豐記雞蛋仔美食

Open Now

Now Closed

行過聞到有好香好香雞蛋仔味，見到有特別口味雞蛋仔，例如有香芋，朱古力，芝麻，所以買黎試下✨買咗我最鍾意既香芋味，賣相超好，入面深紫色，而且聞落去都有好香嘅香芋味，好似味道好濃咁，搞到我好期待點知食落原來同普通雞蛋的一樣味😂以為只係染左紫色嘅原味雞蛋仔，要食得好仔細好仔細先有小小香芋味😂。不過$20就有特別口味雞蛋仔都算ok！雖然味道唔夠濃，但係咬落質感唔錯，係外脆內軟，幾實心，而且大大份突哂出黎，可以填飽個肚😂

作為一間位於旅遊區嘅小食鋪頭，亦是曾經瘋魔一時嘅雞蛋仔鋪頭， 應該保持一定嘅食物質素。 好可惜佢做唔到， 格仔餅一早做好，有人嗌就放入機整熱小小， 好無heart，塊餅好似漿糊咁。 10分失望😞仲要收$20，保證以後都唔會再幫襯!

今次一個人行開尖東，經過一間人氣的雞蛋仔店：豐記⋯⋯見到有我喜愛的香芋味，就忍唔住叫左一底試試。等左5分鐘到，剛剛整好的熱辣辣雞蛋仔就準備好。呢份紫色的雞蛋仔外表口感脆口，內裏又夠軟熟。雖然唔算係空心，口感還好。不過香芋味就唔算太濃。但$20又唔係算貴，試下又無仿的。

去尖沙咀行街，未到呢間鋪位已經聞到陣陣雞蛋仔味，男朋友話前面有間馳名雞蛋仔，好出名聽聞好好食好中意食既我更點會執輸，年7拿聲去買1底試食，呢到有原味亦有其他口味，但因為我只會食原味所以冇記住其他係咩味佢呢度唔係即叫即整，但可能因為人流關係，啲雞蛋仔都去得好快，所以就算唔係即整拎上手都你熱辣辣既未食雞蛋仔已經聞到好香既蛋味 ，外表係脆身既，但亦都偏硬，入口入面唔算太軟熟，但可以接受，味道本身比較淡 ，冇聞既甘濃，有少少失望。以一黎7既雞蛋仔黎講係中上，但可以再進一步

推薦指數：8/10當我有次為醫肚求其見到依間就買左 香芋雞蛋仔💜$18 試過番尋味，之後一去尖沙咀都會走去買黎食😋 係實心的雞蛋仔，又大份又整得靚☺️仲真係食到香芋味！😋💜

今日見無咩人咪試下格仔餅，$20😨，唸住都ok , 點知一食落口，淋既，以為自己食緊面包，食食下好似食佐浸佐水既面包，我相信佢係放佐好耐。大佬呀，無人排隊都唔駛比d咁既野我食，最後我扔佐🤦‍♂️我未試過食咁難食仲要係貴

外脆內軟既雞蛋仔係我要既口感，呢間雞蛋味濃，似返細個食開既味道。我唔太鍾意食加左鴨蛋既雞蛋仔。店員細心問我要脆D定軟D, 吹過風扇既係脆D,即整個D係軟D.l。今次放有好野食，重要唔使排隊。

今日突然好想食夾餅，原本諗應該都係好似呢間既雞蛋仔咁外脆外軟....點知叫完個個餅，唔係用平時D鐵爐整既，阿姐走去鋪入面拎D好似一早整定既餅黎搽，軟淋淋咁，阿姐秒速搽左醬，轉雞蛋仔都唔得，好失望超唔鍾意食軟身既...都唔知點燒滅佢....我同阿姐講，吓，唔脆嘅...阿姐解釋個餅煙煙韌韌，咁先好食！我都係想食脆口野，最後都買多左底雞蛋仔返屋企食。點知，一咬落口，woo...個夾餅真係好好好好食！如同阿姐所講，煙煙韌韌，口感一流！而且都夠熱。本身我見到好多醬怕肥打算食一半算，點知停唔到口，好快就食哂！雖然好鍾意食脆野，不過下次我應該會食返夾餅，推薦！

放工等時間又周圍行下，見到有唔少人攞住個雞蛋仔食，心諗邊度既雞蛋仔咁多人食之際就俾我見到呢間可疑既豐記！果然個紙袋就係我見到的，$18一底不限味道（原味 香芋 朱古力等都一樣價），即刻試個香芋味先～本身以為會即整，點知原來已經整好左，本身有d失望，但其實都係熱辣辣的。雞蛋仔每粒都好飽滿，外層少脆，內裡軟綿，雖然無乜香芋味（可能原味都一樣），但幾香蛋味都好滿足！唯一美中不足的是 蛋與蛋之間太「足料」，所以唔容易逐粒摵開。$18一底雖唔便宜，但覺得好味過北X雞蛋仔了

基本上經過經過十次都會有六次買佢地個雞蛋仔食，由樓梯子底食到而家有舖位，外脆內軟係基本貨式。好可惜，今日下午兩點經過，又叫左底原味啦，（經本上我只會食原味既啫），原味最重要係個醬好唔好食，靚唔靚。拎上手，暖既，都ok呀，但一食入口。。第一粒，成粒都脆，外脆到入心，以為邊嗰啲係咁啫。再食。。。真係有啲問題，完全唔係食開既雞蛋仔，唔知佢加多左或者減少左啲咩，但外面係硬嗰隻脆，實既，餅乾咁。而入面。。唔洗講，真係失望到頂點，以前好full又好軟熟，今次係over cook咁，但佢唔係燶既，而家啲醬用料唔靚，變左係十蚊底嗰啲貨式，但佢呢個收18蚊嫁ma，希望只係一時失手啦，否則又要搵過間好食既雞蛋仔都唔係易事。

尖沙咀雞蛋仔    朱古力味    香脆又好味香港係街頭美食天堂老實講我平時最鍾意食嘅都係煎釀三寶、燒賣牛肉球、玩仔翅、同埋今日想特別介紹嘅雞蛋仔講你都唔信其實我為咗呢個雞蛋仔我特登由荃灣搭的士出嚟食唔係話荃灣冇雞蛋仔而係呢個雞蛋仔我覺得真係好有風味雖然佢個朱古力味唔係好朱古力味但係佢嘅顏色、同埋佢外表香脆嘅印象深深咁吸引到我今次真係食呢個雞蛋仔雖然唔使排隊但係我依然覺得呢個老闆充滿熱誠其實都有雞蛋仔食得太好味所以我都係食咗一半先記得影相

做完facial行過肚餓，見到呢間有我中意食既雞蛋仔，買左個香芋試下。拎上手唔算熱，應該擺左一陣，食落去有d都幾脆，有d就淋既。唔算好食但都唔差，香芋味有既，但唔算濃，個人中意甜d既，呢個整體上都ok😽

係尖沙咀行街行都有啲好攰😖，見到好多遊客圍住小店買小食，雞蛋仔好香，就買來試下！ 有幾種味道，我今日就買左香芋味，聞落去就好香，但⋯⋯係食唔到香芋味！！！ 😒😒不過口感係ok 嘅，外脆內軟😋😋😋！！！ 不過老老實實，$18真係有d唔低食，除非好肚餓啦！ 如果唔係下次 唔同遊客逼啦😅😅😅 可能遊客，生意好，店員態度都一般般啦！！！問多句嫌囉唆😑😑😑😑今時今日咁嘅服務態度係未夠嘅！！！！！

這家位於尖沙嘴龍城大藥房斜對面的雞蛋仔上網查了一下有許多人推薦想說也前往試試看，招牌很大很好找。雞蛋仔總共有四種口味-原味、香芋、朱古力、芝麻，均一價17蚊當天前往已經做好所以即叫即取沒有等候，老闆的態度很差一臉的不耐煩(明明就沒甚麼客人不知道在不爽甚麼)，袋子上有印他們家的LOGO點了朱古力味的，外皮軟軟的不酥脆，朱古力味道極淡，內層也不Q，整底吃起來和台灣的雞蛋糕無異，個人非常不喜歡! 和旺角一些15蚊兩底的雞蛋仔吃起來無異，還賣17蚊有種被騙錢的感覺

晚上覺得有點餓，路經這裡，所以買了一個原味雞蛋仔，拿上手是凍的，於是我跟老闆說：因為天氣凍了可不可以換一個熱的雞蛋仔給我，他非常不滿的樣子幫我弄一個熱的，弄好了後，我問他為何不用風機吹一下口感會脆一點，老闆說: 要熱的就沒有脆，用風機吹就會凍，你剛剛說不是要熱的嗎，所以不會用風機吹的。我聽到他的解說我真的呆了，這樣的服務竟然可以活到今天真的佩服了。PS . 味道方面相比其他的只是好一點點，沒有專業可言。