豪門小菜火鍋

Open Now

Now Closed

📍 豪門小菜火鍋📍 九龍城 𝗞𝗼𝘄𝗹𝗼𝗼𝗻 𝗖𝗶𝘁𝘆 • 衙前塱道22號地舖〔 Follow me! ♥︎ 〕-已經是第二次到訪九龍城中式小菜館《豪門小菜火鍋》上一次嚐了季節限定的【蟹粉撈麵】，這次就嚐嚐同樣吸引、而且一年四季都供應的【芝士龍蝦伊麵】🧀🦞🍝其他小菜都很好吃，配上一瓶瓶裝汽水或啤酒，更有味道！🍻-星期日晚上不到七點鐘已經滿座，好受歡迎！繁忙時間到訪記得先訂座，否則就像這晚的部份客人一樣，嘗試walk-in但沒法安排到座位呢🙈-冰鎮鮑魚 ($180/四隻)推薦這道開胃冷盤～鮑魚每隻都份量十足，口感爽彈，還可蘸上芥末豉油吃，有在吃魚生的感覺！•蜆肉生菜包 ($128)九龍城的泰式餐廳裡常常都會見到【生菜包】🥬這家中式菜館裡也有提供這道菜，而且還是加入了蜆肉或蟶子的版本我們這款【蜆肉生菜包】在豬肉碎上加入蜆肉跟不同香料同炒，粒粒香辣惹味配上新鮮爽脆的生菜同吃，十分匹配撈白飯吃應該也是不錯的配搭～•芝士龍蝦伊麵 ($480)是晚的焦點——【四重芝士龍蝦伊麵】！🦞🧀🥢不僅是盛載的碟子很大，裡面的內容都份量十足，可以媲美平常去飲宴、12人份量的份量！首先是主角【西澳龍蝦】，餐廳說其尺寸

九龍城除左泰國菜多，小菜館都有唔少，朋友因為個芝士龍蝦伊麵而決定要食呢間，一群13人經過秘道樓梯上閣樓，環境還好，就有點焗。菜單上有唔少特色小菜，① 芝士龍蝦伊麵 (2隻龍蝦) $960好食，好想Encore伊麵，吸收左龍蝦味，加埋邪惡芝士汁，可惜一人只係分到半碗左右。② 潮式獅魽 $98原來好多人未食過，雖然有幾隻開唔到，有隻開左無料，但食落都幾鮮。③ 蒜蓉粉絲蒸扇貝 $45/隻一定要趁熱食！多蒜係正既，但扇貝有少少韌④ 黃金焗鮮魷 $118好食，鹹蛋黃包圍住鮮魷但食落唔油膩，味道剛剛好，鮮魷口感彈牙⑤墨魚餅 $98⑥炸蝦球 $108呢兩個炸物都好食！墨魚餅口感爽脆，蝦球脆口彈牙。⑦ 油炸鬼焗魚腸 $88懷舊風味，加埋胡椒粉好好味，不過食落唔覺有油炸鬼，反而食到有兩片魚鱗。⑧ 人生之路 $88即係咕嚕苦瓜，好特別，苦瓜幾爽口帶少少甘，外層酸酸甜甜，連唔鍾意食苦瓜既朋友都話好食。呢碟菜真係好似人生有齊甜酸苦辣。⑨ 腐乳炒通菜 $88本身想試椒鹽通菜，但大家似乎接受唔到咁多新事物，就正正常常炒腐乳通菜。都算大碟，唔會太鹹，但唔知點解碟菜等左成個鐘。①⓪ 奇味雞煲 $298呢個「奇味」食落

餐廳：豪門小菜火鍋 (九龍城)地址：九龍城衙前塱道22號地舖新年又喺同一家人、親朋好友聚首一堂食盆菜圍爐取暖嘅時候👨‍👩‍👧‍👦，九龍城豪門小菜火鍋旗下嘅網店——豪住食呢兩年極力推出豪華大閘蟹、羊腩煲/雞煲、盆菜等美食，而今次介紹嘅足料盆菜由4人至12人份量都有，17款菜式應有盡有，淨係睇圖都已經流晒口水🤤今年2月1號前落單可享早鳥優惠，每盆盆菜將會減$50🎊，最重要喺免費送埋去你屋企樓下(偏遠地區除外)，就算唔出街都可以品嚐到令人垂涎三尺嘅團年美食🤤《2024新春盆菜》：✝️4-6人份量 $1088✝️6-8人份量 $1288✝️8-10人份 $1488✝️10-12人份 $16883層食物分別有：✝️上層：日本頂級瑤柱、一級花膠筒、新鮮南非鮑魚、新鮮大蝦、鮑汁鵝掌、鮑汁厚花菇、蜜餞台山蠔、鴻運髮菜✝️中層：白切雞件、燒鵝件、豬皮、豬手、貢丸、魷魚✝️下層：枝竹、蘿蔔、蓮藕4-6人嘅份量其實都幾多🤣，我哋5個成年人最後都食淨三份一，所有食物平均有5-6件，保證個個都有得食，啲食材拎到返屋企食都仲算新鮮👍。湯底分開上，唔會浸淋晒啲食材，輕輕加熱再倒返入盆菜就食得，最緊要湯底唔會過濃味，因為出面有啲盆

臨近新年🧧，相信家家戶戶都會開心慶祝吓唔想自己落手，又想食餐好嘅記得睇呢個post！豪門嘅盆菜同羊腩煲*外賣*真心唔錯🔥買滿$1000仲可以免費送貨上門😎🤘🏻.📍新春盆菜（$888/2-4人）盆菜有齊19款材料🤩，足料又大份連矜貴食材都一人一份，包括：鹹鮮味十足嘅日本頂級瑤柱同蜜餞台山蠔🦪新鮮軟腍嘅南非鮑魚，鮮味彈牙嘅大蝦🦐同炆到入晒味嘅鮑汁鵝掌🦢.另外仲有花膠筒、花菇🍄、髮菜、白切雞、燒鵝、豬皮、豬手、貢丸、魷魚、炸芋頭、枝竹、蘿蔔、蓮藕同西蘭花🥦每款食材都吸收晒湯汁精華👍🏻，真心高質❤️‍🔥！.📍古法秘製羊腩煲（$398/2-4人）份量都幾多，件件都好大舊😍羊肉炆得入味🐑，外皮仲要係Q彈有咬口😋！濃郁嘅湯汁加埋枝竹、馬蹄同生菜🙌🏻，好食不過鹹咗啲🤭.📍中式燉湯望落好清，不過飲落味道濃郁有齊花膠筒、火腿同雞肉，好飲之餘又暖身🤤

這間九龍城的小菜館可算是最近的最愛，餐廳面積沒有很大，但是除了地舖之外還有閣樓，朋友住喺九龍城食過一次之後就大推薦，門面沒有什麼特別，以實力取勝，就算唔係星期六日，入座率超過八成，可見真係幾受歡迎-今次黎嘅目的最主要就係識佢嘅招牌：芝士焗龍蝦伊麵，金黃色的濃厚芝士勁香！最最最重要龍蝦超厚肉，用上靚新鮮龍蝦🦞啖啖肉食埋D膏😍 簡直係芝士焗龍蝦的天花板好食過平時常見的小菜館10倍左右（講真）因為平時最失望，都係睇落好多，點知龍蝦冇乜肉，但係呢度絕對唔會！非常足料如果要比較，大家都好鍾意食長沙灣嗰間私房菜海鮮，我都覺得呢度嘅芝士焗龍蝦更加好食我哋四個人食，份量完全足夠，芝士龍蝦汁撈埋伊面真係超正，四百幾蚊好合理咕嚕蝦球：上碟賣相very good,味道唔會太酸啱啱好，蝦球肉質偏柔軟，非常適合小朋友食，實在太開胃魚香茄子煲：每一次食煲仔小菜都唔少得超好食！走油做得唔錯，多肉碎超惹味，真係米飯殺手，最少每人一碗飯，份量多到要拎走椒鹽鮮魷：炸粉好香，應該又有用咸蛋，最緊要唔會太厚，加埋上面脆脆勁夾，真係勁有好大排檔風味，價錢比起唔少大排檔更超值最估唔到呢度泰式鳳爪質素好高，不過食得辣先好點，酸酸辣

從來冇寫過食評。因為實在太驚嚇所以專登開左個account提醒大家唔好中伏。話說屋企人見到呢間餐廳好多foodie介紹就試下啦。當日book左8點檯，準時去到，但係等左半個鐘先俾到將正經檯黎。叫左芝士龍蝦伊麵，好多龍蝦殼，d肉就得幾舊，俾左4百幾蚊食完等於食左個芝士麵😑之後個魚湯雜菌浸時蔬，就係一個普通到冇得再普通既菜，請問d魚湯係邊？？😂d菜冇味架wo？？係屋企煮都好食過佢🙄然後到火腩蒜子大鱔煲，d鱔都ok既，d火腩真係我人生食過最難食既火腩，美心都好食過佢多多聲d野食難食都算啦，最把火係叫左個扇貝，食到最後都冇黎到，同d職員講左三次話如果漏單就唔要啦。最後佢真係漏左單，走去叫個師傅起俾我地。當時已經9點半，真係冇精神再等你煮，完全玩野😡😡到俾錢啦，有個餸明明佢地自己話已經賣曬，點知收錢個時又想照收wo，真係亂曬大龍😒總括而言，呢間野冇任何優點，點解咁多好評大家就心知肚明啦😀

適逢母親大人生日，今次選址九龍城吃中菜，因為看了社交平台foodie的介紹，被招牌芝士龍蝦吸引而來。一行六人平日夜晚入座，客人也算不少，餐廳光猛明亮，枱之間亦有足夠空間，吃小菜火鍋也不會有焗促感。訂座時我們訂了”芝士龍蝦伊麵” $480，上桌時熱辣辣，芝士汁夠濃稠，鹹度適中，麵條非常掛汁，龍蝦肉彈牙新鮮，唯一不好就是份量真的不算多😅，(上星期吃過其他酒家有對比之下感想) 還好剩下的醬汁可以拌飯吃，整體味道也很滿意。“酥炸牛坑腩” $108我是第一次吃用上炸的牛腩，牛腩肉算軟腍，有點點椒鹽的味道，配上惹味炸蒜和喼汁，香口好吃。“芝麻炸子雞”炸得皮脆肉嫩，拌碟有炸蒜和椒鹽，不過我覺得不沾亦都夠味。“咕嚕肉” $88小孩子拌飯必點，肉質算腍醬汁不酸不嗆喉，屬於偏甜的味道，不錯。“薑蔥桶蠔” $208每次吃小菜都想點的菜色，桶蠔大大隻夠厚肉，薑蔥入味鑊氣十足。我們帶了蛋糕跟媽媽慶生，餐廳沒有額外收取切餅費還提供紙碟和叉，小菜整體質素也很好，值得推介👍🏻

今晚黎到九龍城 目標唔係泰菜而係呢間小菜館👀吹吹水 講以前講未來 幾碟餸菜 摸摸酒杯底 其實幾爽～⍥ 油炸鬼焗魚腸 ❙ $88都唔記得對上一次食焗魚腸係幾時材料簡單但工序多 所以愈來愈少餐廳有呢類傳統菜味道唔差 加埋少少胡椒粉的確好味啲不過有兩三啖就苦苦地 估計係內臟洗得唔乾淨！？油炸鬼既存在感唔高 基乎都唔記得有佢份多人share係好既 畢竟成碟內臟膽固醇都高😪⍥ 自家製豪門卷 ❙ $98😂聽到個名好架勢堂！其實係方包包住蝦肉食起上黎香脆又不失蝦肉既彈牙一試無妨啦～⍥ 千島百花盞 ❙ $108呢個名又係不得了🤣說好的「盞」？好似同食材無咩關係🤣🤣但好食既！蝦膠釀入油炸鬼拎去炸 外脆內嫩 夠香口 加上外層裹上厚厚既千島醬 幾開胃⍥ 椒鹽鮮魷 ❙ $108😌😌好椒鹽！炸得唔油膩又夠香脆惹味！好鮮魷！爽口唔會韌！可能因為好食 所以覺得份量少左啲😅⍥ 有機豆漿鮮竹浸時蔬 ❙ $98🥹上面果啲咁油膩熱氣梗係要叫個清清地既菜平衡下絕對係有營之選👍🏻

咁凍嘅天氣最啱食盆菜同羊腩煲！盆菜有19款配料，有日本頂級瑤柱同一級花膠筒之餘，仲有幾隻新鮮南非鮑魚同大蝦！盆菜當然唔少得鮑汁鵝掌同日本厚花菇，仲有傳統必備嘅蜜餞台山蠔及鴻運髮菜～食食吓仲會有切雞件、燒鵝件、豬皮、豬手、貢丸同魷魚，就好似尋寶咁😝最吸味嘅就梗係有香脆炸芋頭、枝竹、蘿蔔等，二至四人份量已經食到晒咁多樣嘢😗另外羊腩煲（$398）都超正呀！羊肉份量多，而且煲到好入味，仲有腐竹馬蹄等配料，配埋佢哋嘅腐乳，簡直一流♥️🥰

住喺港島嘅我其實好少過去九龍城食飯，今次專登過去係為咗小朋友鍾意食芝士龍蝦伊麵，呢間舖頭望落去唔係好大原來仲有2樓，我哋今次就係上咗去佢哋個2樓嗰度食飯。我哋一共有六個人，咁我哋就叫咗芝士龍蝦伊麵，薑蔥桶蠔，羊腩煲，蒜蓉蒸蟶子，黃金鮮魷，同埋一個清炒時菜個芝士龍蝦伊麵個汁好濃，亦都好重芝士味，啲龍蝦都好厚肉，起碼唔使擔心每人分唔到一舊龍蝦，因為嗰伊麵索晒啲芝士，小朋友都食咗兩碗，最尾我哋仲加多左個伊麵底，等個小朋友可以食得盡興啲。個桶蠔都唔錯，隻隻都好大隻，啲薑蔥吸收晒啲味，就算煮完之後啲桶蠔都唔會縮晒水，同埋唔會好腥，食得出個質素都幾高。因為屋企人鍾意食羊，所以專登叫多左個羊腩煲，個羊腩煲嘅羊腩幾鮮嫩，配上枝竹，冬菇同馬蹄，炆到好稔好入味，羊肉冇乜羶味，肥瘦都好適中，湯汁好濃郁，幾惹味。而個蒜蓉蒸蟶子幾新鮮，係下面個魚缸撈上黎，蒜蓉同粉絲蒸到啱啱好熟，蟶子肉又彈牙又鮮甜，蒜蓉個味滲曬入蟶子入面 ，而蟶子嘅鮮味比粉絲充份吸收，幾唔錯黃金鮮魷用左鹹蛋黃同鮮魷炒出黎，鹹蛋黃的鹹香和鮮魷嘅甜都幾襯，一口接一口

呢間中菜館由有20年粵菜經驗嘅師傅同佢個女開嘅👨🏻‍🍳👩🏻‍🍳，小炒同兩餸飯都好出色🔥，今次試佢地嘅盆菜 ，超正！盆菜只需用電磁爐及 Gas 爐加熱就食得啦，超方便，而且盆菜嘅醬汁香濃，用咗瑤柱同豬骨湯熬成，撈飯都一流😳👍🏻-1️⃣ 「豪住食盆菜 🍲🦞」堪稱為鎮店之寶，超級豪華足料‼️😍 呢間配料多到有19款！-🔸最頂有日本頂級瑤柱、一級花膠筒、新鮮南非鮑魚、新鮮大蝦丶鮑汁鵝掌、鮑汁厚花菇、蜜餞台山蠔 🦪同髮菜，樣樣食材都蚊得入味好淋！-🔸之後有白切雞、燒鵝件、豬皮、豬手、貢丸同魷魚🦑，蛋白質爆滿！-🔸最底層喺炸芋頭、枝竹、蘿蔔、蓮藕，蔬菜吸晒啲汁都好好味！而圍圈嘅西蘭花🥦好靚，喺呢盆盆菜嘅點綴！-⚠️留意：凡訂購「團圓聚餐子寶（盆菜和羊腩煲）」即享95折優惠→ 銷售期：即日起至 2023年 01月18 日（18:00截單）→換領期：即日起至2023年 01月 24日 （年初三）→ 全港免費送貨(送貨時間：下午2點至7點)港島/屯門/元朗/天水圍男加 $50東涌/離島/淺水灣/深水灣男加 $100→外賣自取，每盆減$50-💰：＄988（4-6位用）$1188（6-8位用）＄1388（8-10位

前排同朋友去九龍城果邊行街，見到呢間幾地道嘅中菜，仲有抵食大份龍蝦伊面！❣️呢到有上下層都幾多位。地道中菜選擇多，海鮮、炒菜等都有❣️價錢合理之餘，份量十足，性價比幾高🦞三重芝士西澳龍蝦伊面$480 - 鋪滿超級濃厚三重芝士好吸引，難得嘅係伊麵彈口，用上原隻龍蝦，上面勁多彈口龍蝦肉，味道鮮甜，正！🦪薑蔥桶蠔$208- 熱辣辣出曬煙咁上，粒粒桶蠔都幾大粒同幾多，外層好脆香惹味，肥美新鮮。另外仲有粒粒惹味軟淋蒜頭，更滋味🐟順德焗魚腸$88- 呢款真係勁懷舊，外層焗到漲卜卜脆皮，入面層層蛋拌上魚腸，香口滋味✨人生之路（咕嚕肉？涼瓜？）- 真係幾特別嘅一道菜，見到會懷疑係咕嚕肉，但其實係涼瓜！- 咕嚕皮內係涼瓜，味道酸酸的幾特別。真係特別又難忘嘅一餐，有機會再來過！

九龍城有一間非常有名的小炒中菜館「豪門」，菜式有特色而且夠穫氣，經常都座無虛席。今次專誠來品嚐他們的芝士龍蝦伊麵 $480，使用的不是波龍，而是肉味更濃，肉質夠爽彈的西澳龍蝦🦞，這個價錢已足夠2人份量，非常抵食！上菜時是大大的一碟，份量非常多，龍蝦和伊麵鋪滿了濃稠的芝士醬汁。西澳龍蝦🦞肉質彈牙爽口，富有龍蝦肉的味道，三重芝士醬汁加上了忌廉，味道不會太咸，撈勻到伊麵，美味程度爆燈！這個龍蝦伊麵，絕對值得一試👍🏻此外這家中菜館的小炒也不錯，主打海鮮食材，每樣海鮮都非常新鮮。點了幾味人氣小炒，如豉椒炒蜆、椒鹽魷魚、魚香茄子煲、蒜蓉海鮮蒸蝦，都相當有質素。三五知己或者親友來聚餐是非常合適。

怕食大閘蟹要拆殼麻煩，最好就係食蟹粉菜式。今晚就同屋企人去左呢間位於宋王臺地鐵站轉個彎就到嘅豪門小菜火鍋店食晚飯。未到食飯時間，餐廳已經座無虛席，非常受街坊歡迎，要食記得預早訂定位啦! 除了大排檔小炒、傳統中菜外，最近佢地仲新出左蟹粉菜式，當然要試試啦!蟹皇小籠包 $138小籠包熱辣辣上枱，一咬開鮮甜既肉汁就爆晒出黎! 外皮夠晒薄，肉餡多、蟹黃好香，記得要趁熱食!滿滿蟹粉拌面 $188超級足料! 拌麵表面鋪滿金黃色的蟹肉蟹膏醬汁，真係滿到瀉! 拌面質地偏軟腍好掛汁，每一口都是濃郁的甘香蟹味，滋味十足！秘制雲吞雞煲翅 $388超足料！雞湯味道濃郁，雞件份十足，肉質好嫩滑！配菜有鮮蝦雲吞、素翅、娃娃菜，相當豐富。大大煲最啱同屋企人嘅朋友一齊share，食完成個人暖笠笠。蒜蓉粉絲蒸蟶子 ($180/四隻)蟶子肉好厚、肉質鮮嫩彈牙；配上豉油、滾油、蒜蓉、仲有索晒精華的粉絲，好惹味！

✅豪門小菜火鍋一講九龍城就一定諗到泰國菜但其實都有好多隱世嘅小菜火鍋店😏今次就去咗呢間小菜火鍋試試最近仲有唔同大閘蟹crossover嘅菜式添😍🔆蒜蓉粉絲蒸蟶子 $45/隻 (4隻起)每一隻都好大隻 滿佈蒜蓉同粉絲蟶子好鮮甜 食得出好新鮮👍🏻鐘意食海鮮嘅朋友一定要嚟試下啦😍呢到除咗蟶子外 仲有鮑魚 薑汁蠔煲等~🔆蟹粉小籠包 $138小籠包就食得多 反而好少食蟹粉小籠包~新鮮即叫即蒸 熱辣辣🔥皮薄得嚟又可以包到個餡 個餡充滿肉汁入面仲有少少蟹膏添~ 鮮味十足啊面頭都有蟹膏點綴一下😏😎🔆蟹粉撈擔擔麵 $188另外點咗一個店主推介嘅蟹粉撈擔擔麵🤣🤣擔擔麵用咗幼身嘅拉麵 面頭有大量！真係超大量嘅蟹粉！ 有蟹膏蟹肉 仲有特別嘅大閘蟹膏添😍睇落好似好難撈起 但其實個蟹粉都幾流質 加埋擔擔麵食又幾夾喎😀👍🏻🔆雲吞雞煲翅 $388呢個就真係要壓軸推介！ 天氣凍冰冰最啱煲物鍋物🍲基乎每一枱都有叫到呢個菜！一鍋雞煲翅可以夠4個人食~雞湯一望已經好香濃 飲落好香金華火腿嘅咸香味每一啖都好重雞味😍 雞件大大件又唔鞋 仲有啖啖肉嘅雞髀添🩷除咗雞件外 仲有雲呑同娃娃菜！雲呑配呢個湯好正 豬肉餡料都好食！唔好睇