觀塘雀會 (Closed)

三個人食兩個客飯，一個炒飯。個炒飯夠晒鑊氣，粒粒飯都熱辣辣，濕得呢又唔會黐埋一嚿，好評 👍🏼 條魚同埋個雙腩煲都好味，但嗰兩個菜都係蠔油汁，味道一個樣⋯ 係我自己點菜組合錯誤啫～ 😄

平時游完乾水，都唔會點期待餐廳包嘅飯餸有幾好食，今次出乎意料之外，好靚仔d餸 除咗原本嗰三隻鐵腳，呢間麻雀餐廳都成為其中一隻腳必到之處🕞輪後時間🕤預先book 好台，睇畢片準時間開鐘🥢推介食品🥢1️⃣ 最平果個餐包4個自選小茶，唔計時菜，次次都會叫魚香茄子煲同麻婆豆腐，好有鑊氣，個餐重包例湯，超足料味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳衛生情況還好🧑🏻‍🍳侍應服務🧑🏻‍🍳：服務員態度有善🔆總結一下🔆：整體來講鵲局菜，平均一日$180左右，打足五個鐘，好食又有得玩

🍙等待時間：星期五夜晚6:00到步，有位唔駛等，總共八個人。🍔室內環境：環境來講就一般般啦，好似平時嘅麻雀會咁，唔會有特別嘅裝修，可以接受。🍰服務質素：阿姐尚算勤快，服務態度良好有善。🔺用餐簡評：依家呢間係我多數會去打麻雀食飯嘅地方，因為試過幾間來講，呢一間餐廳嘅食物呢算係高質我哋叫咗套餐呢，每道餸嘅味道其實都係唔差嘅，好似嗰個蒸滑蛋咁樣，蛋滑亦都有香濃蛋味，重要嘅係其實，如果你用套餐去買啦，價錢來講相對性價比係高嘅，最緊要你係食得之餘，亦都覺得味道唔差。🔹總括來講：如果大家除咗希望打牌開開心心同事都可以食得飽同滿意，推介大家去。

星期五約埋朋友仔放工開枱，見到姐姐推介小菜套餐，好啦好啦，try try啦....3餸1例湯，涼瓜倉魚，魚香茄子，小炒皇....魚香茄子有少少似出面大排檔嘅風味，送飯幾好嘅...另外果2款就....普普通通，食飽就ok啦

天有不測風雲，幾十年一遇，10月仲掛8號波，天賜一日假期，最開心不外乎打番幾圈。觀塘舊區包羅萬有，娛樂不假外求。呢間雀會地點相當隱蔽，如果唔係地膽都唔容易搵到呢間老字號。店內設有用餐區，方便雀友食完先開局，亦會做街客生意。厨房除咗小菜，仲有碟頭飯，亦有標準茶記水吧提供即食麵同三文治多士，飲品都同茶餐廳差唔多，同時有啤酒供應。為求方便，今晚試咗碟芙蓉蛋飯同菜芛雞柳飯。菜芛雞柳飯無論賣相，用料都極之求其，兩樣料都好似無關係咁，而且汁都無味，失手之作。芙蓉蛋飯芙蓉蛋用料足，有火腿蝦仁韮黃芽菜，蛋炒得兩面焦香，微甜，外脆內嫩，配小碟甜豉油，比起酒樓出品亦豪不遜色！如果可以用番半肥瘦叉燒同葱花，就更加完美。驚喜往往係結果比預期好，喺無預期會有好嘢食嘅雀會，食到炒功一流嘅碟頭飯，或者，會係我未來多啲嚟開枱嘅藉口。