Ho Yin Banquet

食物味道有些參差，份量還可以，價錢以銅鑼灣區黎講尚算中等，但服務態度完全不知所謂，本來體驗OK叫左成枱野食，直到黎左碟咸水角就完全改觀。碟野睇上去唔覺有問題，但食上去完成淋既散既，仲要一口一啖油，都算，之後同佢女待應講，佢話「下，油炸係噤既喎，我換過碟都係噤樣架咋」之後就行開左再補句「我等下問下再處理啦」過左5分鐘佢照企喺大廳好似若無其事噤，我地望住佢佢先去搵個另一個老既帶眼鏡既企堂咬耳仔，之後傾完都係完全無黎跟進。最後我地主動叫個老既企堂過黎問呢碟野點處理，原來佢已經係知道我地投訴，之後佢就笑騎騎講番一樣既對白「下，油炸係噤既喎，我換過都係噤樣架咋」，呢一刻我係覺得呢個公司既培訓係唔錯既，大家既答案竟然係一模一樣，不過薑係老既辣既，佢仲補多句「咸水角係噤架喎」，黎呢間茶樓真係完全刷新我既認知，原來我食左幾廿年既咸水角係呢間茶樓先係正宗，查實我想講我係要油炸，唔係油浸囉，同埋噤既服務態度，查實你地知唔知自己係做緊服務業既呢…Read More

上次嚟皇室堡飲茶，見到樓上仲有其他未試過嘅酒樓，今日又嚟試吓，店員安排右邊行到尾入坐叫咗茶又睇吓食咩先，見到張點心紙覺得有啲熟口熟面咁🤔煎芋頭糕～好香好綿嘅芋頭粒仲有蝦米，不過殼比較多粗糧五谷糕～囗感煙煙韌韌有四層有紅豆、眉豆，唔錯潮州蒸粉粿～好大粒，入面有好多沙葛同菜脯好爽口薑汁雞包仔～皮薄餡多，不過冇乜薑汁味蝦餃～蝦肉都爽口直至食飽等𨋢，睇到張海報先知原來同合和中心國穗軒同一集團，唔怪之得張點心紙咁似曾相識啦，呢度仲方便啲下次再嚟試煎茄子，煎得好靚…Read More

今晚喺銅鑼灣豪宴薈同屋企人食生日飯 試咗幾道招牌菜同晚式特價開心孖寶，每樣都各具特色，水準不俗： **1. 吊燒雞** 皮脆肉嫩，咬落去「咔嚓」一聲，雞肉依然保持juicy，醃得入味但唔會過鹹。最驚喜係雞胸部位都唔會「鞋口」，火候控制得恰到好處。 **2. 上湯焗西澳龍蝦（配烏冬底）** 龍蝦肉質爽彈鮮甜，上湯汁濃郁得來唔會太鹹，精華完全滲入烏冬度。烏冬吸滿龍蝦鮮味，口感滑溜，簡直比龍蝦本身更搶鏡！ **3. 竹笙鼎湖上素** 清新怡人，竹笙吸盡上湯鮮味，配上各種時令菌菇同蔬菜，口感豐富。食完濃味菜式後，呢道菜正好平衡返味蕾。 **4. 生果咕嚕蝦球** 蝦球大隻彈牙，外層炸得酥脆，裹上酸甜適中嘅咕嚕汁。加入新鮮菠蘿增加清新感，比傳統做法更開胃，食多幾件都唔覺膩。 **整體評價**： 食材新鮮，烹調手法傳統中見心思，調味恰到好處。特別係海鮮同燒味類菜式，盡顯師傅功架。環境舒適，服務周到，冷氣又唔會太凍，連平時怕凍既我都坐得舒服，仲有糖水送，大家都話係一間值得再訪嘅中菜廳。…Read More

想不到復活節假期都訂到這裡的晚飯時間，可能真是很多人北上了。😅第一次來這裡食飯，門口裝飾很多花，明顯是婚宴場地，大廳有海景位，但樓底矮，也較擠迫，出入要逼來逼去。😅餐牌選擇很多，也有套餐，但我覺得沒有青菜，所以都是散叫，選了特價菜半隻脆皮燒雞＄68，正價菜北菇紅燒豆腐＄98，試下最普通的菜式就知水平。北菇紅燒豆腐，份量足，夠熱，厚北菇片，有幾條翠綠菜心，味道不錯，但芡汁太厚，扣分了。脆皮燒雞🐔很快送到，配一碟南乳汁，皮脆肉淋，味道還可以，這個價錢不敢太要求。服務方面都不錯，我嫌大風要換台，店員馬上幫忙，有求必應，讚👍。食完飯還有西米紅豆沙送，做足功夫，埋單＄238，在銅鑼灣區算是經濟實惠。👌…Read More

一行五人到這裡晚飯，座位比較窄有點背對背，幸好附近食客都斯文，不太嘈吵。廣東片皮鴨二食$278，鴨肉厚切大片，配料醬汁好多，二食叫左醬爆西芹炒鴨絲，好惹味。雲吞雞半隻$98，雲吞有6 粒，個濃湯都吾錯。沙爹肥牛粉絲煲，有啲芽菜而且份量都多，不過食到煲底略為多油。濃湯鮮竹菠菜苗，清清地，冇乜特別。送糖水，紅或綠豆沙，紅豆沙比較出色。埋單$745/5位，可以。題外話，收銀姐姐和侍應都相當有禮貌，用餐體驗良好。…Read More