代替擔擔麵或者會更掛汁.👉🏻三層脆豆腐 ($98)同想像中有唔同 外皮比較軟腍 仲有一層菜 内層係玉子豆腐 菜心吸收醬汁精華 甜甜地又爽口👍🏻.👉🏻招牌小炒皇 ($108)油份適中 蒜味香濃🌀有魷魚 蝦仁 腰果 蝦亁以及韭菜 韭菜新鮮冇渣 魷魚都好彈牙🦑———-📍豪門小菜火鍋 (九龍城)九龍城衙前塱道22號地舖

平時去九龍城都係食泰國菜多，呢間大排檔真係bookmark左好耐，一路都被呢間中菜館嘅芝士焗龍蝦伊麵深深吸引住，早幾日終於有機會試到！餐廳主打鑊氣小炒，餸菜選擇都幾多！適合一大班朋友聚會～芝士龍蝦伊麵（$480）西澳龍蝦肉質爽彈，食落啖啖肉好滿足，每條伊麵都沾滿芝士，超掛汁呢！芝士奶香味濃郁，份量多到蓋滿曬龍蝦同伊麵，相當邪惡～薑蔥桶蠔（$208）一上枱已經聞到好香，桶蠔有六件咁多，每隻邊邊都煎到微焦，內裏肥美又飽滿，配上薑蔥炒更惹味！椒鹽鮮魷（$108）炸粉夠薄，外皮金黃香脆，鮮魷偏軟嫰，配上椒鹽調味，大排檔必食！冰梅豬扒（$108）豬扒大大塊，肉質軟腍，一啲都唔怕靭，冰梅醬酸酸甜甜，降低油膩感，有驚喜！

今日放假當然又係時候同老婆出街行吓食下嘢啦😝今日我哋就去左九龍城宋王臺果邊Chill下，到左夜晚就係九龍城呢邊搵嘢食😬比我哋發現到呢間「豪門小菜火鍋」，好耐都冇食過小菜啦，咁就決定試吓先😋秘製雲吞雞煲翅 $388非常之足料嘅雲吞雞煲翅，煲內足足有半隻雞！而且十分之嫩滑😋仲有份量多啲翅🤤湯好濃郁，實在太正了！三重芝士西澳龍蝦伊麵 $480黎到小編最愛嘅菜式啦😍係芝士呀！非常之濃厚嘅芝士🧀️味呀！再配合埋新鮮嘅龍蝦🦞龍蝦肉鮮味十分 兼 彈牙，真係不得了😋三層脆豆腐 $98呢個豆腐十分之嫩滑😋值得一試😬

入秋又係時候食蟹🦀最近去咗九龍城一間中菜館食小菜，居然有以蟹入饌嘅菜式，真係好吸引🤩• 秘製雲吞雞煲翅 $388足足四人份量，湯頭好濃郁，帶有啖啖奶香味，秋冬食感覺暖胃！約有半隻鮮雞件，嫩滑肥美，另外仲有粒粒足料爆餡雲吞✨• 蟹粉小籠包 $138小籠包嘅外皮做得算薄，趁熱食肉餡Juicy有肉汁，而且仲食到一絲絲蟹肉，但就略嫌蟹鮮味唔夠突出😗• 蟹粉撈擔擔麵 $188麵條上蓋滿蟹粉蟹肉醬汁，撈勻之後啖啖都食到蟹粉嘅味道😋• 椒鹽鮮魷 $108/半份魷魚厚切口感幾彈牙，炸衣薄脆香口，以椒鹽調味，鹹鹹香香幾惹味過癮🔥

天氣轉涼，又係食蟹季節，呢間人氣小菜店，最近有大閘蟹及其他蟹粉菜式，好唔叫埋朋友一邊食一邊啤一啤🍻涼涼地就來鍋秘製雲吞雞煲翅，熱爐上，半隻多肉肥美雞，雞肉嫩滑，湯底濃郁鮮甜，仲有層薄薄的雞油浮面。雲吞飽滿爽彈，有好多閃耀✨的金針翅！🦀蟹粉有滿滿蟹粉擔擔麵，及蟹粉小籠包，蟹粉麵份量多得驚人，厚厚的一層佈滿整碟蟹肉蟹膏，油香甘甜，鮮味濃郁😌 至於小籠包外皮唔係好薄但口感煙韌，而且蟹嘅鮮味突出，包裡湯汁澎湃💥味道一流！佐酒小食就要揀少食到嘅潮式秘製螄蚶，同埋泰式墨魚餅，螄蚶用秘製醬汁醃製，肉質食鮮味爽口，而墨魚餅酥脆彈牙，兩款送酒真係一流！

薑蔥桶蠔: 薑蔥桶蠔係一道充滿中國風味既菜餚，濃鬱既蒜蓉同薑蒜味道。 呢道菜常以鮮美既蠔做主角，配上獨特既調味汁，製作出令人垂涎既口感。 蠔既鮮嫩與大蒜同薑既香氣相互交融，創造出美味既組合。 係一道好好既開胃小吃，如果你喜歡蠔同濃鬱既香料味道，呢道菜絕對值得一試。蒜蓉粉絲蒸扇貝: 蒜蓉粉絲蒸扇貝係一道充滿海鮮同蒜蓉味道既美味菜餚。 鮮嫩既扇貝蒸煮得恰到好處，搭配著浸透蒜蓉調味既粉絲，味道鮮美而多汁。 呢道菜輕盈，但充滿左海鮮既鮮美風味，係值得品嚐既選擇。油鹽水煮蜆: 鹽水煮蜆係一道簡單而美味既菜餚，強調蜆貝既新鮮味道。 呢種烹飪方法包括用清水、鹽同一些油，以突顯蜆既原汁原味。 蜆貝烹調後保持鮮嫩，湯汁清爽，使人回味無窮。 如果您喜歡清淡既海鮮味道，呢道菜可能會成為您既最愛。起司龍蝦伊麵: 起司龍蝦伊麵係一道奢華既義大利麵菜餚，融合左奶油、起司同新鮮既龍蝦。 龍蝦既鮮美與奶油乳酪醬相互搭配，創造出豐富、濃鬱既口感。 係一道極富品味既菜餚。

嚟九龍城唔一定食泰國菜嘅，今次揀咗呢間港式菜館，除咗有小炒小菜可以選擇，仲有唔少海鮮選擇，菜式價錢實惠，每道菜都好有鑊氣！餐廳座位都闊落，坐得都幾舒服，老闆娘一家一齊經營，特別有人情味，都有唔少熟客仔特登過嚟幫襯～今日平日時段夜晚嚟到都滿曬座，唔想摸門釘一定要訂位！------------------------------🦞◖招牌西澳龍蝦伊麵◗ $480大大碟龍蝦伊麵，份量夠四個人分！伊麵口感偏軟腍夠晒掛汁，加上西澳龍蝦，再淋上由芝士忌廉醬而成。西澳龍蝦鮮味十足，肉質緊實，再掛上芝士醬，味道好鮮，有濃郁嘅忌廉香氣🧀！🐟◖薑蔥爆鱔球◗ $148薑蔥爆得夠香，鱔球拍上少少粉過油，炸粉夠薄身，食落好香脆！🦪◖蒜蓉粉絲蒸扇貝（四隻）◗ $180扇貝肉大大粒，肉質彈牙爽脆，就咁蒸熟佢，再淋上豉油同熟油，將蒜蓉嘅香味帶出，粉絲又索晒啲精華，簡單嘅調味更能帶出扇貝嘅鮮味！🥦◖XO醬炒西蘭花雙蚌◗ $128西蘭花炒得啱啱好，加入爽脆嘅珊瑚蚌，用XO醬翻炒，炒得入味，味道辣辣地更加惹味！🌟Encore指數：8.5/10

呢間餐廳以家族式經營，主打福建潮州菜，提供多款性價比高粵菜小炒🔥💗秘制雲吞雞煲翅 ($388)雞煲翅湯底濃郁鮮甜，有大半隻雞好足料，皮滑肉嫩🐓再配上鮮蝦豬肉雲吞同大量素翅，底下嘅娃娃菜吸收晒湯底精華，用料相當豐富🍲💗滿滿蟹粉拌面 ($188)拌麵表面鋪滿濃香嘅蟹粉，鮮甜甘香🦀不過拌麵麵質較糊口，令整體有少少遜色🍝💗蟹粉小籠包 ($138)小籠包餡香湯鮮，一咬落去就係豐富嘅蟹粉肉餡同肉汁🥟💗清蒸大閘蟹 ($178/ 6両）蟹乸雖然比想像中細咗d，但飽滿嘅蟹膏令人震撼，金黃色嘅蟹膏甘香鮮味，每一啖都非常幸福🦀

兩個人嘅晚餐，總共叫咗三個小菜🥢椒鹽鮮魷+九肚魚🥢薑蔥桶蠔🥢蝦醬炒通菜兩個人叫三個小菜嘅份量好足夠整體嚟講價錢合理係個通菜偏貴食物嘅質素正常，冇特別話好好食如果兩至三個人食，但係又想食好似西貢啲海鮮咁呢間餐廳算係多選擇例如蒜蓉蒸扇貝、炒蟶子、芝士焗龍蝦等等價錢唔算好平但係可以叫到二至三人嘅份量所以整體嚟講想食海鮮嘅朋友仔係可以試吓不過價錢方面就唔算特別平環境方面唔算大，有兩層我哋坐二人枱就啱啱好不過就好近個樓梯而且地下放咗好多一箱箱汽水可以走動嘅地方就唔係好多所以行入去坐低嘅時候都要小心啲想食嘅就最好預早book枱因為枱嘅數量大概都係10張多啲特別係如果多人嘅話就一定要book枱

雲吞雞煲翅🐔$388 雞湯味道超濃郁，鮮甜美味😜雞肉都真係幾多，皮滑肉嫩😛再配上雲吞同翅，用料相當豐富😉而且份量超足，真係足夠四位用😌蟹粉撈擔擔麵🍜$188 (小)表面鋪滿濃香嘅蟹粉🦀蟹肉、蟹膏比例平均，鮮甜甘香😋蟹肉豐腴，膏香鮮美，油香十足😚啖啖都品嚐到又香又濃嘅蟹膏味🥰呢個份量絕對足夠2-3人食用😎蟹粉小籠包🦀$138 (六隻)入面有豐富嘅蟹黃、蟹肉同滿滿嘅肉汁😛肉質鮮嫩，皮薄餡靚😜一啖咬落去，真係爆曬汁，果然餡香湯鮮😉椒鹽豬扒🐷$108食落有少少辣，但完美散發出椒鹽嘅鹹香味😌豬扒鬆軟多汁，外脆內嫩，香脆惹味😋肥瘦均勻，口感夠軟夠腍，真係超好食☺️乾炒牛肉河😚$88牛河炒到條條分明，煙韌夠味😋色澤炒得好均勻😉牛肉份量亦唔少，肉質鮮嫩🐮配料豐富，新鮮即炒，鑊氣十足🥰豪門小菜火鍋 (九龍城)九龍城衙前塱道22號地舖

去九龍城唔一要食泰國菜既~ 今次就試左呢間平靚正既港式小菜館，有齊哂鑊氣小炒同經典大排檔菜式❣️✺ 西澳龍蝦芝士伊麵必食芝士龍蝦伊麵🦞 海量芝士🧀️🧀️🧀️多到連伊麵都見唔到🤣 呢度用新鮮西澳龍蝦🦞 啖啖肉得黎口感厚實🤤 伊麵都係主角，條條麵都被芝士醬包裹住💕 仲要超大份，一定要叫多幾個朋友share😆✺ 豉椒炒蟶子皇豉椒炒蟶子皇都係心水推介❣️果然大大隻又無沙，就算豉椒汁咁惹味都無蓋過蟶子既鮮甜😆 同埋要讚下佢地海鮮都係明碼實價，無海鮮價😏✺ 椒鹽鮮魷去食小菜次次都會叫椒鹽鮮魷🦑 外皮炸到香脆，魷魚又夠彈牙，加埋啲炸蒜好香口🤤 ✺ 海鮮雜菜煲最後健康啲就要多個雜菜煲🍲 估唔到都幾多海鮮，有蝦、蜆、八爪魚咁~ 唔單止份量多，仲有好多款菜，夠哂健康🥦

👧🏻😋👅🍽✨地道海鮮館-豪門小菜火鍋🇭🇰 九龍城衙前塱道22號地舖 🇭🇰-🔥 門面唔會好華麗但絕對大份抵食, 收現金免加一; 冷氣夠涼岩聚餐🔥 老細仲會同客人吹下水介紹下野食好有街坊小店人情味; 可自帶海鮮加工-🐚蟶子三隻 $100💯原價$45/隻, 四隻起叫, 但一坐低老細就介紹是日特價海鮮$100/3隻勁抵食💯大大隻好多肉, 粉絲吸晒蒜蓉汁同蟶子海鮮汁-🦞 芝士龍蝦伊麵 $480✨諗起細個去飲12個人食一碟, 龍蝦分到一粒, 麵得幾條😂 大個咗幾個人叫一碟食得爽好多, 一撮撮撈埋海量芝士汁勁邪惡✨龍蝦已拆開一舊舊, 用叉羹好易起晒肉出黎, 啖啖肉好彈牙超新鮮-🦑 椒鹽鮮魷/脆骨腩 雙拼 $128💯有得雙拼試多款幾好, 鮮魷果然係招牌, 香脆鹹香; 脆骨腩薄身但都爽脆有魚味-🥬蝦米娃娃菜 $88✨叫左幾樣heavy野都叫返個菜, 堆得好高好足料抵食; 除左提鮮既蝦米仲落左菇片同甘筍, 食落完全唔寡

🤎 講真香港小炒其實真係冇得輸，食得多西餐，都真係一定要食下中菜平衡下😎 今次嚟到九龍城豪門小菜火鍋，而家有宋王臺站方便咗好多😍🤎 舖頭有樓上樓下，職員都幾親切😊 🤎 今次嚟呢度嘅重點係想食芝士龍蝦伊麵 $480！😍 因為🐼成日都心心念念想食😂 所以嚟到呢度一定要叫！ 嚟到超大盤😝 芝士汁好夠，聽講原來用咗三款芝士去整呢個醬汁，伊麵又掛到汁，忍唔住係咁食🤣 龍蝦肉爽口🦞feel到係用咗新鮮龍蝦👍🏼👍🏼 🤎 除咗龍蝦伊麵仲有好多小炒選擇🤩 🤎 自家製豪門卷 $98/8 件呢度嘅特製小食，第二道食唔到，所以覺得要試吓🤪 中間應該係蝦滑同墨魚滑混合，然後用麵包包住，炸得香脆。食落有啲似蝦多士！畫龍點睛喺中間擺咗啲蔥絲，平衡返油膩感。🤎 鮮果咕嚕肉 $98，嗰晚想食啲酸酸甜甜嘅嘢，就嗌咗咕嚕肉。份量不少，仲有配咗好多菠蘿, 洋蔥, 青椒等~🤎 椒鹽鮮魷 $108椒鹽鮮魷炸皮薄脆，肉質鮮嫩。上邊仲配咗好多炸蒜，好食😋🤎 鮮茄豆漿鮮竹浸時蔬 $98 叫咗咁多”重口味”嘅嘢，要嗌返個清清地嘅菜平衡下😁 我哋揀咗芥蘭☺️ 另外真係加咗好多鮮茄俾我哋，豆漿底唔會太咸👍🏼🤎 食到好滿足! 下次想同屋企人再嚟

揀間中菜食餐好~九龍城小菜館必食招牌芝士龍蝦伊麵🦞🦞宜家去九龍城食野真係好方便，其實除左泰菜之外，仲有好多菜式選擇。呢晚就去左豪門小菜火鍋食下小炒，唔少得既就係想食佢個招牌芝士龍蝦伊麵！一大盤龍蝦伊麵上枱已經香噴噴，芝士醬汁淋滿龍蝦伊麵。龍蝦都幾新鮮，肉質爽彈，芝士味道香濃，沾滿伊麵，食落又唔會好膩，伊麵底都幾多，我覺得3-4人叫一份就岩岩好。海鮮方面我地仲要左豉椒炒聖子皇，我地一行４人一人一隻，聖子皇炒完都幾大隻，有鑊氣又好惹味。另外仲叫左菠蘿咕嚕肉，都有水準，送飯一流。推薦大家試下酥炸牛坑腩，第一次食，幾特別，有外脆內軟的感覺，點一點醋食，零捨有港式風味～最後叫左個咸菜豬肚湯，用料十足，豬肚又洗得乾淨無異味，暖下肚都唔錯。🔸西澳龍蝦芝士伊麵🔸豉椒炒聖子皇🔸酥炸牛坑腩🔸菠蘿咕嚕肉🔸咸菜豬肚湯📍#豪門小菜火鍋 (#九龍城美食)九龍城衙前塱道22號地舖

九龍城不嬲都多好野食 呢間大家又食過未呢❓就咁睇餐廳平平無奇 但係內藏穩世美食✨海鮮好得 新鮮又好食🤤店員好客氣有禮貌 超推介嚟試下💯.📌芝士龍蝦伊麵 $480 鎮店招牌菜🌟原隻西澳龍蝦幾大隻 肉好多 大大件 大啖大啖食 絕對滿足到食海鮮嘅慾望🦞肉質新鮮 厚實得嚟又嫩 有落到粉漿輕輕走油炸過 好香口🥹伊麵份量都多 勁大盤 煮到好淋 麵條掛滿汁 芝士味好濃郁 鹹鹹香香帶點奶味🧀️🥛芝士汁雖然好多 但一啲都唔膩 拌埋一齊食 好正🥰.📌芋頭雞煲 $108滿滿一大煲 雞同芋頭份量參半 味道好掂 椰汁味夠香🥥可惜芋頭唔夠粉 口感較實在 冇入口即融🥺但雞件十份嫰滑🐔.📌XO醬炒雙蚌 $148雙蚌份量都算多 珊瑚蚌好爽脆 蘭花蚌賣相口感都好似北寄貝 軟得嚟又有啲彈牙🧡西蘭花硬身爽口🥦雖然XO醬味唔係好濃 但夠鑊氣 全部野都冇overcook 好好味😋仲有啲洋蔥同紅蘿蔔做配料 係酒樓食到嘅味道🧅🥕.📌蒜茸粉絲蒸開邊蝦 $148蝦大概有10隻左右 切半 鋪滿炒熟左嘅蒜茸同生蔥 食落特別香口🦐粉絲底索晒個蒜茸汁 味道好重勁入味 真係好好食 好適合送飯 但份量少左啲🧄.📌豉椒炒蜆 $98炒蜆份量好多 蜆肉都新